ဒီဇင်ဘာဟာတဖြည်းဖြည်းနဲ့ ၂၀၁၅ ကိုနှုတ်ဆက်တော့မယ်။ ပြောင်းလဲခြင်းများစွာနဲ့ ပရီးမီးယားလိဂ်ဟာလည်း အေးချမ်းလှတဲ့ဆောင်းနဲ့အပြိုင်ရင်ခုန်မှုတွေပေးနေတယ်။ မော်ရင်ဟိုအလွန်ချယ်လ်ဆီး ၂၀၁၅ ကိုဘယ်လိုနှုတ်ဆက်မလဲစိတ်ဝင်စားစရာပါ . . . . . . .
--------------------------------------------------------------
ပရီးမီးယားလိဂ်ပွဲစဉ်(၁၇)
----------------------------
ဝက်စ်ဘရွန်း-ဘုန်းမောက် (၁၉-၁၂-၂၀၁၅ ည၉း၃၀)
နောက်ဆုံး(၄)ပွဲဆက် အာဆင်နယ်၊ ၀က်စ်ဟမ်း၊ စပါး၊ လီဗာပူးလ်တို့ကို ရှုံးပွဲမရှိကစားထားနိုင်တဲ့ ၀က်စ်ဘရွန်းအကောင်းဆုံးအနေအထားမှာရှိနေ ပါတယ်။ ဘုန်းမောက်ကလည်း ချယ်လ်ဆီးနဲ့ မန်ယူကို (၂)ပွဲဆက်နိုင်ခဲ့တယ်။ ၀က်စ်ဘရွန်း(၁-၀)ကိုကြိုက်တယ်။
စတုတ်စီးတီး-ခရစ္စတယ်ပဲလေ့စ် (၁၉-၁၂-၂၀၁၅ ည၉း၃၀)
တကယ်စိတ်ဝင်စားစရာကောင်းတဲ့ပွဲပါ။ နှစ်သင်းစလုံးနောက်ဆုံး(၅)ပွဲမှာ (၃)ပွဲစီနိုင်ပြီး (၁၀)မှတ်စီယူထားကြပါတယ်။ ချယ်လ်ဆီး၊ ဆောက်သမ်တန်၊ မန်စီးတီးတို့ကို နိုင်ထားတဲ့ စတုတ်စီးတီးကိုပိုကြိုက်တယ်။
အဲဗာတန်-လက်စတာ (၁၉-၁၂-၂၀၁၅ ည၉း၃၀)
ဒယ်လိုဖူ-လူကာကူကအတွဲမိတယ်။ တစ်ယောက်ကပုံမှန်ဖန်တီးနေပြီး တစ်ယောက်ကပုံမှန်ဂိုးတွေသွင်းနေတယ်။ ဒါပေမဲ့နှစ်ယောက်စလုံးက အဖြုန်းများတယ်။ လက်စတာက စုစည်းမှု၊ ကျစ်လျစ်မှုနဲ့ သွားနေတယ်။ အဲဗာတန်ခြေသာတာက သူတို့အတွက်အခက်အခဲမဟုတ်ဘူး။ လက်စတာမရှုံးနိုင်ဘူး။
မန်ယူ-နောဝစ်ခ်ျ (၁၉-၁၂-၂၀၁၅ ည၉း၃၀)
ဒဏ်ရာပြဿနာ ကြောင့် ဗန်ဟားလ်ရဲ့ အသင်းကလူငယ်တွေကိုအားပြုပြီးတည်ထားရတယ်။အသင်းလိုက်နည်းဗျူဟာက တစ်ပွဲပြီးတစ်ပွဲထပ်နေတယ်။ အပြောင်းအလဲမရှိဘူး။ နည်းဗျူဟာကိုအကောင်အထည်ဖော်တဲ့အပိုင်းမှာ အားနည်းချက်ရှိတယ်။ အဆိုးဆုံးကလူမစုံတာပဲ။ ဒါကြောင့်အမှတ်တွေလျေ့ာတယ်။ နောဝစ်ခ်ျက သာမန်အဆင့်အသင်းတစ်သင်းပါ။ ဒါပေမဲ့ နောဝစ်ခ်ျရဲ့အမြန်နှုန်းအားကိုလျေ့ာ
မတွက်သင့်သလို ဟူလာလန်၊ တက်တေးတို့ရဲ့ လုပ်ရည်ကိုင်ရည်ကြောင့် မန်ယူနိုင်ရင်တောင် ဂိုးပြတ်ဖို့ခက်လိမ့်မယ်။
ချယ်လ်ဆီး-ဆန်းဒါးလန်း (၁၉-၁၂-၂၀၁၅ ည၉း၃၀)
ပြဿနာ တွေ၊ ဖိစီးမှုတွေနဲ့ ချယ်လ်ဆီးကိုယုံကြည်ဖို့ခက်တယ်။ အခုမော်ရင်ဟိုလည်းမရှိတော့ဘူး။ ဒီပွဲတော့ ပြန်လာနိုင်ပါပြီဆိုတာက မမြင်ရ တဲ့စိတ်ကူးဖြစ်ပြီး၊ တကယ်ဖြစ်နေတဲ့အပိုင်းက ဟာကွက်တွေ၊ အားနည်းချက်တွေ အရမ်းများလွန်းတယ်။ တစ်ဦးချင်းစွမ်းဆောင်ရည်က အားရစရာမရှိသလို၊ အသင်းလိုက်ကစားဟန်ကလည်း တစ်ပွဲတည်းမှာကို ကောင်းလိုက်၊ ပျက်လိုက်နဲ့ အမျိုးမျိုးဖြစ်နေတယ်။ ချယ်လ်ဆီး အတွက်ခက်ခဲဦးမယ့်နိုင်ပွဲပါ၊ နိုင်ရင်လည်း ကပ်နိုင်လောက်ပဲဖြစ်မယ်။
ဆောက်သမ်တန်-စပါး (၁၉-၁၂-၂၀၁၅ ည၉း၃၀)
ဆောက်သမ်တန်က ပြိုင်ပွဲစုံမှာနိုင်ပွဲပျောက်တာ(၅)ပွဲရှိပြီ။ ခံစစ်မှာအားထားရတဲ့ ဗန်ဒိုက်မငြိမ်တော့ဘူး။ တိုက်စစ်ကအလုပ်သိပ်မဖြစ်တော့ဘူး။ စပါးကလည်းနောက်ဆုံး(၃)ပွဲဆက်နိုင်ပွဲပျောက်ခဲ့တယ်။ ဒါပေမဲ့ခြေသာတဲ့စပါးကိုပဲရွေးသင့်တယ်။
နယူးကာဆယ်-အက်စတွန်ဗီလာ (၁၉-၁၂-၂၀၁၅ ၁၂း၀၀)
ဗီလာကစားပုံကတော်တေ်ာညံ့ပါတယ်။ နယူးကာဆယ်က ရလဒ်ဆိုးတွေကရုန်းထွက်လာနေပါပြီ။ ကံသက်သက်မဟုတ်တာကိုလည်း တွေ့ရတယ်။ အိမ်ရှင်နိုင်မယ်။
ပုံစာ-ပြီးခဲ့သည့်ရာသီတွေ့ဆုံမှုမှ ဆန်းဒါးလန်း ၏တိုက်စစ်ဆင်မှုကိုတားဆီးနေ သည့်ချယ်လ်ဆီးနောက်ခံလူဂျွန်တယ်ရီ
Photo:AFP
No comments:
Post a Comment