ဆမ်ဆောင်းကုမ္ပဏီအနေနဲ့ Galaxy Note 7 ရောင်းချမှု တရားဝင် မရပ်တန့်ဘူးဆိုရင် အမေရိကန်ဆက်သွယ်ရေးကုမ္ပဏီကြီး AT&Tက အဲဒီဟမ်းဆက်ရောင်းချမှု သူတို့အနေနဲ့ဆက် မလုပ်တော့ဖို့ စဉ်စားနေပါတယ်။ AT&T ကုမ္ပဏီက ဒီအချက်ကို မကြာခင်မှာ ဆုံးဖြတ်လုပ်ဆောင်သွားမှာဖြစ်တယ်လို့လည်း သိရှိရပါတယ်။
AT&T ကုမ္ပဏီအနေနဲ့ ဒီဆုံးဖြတ်ချက်အတည်ဖြစ်ခဲ့ပြီဆိုရင် ပြီးခဲ့တဲ့ အောက်တိုဘာ ၅ရက်နေ့က Southwest လေကြောင်း လိုင်းရဲ့လေယာဉ်တစ်စင်းပေါ်မှာ မီးထတောက်ခဲ့တဲ့ Note 7 အပါအ၀င် အစားထိုးပေးတဲ့ ဖုန်းအားလုံးကို ဖြန့်ချိရောင်းချမှုရပ် တန့်မှာ ဖြစ်ပါတယ်။
ဆက်သွယ်ရေးကုမ္ပဏီကြီးအနေနဲ့ ချို့ယွင်းချက်ရှိတဲ့ Note 7s ကို အစားထိုးလဲလှယ်ပေးတဲ့အစီအစဉ်ကိုလည်း ရပ်တန့်မှာဖြစ်ပါတယ်။
ရှင်းလင်းတဲ့အချက်က Southwest လေကြောင်းလိုင်းရဲ့လေယာဉ်တစ်စင်းပေါ်မှာ Note 7ကနေ မီးထတောက်ခဲ့တဲ့ အဖြစ်အပျက်က ဆမ်ဆောင်းရဲ့စီးပွားဖက် AT&T ကို စိတ်ပူစေခဲ့တယ်ဆိုတဲ့အချက်ပါပဲ။ အရင်ဆုံး ဖုန်းတွေ ပြန်လည်သိမ်းဆည်းရတဲ့ ဖြစ်စဉ်ကို AT&T က ကိုင်တွယ်ဖြေရှင်းခဲ့ရပါတယ်။ အခု ကုမ္ပဏီကြီးဖြစ်တဲ့ AT&T ရဲ့ဆုံးဖြတ်ချက်က ဒိုမီနိုသီအိုရီအတိုင်းဖြစ် သွားနိုင်ပြီး အခြားဆက်သွယ်ရေးကုမ္ပဏီတွေကလည်း ဆက်လက်ရောင်းချမှုမပြုတာတွေ ဖြစ်လာနိုင်ပါတယ်။
လွန်ခဲ့တဲ့အောက်တိုဘာ ၅ ရက်နေ့က လေယာဉ်ပေါ်မှာ ဖုန်းကနေ မီးထတောက်ခဲ့တဲ့ဖြစ်စဉ်ကိုတော့ သက်ဆိုင်ရာအာဏာပိုင် တွေက စုံစမ်းစစ်ဆေးနေဆဲဖြစ်ပါတယ်။ ဆမ်ဆောင်းကုမ္ပဏီက အစားထိုးပေးခဲ့တဲ့ Note 7s တွေမှာတော့ ပြဿနာရှိနေတယ် လို့ ကုမ္ပဏီကရော ဖက်ဒရယ်စုံစမ်းရေးကပါ တရားဝင်ဖော်ပြထားချက် မရှိသေးပါဘူး။
No comments:
Post a Comment