ထိုင်းအမျိုးသမီးများကို လိင်ကျေးကျွန်အဖြစ် ခိုင်းစေလေ့ရှိသည့် နိုင်ငံတကာ လူမှောင်ခို ရာဇဝတ်ဂိုဏ်း တစ်ခုကို ဖော်ထုတ် ဖမ်းဆီးခဲ့ကြောင်း အမေရိကန် အစိုးရ ရှေ့နေများက ပြောကြားခဲ့သည်။
အဆိုပါ ဂိုဏ်းသည် ထိုင်းနိုင်ငံမှ အမျိုးသမီး ရာပေါင်းများစွာကို အမေရိကန်သို့ တရားမဝင် မှောင်ခိုတင်ပို့မှုများ ပြုလုပ်ခဲ့ကြောင်း သိရသည်။ အမေရိကန် အာဏာပိုင်များက ထိုင်းနိုင်ငံသား ၁၂ ဦးနှင့် အမေရိကန် ၅ ဦး ပါဝင်သော ဒုစရိုက် အဝန်းအဝိုင်းကို ဖော်ထုတ် ဖမ်းဆီးနိုင်ခဲ့သည်။ ၎င်းတို့ ခေါ်ယူလာသည့် ထိုင်းအမျိုးသမီးများသည် အမေရိကန် တနံတလျားတွင် ပြည့်တန်ဆာများ၊ လိင်ကျေးကျွန်များအဖြစ် လုပ်ကိုင်ရန် ဖိအားပေး ခိုင်းစေခြင်း ခံရလေ့ ရှိသည်။
အမျိုးသမီးများကို ချီကာဂို၊ လာ့စ်ဗီးဂက်စ်၊ ဝါရှင်တန်နှင့် အခြားမြို့ကြီးများသို့ ပို့ဆောင်ကာ ပြည့်တန်ဆာအဖြစ် အလုပ်လုပ်စေသည်။ “အခုတော့ လူ ၁၇ ယောက်ကို ဖမ်းထားပါတယ်။ လိင်ကျေးကျွန်အဖြစ် ခိုင်းစေမှု၊ လူမှောင်ခိုမှုတွေနဲ့ စွဲချက်တင်သွားဖို့လည်း စီစဉ်ထားပါတယ်”ဟု မင်နီဆိုးတားမှ အစိုးရ ရှေ့နေ တစ်ဦးဖြစ်သည့် အန်ဒရူး လူဂါက ဆိုသည်။
“မိန်းကလေးတွေကို အမေရိကန်မှာ အလုပ်ကောင်းကောင်း ရစေမယ်လို့ အိပ်မက်တွေ ပေးပြီး ခေါ်လာလေ့ ရှိတယ်။ ဒါပေမဲ့ နောက်ပိုင်းကျမှ သူတို့ကြုံတဲ့ အိပ်မက်ဟာ အိပ်မက်ဆိုး ဖြစ်နေမှန်း သိလာကြရတာပါ။ အတိုချုပ် ပြောရရင်တော့ လိမ်လည်ခေါ်ဆောင်တာ ခံရတဲ့ ထိုင်းမိန်းကလေးတွေဟာ ခေတ်သည် လိင်ကျေးကျွန်တွေဘဝ ရောက်ကုန်ကြရရှာပါတယ်”ဟု ၎င်းက ပြောကြားခဲ့သည်။
အမျိုးသမီးများသည် အမေရိကန်သို့ ရောက်ရှိသည်နှင့် အနှိပ်ခန်းများ၊ ဟိုတယ်များ၊ ကိုယ်ပိုင်တိုက်ခန်းများသို့ ပို့ဆောင်ခံရပြီး လိင်ကျေးကျွန်အဖြစ် ရောင်းစားခြင်း ခံခဲ့ရသည်။ အပြင်ဘက် ထွက်သည့်အခါတွင်လည်း အစောင့်အကြပ်များ ချထားခြင်း ခံရသည်။ ထိုအစောင့်များက လုံခြုံရေး ဝန်ဆောင်မှုဟုဆိုကာ အမျိုးသမီးများ၏ ကာမကိုလည်း ရယူလေ့ရှိသည်။
အကယ်၍ အမျိုးသမီးများက ထွက်ပြေးရန် ကြိုးစားပါက ထိုင်းတွင် ကျန်ခဲ့သည့် သူမတို့၏ မိသားစုများကို အန္တရာယ်ပေးမည်ဟု လူမှောင်ခို ဂိုဏ်းသားများက ခြိမ်းခြောက်လေ့ ရှိကြောင်းလည်း အမေရိကန် အမိမြေ လုံခြုံရေး စုံစမ်းစစ်ဆေးမှုဌာန အရာရှိ တစ်ဦးဖြစ်သည့် အဲလက်စ် ခူးက ပြောကြားခဲ့သည်။ အမှန်တကယ်လည်း အမျိုးသမီး တစ်ဦး၏ ဆွေမျိုးသားချင်း တစ်ဦးကို အရိုးများ ကျိုးသွားသည်အထိ ၎င်းတို့က ထိုင်းတွင် ရန်ပြု တိုက်ခိုက်ခဲ့ဖူးသည်။
အဆိုပါ ရာဇဝတ်ဂိုဏ်း၏ နောက်ကြောင်းကို စုံစမ်းနေဆဲဖြစ်ပြီး ၂၀၀၉ ခုနှစ်ကတည်းက လုပ်ငန်းစတင် လည်ပတ်နေခဲ့သည်ဟု အမေရိကန် ထောက်လှမ်းရေး အရာရှိများက ယူဆနေကြောင်းလည်း သိရှိရသည်။
No comments:
Post a Comment