မွန်ပြည်နယ် ကျိုက်ထိုမြို့နယ်အတွင်း ရောင်းချနေသော သစ်သီးဆိုင်များ။ (ဓာတ်ပုံ-စိုင်းဇော်)
ကျိုက်ထိုနှင့် ဟဲဟိုးမြို့နယ်များတွင် ကျွဲကော၊ အာလူး၊ ထောပတ်သီးနှင့် ပန်းစိုက်ပျိုးသည့် အထူးစိုက်ပျိုးရေးဇုန်များ ပြုလုပ်ရန်စီစဉ်နေကြောင်း မြန်မာနိုင်ငံ သစ်သီးဝလံပန်းမန်နှင့် ဟင်းသီးဟင်းရွက် စိုက်ပျိုးထုတ်လုပ်တင်ပို့ရောင်းချသူများအသင်း (MFVP)မှ သတင်းရရှိသည်။
စက်တင်ဘာ ၂၉ ရက်က စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးကျော်ဝင်းနှင့် MFVP ဥက္ကဋ္ဌ၊ အတွင်းရေးမှူးများနှင့်တွေ့ဆုံစဉ် ၀န်ကြီးက သီးနှံများ ပိုမိုစိုက်ပျိုးရေးထုတ်လုပ်လာနိုင်ရန် သီးနှံအလိုက် အများဆုံးထွက်ရှိသည့် ဒေသများ၌ ထပ်တိုးစိုက်ပျိုးပြီး သီးနှံဇုန်များပြုလုပ်ရန်တိုက်တွန်းကြောင်း MFVP ဥက္ကဋ္ဌ ဦးစိုးသန်းမင်းဒင်က ပြောကြားသည်။
ယင်းစိုက်ပျိုးရေးဇုန်များ ပြုလုပ်ရန် မြေနေရာလိုအပ်ပါက အကူအညီပေးမည်ဟု ၀န်ကြီးကပြောကြား၍ မွန်ပြည်နယ် ကျိုက်ထိုမြို့နယ်နှင့် ရှမ်းပြည်နယ် ဟဲဟိုးမြို့နယ်တို့မှ အစိုးရပိုင်မြေနေရာများတွင် ဇုန်ပြုလုပ်ရန် တင်ပြခဲ့သည်ဟုဆိုသည်။
‘‘လောလောဆယ် နှစ်ခုတော့ တင်ပြထားတယ်။ ကျိုက်ထိုဘက်မှာရှိတဲ့ မြေကို ကျွဲကောဇုန်လုပ်ပြီး အဲဒီမှာ စနစ်တကျစိုက်ပြီး နိုင်ငံခြားကိုတင်ပို့မယ်။ ဟဲဟိုးမှာလည်း မြေဧကသုံးရာလောက်ရှိတာကို ဇုန်လုပ်ဖို့ တင်ပြခဲ့တယ်။ အဲဒီနေရာကျရင် အာလူးစမ်းသပ်ကွင်းလုပ်မယ်။ ထောပတ်သီးမျိုးထိန်းသိမ်းပြီး ပြန့်ပွားပေးတဲ့နေရာလုပ်မယ်။ နောက်ပြီး ပန်းစိုက်ပျိုးမယ်’’ဟု ဦးစိုးသန်းမင်းဒင်က ပြောသည်။
လက်ရှိစိုက်ပျိုးနေသည့် သီးနှံများသည် ပြည်တွင်းဈေးကွက်အတွက်သာ ဖြစ်နေသေး၍ ယခုကဲ့သို့ သီးနှံစိုက်ပျိုးရေးဇုန်များပြုလုပ်ပြီး အရည်အသွေးမီ စိုက်ပျိုးနိုင်ပါက နိုင်ငံခြားသို့ တင်ပို့နိုင်မည့် အခြေအနေရှိကြောင်း ပြောသည်။
ပန်းကို လက်ရှိတွင် တရုတ်နိုင်ငံမှ ၀င်ရောက်နေမှုကြောင့် သွင်းကုန်အစားထိုးစိုက်ပျိုးရန် စီစဉ်ခြင်းဖြစ်သည်ဟု ဆိုသည်။
လက်ရှိတွင် အာလူးနှင့် ပန်းမျိုးများကို နယ်သာလန်နိုင်ငံမှ တင်သွင်းစိုက်ပျိုးနေပြီး ထောပတ်သီးမျိုးကို အမေရိကန်နိုင်ငံမှ တင်သွင်းကြောင်း ဦးစိုးသန်းမင်းဒင်ကပြောသည်။
အဆိုပါဇုန်များ အကောင်အထည်ဖော်ပါက သီးနှံမျိုးများ စနစ်တကျ သုတေသနပြုထုတ်လုပ်ပြီး မျိုးထိန်းသိမ်းခြင်းနှင့် ဖြန့်ဖြူးခြင်းများ ဆောင်ရွက်မည်ဖြစ်ကြောင်း သိရသည်
No comments:
Post a Comment