ကျောမလုံတော့သည့် လူမှုအသိုင်းအ၀ိုင်းနှင့် ပြည်သူ့အသံ

ဓာတ်ပုံ-ဂျေမောင်မောင်(အမရပူရ)

ယခုရက်ပိုင်းအတွင်း လူစည်ကားရာနေရာများတွင်ပင် အကြမ်းဖက်မှု၊ လုယက်မှုအပါအ၀င် ဒုစရိုက်မှုများဖြစ်ပွားလာသည်ကို လူမှုကွန်ရက် အပါအ၀င် သတင်းများက ဖော်ပြလာခဲ့သည်။ အထူးသဖြင့် မိဘဆွေမျိုးနှင့် သမီးရည်းစားကဲ့သို့ အရင်းအချာဟု မှတ်ယူရမည့်သူများက ကျူးလွန်သည့် အကြမ်းဖက်မှုများကိုပါ အံ့အားသင့်ဖွယ် တွေ့မြင်လာရပြီး တရားဥပဒေစိုးမိုးရေးကို စိန်ခေါ်လာသည့် အကြမ်းဖက်မှုများက  မြန်မာ့လူ့အသိုင်းအ၀ိုင်းတွင် ကျောမလုံသည့် စိုးရိမ်မှုများကို ပိုမိုမြင့်တက်လာစေရာ ပြည်သူများ၏ စိုးရိမ်ပူပန်မှုနှင့်ပတ်သက်၍ ပြည်သူ့အသံအဖြစ် စုစည်းတင်ပြအပ်ပါသည်။

ညီမှူးအိမ် (ကဗျာဆရာ၊ အောင်လံမြို့)

အထူးသဖြင့် လူငယ်တွေ ငယ်ငယ်ရွယ်ရွယ်နဲ့ မူးယစ်စေတဲ့အရာ  ကို အလွယ်တကူ သုံးစွဲလာကြတာက အဓိကဖြစ်ပါတယ်။ လူငယ်တွေ မူးယစ်ဆေးဝါး သုံးစွဲကြတော့ လေးစားမှု၊ ရိုသေကိုင်းရှိုင်းမှု၊ ဂါရ၀တရား တွေ ပျောက်ဆုံးကုန်တာပေါ့။ ဒါကြောင့် ကြားလို့တောင်မသင့်တဲ့ ရာဇ ၀တ်မှုတွေဖြစ်လာရတယ်။ အထူးသဖြင့် တိုင်းပြည်အနာဂတ်တွေဖြစ်တဲ့ ကလေးသူငယ်ဆိုင်ရာ ပြစ်မှုတွေပါ အများကြီးဖြစ်လာတာက တိုင်းပြည် အတွက်လည်းမကောင်းဘူး။ ဒီတော့ မူးယစ်စေတတ်တဲ့ အရာတွေနဲ့ပတ် သက်ပြီး အရေးပေါ်ကိုင်တွယ်ဖို့ လိုအပ်နေပါပြီ။ နောက်တစ်ပိုင်းက  မိဘတွေဖြစ်ပါတယ်။ စားဝတ်နေရေး ရုန်းကန်နေရတယ်ဆိုတဲ့ အကြောင်းပြချက်နဲ့ ကိုယ့်ရင်သွေးတွေအပေါ်မှာ ကိုယ်ဖိရင်ဖိ မစောင့် ရှောက်နိုင်တာရယ်၊ ငွေကြေးရှိသည်ဖြစ်စေ၊ မရှိသည်ဖြစ်စေ ကိုယ်စွမ်းသလောက် သားသမီးကို အရမ်းအလို လိုက်ကြတာကလည်း အကြောင်းအချက်တစ်ခုအနေနဲ့ ပါပါတယ်။ နောက်ဆုံးလိုရင်းက မပြောမဖြစ်တဲ့ တရားဥပဒေစိုးမိုးမှုမရှိလို့ဘဲပြောရမှာပါ။ ပြည်သူတွေ ခေါင်းပြားအောင်အိပ်နိုင်ဖို့လည်း အရေးကြီးတယ်လေ။ နောက်ပြီး တရားရေး မဏ္ဍိုင်ကို တခြားမဏ္ဍိုင်တွေက ထောက်ပြဝေဖန်မှုအရမ်းအားနည်းနေ တယ်လို့မြင်တယ်။ အထူးသဖြင့် ဥပဒေပြဋ္ဌာန်းရေးအပိုင်းဖြစ်တဲ့ လွှတ်တော်က တရားစီရင်ရေးအပိုင်းကို မေးခွန်းထုတ်တာ လုံးဝမရှိသေးဘူး။ တရားစီရင်မှုအပိုင်းကိုလည်း ထောက်ပြဝေဖန်ဖို့လိုပါတယ်။ ဒါမှ ငွေများတရားနိုင်စနစ် နည်းမယ်။ ဥပဒေကို မျှော့ကြိုးလို တင်းလိုက်လျှော့လိုက် လုပ်တာတွေနည်းမယ်။ တရားပဒေကို လူတွေ လေးစားလိုက်နာကြမှာဖြစ်ပါတယ်။ ဒီလိုမှ မကြားဝံ့မနာသာပြစ်မှုတွေ လျော့နည်းသွားမှာ။

ကိုစည်သူမောင် (ကျောင်းသားခေါင်းဆောင်)

တရားဥပဒေစိုးမိုးရေးနဲ့ လုံခြုံရေးကို ထိထိရောက်ရောက် ဆောင် ရွက်နိုင်တဲ့ ရဲတပ်ဖွဲ့ရဲ့ တာဝန်ကျေမှုပေါ်လည်း မူတည်တယ်။ အခုနောက်ပိုင်း ရဲတွေကင်းလှည့်နေတာတွေ့ရပေမယ့် တချို့နေရာတွေမှာတော့ မရှိတာတွေကို တွေ့ရတယ်။ တစ်ဦးချင်းရဲ့ စိတ်ခံစားချက်အပေါ်မှာ ချက်ချင်းဖြစ်လာတာတွေကတော့ ရဲလည်း တားလို့မရနိုင်ဘူး။ မသမာ မှု၊ ကြိုတင်ကြံစည်မှု၊ ခိုး၊ဆိုး၊နှိုက်တွေကိုတော့ ရဲကမျက်ခြည်မပြတ် စောင့်ကြည့်ပြီးတရားဥပဒေစိုးမိုးရေးအတွက် တာဝန်အရှိဆုံးဖြစ်တယ်။ မြန်မာနိုင်ငံရဲတပ်ဖွဲ့အနေနဲ့ မှုခင်းကျဆင်းရေးနဲ့ ပတ်သက်ပြီး ပညာပေး တာ၊ ဟောပြောပွဲတွေလုပ်တာကို သတင်းစာတွေမှာ မကြာခဏတွေ့ နေရပေမယ့် တကယ်တမ်းထိရောက်တဲ့ သတင်းအရင်းအမြစ်တွေကို ဘယ်ကရနိုင်မလဲဆိုတာကို တစ်ခါတလေမှာ ပစ်ပယ်တယ်လို့ သံသယဖြစ်တယ်။ ပြည်သူလူထုကြားမှာ စစ်တမ်းကောက်ယူမှု၊ အင်န်ဂျီအိုတွေ ကရတဲ့ အချက်အလက်တွေ၊ မှုခင်းကျဆင်းရေးနဲ့ပတ်သက်တဲ့ အချက် တွေရနိုင်တဲ့ လူ့အခွင့်အရေးအဖွဲ့အစည်းတွေ သတင်းတွေကိုလည်း အလေးထားအာရုံစိုက်သင့်တယ်။ ပြည်သူလူထုတစ်ဦးချင်းစီက ဥပဒေကိုသိရှိပြီးလေးစားလိုက်နာဖို့လိုအပ်တယ်။ ကျွန်တော်တို့ပြည်သူတွေက အမှုအခင်းတစ်ခုဖြစ်လာရင် ရုံးတွေကိုရှောင်ချင်ကြတယ်။ ရဲစခန်း၊ အုပ်ချုပ်ရေးမှူးရုံးတွေကို မသွားချင်ကြဘူး။ ဒါကြောင့် မှုခင်းကျဆင်းရေးကိုမတားဆီးနိုင်ဘဲ ပိုပြီးဆိုးလာတဲ့အခြေအနေကို ရောက်သွားသလို ဖြစ်လာတယ်။

စိုင်းအောင်သူရဇော်(ပြည်သူတစ်ဦး)

အခုဖြစ်နေတာတွေကလည်း လူဆိုး၊ လူကောင်းဆိုတာ ခွဲခြားဖို့ ခက်တယ်။ အခုလိုဖြစ်နေတဲ့ ရာဇ၀တ်မှုတွေကြောင့် ကိုယ့်မိသားစု၊ ကိုယ့်သူငယ်ချင်း၊ မိတ်ဆွေတွေ အပြင်သွားလာချိန်မှာ စိတ်ပူနေရတယ်။ ရန်ကုန်မှာကလည်း မနက်မိုးလင်းတာနဲ့ အလုပ်သွား၊ ညနေဆိုရင် အ လုပ်ကပြန်ဆိုတော့ ပတ်ဝန်းကျင်ကိုလည်း သိပ်သတိမထားမိဘူး။ ကျူးလွန်တဲ့သူကလည်း ဖြစ်လာမယ့်အပြစ်ကို သိပ်မကြောက်သလိုမျိုး တွေတွေ့နေရတယ်။ ဒုစရိုက်မှုမဖြစ်အောင်ဆိုရင် ရန်ငြိုးမရှိအောင်နေ ရင်တော့ ရန်ငြိုးကြောင့်ဖြစ်တဲ့ ပြဿနာတွေမရှိနိုင်တော့ဘူး။ ဒါပေမဲ့ အခုအကြောင်းအမျိုးမျိုးကြောင့် အပြင်ကိုသွားလာနေကြတဲ့အခါမှာ တော့ တန်ဖိုးရှိတဲ့ အဖိုးတန်ပစ္စည်းတွေကို မလိုအပ်ဘဲ ၀တ်ဆင်တာမျိုး တွေ ရှောင်စေချင်တယ်။

ကိုကွန်းကျော် (ရူပဗေဒနောက်ဆုံးနှစ်ကျောင်းသား၊ မုံရွာတက္ကသိုလ်)

မြန်မာပြည်မှာ အခုလိုဒုစရိုက်မှုတွေ မကြာခဏဆိုသလို မြင်တွေ့ နေရတယ်၊ ကြားနေရတယ်။ ဘာမှမဟုတ်တဲ့ ပြဿနာအသေးအဖွဲက အစ ကြီးအောင်လုပ်နေကြတယ်။ တရားဥပဒေစိုးမိုးရေးကတော့ ဝေဖန် စရာကြီးပါပဲ။ အခုလိုစိတ်ကြွဆေးတွေ၊ အရက်ဆိုင်မှောင်ခိုတွေကြောင့် လူငယ်တွေရော လူကြီးတွေပါ ဒုစရိုက်မှုတွေ ကျူးလွန်တယ်လို့ ထင်ပါ တယ်။ ပြည်သူတွေရဲ့ စိတ်ထဲမှာ မလုံခြုံမှုနဲ့ စိုးရိမ်မှုတွေမြင့်တက်လာ တယ်လို့ မြင်ပါတယ်။ ကိုယ့်ကိုယ်ကိုယ် အကြမ်းဖက်မှုမခံရအောင် အစစအရာရာ သတိနဲ့နေထိုင်သင့်ပါတယ်။ ညအချိန်မတော် အပြင် ထွက်တာမျိုးတွေ မလုပ်သင့်တော့ဘူး။ ကိုယ့်အိမ်မှာ အကြမ်းဖက်မှုခံရ ပြီဆိုရင် သံပုံးတီးတာတို့၊ အရေးပေါ်အချက်ပေးတာမျိုးတွေ ကြိုတင်ပြင် ဆင်ထားသင့်တယ်။ ဘေးပတ်ဝန်းကျင်ကို အကူအညီတောင်းလို့ရအောင်လို့ပါ။ လုံခြုံရေးအတွက် ကျဉ်စက်တို့၊ ရော်ဘာတုတ်တို့ ဆောင်ထားသင့်တယ်လို့ မြင်ပါတယ်။

ဦးသိန်းအောင်မြင့် (မန္တလေး၊ နိုင်ငံရေးတက်ကြွလှုပ်ရှားသူ)

တရားဥပဒေက ပြည်သူတွေကို ပီပီပြင်ပြင် မကာကွယ်ပေးနိုင်ဘူး။ တရားဥပဒေကို ကာကွယ်ပေးရမယ့် လူတွေထဲမှာလည်း အလုပ်ကောင်း ကောင်းမလုပ်တော့ လူတွေက ဥပဒေကိုယုံကြည်မှုနည်းလာတယ်။ ဒုစရိုက်သမားတွေအတွက်လည်း အခွင့်အရေးကောင်းတွေရသွားတယ်။ အဲဒီလိုဖြစ်နေတော့ ပြည်သူတွေက ဥပဒေကို လေးစားစရာ၊လိုက်နာစရာ လို့ကို မထင်လာတော့ဘူး။ တကယ်တမ်း ဥပဒေက ပြင်းပြင်းထန်ထန် သာ အပြစ်ပေးရင် ပြဿနာတွေနည်းလာမှာ။ အခု အင်းဝကိစ္စကြည့်။ လူ့အခွင့်အရေးကော်မရှင်က လူတွေကိုယ်တိုင်က ရာဇ၀တ်မှုကို ဥပဒေ ကိုကျော်ပြီး ငွေနဲ့ညှိတာလေ။ ရာဇ၀တ်မှုဆိုတာက ကျေအေးပေးလို့မှ မရတာ။ တရားရုံးဆိုရင် ကိုယ်အမွေရမယ့်ကိစ္စကိုတောင် မသွားချင် တာ။ အဲဒီလောက်ကို တရားရုံးတွေကို ပြည်သူတွေက အယုံအကြည် ကင်းမဲ့နေတာ။ ပြီးတော့ ရဲတွေ ကိုယ်တိုင်က လူဆိုးတွေကို ပြန်ကြောက်ရတဲ့ဘ၀လိုဖြစ်နေတာ။ မီဒီယာတွေ၊ အရပ်ဘက်နိုင်ငံရေး အင်အားစု တွေ ရှိနေလို့ အားကိုးနေရတာ။

ဒေါ်ရွှေဝင့်ဝါ (ဗန်းမော်)

တစ်စတစ်စ အတင့်ရဲလာတဲ့ လုယက်မှု၊ အကြမ်းဖက်မှုအပါအ၀င် ဒုစရိုက်မှုတွေ တိုးပွားလာခြင်းရဲ့ အဓိကအရင်းအမြစ်တွေကတော့ မူး ယစ်ဆေးဝါးသုံးစွဲမှုဟာ လူထုကြားထဲမှာ မထင်မှတ်လောက်အောင် ကျယ်ပြန့်လာခြင်း၊ အလုပ်အကိုင်ရှားပါးခြင်းတွေကြောင့် အလုပ်လက်မဲ့ လူဦးရေ များပြားလာခြင်းနဲ့ အပြစ်ကြွေးမကျေခင် လွတ်ငြိမ်းချမ်းသာ ခွင့်နဲ့ ပြင်ပကိုလွတ်လာကြတဲ့ ဒုစရိုက်သမားတချို့ရဲ့ အမှောင့်ပယောဂ ကြောင့်လို့မြင်ပါတယ်။ မိမိနဲ့ မိသားစုလုံခြုံရေးအတွက် နေ့ညခြံတံခါး၊ အိမ်တံခါး အမြဲပိတ်ထားပြီး သတိနဲ့နေစေပါတယ်။ နီးစပ်ရာပတ်ဝန်း ကျင် ရပ်မိရပ်ဖအပါအ၀င် နယ်မြေရဲစခန်းဖုန်းနံပါတ်၊ နီးစပ်ရာမိတ်ဆွေ များရဲ့ဖုန်းနံပါတ်တွေကို အိမ်မှာလည်း မြင်သာတဲ့နေရာမှာ ရေးချိတ် ထားစေပါတယ်။ အချိန်မတော်သွားလာစရာပေါ်လာရင်လည်း တစ်ယောက်တည်းမသွားဘဲ အဖော်နဲ့ သတိ ထားပြီးသွားဖို့လိုတယ်လို့ ထင်ပါတယ်။ အမျိုးသမီးငယ်များ အထူးဆင်ခြင်ရမှာကတော့ ယနေ့ ခေတ်စားနေတဲ့ အွန်လိုင်းအချစ်ဇာတ်လမ်းမှတစ်ဆင့် အကြမ်းဖက်မှုတွေ ဖြစ်ပေါ်နေတာကြောင့် အထူးဆင်ခြင်ပြီး မိဘများ အနေနဲ့လည်း သားသမီးများကို မျက်ကွယ်မထားဘဲ အဆက်မပြတ် အရိပ်အခြည်ထိန်းသိမ်းပေးဖို့လိုအပ် တယ်လို့ထင်ပါတယ်။

ကိုစိုင်းအိမ်ခမ်း (နောက်ဆုံးနှစ်၊ မန္တလေးဆေးတက္ကသိုလ်)

ကျွန်တော်တို့နိုင်ငံမှာ ဒုစရိုက်မှုကျူးလွန်သူအများစုအမြင်မှာ ဘယ်လိုရှိနေလဲဆိုရင် ဒါဟာ နိုင်ငံရေးလုပ်တာမဟုတ်ဘူး။ နိုင်ငံရေး သမားဆို အာမခံမရဘူး။ ဘယ်လောက်ပဲငွေနဲ့လိုက်လိုက် နှစ်ရှည် ထောင်ကျမယ့်ကိန်းရှိတယ်။ ငါဒီလိုဒုစရိုက်မှုတွေလုပ်လိုက်တယ်ဆို တာ ငွေများများလိုက်ရင် လိုက်နိုင်သလို အမှုကလွတ်မြောက်ဖို့ Chance ရှိတယ်။ တစ်ဖက်က  အကြောင်းအမျိုးမျိုးကြောင့် ကျေအေးပေးလိုက် တယ်ဆိုရင် အမှုကတောင် လုံးဝကင်းလွတ်နိုင်တယ်လို့ မြင်ကြတယ်။ အင်းဝအပ်ချုပ်ဆိုင် Case မှာပဲကြည့်။ ဘာမှမဟုတ်တဲ့ အသေးအဖွဲလေး နဲ့တင် လူသတ်လောက်တဲ့အထိ ဒုစရိုက်မှုကျူးလွန်ခြင်းတွေကို ကြုံတွေ့ နေရတဲ့အတွက် ပြည်သူတွေရဲ့စိတ်ထဲမှာ မလုံခြုံမှုနဲ့စိုးရိမ်မှုတွေ မြင့် တက်လာနေတယ်လို့ ထင်ပါတယ်။ အခြေခံလူတန်းစား ဒုစရိုက်သမားတွေကို ပြစ်မှုကျူးလွန်တဲ့ဘက်ကို တွန်းပို့ပေးနေတဲ့ အဓိကအချက်တွေကတော့ ပညာရေးနဲ့ အလုပ်အကိုင်အခွင့်အလမ်းပဲ။ သူဌေးဒုစရိုက်သမား တွေကို ပြစ်မှုကျူးလွန်ဖို့ အဓိကတွန်းအားပေးတဲ့အချက်ကတော့ ငွေပဲ။ ငွေများတရားနိုင်ဆိုတဲ့အသိ၊ ဥပဒေကို ငွေနဲ့ အလဲထိုးနိုင်တယ်ဆိုတဲ့ အသိတွေက ဒီလူတွေမှာ ရှိကိုရှိတယ်။

သဉ္ဇာရွှန်းလဲ့ရည် (Yangon Youth Network)

ကြားနေရတာကတော့ စိတ်ပျက်အားလျော့စရာ၊ သတိထားစရာ၊ မလုံခြုံစိတ် ဖြစ်စရာတွေပါပဲ။ အလကားနေ လူလူချင်း မသင်္ကာဖြစ်ရ မယ့် ပုံစံဘက်ကိုရောက်နေတာပေါ့။ မြို့ပြ တစ်ခုဖြစ်တဲ့အခါ၊ နောက် ဒီမိုကရေစီ အကူးအပြောင်း ဒီလိုအချိန်အခါမျိုးမှာ အကြမ်းဖက်မှုတွေ ပိုတိုးလာတတ်တယ်လို့ ကြားသိဖူးပါတယ်။ အခုဆိုရှယ်မီဒီယာအားကောင်းလာချိန်မှာတော့ ဒီလိုကိစ္စတွေအပေါ် သတင်းမျှဝေတာ၊ သိလို့ စုတ်တသပ်သပ်ဖြစ်ရတာထက် ပိုတဲ့လှုပ်ရှားမှုတွေ လုပ်လို့ရပါတယ်။ ဥပမာ အခု လူ့အခွင့်အရေးကော်မရှင်ကို နုတ်ထွက်ဖို့ တောင်းဆိုတာ မျိုးက ဆိုရှယ်မီဒီယာမှာ သည်းမခံနိုင်ကြတဲ့ သူတွေ စုဆုံသွားတာမျိုးပေါ့။ ဒါက ပြည်သူတွေအနေနဲ့ တာဝန်သိစိတ်နဲ့ လုပ်ဆောင်နိုင်တာမျိုးပေါ့။ နောက် မတရားမှုတွေအပေါ် တိုက်ဖျက်တာ၊ တရားမျှတမှု တောင်းဆို တာမျိုးကို ဆက်တိုက်လုပ်ဆောင်လာနိုင် လိမ့်မယ်လို့ထင်ပါတယ်။ အပေါ်ပိုင်းပေါ်လစီပြုပြင်ပြောင်းလဲတာကတော့ ရေရှည်မှာ အဖြစ်သင့်ဆုံး ဆိုပေမယ့် ဒါကကြာနိုင်ပါတယ်။ မိမိကိုယ်ကိုယ်ကတော့ ဒုစရိုက်မှုတွေ မကြုံရအောင် လုံခြုံရေးအသိတိုးဖို့လိုမယ်။ နောက်ယုံကြည်မှု မလွန်ကဲအောင် သတိထားရပါမယ်။ မြို့ပြတစ်ခုအနေနဲ့ ရန်ကုန်မြို့က ပြောင်းလဲ လာပြီဆို သိထားရပါမယ်။ ရဲအရေးပိုင်တွေနဲ့ ချိတ်ဆက်ဆောင်ရွက်နိုင်ရပါမယ်။ ကိုယ့်အခွင့်အရေး ကိုယ်သိပြီး မကြောက်မရွံ့ ဒီမိုကရေစီခေတ်မှာ ရဲရဲဝံ့ဝံ့ဖြစ်သင့်ဖြစ်ထိုက်တာကို ပြည်သူတွေက လုပ်ဆောင်ရဲရပါမယ်။

မထက်ထက်နိုင် (သတင်းအတတ်ပညာကျောင်းသူ)

ဒုစရိုက်မှုဖြစ်ရပ်တွေကြောင့် ပြည်သူတွေရဲ့ စိတ်ထဲမှာ မလုံခြုံမှုနဲ့ စိုးရိမ်မှုတွေမြင့်တက်လာနေတာတော့ အမှန်ပါ။ အခုက လူပြတ်တဲ့ နေရာတင်မကဘူး။ လူစည်တဲ့နေရာတွေမှာပါ အဖြစ်များလာတဲ့အတွက် ပါ။ နောက်ပြီး အခုဖြစ်နေတဲ့မှုခင်းတွေကို ကြည့်မယ်ဆိုရင် ပြစ်ဒဏ်ပေး မှုတွေ အားနည်းနေတယ်လို့ ထင်မြင်မိတယ်။ ဥပမာ မုဒိမ်းမှုကို အလုပ် ကြမ်းနဲ့ထောင်ဒဏ် ၂ နှစ်ပဲချမှတ်တာမျိုးဆိုဒါက ပြစ်ဒဏ်အသေးစားအဆင့်သာသာပဲရှိသလို ဖြစ်သွားတယ်။ အဲဒီလိုသာ ဆက်ဖြစ်နေမယ် ဆိုရင် ကျူးလွန်တဲ့သူတွေက တရားဥပဒေကို ပေါ့ပေါ့တန်တန်သဘော ထားနေဦးမှာပဲ။ ဒါကြောင့် ပြစ်မှုပြစ်ဒဏ်ပိုင်းဆိုင်ရာ ဥပဒေတွေကို သက်ဆိုင်ရာ ကျွမ်းကျင်ပညာရှင်များနဲ့ တိုင်ပင်ပြီး အခုခေတ်အခြေအနေ နဲ့ကိုက်ညီအောင် ပြင်ဆင်ပြဋ္ဌာန်းစေချင်ပါတယ်။ အဓိကကတော့ ကိုယ့်ကိုယ်ကိုယ် ကာကွယ်နိုင်မယ့်ပစ္စည်းမျိုး ဆောင်ထားပါ။ လမ်းသွားစဉ်မှာလည်း လွယ်လင့်တကူဖုန်းဖွင့်ထားပါ။ ကားငှားပြန်ရင်လည်း အခု နောက်ပိုင်း စိတ်ချရတဲ့ Taxi Service အသုံးပြုသင့်ပါတယ်။ အကြမ်းဖက် ခံရပြီဆိုရင်လည်း အော်ဟစ်အကူအညီတောင်းဖို့ မကြောက်ကြပါနဲ့။ အခုနောက်ပိုင်းမှာတော့ Self Defense Class ဆိုပြီး မိန်းကလေးတွေအတွက်ဖွင့်လာပါပြီ။ အဲဒီသင်တန်းကနေလည်း ကိုယ်လုံပညာရပ်တွေကို လေ့လာသင့်တယ်လို့ ထင်ပါတယ်။

ဦးစိန်လှဖြူ (ကုန်စုံဆိုင်ရှင်၊ မောင်တော)

ဒီမိုကရေစီဆိုတဲ့အရာကို တလွဲအသုံးချတာကြောင့် အခုလိုဒုစရိုက် မှုတွေ၊ မှုခင်းဖြစ်စဉ်တွေဖြစ်ပွားမှုများလာတာဖြစ်ပါတယ်။ တရားဥပဒေ စိုးမိုးရေးကလည်း အစကတည်းက ယိမ်းယိုင်နေတာဖြစ်ပြီးတော့ ပြစ် ဒဏ်ကျသူတွေ လွတ်ငြိမ်းချမ်းသာခွင့်နဲ့ ပြန်လွတ်လာပြီး လူထုအတွင်းမှာ ပြစ်မှုကျူးလွန်မှုတွေ ဆက်ပြီးတော့ ပြုလုပ်လာတာတွေလည်း အစိုးရ ဘက်က လိုအပ်ချက်တစ်ခုဖြစ်နေပါတယ်။ ကျွန်တော်တို့ မောင်တော ဘက်မှာဆိုရင် မူးယစ်ဆေးဝါးနဲ့ ဖမ်းဆီးထောင်ချခံရတဲ့သူတွေ ထောင် ထဲမှာ ကြာကြာမနေရဘဲ ပြန်လွတ်လာတာတွေ ရှိနေပါတယ်။ ဘယ်လို ပုံစံမျိုးနဲ့ လွတ်လာတယ်ဆိုတာတော့ မပြောတတ်ပါဘူး။ အဲဒီလို ထိုက် သင့်တဲ့ပြစ်ဒဏ်မကျခံရဘဲ ပြန်လွတ်လာသူတွေဟာ နောက်ထပ် ပြစ်မှုကျူးလွန်ဖို့အတွက် ပိုလွယ်ကူသွားပါတယ်။ ဒုစရိုက်မှုတွေ၊ ပြစ်မှုတွေများလာတာကြောင့် ကလေးတွေကျောင်းတက်၊ ကျောင်းဆင်းကို လူကြီးတွေက လိုက်ပို့ပေးနေရပါတယ်။ ပြီးတော့ မူးယစ်ဆေးသမား များလာတာ ကြောင့် ကလေးတွေဆီမှာ ရွှေတွေတောင်မ၀တ်ပေးရဲဖြစ်နေပါတယ်။ အဓိကကတော့ အကူအညီတောင်းခံလို့ ရမယ့် ဖုန်းနံပါတ်တွေ (ဥပမာ- ရဲစခန်း၊ ရဲအသိ၊ ထွေအုပ်စတဲ့)  ရယူထားပြီးတော့ အန္တရာယ်တစ်ခုခုဖြစ်လာရင် ချက်ချင်း အကူအညီတောင်းခံသွားမှာ ဖြစ်ပါတယ်။

ဒေါ်မြနွယ် (ပြည်သူ့အထောက်အကူပြုအဖွဲ့ဝင်၊ ပြည်မြို့)

ကျွန်မတို့မြို့မှာလည်း အုပ်စုဖွဲ့ရိုက်နှက်တာတွေ၊ ရွှေ၊ ငွေ၊ ဖုန်း စတဲ့ လုယက်မှုတွေ၊ ကားမှန်ခွဲတာတွေ၊ မိန်းမကို ယောက်ျားက ဓားနဲ့ ခုတ်သတ်တာတွေ စတဲ့ဒုစရိုက်မှုတွေရှိတယ်။ ဒီလိုတွေအဖြစ်များလာ တော့ စိတ်ထဲမှာ လုံခြုံမှုမရှိတာအမှန်ပဲ။ ဒုစရိုက်မှုတွေ တိုးပွားလာခြင်း ဟာ အဓိကကတော့ တရားဥပဒေ စိုးမိုးမှု အားနည်းတာကြောင့်ပါ။ဒီမိုက ရေစီအစိုးရရဲ့ စီချိန်စံညွှန်းနဲ့အညီ ပြည်သူကို ဗဟိုပြုတဲ့ ဥပဒေတွေ ပြဋ္ဌာန်းဖို့လိုတယ်။ ပြဋ္ဌာန်းထားတဲ့ဥပဒေကို အသက်ဝင်စိုးမိုးစေဖို့ဆောင် ရွက်တဲ့ အဓိကကျတဲ့ရဲတပ်ဖွဲ့နဲ့ တရားစီရင်ရေးအနေနဲ့ အဂတိလိုက်စား ခြင်းမရှိဘဲ ဆောင်ရွက်ရမယ်။ အစိုးရအကြီးအကဲတွေက ဘယ်လိုပဲ မှန်မှန်ကန်ကန် ဆောင်ရွက်နေပေမယ့် အောက်ခြေ၀န်ထမ်းတွေကတရား ဥပဒေစိုးမိုးရေးကို မျက်ကွယ်ပြုနေဦးမယ်ဆိုရင်တော့ မလွယ်ကူဘူး။ ကျွန်မတို့သားသမီးတွေကို ညပိုင်းဆို ညဥ့်နက်သည်အထိ အပြင် မထွက်ခိုင်းဘူး။ အချိန်နဲ့ပြန်၊ အချိန်နဲ့သွားခိုင်းတယ်။ ဆိတ်ကွယ်ရာ အရပ်တွေ မသွားခိုင်းဘူး။ အဓိကကတော့ သူတစ်ပါးနဲ့ရန်မဖြစ်အောင် နေခိုင်းတယ်။ သူတစ်ပါးထိခိုက်နစ်နာစေတာမျိုးကို မလုပ်မိစေဖို့ ဆုံးမထားတယ်။ လူငယ်တွေအနေနဲ့ နိုင်ငံ့ကောင်းကျိုးသယ်ပိုးနိုင်ဖို့၊ ကိုယ်ချင်းစာ တရားထားနိုင်ဖို့ ဆုံးမထားပါတယ်။

ဦးစိန်ဌေး (ထိုင်းရောက် မြန်မာလုပ်သားများအရေး ကူညီပေးနေသူ)

ရန်ကုန်လိုမြို့ကြီးတွေမှာ အရင်ကထက် လူနေမှုပိုထူထပ်လာ သလားဆိုတဲ့ အချက်တွေကလည်း ပြန်တွက်ကြည့်ဖို့အများကြီးလိုပါတယ်။ အမှုအခင်းတွေကတော့ ထိုင်းလိုနိုင်ငံမျိုးမှာလည်း တော်တော် လေးဖြစ်ပွားပါတယ်။ နေ့စဉ်လူသတ်၊ လုယက်၊ အဓမ္မပြုကျင့် စသဖြင့် ပေါ့လေ။ ကွာခြားတာကတော့ နိုင်ငံသားတွေကို ကာကွယ်စောင့်ရှောက် ပေးတဲ့စနစ်လို့ ပြောလို့ရမယ်ထင်တယ်။ ရဲတပ်ဖွဲ့ဦးရေ၊ စွမ်းရည်၊ အ ထောက်အကူပြုကိရိယာ၊ လက်နက် စသဖြင့် အရမ်းကွာတာတွေ့ရပါ တယ်။ ပြဋ္ဌာန်းထားတဲ့ ဥပဒေပိုင်းဆိုင်ရာနဲ့ ဥပဒေစိုးမိုးရေးလည်း ကွာ ခြားပါတယ်။ ထို့အတူ ပြည်သူတွေရဲ့ အသိ အမြင်တွေလည်း ကွာခြားမှု အနည်းငယ်ရှိပါတယ်။ တချို့အချက်တွေမှာတော့ မြန်မာပြည်က အနည်းငယ်သာတာတွေရှိပါတယ်။ ဥပမာ ထိုင်းမှာဆို သေနတ်တရားမ၀င် ကိုင်ဆောင်မှုတွေများပေမယ့်မြန်မာမှာတော့နယ်စပ်ဒေသလောက်ကလွဲရင် ပြည်တွင်းထဲမှာမရှိသလောက်ပဲ။ မည်သို့ဆိုစေကာမူပေါ့။ ဘယ်နိုင်ငံပဲဖြစ်ဖြစ် ပြည်သူတွေရဲ့ အသက်အိုးအိမ်တွေ၊ နေထိုင်မှုဘ၀ တွေမှာ လုံခြုံစိတ်ချဖို့အတွက်ကတော့ အဓိက အစိုးရမှာတာဝန်ရှိပါတယ်။ ပြစ်မှုဆိုင်ရာဥပဒေတွေ ခိုင်မာအားကောင်းအောင် ပြဋ္ဌာန်းထားဖို့ လိုပါ တယ်။ ဒီဥပဒေကို ထိန်းသိမ်းပေးမယ့် ရဲတပ်ဖွဲ့ကလည်း ရုပ်ပိုင်းဆိုင်ရာ၊ စိတ်ပိုင်းဆိုင်ရာ၊ နည်းပညာ ပြည့်စုံဖို့လို့ပါတယ်။ ဒါမှသာ ပြည်သူကအားကိုးပြီး ပူးပေါင်းဆောင်ရွက်မှုတွေ မြင့်တက်လာမှာပါ။

ဦးထွန်းထွန်းဦး (လူ့အခွင့်အရေး တက်ကြွလှုပ်ရှားသူများအဖွဲ့-HRAN)

နံပါတ်(၁)က ကျွန်တော်တို့လူ့အဖွဲ့အစည်းမှာ စည်းကမ်းရယ်၊ ဥပဒေရယ်၊ လွတ်လပ်ခြင်းရယ်ကို ကွဲကွဲပြားပြား နားမလည်တာက စတာ။ နံပါတ်(၂)အချက်က လူမှုဒုက္ခပေါ့ဗျာ။ စားဝတ်နေရေးအဆင် မပြေလို့ လူတွေရဲ့စိတ်တွေက ထွက်ပေါက်တွေ ပိတ်နေတယ်။ တစ်စုံ တစ်ခုဖြစ်လာရင် လုပ်သင့်မလုပ်သင့် မဆင်ခြင်နိုင်တော့ဘူး။ (၃)အချက်ကတော့ အစိုးရက ပြည်သူကိုကူညီလို့ရတဲ့ နည်းလမ်း။ အဲဒါက တော့ ပြည်သူကို ဥပဒေအရ အကာအကွယ်ပေးတာပဲဖြစ်တယ်။ ဥပဒေ ကို ကိုင်တွယ်ကျင့်သုံးနေတဲ့သူတွေကို အစိုးရကထိန်းကျောင်းဖို့ လိုအပ် တယ်။ ဥပဒေကို ကိုယ်ကျိုးစီးပွားအတွက် အသုံးချနေသူတွေကို ထိထိ ရောက်ရောက် အရေးယူသင့်တယ်။ နံပါတ်(၄)အချက်ကတော့ ရုပ်ဝတ္ထု တွေ တိုးတက်လာခြင်းပဲ။ တိုးတက်လာတဲ့ ရုပ်ဝတ္ထုတွေနောက်ကိုလိုက် ရင်း စိတ်ပိုင်းဆိုင်ရာ အလေ့အကျင့်တွေ ကျဆင်းလာတယ်။ မိသားစုကြားက နွေးထွေးမှု၊ မိတ်ဆွေသူငယ်ချင်းတွေကြားက ခင်မင်ရင်းနှီးမှု လျော့ကျလာတယ်။ လူအချင်းချင်း အပေါင်းအသင်းမလုပ်ဘဲ ရုပ်ဝတ္ထုတွေနဲ့ပေါင်းနေတော့ စိတ်ပိုင်းဆိုင်ရာ တွေ လျော့နည်းကျဆင်းခဲ့ရတယ်။ နောက်ဆုံးအချက်ကတော့ ဘာသာတရားရဲ့ အဆုံးအမကို မလိုက်နာကြ တော့တာပဲ။ ကိုးကွယ်ယုံကြည်ရာ ဘာသာတရားရဲ့ အဆုံးအမကို လိုက်နာကျင့်သုံးကြမယ်ဆိုရင် လူ အချင်းချင်း လှည့်ပတ်ခြင်းတွေ ကင်းမှာပါ။

7day