နောက်အစိုးရ တက်လာရင် ကိုင်တွယ်ရမယ့် ကျိုက်ထီးရိုးစေတီတော်ကိစ္စ *********

နောက်အစိုးရ တက်လာရင် ကိုင်တွယ်ရမယ့် ကျိုက်ထီးရိုးစေတီတော်ကိစ္စ
*******************************
ဒီအစိုးရကတော့ အားကိုးမရလို့ လွှတ်ထားလိုက်တော့မယ်။
မနှစ်က သာသနာရေးပြည်ထောင်စုဝန်ကြီး မော်လမြိုင် လာတုန်းက မိမိပြောလိုက်ပါသေးတယ်။ ကျိုက်ထီးရိုးဘုရားက ဟိုတယ်တွေ၊ တည်းခိုခန်းတွေနဲ့ ဘုရားဖူးဧည့်သည်တွေရဲ့ဒုက္ခရောက်ရပုံကိစ္စတွေကိုပါ။ သေသေချာချာ သူ့ကို ပြောပြထားပြီး သေသေချာချာ ကိုင်တွယ်ပေးဖို့ပြောတော့ သူကလည်းလုပ်ပေးပါမယ်တဲ့။ နောက်တော့ သူလည်း ရန်ကုန်ပြန်ပြီး သိပ်မကြာဘူး ပြုတ်သွားလို့ ဘာမှ မထူးတော့ပါဘူး။

နောက်အစိုးရတက်လာရင်တော့ ဒီကိစ္စ သေသေချာချာကိုင်တွယ်ရမှာပါ။ ကိုင်တွယ်ဖို့ကိုလည်း သေသေချာချာတောင်းဆိုပါမယ်။
ဈေးတွေ ခေါင်ခိုက်နေတဲ့ ဟိုတယ်တွေ ကိစ္စနဲ့  ဘုရားကနေ တစ်နှစ်တစ်နှစ် သိန်းပေါင်း သောင်းနဲ့ချီပြီးဝင်နေပေမယ့် ဘုရားရင်ပြင်တော်တောင် မီး ထိန်နေအောင် မထွန်းပေးနိုင်တာ၊ ဘုရားဖူးတွေ အတွက် ချီးပါ သေးပေါက်ကအစ အခမဲ့ ဘာမှ မရှိတာတွေကို အကုန်စစ်ဆေး စိစစ်ပြီး လိုအပ်တာတွေစီမံပေးရမှာပါ။
တစ်နှစ်တစ်နှစ် သိန်းပေါင်း သောင်းနဲ့ချီပြီးဝင်နေတဲ့ဝင်ငွေတွေ နဲ့ အသုံးစရိတ်တွေ ကိုလည်း သေသေချာချာ စိစစ် ကိုင်တွယ်ရပါလိမ့်မယ်။
စေတီတော်နားအထိ ရောက်လာတဲ့ ဘိုးတော် မယ်တော်တွေရဲ့ကိစ္စတွေကိုလည်း သန့်ရှင်းအောင် လုပ်ရပါလိမ့်မယ်။

@@@ သာသနာနွယ်

မင်းညီ ရေးထားတဲ့ အောက်ပါဆောင်းပါးလေးလည်း သေချာဖတ်ကြည့်ပေါ့။

ကျိုက်ထီးရိုး ဘုရားရင်ပြင် ပေါ်က မလွယ်ကူလှတဲ့ ကျောတစ်ခင်းစာ
=========================================
''ကျောင်းပိတ်ရက်မှာ ကလေးတွေကျိုက်ထီးရိုးဘုရား သွားဖူးချင်တယ်ဆိုလို့လိုက်ပို့ပေးတယ်။ ဟိုရောက်တော့ အိပ်စရာနေရာမရှိဘူး။ ဟိုတယ်တည်းခိုခန်းတွေက ဈေး အဆမတန်တောင်းလို့ မတည်းနိုင်ဘူး။ ဘုရားရင်ပြင်တစ် ဝက်လောက်ကလည်း လူကြီးတွေလာရင် တည်းဖို့သူတို့ ကိုယ်ပိုင်ဓမ္မာရုံအလားဆောက်ထားကြတော့ တကယ့်ဘုရား ဖူးပြည်သူတွေ ကျောတစ်ခင်းစာတောင် နေရာမရှိတော့ဘူး''။

ကျောင်းပိတ်ရက်လေးမှာ ကျိုက်ထီးရိုးဘုရားကို တစ် ညအိပ်ခရီး ဘုရားဖူးထွက်လာခဲ့တဲ့ ဒိုက်ဦးမြို့ကဒေါ်တင် လှတို့မိသားစု အိပ်စရာနေရာ မရလို့တစ်ညလုံးရင်ပြင်တော် ဆေးပေးခန်းအနီးမှာ ဖြစ်သလိုအိပ်စက်ခဲ့ပုံကိုပြောပြပါ တယ်။
မြန်မာနိုင်ငံရဲ့အထင်ကရကျိုက်ထီးရိုးစေတီတော် ကို ဒီဇင်ဘာနဲ့ဇန်နဝါရီလတွေမှာ နေ့စဉ်ဘုရားဖူးထောင်ချီ လာရောက်ကြပါတယ်။ အထူးသဖြင့် စနေ၊ တနင်္ဂနွေပိတ် ရက်တွေမှာ တိုးမပေါက်နိုင်အောင်များ ပါတယ်။ ဒါပေမဲ့ ကျိုက်ထီးရိုးစေတီဘုရားရင်ပြင်တော်က အဲဒီဘုရားဖူးတွေ အားလုံးတည်းခိုနိုင်လောက်အောင် နေရာမကျန်တော့ပါ ဘူး။

ဘာကြောင့်လဲဆိုတော့ ရင်ပြင်တော်တစ်ဝက်လောက် ကိုနိုင်ငံတော်အကြီးအကဲတွေလာရင် တည်းခိုဖို့ဓမ္မာရုံတွေ ဆောက်ထားကြပါတယ်။ အထူးသဖြင့် သီဟဓမ္မာရုံနဲ့တိ ဿဓမ္မာရုံနှစ်ခုဟာ ဘုရားရင်ပြင်တော်ပေါ်မှာ နေရာ တော်တော်ယူထားပါတယ်။ အဲဒီဓမ္မာရုံတွေကို အချိန်ပြည့် ပိတ်ထားပြီး တာဝန်ကျလုံခြုံရေးတွေက အမြဲစောင့်ကြပ် နေပါတယ်။ သီဟဓမ္မာရုံရဲ့ရှေ့ဘက်မျက်နှာစာမှာတော့ အလှူရှင် ဗိုလ်ချုပ်ကြီးသူရရွှေမန်းနှင့် ဇနီးဒေါ်ခင်လေး သက်လို့ ကမ္ဗည်းစာလုံးအကြီးကြီးထိုးထားပါတယ်။ ဒီစာ သားကို ကြည့်ခြင်းအားဖြင့် ဒီဓမ္မာရုံမှာ သာမန်ဘုရားဖူးပြည် သူတွေ တည်းခိုခွင့်မရှိဘူးလို့ထုတ်ပြောနေသလိုပါပဲ။

ဒါ့အပြင် အခြားသုံးထပ်ဆောင်၊ ပြည်ထဲရေးဓမ္မာရုံ နဲ့ဌာနဆိုင်ရာခေါင်းစဉ်တွေနဲ့ဆောက်ထားတဲ့ ဓမ္မာရုံတွေ ကိုလည်း ပြည်သူတွေကိုတည်းခိုခွင့်မပြုပါဘူး။ သက်ဆိုင် ရာဌာနကလူကြီးတွေလာရင် တည်းခိုဖို့နဲ့လူကြီးတွေ လာ မတည်းတဲ့အချိန်မှာ ဘုရားဖူးတွေကို ဈေးကြီးကြီးနဲ့ဓမ္မာရုံ စောင့်တွေက ငှားစားကြပါတယ်။ ဒါကြောင့် ကုန်ကျစရိတ် နည်းနည်းနဲ့ဘုရားလာဖူးတဲ့မိသားစုတွေဟာ ရင်ပြင်တော် မှာဖြစ်သလို စောင်လေးတွေကာပြီး အဖီထိုးညအိပ်ကြပါ တယ်။

''ရင်ပြင်မှာ အိပ်တဲ့လူက အရမ်းများတယ်။ တချို့တွေ က ကိုယ့်ကလေးတွေကို အဲဒီမှာပဲသေးတည်ကြတော့ ဆီးအနံ့တွေက ဟောင်နေတာပဲ။ ထမင်း ဆိုင်တွေကလဲ ဈေးမတန်တဆတောင်းနေတော့ ဘုရားဖူးတွေက ကိုယ့် ထမင်းချိုင့်နဲ့ပဲ ကိုယ်လာကြတယ်။ ဝယ်မစားကြတော့ဘူး။ အဲဒီတော့ ရင်ပြင်တော်က ထမင်းကျန်ဟင်းကျန်တွေနဲ့ ညစ်ပတ်နေတာပဲ။

တော်တော်စိတ်ပျက်ဖို့ကောင်းတယ်''လို့ သန်လျင်နည်းပညာတက္ကသိုလ်မှ အုပ်စုအလိုက်ဘုရား ဖူးထွက်လာကြတဲ့ ဒုတိယနှစ်ကျောင်းသားတစ်ဦးက ပြော ပါတယ်။ ဒါ့ပြင် ရင်ပြင်တော်မှာ အိပ်တဲ့လူတွေများလွန်း လို့ဘုရားဝတ်ပြုဖို့လူတစ်ကိုယ်စာတောင်နေရာမရလို့ ဘုရား ကောင်း ကောင်းမဖူးခဲ့ရဘူးလို့လည်း သူကဆက်ပြောပါ တယ်။
''ဘုရားရှိခိုးဖို့နေရာတောင်မရှိဘူး။ ရင်ပြင်တော် ရော၊ ဘုရားအပေါ်အောက် ပတ်လမ်းတွေမှာရော စောင် ကာပြီး အိပ်နေတဲ့လူတွေ ပြည့်နေတာပဲ။

ဘုရားကောင်း ကောင်းရှိခိုးလို့ရမယ့်နေရာကျပြန်တော့လဲ ဓမ္မာရုံတွေ ဆောက်ထားတယ်။ အဲဒီဓမ္မာရုံတွေမှာ ပြည်သူတွေကိုပေး မတည်းဘူး။ နိုင်ငံတော်အကြီးအကဲတွေအတွက်တဲ့''။

ကျိုက်ထီးရိုး ဘုရားရင်ပြင်တော်မှာ အများသုံးအိမ် သာတွေကို တစ်ခါသုံးကျပ်နှစ်ရာပေးရပါတယ်။ ဒါပေမဲ့ အိမ်သာထဲမှာ ရေပုံးမထားပေးပါဘူး။ ကိုယ့်တစ်ခါသုံးစာ အတွက် ရေပုံးသေးသေးလေးတစ်ပုံးကို ကိုယ်တိုင်ဆွဲပြီး အိမ်သာတက်ရပါတယ်။ အဲဒီတစ်ခါစာက ရေဖလားသုံးခွက် စာတောင်မပြည့်ပါဘူး။ အများသုံး ရေချိုးခန်းဆိုလည်း ရေတစ်ပုံး ကျပ် ၅ဝဝနဲ့ဝယ်သုံးရပါတယ်။ ရေနွေးဆိုရင် တော့ ကျပ် ၈ဝဝယူပါတယ်။ ဒီလောက်တစ်နိုင်ငံလုံးဘုရား ဖူးတွေကြိတ်ကြိတ်တိုးစည် ကားတဲ့နေရာမျိုးမှာ သန့်ရှင်း ရေး(ရေ+အိမ်သာ)အတွက် အဆင်ပြေအောင် မဖန်တီး ထားတာဟာတော်တော်အရုပ်ဆိုး အကျည်းတန်စေပါ တယ်။

ကျိုက်ထီးရိုးစေတီယဉ်ကျေးမှုဇုန်ဝင်ကြေးကောက် ခံမှုကို ယဉ်ကျေးမှုဝန်ကြီးဌာနက မွန်ပြည်နယ်စည်ပင် သာယာရေးကော်မတီကို ၂ဝ၁၃နိုဝင်ဘာ ၁ရက်ကစတင် ပြီး လွှဲပြောင်းပေးခဲ့ပါတယ်။ ၂ဝ၁၄ နိုဝင်ဘာ ၁၂ရက်အ ထိ အချိန် ၁၂လအတွင်းမှာ ဇုန်ဝင်ကြေး သိန်းခုနစ်ထောင် ကျော် ကောက်ခံရရှိတယ်လို့ မွန်ပြည်နယ်စည်ပင်သာယာရေးကော်မတီက သတင်းထုတ်ပြန်ပါတယ်။ နိုင်ငံခြား သားတစ်ဦးကိုအမေရိကန် ခြောက်ဒေါ်လာ (မြန်မာ ငွေကျပ်၆ဝဝဝ)ကောက်ခံပါတယ်။ အဲဒီနိုင်ငံခြားသား တွေကိုရိုးရိုးတည်းခိုခန်းတွေမှာ တည်းခိုခွင့်မပြုလို့သူ တို့ဟာ ရိုးရိုးလေးဟိုတယ်၊ ကျိုက်ထီးရိုးဟိုတယ်နဲ့ Mountain Top ဟိုတယ်တွေမှာ တည်းခိုရပါတယ်။

သြစတြေးလျနိုင်ငံသူ Maddie Gange က ''ကျွန်မတို့ကို Foreign Pass ဆိုပြီး ခြောက်ဒေါ်လာယူတယ်။ ပြီးတော့ ကျွန်မတို့ကိုတည်းခိုခန်းတို့ဘုရားရင်ပြင်တို့မှာ တည်းခိုခွင့် မပြုဘူး။ ဟိုတယ်တွေမှာ တည်းခိုခိုင်းတယ်။ ကျွန်မရိုးရိုး လေးဟိုတယ်ရောက်သွားတော့ တစ်ညကို ဒေါ်လာ ၁ဝဝ တောင်းတယ်။ ကျွန်မထပ်ခါထပ်ခါဈေးဆစ်တော့ နောက် ဆုံး ၇၅ဒေါ်လာနဲ့ဈေးတည့်သွားတယ်။ ဒီ Golden Rock
ဘုရားတစ်ခါလာလည်ဖို့ကျွန်မတို့ ဒေါ်လာ ၁ဝဝကျော် (မြန်မာငွေကျပ်တစ်သိန်း)ကျော်ကုန်တယ်။ ကမ္ဘာလှည့်ခရီး သွားတွေအတွက် အရမ်းဈေးကြီးတဲ့နေရာဖြစ်နေတယ်''လို့ပြောပြတယ်။

ကျိုက်ထီးရိုးစေတီတော်ပေါ်မှာ နိုင်ငံခြားသားတွေ ကို တည်းခိုခွင့်ပြုထားတဲ့ဟိုတယ်တွေဟာဈေးနှုန်းအတည် မသတ်မှတ်ထားကြဘူး။ လူအခြေအနေကိုကြည့်ပြီး ဟို တယ်ခန်းခဈေးနှုန်းတိုးကောက်ယူနေကြတာပါ။ ၂ဝ၁၂ ခုနှစ်မှာ ကျိုက်ထီးရိုးတောင်ပေါ်ကို နိုင်ငံခြားသား ၆၀၀၀၀ ကျာ်နဲ့ ၂ဝ၁၃ခုနှစ်မှာတော့ ၈ဝဝဝဝကျော်အထိ တိုးပြီးလာရောက်လည်ပတ်ခဲ့ကြပါတယ်။ ၂ဝ၁၃ခုနှစ် နိုဝင်ဘာ၁ရက်နေ့ကနေ ၂ဝ၁၄ခုနှစ် နိုဝင်ဘာ ၁၂ရက်အ ထိကျိုက်ထီးရိုးဇုန်အတွင်း နိုင်ငံခြားဧည့်သည် ၁၂၈၁၈၂ ဦးဝင်ရောက်ခဲ့ပြီး ဇုန်ဝင်ကြေး ငွေကျပ် ၇၆၉ဝ၉၂ဝဝဝရ ရှိခဲ့တယ်လို့ မွန်ပြည်နယ်စည် ပင်သာယာရေးကော်မတီ အမှုဆောင်အရာရှိကဆိုပါတယ်။

လစဉ်နိုင်ငံပေါင်း ၅၂ နိုင်ငံက ကမ္ဘာလှည့်ခရီးသွားတွေ လာရောက်နေတယ်လို့ စေတီတော်ဂေါပကတစ်ဦးကဆိုပါတယ်။ ဒီပမာဏကို ကြည့်ခြင်းအားဖြင့် ကျိုက်ထီးရိုးစေတီဟာ နိုင်ငံခြားဝင် ငွေသိန်းပေါင်းများစွာရှာပေးနေတဲ့ ခရီးသွားဇုန်တစ်ခုဆို တာ ငြင်းလို့မရပါဘူး။ ဒီလိုနေရာမျိုးမှာ ခရီးသွားတွေရဲ့ တည်းခိုခန်းခကို ဈေးအဆမတန်ကောက်ယူနေတာတွေ၊ ရင်ပြင်တော်မှာဖြစ်သလို တည်းခိုနေကြတဲ့ ဘုရားဖူးတွေရဲ့ ပုံရိပ်တွေ၊ သန့်ရှင်းရေးဝန်ဆောင်မှုကောင်းကောင်းမလုပ် နိုင်လို့အနံ့အသက်ဆိုးရွားနေတာတွေ၊ ရေချိုးခန်းနဲ့အိမ် သာ အလုံအလောက်မရှိတာတွေဟာ နိုင်ငံ့ပုံရိပ်ကိုအများ ကြီးထိခိုက်စေပါတယ်။

''ကျိုက်ထီးရိုးဘုရားမှာ စိတ်အပူရဆုံးက မီးပဲ။ မီးလောင်ရင်ပြေးစရာလမ်းလုံးဝမရှိဘူး။ ဆိုင်ခန်းတွေက ပိတ်ကျပ်နေတယ်။ နောက်ဖေးဘက်က ချောက်ကြီး ပြေးလို့ မရဘူး။ အရင်တစ်ခါလောင်တုန်းကလဲ ပြေးစရာ လမ်းမရှိ လို့လူတွေ အများကြီးသေသွားရတယ်။ ဒီတစ်ခါထပ်ဖြစ်ရင် တွေးတောင်မတွေးရဲဘူး''လို့ ကျိုက်ထိုမြို့ခံ အငြိမ်းစားအ ထက်တန်းပြဆရာတစ်ဦးကဆိုပါတယ်။ လွန်ခဲ့သော ဆယ် နှစ်ခန့်က ကျိုက်ထီးရိုးစေတီဘုရားဆိုင်ခန်းမီးလောင်မှုမှာ လူပေါင်းများစွာအသက်ဆုံးရှုံးခဲ့ရပါတယ်။

အဲဒီမီးလောင်မှု ဖြစ်ပြီးတဲ့အချိန်မှာ မုဆိုးတောင်ဘက်အခြမ်းသွားတဲ့ ထမင်း ဆိုင်ခန်းတွေကို စနစ်တကျပြန်ဆောက်ပေးခဲ့ပေမယ့် ကျီး ကန်းပါးစပ်နဲ့ရင်ပြင်တော်မြောက်ဘက်ခြမ်း ပတ်ပတ်လည် မှာ ဆိုင်ခန်းတွေဖြစ်သလို ဆောက်ထားကြတာဟာ အလွန် အန္တရာယ်ကြီးပါတယ်။
ရိုးရိုးလေးဟိုတယ်နဲ့ ကျိုက်ထိုဟိုတယ်တွေ အတွက် မြေနေရာအများ ကြီးပေးထား ပြီး တကယ်ဘုရားဖူးတွေ တည်း ခိုနိုင်မယ့်တည်းခိုခန်းငယ်တွေ အတွက် မြေနေရာ၊ ရေမီး၊ အိမ်သာစတဲ့အခြေခံအဆောက် အအုံတွေကိုအဆင်ပြေအောင်ဖန်တီးမပေးနိုင်တဲ့ စေတီ တော်တာဝန်ရှိသူတွေကို မေးခွန်းထုတ်စရာပါ။ အဆိုးရွား ဆုံးကိစ္စတစ်ခုက ကျိုက်ထီးရိုးတောင်တက်လမ်းတစ်လျှောက် ကအလှူခံတွေပါပဲ။ ဘုရားဖူးတွေကို ကြည်ညိုသဒ္ဓါစိတ် ဖြစ်အောင်လုပ်ရမယ့်အစား အတင်းအကျပ်လမ်းပိတ်ပြီး အလှူခံနေကြတာဟာ အင်မတန်စိတ်အနှောင့်အယှက်ဖြစ် စေပါတယ်။

အထူးသဖြင့် ရွှေနန်းကျင်နတ်နန်းကိုဝင်မဖူး သွားရင် ရှေ့မှာအန္တရာယ်ကျရောက်မယ်ဆိုတဲ့အပြောမျိုး နဲ့အတင်းအကျပ်ဝင်ဖူး ခိုင်းပြီးအလှူခံနေတဲ့ပုံစံဟာ လုံးဝ မဖြစ်သင့်ပါဘူး။ နိုင်ငံခြားသားတွေအတွက်လည်း ထေရ ဝါဒဗုဒ္ဓဘာသာအပေါ် အမြင်စောင်းစေတဲ့ကိစ္စမျိုးဖြစ်နေ ပါတယ်။

ဒါကြောင့် ရင်ပြင်တော်ပေါ်ကဓမ္မာရုံတိုင်း အများ ပြည်သူတွေတည်းခိုခွင့်ပြုဖို့၊ ဟိုတယ်တွေကို ဈေးနှုန်းကန့် သတ်ဖို့၊ ရေချိုးခန်း၊ အိမ်သာလုံလောက်အောင်တည်ဆောက် ပေးဖို့၊ တည်းခိုခန်း၊ ဆိုင်ခန်းတွေကို စနစ်တကျတည် ဆောက်ပေးဖို့၊ သန့်ရှင်းရေးဝန်ထမ်းတွေ တိုးမြှင့်ခန့်ထားဖို့နဲ့ အလှူခံတွေကိုထိန်းကျောင်းပြု ပြင်ပေးဖို့စတဲ့အချက်တွေ ကို စေတီတော်တာဝန်ရှိသူတွေအနေနဲ့ အမြန်ဆုံးအကောင် အထည်ဖော်သင့်နေပါပြီ။ ဒါမှသာဆံတော်ရှင်ကျိုက်ထီး ရိုးစေတီတော်ကြီးကို ပြည်တွင်းဘုရားဖူးများ ငွေကြေးနည်း နည်းနဲ့နှစ်စဉ်သွားရောက်ဖူးမြော်နိုင်မှာဖြစ်သလို ပြည်ပ ကမ္ဘာလှည့် ခရီးသွားတွေအတွက်လည်း အေးအေးချမ်း ချမ်းလာရောက်လည်ပတ်နိုင်မယ့် Tour Site တစ်ခုအဖြစ် ဆက်လက်တည်ရှိနေ နိုင်မှာဖြစ်တဲ့အကြောင်း ရေးသားတင်ပြ လိုက်ရပါတယ်။

မင်းညီ ရေးသားသည်။