မြစ်ကြီးနား၊ အောက်တိုဘာ ၈
ထိုးစစ် ရပ်တန့်ရေးနှင့် တိုက်ပွဲများ ရပ်တန့်ရေးအတွက် မြစ်ကြီးနားမြို့တွင်း၌ ဆန္ဒ ထုတ်ဖော်မှုတွင် ခွင့်ပြုချက် မရသည့် ဆိုင်းဘုတ်များ ကိုင်ဆောင်သဖြင့် အဆိုပါ ဆန္ဒထုတ်ဖော်ရာတွင် ဦးဆောင် ပါဝင်သူကို အရေး ယူသွားမည်ဖြစ်ကြောင်း မြစ်ကြီးနားမြို့နယ် ရဲစခန်းထံမှ သိရသည်။
ကချင်ပြည်နယ် မြစ်ကြီးနားမြို့၌ အောက်တိုဘာ ၆ ရက်က ထိုးစစ်နှင့် တိုက်ပွဲများ ရပ်တန့်ရေး စီတန်းလှည့်လည် ဆန္ဒ ထုတ်ဖော်ခဲ့ရာတွင် ခွင့်ပြုချက် ပေးမထားသည့် ဆိုင်းဘုတ်များ ကိုင်ဆောင်ခြင်း၊ ကြွေးကြော်ခြင်းများကြောင့် အမှုဖွင့် တိုင်တန်းခြင်းဖြစ်ကြောင်း မြစ်ကြီးနားမြို့နယ် ရဲမှူးမြင့်သိန်းက ပြောကြားသည်။
“ခွင့်ပြုချက် မပေးထားတဲ့ ဆိုင်းဘုတ်တွေ ကိုင်လို့ အမှု ဖွင့်ထားတယ်။ ဥပဒေအတိုင်းပဲ လုပ်ဆောင်သွားမယ်”ဟု ၎င်းက ပြောသည်။
ဆန္ဒထုတ်ဖော်ရန် လျှောက်ထားရာတွင် တပ်မတော် ထိုးစစ်ရပ်ပေးပါ၊ နိုင်ငံရေးကို နိုင်ငံရေး နည်းလမ်းဖြင့် ဖြေရှင်းပေးပါ၊ စစ်ရှောင် ဒုက္ခသည်များအား ကူညီပေးပါစသည့် ကြွေးကြော်သံများနှင့် ဆိုင်းဘုတ်များ ကိုင်မည်ဟု လျှောက်ထားခဲ့သော်လည်း အမှန်တကယ် ဆန္ဒ ထုတ်ဖော်ရာတွင် ခွင့်ပြုချက် လျှောက်ထားစဉ်က မပါဝင်ခဲ့သည့် တပ်မတော်မှ ကချင် အမျိုးသမီးများအား ရည်ရွယ်ချက်ရှိရှိ အဓမ္မကျင့် သတ်ဖြတ်မှု အလိုမရှိ၊ ကချင်ပြည်နယ်တွင် ဖက်ဒရယ်စနစ်ဖြင့် ကိုယ်တိုင်ပြဋ္ဌာန်းခွင့် ရရှိရေး စသည့် ကြွေးကြော်သံများနှင့် ဆိုင်းဘုတ်များ ကိုင်ဆောင်ခဲ့ကြောင်း မြစ်ကြီးနားမြို့နယ် ရဲစခန်းထံမှ သိရသည်။
ထိုသို့ပြုမူခဲ့မှုနှင့် ပတ်သက်၍ ဆန္ဒ ထုတ်ဖော်ရာတွင် ဦးဆောင်သူဖြစ်သည့် ဦးလုံဂျုံတူးရောကို အရေး ယူပေးရန် ရဲမှူးမြင့်သိန်းက တရားလိုပြု တိုင်တန်းချက်အရ (ပ)၂၁၂ /၂၀၁၆၊ ငြိမ်းစုစီ ဥပဒေပုဒ်မ ၂၀ ဖြင့် အမှုဖွင့် အရေးယူ ဆောင်ရွက်သွားမည်ဖြစ်ကြောင်း မြစ်ကြီးနားမြို့နယ် ရဲစခန်းထံမှ သိရသည်။
No comments:
Post a Comment