မြန်မာနိုင်ငံအပေါ် အမေရိကန်ရဲ့ စီးပွားရေးဒဏ်ခတ်ပိတ်ဆို့မှု အားလုံးကို ပယ်ဖျက်ပေးဖို့ အောက်တိုဘာလ ၇ ရက်နေ့က အမေရိကန်သမ္မတ အိုဘားမားက ကြေညာချက်ထုတ်ပြန်လိုက်ပါတယ်။
အမေရိကန် ကွန်ကရက် လွှတ်တော်ကို ပေးပို့တဲ့ စာထဲမှာ အရင်က ပစ်မှတ်ထားအရေးယူခဲ့တဲ့ စစ်တပ်ခေါင်းဆောင်တွေ၊ စစ်အစိုးရနဲ့ စပ်ဆက်တဲ့ ကုမ္ပဏီတွေ ၊စီးပွားရေး လုပ်ငန်းရှင်တွေကိုလည်း ပိတ်ဆို့အရေးယူမှုကနေ ဖယ်ရှားပေးလိုက်တာပါ။
အရင် စစ်အစိုးရ လက်ထက်က မူဝါဒတွေဟာ အမေရိကန်လုံခြုံရေးကို ခြိမ်းခြောက်နေတယ်ဆိုတဲ့ ယူဆချက်နဲ့ အရေးပေါ်ကြေညာချက်ထုတ်ပြန်ပြီး စီးပွားရေးဒဏ်ခတ်ပိတ်ဆို့မှုကိုလုပ်ဆောင်ခဲ့တာဖြစ်ပါတယ်။
နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ သမ္မတ အိုဘားမားတို့ ပြီးခဲ့တဲ့လက ၀ါရှင်တန်မှာ တွေ့ဆုံစဉ် စီးပွားရေး ဒဏ်ခတ်ပိတ်ဆို့မှုအားလုံးကို ရုပ်သိမ်းပေးဖို့ ဒေါ်အောင်ဆန်းစုကြည်က ပြောကြားခဲ့တာပါ။
အမေရိကန်အနေနဲ့လည်း မြန်မာနိုင်ငံအပေါ် ချမှတ်ထားတဲ့ ဒဏ်ခတ်ပိတ်ဆို့မှုအားလုံးကို ရုပ်သိမ်းပေးဖို့ ပြင်ဆင်နေတယ်လို့ အိုဘားမားက ပြန်လည် ပြောကြားခဲ့ပါတယ်။
No comments:
Post a Comment