မကွေးတိုင်း ဒေသကြီး နတ်မောက်မြို့နယ်၊ တက်ဝန်း(မြောက်)ရွာ ၌ အောက်တိုဘာ(၈)ရက်နေ့က ဓါးခုတ်မှုဖြစ်ပွားခဲ့ကြောင်း သိရသည်။
ဖြစ်စဉ်မှာ ဦးကျန်မြင့်၊ အသက်(၆၃)နှစ်၊ တက်ဝန်း(မြောက်)ရွာ၊ နတ်မောက်မြို့နယ် နေသည် အောက်တိုဘာ(၈)ရက်နေ့ နံနက်(၁)နာရီအချိန်က နေအိမ်တွင်အိပ်ပျော်နေစဉ် တစ်ရွာတည်းနေ ဦးနီပွန် ရောက်လာပြီး အိမ်နီးချင်းနေထိုင်သော ကျော်စိုးအောင်၊ အသက်(၃၈)နှစ်သည် ဘာဖြစ်မှန်း မသိဘူး အိမ်လာခဲ့ကြပါအုံး ဟုပြောဆိုသဖြင့် ဦးကျန်မြင့်သည် ဦးနီပွန်နှင့်အတူ သားဖြစ်သူ ကျော်စိုးအောင် နေအိမ်သို့ လိုက်သွားရာ ကျော်စိုးအောင်အား ဓါးဒဏ်ရာများနျှင့်တွေ့ ရှိရပါသည်။
ကျော်စိုးအောင်မှာ နေအိမ်အပေါ်ထပ် အလယ်ခန်းတွင် လည်းပင်းဇလုတ်အနီး (၃)လက်မခန့်ပြတ်ရှ ဒဏ်ရာ(၁)ချက်၊ ယာလက်ခုံ/လက်ကောက်ဝတ်(၂)လက်မခန့်ပြတ်ရှဒဏ်ရာ(စိုးရိမ်ရ) ရရှိထားသည်ကို တွေ့ရှိရခြင်းဖြစ်သည်။
ဇနီးဖြစ်သူ မနှင်း၊ အသက်(၃၅)နှစ်မှ ကျော်စိုးအောင်သည် သေဆုံးသွားသော ယခင်အိမ်ထောင်နှင့်ရသည့် သား(၃)ယောက်ကိုသာဂရုစိုက်ပြီး ၎င်းကိုယ်ဝန်မပေါ့မပါးအား ပစ်ထားသည့်အထင်ဖြင့် စိတ်ဆိုးကာ ကျော်စိုးအောင် အိပ်နေစဉ် အရိုး(၁၀)လက်မခန့်၊ အသွား(၁)ပေခွဲခန့်၊ဗျက်(၂)လက်မခန့်ရှိ ဓါးမနှင့်ခုတ်၍ ဒဏ်ရာရရှိခဲ့ခြင်းဖြစ်ကြောင်း တရားလို၏ တိုင်ကြားချက်အရသိရသည်။
ဖြစ်စဉ်နှင့်ပက်သက်၍ ဓါးနှင့်ခုတ်သူ မနှင်းအား အရေးယူပေးရန် ဦးကျန်မြင့် မှ တရားလိုပြုတိုင်ကြား ခဲ့သောကြောင့် နတ်မောက်မြို့နယ်၊ မြို့မရဲစခန်းမှ (ပ)၁၃၇၈/၂၀၁၆၊ ရာဇသတ်ကြီးပုဒ်မ ၃၂၆ ဖြင့်ကနဦး အမှုဖွင့် ထားကြောင်း သိရသည်။
မြေလတ်ဘခက်
ဟင်္သာသတင်းအေဂျင်စီ
No comments:
Post a Comment