အမေရိကန်သမ္မတ အိုဘားမာ မြန်မာပြည်လာမည်ဆိုသည့် အသံကြားရုံနှင့် အကုန်လုံး
ရုတ်ရုတ်သဲသဲ ဖြစ်ကုန်ကြသည်။အစိုးရအဖွဲ့တွင်း လွတ်တော်တွင်းနှင့် အတိုက်အခံနိုင်ငံရေး သမားများ မီဒီယာသမားများ ပါမကျန် အကုန်လုံး ပျော်သူပျော် ပြင်သူပြင်သူပြင်နှင့် အလှုပ်တွေ ရှုပ်ကုန်ကြသည်။
လွတ်တော်တွင်းမှာလည်း မလာခင်က ကြိုရောက်နှင့်သည့် ဘလက်လစ်စာရင်း ကိစ္စနှင့် ပါတ်သတ်ပြီး အဆိုတွေတင်သွင်းကြ ဝိုင်းဝန်းကန့်ကွက်ကြနှင့် အလှုပ်ရှုပ်ကြသည်။လွတ်တော်မှာ ဒီတစ်ခါတော့ ထူးထူးခြားခြား ဆိုရပေမည်။အာဏာရပါတီရော အတိုက်အခံတွေကပါ ညီညွှတ်ညွှတ် ကန့်ကွက်ကြသည်။
အမြဲရန်ဖြစ်တက်သည့် မောင်ရာဇာတို့လင်မယား ကြီးတော်ကြီး လက်ဆောင်တွေနှင့်အလည်လာမှာမို့ ခဏအပစ်အခတ်ရပ်စဲကာ တည့်ချင်ယောင်ဆောင်သည့် သဘောဖြစ်လိမ့်မည်ထင်သည်။
ကြီးတော်ကြီး ပြန်သွားမှ လက်ဆောင်ပစ္စည်းခွဲရင်း ရန်ပြန်ဖြစ်တက်ကြသည်။အဲလိုများ ဖြစ်လေမည်
လားတော့ မပြောတက်။ဘာပဲပြောပြော လောလောဆယ် ညီညွှတ်နေကြတာတော့ အပြောင်းအလဲ အသစ်တစ်ခုပင် ဖြစ်သည်။လွတ်တော်မှာတင် မဟုတ် စည်ပင်တွေလည်း ပလက်ဖောင်းတို့ကို ဆေးအသစ်သုတ်ကာ ပြောင်းလဲကြသည်။
အစိုးရအဖွဲကတော့ ပျော်ကြမည်ထင်သည်။ဒီတစ်ခေါက် စီးပွားရေးပိတ်ဆို့မှု့ တွေလျော့သွားအုံးမှာလား ပိုက်ဆံတွေချေးသွား အုံးမည်လား စသည့်မျော်လင်ချက်များနှင့် အစိုးရအဖွဲ့တင်မဟုတ် လုပ်ငန်းရှင် သူဋ္ဌေး ကြီးများပါ မျော်ကြပျော်ကြ ကုန်ရော့မည်။
ထို့အတူ ဟိုအရေး ဒီအရေးသမားများလည်း ဆိုင်းပုဒ်တွေ တီရှပ်တွေ ပြင်ကုန်ကြသည်။အိုဘာမား ခရီးမှာ နိုင်ငံတစ်ကာ မီဒီယာများစွာပါလာမည် ဆိုတော့ သူတို့လည်း ဟိုအရေးဒီအရေးတို့
နိုင်ငံတစ်ကာသိအောင် တောင်းဆိုကြမည်ထင်သည်။
မီဒီယာသမား များကတော့ ကင်မယာတစ်ပြင်ပြင်နှင့် ခေါင်းကြီးသတင်းရနိုင်ရန် သူထက်ငါ တိုးဝှေ့နေရာယူကြသည်။သူတို့လဲ ဒီရက်ပိုင်း ဆန္ဒပြပွဲ ပေါပေါများများ မရှိတော့ သတင်းရှားပါးကြ၍ ဖြစ်မည်။သေချာတာကတော့ အိုးဘားမားပုံနှင့် သတင်းဆောင်းပါးတို့ပါသော ဂျာနယ် သတင်းစာတို့ ရောင်းကောင်းကြသည်။အိုဘားမား ဘာတွေယူလာမလဲ ဘာတွေသယ်လာမလဲ ဆိုပြီး နိုင်ငံရေးသမားများကလည်း စိတ်ဝင်တစ်စားရှိကြသည်။
အိုဘားမား ဘာတွေယူဆောင်လာမလဲ ဆိုတာတော့မသိ သူစီးမည့်ကားကိုတော့ အသေအချာ
လေယာဉ်နှင့် သယ်လာသည်။လုံခြုံရေးအတွက်လည်း လူ၃၀၀၀ ခေါ်လာသည်။တိုက်လေယာဉ်တွေ စစ်သဘောင်္တွေလည်း ခေါ်လာသည်။သူအမြင် မြန်မာပြည်က အတော်မလုံမခြုံ ဖြစ်နေသည်ထင်သည်။
ပိုက်ဆံတွေ အတော်ကုန်လိမ့်မည်။ဒါကြောင့် သူပြည်ပခရီးတစ်ခါထွက်ရင် နိုင်ငံအခွန်ငွေတွေ အတော်ကုန်မည်။ဒီလောက်လူတွေနှင့် ဒီလိုလက်နက်ပစ္စည်းတွေ ကို မိုင်းပေါင်း
သောင်းကျော် ခရီးတွင် သယ်လာသည်။တကယ့်နုိုင်ငံ ထိပ်သီးခေါင်းဆောင်တွေလဲ လာကြမည်ဆိုတော့ တမင်ကြွားတာလဲ ဖြစ်နိုင်သည်။
ဒါမျိုးကြတော့ ကျုပ်တို့ မြန်မာသမ္မတကြီးက ကြွားခြင်းဝါခြင်း မရှိ။ဘယ်နိုင်ငံသွားသွား နောက်က ဝန်ကြီးလေးငါးခြောက်ယောက်နှင့် တွေ့တဲ့လေယာဉ် တိုးစီးသွားသည်။ရောက်တဲ့နိုင်ငံမှာလည်း
ရောက်မှန်းပင် မသိခပ်အေးအေး ခပ်ကုတ်ကုတ်ပင်။ဒါကြောင့် ကျုပ်တို့သမ္မတကြီး နိုင်ငံခြားခရီးသွားရင် သူများသမ္မတတွေလို လုံခြုံရေး စရိတ်တွေ ဘာတွေ သိပ်မကုန်လှ။ဒီအတွက် နိုင်ငံအခွန်ငွေတွေ သိပ်မကုန် ရောက်သည့်နိုင်ငံတွေမှာ ရသလောက် ပိုက်ဆံချေးလာလို့ အမြတ်ပင်ထွက်သေးသည်။
အတိုက်အခံ ပါတီတွေနှင့် နိုင်ငံရေးလှုပ်ရှားသူတွေကလည်း စာအိတ်တစ်ပြင်ပြင် ဖြစ်ကြသည်။
အိုဘားမားလာရင် အိတ်ဖွင့်တွေ အိတ်ပိတ်တွေ ပေးကြမည်ဖြစ်သည်။ကြီးတော်ကြီးလာရင် မုန့်ဘိုး ဆီးတောင်းတက်သော မောင်ရာဇာရဲ့ သားလိုပင် ဖြစ်လိမ့်မည်။အိမ်ကအဖေနဲ့ အမေတောင်းရင် အရိုက်ခံရမှာ စိုးသောကြောင့်ပင်။
မျိုးချစ် အဖွဲ့များလည်း ဆိုင်းပုဒ်တွေ အလံတွေ ကြိုပြင်ထားကြသည်။အိုဘားမား ရောက်ရင် လူ့အခွင့်အရေးအရ လူလူချင်း အမျုိးတော်ရမည်ဆိုကာ အမျိုးမတော်သူတွေနှင့် အတင်းအမျိုးစပ်ပေးရင် ကန့်ကွက်ဖို့ ဖြစ်သည်။
ရဲတွေလည်း အိုဘားမားလာမည်ဆိုတော့ အနားမရ။လုံခြုံရေးတွေ ကြိုတင်ပြင်ဆင်ကြရသည်။အိုဘာမား မခေါ်ခဲ့သည့် ဧည့်သည်တွေ ပါလာမှာစိုးသောကြောင့် ဧည့်စာရင်းတွေ စစ်ကြရာ ပြည်သူအများလည်း ကိုရီးယားကား ဖြောင့်ဖြောင့် မကြည့်ရ၍ ပူညံပူညံ ဖြစ်ကြသည်။ ရဲတွေကတော့ အရင်လို ခေါင်းပြားအောင် မအိပ်ရတော့။
ဒီလိုနှင့် အိုဘားမား မလာခင်တည်းက မြန်မာ တစ်ပြည်လုံး တစ်ရုံးရုံး တစ်ဝုန်းဝုန်းဖြစ်နေကြတော့သည်။
နိုဝင်ဘာ ၁၂ ရက်နေ့တွင်တော့ အားလုံးမျော်လင့် နေသော အမေရိကန်သမ္မတ အိုဘားမား အဲယားဖိုစ့်ဝမ်း စီးတော်ယာဉ်ကြီးနှင့် မြန်မာပြည်သို့ ရောက်လို့ လာခဲ့ချေပြီ။
မျော်နေ ပျော်နေ ပြင်နေကြသူ များတော့ မသိ မောင်ရာဇာကတော့ ရေးစရာ ကုန်ကြမ်း
ပြတ်နေခိုက် ရောက်လာသော အိုဘားမားအား အကြောင်းပြုကာ စာတစ်ပုဒ် ရေးရလို့ပျော်သည်။
သတင်းစာထဲမှာ ပါလို့ စာမူခလေး ရခဲ့ရင်ဖြင့် ပို့လို့ပင် ပျော်ဦး မည်ဖြစ်တော့သည်။
မောင်ရာဇာ
No comments:
Post a Comment