နမ့်မယောင်းမှသည် ဧရာဝတီ - အပိုင်း (၂) ဇာတ်သိမ်းပိုင်း ****************

အပိုင်း (၁)....https://www.facebook.com/myanmarmilitarynetwork/photos/a.540108686082111.1073741828.539605912799055/740133159412995/?type=1&relevant_count=1 နမ့်မယောင်းမှသည် ဧရာဝတီ - အပိုင်း (၂) ဇာတ်သိမ်းပိုင်း ***************************************** ၁၉၈၃ ခုနှစ်၊ မတ်လ ၂၃ ရက်။ ------------------------------------------ ဒီနေ့ ကျိုင်းတုံက ထွက်ပြီ။ မိုင်းယောင်း၊ မိုင်းဖြတ်ကပါလာတဲ့ကားတွေ အကုန်လုံးပါလာတာမို့ ကားတန်းကြီးက ယာဉ်အစီး ၂၀၀ လောက်ရှိတဲ့ တကယ့် Great Convoy ယာဉ်တန်းကြီးပါ။ စစ်ကြောင်း(၂)က ဗိုလ်မှူးစံသိန်းနဲ့ ဗိုလ်မှူးသောင်းတင် ခေါင်းဆောင်ပြီး ရှေ့ကထွက်နှင့်ကြတယ်။ ထုံးစံအတိုင်း ကျွန်တော်က နောက်ဆုံးက၊ Great Convoy မို့ ကျိုင်းတုံကလူတွေ တပျော်တပါးကြီး လိုက်လာကြတယ်။ ကုန်ပစ္စည်းတွေလည်း ပါတာပေါ့လေ။ ကျိုင်းတုံမှာ အကောက်အခွန်ရုံးရှိတာမို့ ကုန် ပစ္စည်းတွေက Custom Duty ဆောင်ထားတဲ့ပစ္စည်းတွေလို့ ထင်ရပါတယ်။ ပစ္စည်းတွေက အပြည့်အသိပ်တင်ကြတာပါပဲ။ ဒါမှလည်း မြေပြန့်က လူတွေ ဖောဖောသီသီ စားကြရမှာပေါ့နော်။ ကျွန်တော့်ကားကတော့ ခပ်ချောင်ချောင်ပါ။ ညီတော်မောင်ပေးခဲ့တဲ့ငွေနဲ့ မိကျောင်းစက်ဘီးအနီ တစ်စီးဝယ်ထားပါပြီ။ မိန်းမကို စာရင်းပြဖို့ ကိုက်သလောက်ဖြစ်သွားပါပြီ။ ငါးထောင်ကျော်သွားပြီ။ “ ဗိုလ်မှူး ကျွန်တော်တို့လိုက်ပါရစေ ” ကျိုင်းတုံမှာ အခြေချနေတဲ့ အငြိမ်းစားအရာခံဗိုလ်ကြီးနဲ့အဖွဲ့က လာခွင့်တောင်းတယ်။ အားလုံးတပ်ထွက်တွေ။ သူနဲ့တပည့်သုံးလေးယောက်က သိဟောင်းကျွမ်းဟောင်းမို့ လိုက်ခဲ့လေဆိုပြီး ခွင့်ပြုလိုက်တယ်။ All Free ပါ။ အငြိမ်းစားအရာခံဗိုလ်ကြီးက သူဝယ်လာတဲ့ စက်ဘီးထဲက တစ်စီးကို ဈေးရင်းနဲ့ ပြန်ရောင်းပေးပါ တယ်။ မိကျောင်းစက်ဘီးအနက်ရောင်ပါ။ ကျိုင်းတုံက မနက် ၁၀ နာရီကျော်မှထွက်နိုင်တယ်။ ကားတန်းကြီးက တပ်ရင်းအလံ၊ တပ်မအလံ၊ နိုင်ငံတော်အလံတွေက တလူလူလွင့်လို့ ကက်ဆက်သံတွေလည်း တညံညံနဲ့၊ ၀န်ထမ်းတွေရော၊ ကုန်သည်တွေရော၊ စစ်သားတွေရော ပျော်စရာကြီး။ တစ်ချို့များဆို လေမီးဖိုနဲ့ စားစရာတွေပါလာတယ်။ ချက်ပြုတ်စားကြမယ်ပေါ့။ လမ်းမှာကားတွေက ပျက်ချင်တဲ့နေရာပျက်တတ်တာမို့ ကြိုပြီး စီစဉ်လာကြတာ ပါ။ အဲဒီနေ့က မိုင်းပြင်းမှာ ညအိပ်ကြတယ်။ မိုင်းပြင်း Convoy ကွင်းကလည်း အစည်သား၊ ဆိုင်ကလေးတွေပြည့်လို့။ ဆိုင်ကလေးတွေဘေးမှာ တဲကလေးတွေ ထပ်ထိုးပြီး အိပ်ရတယ်။ ရေကတော့ Convoy ကွင်းယာဉ်ရပ်နားကွင်းဘေး နမ်းပြင်းချောင်းထဲ ဆင်းချိုးရုံပဲ။ နွေဆိုတော့ ရေတိမ်ပါတယ်။ ရေနစ် မှာ မစိုးရိမ်ရပါဘူး။ ဒီနေ့ညလည်း ပါလာတဲ့ ရမ်နဲ့ ကလော်စတာရောသောက်ပြီး စောစောအိပ်ပစ်လိုက်တယ်။ အိပ်ရေး ပျက်ခဲ့တဲ့ညတွေ များပြီလေ။ မှတ်မိသေးတယ်။ အဲဒီညက ဗိုလ်ကြီးဇော်ဌေးနဲ့ ဗိုလ်ကြီးဌေးလွင်တို့ တပ်ခွဲ မှူးနှစ်ယောက် ကျွန်တော့်တဲကို လာအိပ်ကြတာ။ စကားတပြောပြောနဲ့ အိပ်ပျော်သွားတယ်။ x x x x ၁၉၈၃ ခုနှစ်၊ မတ်လ ၂၄ ရက် ---------------------------------------- မိုင်းပြင်းက စောစောထွက်ကြတယ်။ မိုင်းပြင်းနဲ့တောင်ကြီးကြားက တောင်တွေချည်းပဲ။ လမ်းက သိပ်မကောင်းဘူး။ ကားတွေကများတော့ သိပ်မလွယ်ဘူး။ ကားတွေက မကြာမကြာလည်း ပျက်ကြတယ်။ မိုင်းပြင်းသဲတောင်တွေက သက်နုမြေဆိုတော့ မကြာခဏတောင်ပြိုတယ်။ အခုက နွေမို့လို့၊ မိုးဆို ဗွက်ချည်းပဲ။ လမ်းမှာ သိပ်မထင်ရှားတဲ့စခန်းလေးတွေ၊ ရွာတွေကိုဖြတ်ပြီး ညကျတော့ ကွန်ဟိန်းရောက်တယ်။ တပ်ရင်းမှူးကြီးနဲ့ ရှေ့အဖွဲ့တွေက တာကော်ရောက်နေပြီ။ “ မိုးချုပ်ရင် ကွန်ဟိန်းမှာ ကားစုံအောင်စောင်ပြီးအိပ်ပါ ” လို့ တပ်ရင်းမှူးက စက်နဲ့လှမ်းပြောလို့ ဒီညတော့ ကွန်ဟိန်းမှာပဲအိပ်ဖို့ဆုံးဖြတ်လိုက်တယ်။ ဗိုလ်ကြီးသူရခင်မောင်လတ်သင်တန်းသွားလို့ စီနီယာ တပ်စုမှူး ဗိုလ်ခင်မောင်လင်းကို တပ်ခွဲကိစ္စအ၀၀ တာဝန်ပေးထားရတယ်။ တပ်စုမှူးက သုံးယောက်။ ဗိုလ်ခင်မောင်ဝင်း၊ ဗိုလ်တင်စိုးနဲ့ နောက်ရောက်လာတဲ့ ဗိုလ်စောထွန်း။ ကွန်ဟိန်း Convoy ကွင်းက ခပ်ကျဉ်းကျဉ်းရယ်။ ဒါပေမဲ့ ကျွန်တော်တို့ ကားအစီးသုံးလေးငါးဆယ်တော့ ဆံ့ပါရဲ့။ “ တပ်ခွဲမှူး ဘယ်မှာအိပ်မှာလဲ ” ဗိုလ်ခင်မောင်လင်းကမေးတော့ - “ ဒီကွင်းထဲမှာပဲလေကွာ ” လို့ ဖြေရတယ်။ “ ကောင်းပါ့မလား ” တဲ့။ “ ကျွန်တော်တို့ရွာထဲမှာ တပ်ခွဲမှူးအတွက် အိမ်လိုက်ရှာကြည့်လိုက်အုံးမယ် ” တဲ့ ။ “ နေပါစေကွာ” လို့ပဲ ပြောလိုက်ပါတယ်။ ရေမိုးချိုးပြီး Convoy ကွင်းအပြင်ထွက်လိုက်တော့ ခပ်လှမ်းလှမ်းက ကျွန်းအိမ်ကြီးတစ်လုံးရှေ့က ဈေးဆိုင်မှာ ကားသမားတွေတိုးဝှေ့လို့ စားကြ၊ သောက်ကြနဲ့။ ကျွန်တော်လည်း ဘာလဲဆိုပြီး ၀င်ကြည့်လိုက်တော့ လားလား - ဆောင်လောက်ပါလား။ အမျိုးသမီးလှလှသုံးဦးက ယမကာအမျိုးစုံ၊ အမြည်းစုံ၊ အစားအသောက်အမျိုးစုံရောင်းနေကြတယ်။ ရှမ်း ထမင်းသုပ်တွေလည်းရောင်းတယ်။ ခေါင်းဆောင်အမျိုးသမီးက အလွန်လှတယ်။ ပါးချိုင့်နှစ်ဖက်နဲ့ ချိုပြုံးလို လို၊ နှင်းဆီလိုလိုရုပ်နဲ့ ကိုယ်လုံးကိုယ်ထည်ကလည်း ခပ်ဖွံ့ဖွံ့ဖြိုးဖြိုးပဲ။ ကျွန်တော်ကကျိုင်းတုံက၀ယ်လာတဲ့ ဂျင်းအင်္ကျီနဲ့၊ ၀က်ဝံနှစ်ကောင် တက်ထရွန်လုံချည်ကွက် ကျားနဲ့ အပြတ်ရှိုးပြင်တာ။ စစ်ဆင်ရေးအပြန်ဆိုတော့ ဆံပင်ကတော့ ခပ်ရှည်ရှည်ပေါ့ခင်ဗျာ။ “ ဘာစားမှာလဲရှင် ” ဆိုင်ရှေ့သွားရပ်တော့ မေးပါလေရောလား။ သိတဲ့ကားသမားတစ်ချို့ကလည်း ရှဲပေးကြတယ်။ “ ဘာရှိလဲ ” “ အစုံပါပဲရှင်၊ မြင်တဲ့အတိုင်းပါပဲ၊ အချိုရည်အစုံရှိပါတယ် ” “ အခါးရောဗျာ ” “ ဘီယာအမျိုးစုံနဲ့ ယိုးဒယားအရက်ပြင်းအမျိုးစုံရှိပါတယ် ” ကလေးမနှစ်ဦးက ၀င်ဖြေတယ်။ အသက် ၂၇၊ ၂၈ လောက်ရှိတဲ့ အကြီးမကြီးက ပြုံးနေတယ်။ ကျွန်တော့်ကို အကဲခတ်နေပြီးမှ မေးတယ်။ “ ပီအိုက် ဘာသောက်မှာလဲ ” “ ကလော်စတာတစ်ပုလင်းလုပ်ဗျာ ” ကလော်စတာတစ်ပုလင်းစသောက်ပြီး အမြည်းကတော့ တို့ဟူးခြောက်ကြော်၊ သားရေပွကြော်။ အမဲခြောက်ကြော်များ ရတယ်။ စားလို့ကောင်းတယ်။ ကလော်စတာက ဘီယာမို့ သိပ်အားမရဘူး၊ ဒါနဲ့ - “ ရမ်မရှိဘူးလား ” “ ရှိပါတယ် ” “ ရမ်နှစ်ပက်ပေးဗျာ ” ကလော်စတာထဲ ရမ်ထည့်သောက်တယ်။ အချိန်တစ်နာရီကျော်၊ နှစ်နာရီကြာပြီ။ တစ်မျိုးပြီးတစ်မျိုး မှာစားတယ်။ မှာသောက်တယ်။ ခဏတစ်ဖြုတ်လာထိုင်ကြတဲ့ ကားသမားတွေလည်း ပြန်ကုန်ကြပြီ။ နောက်ဆုံးတော့ဆိုင်မှာ ကျွန်တော်တစ်ယောက်တည်း ကျန်တော့တယ်။ “ ပီအိုက်က ကားသမားလား၊ ကုန်သည်လားရှင် ” “ ဗျာ ” “ ပီအိုက် တစ်ယောက်တည်းမို့ ကုန်သည်လားလို့ပါ ” “ ဘယ်လိုထင်လို့လဲဗျာ ” အမျိုးသမီးသုံးဦး တစ်ယောက် မျက်နှာတစ်ယောက်ကြည့်ပြီး ရယ်ကြတယ်။ “ ဟာ - တပ်ခွဲမှူး၊ တစ်ယောက်တည်းပါလား၊ ကျွန်တော်တို့က ပျောက်လို့ လိုက်ရှာနေကြတာ ” ဗိုလ်ခင်မောင်လင်းနဲ့ ဗိုလ်တင်စိုးတို့ရောက်လာကြတယ်။ အဲဒီလိုပြောတယ်။ အဲဒီကျမှ အမျိုးသမီး သုံးယောက်က ကျွန်တော်စစ်သားမှန်းသိသွားပြီး - “ သြော် - ပီအိုက်က လူစစ်ကိုး၊ ဗိုလ်လုံကိုး ” လို့ ဆိုကြတော့တယ်။ “ ဒါ ကျွန်တော်တို့တပ်ခွဲကို ကိုင်တဲ့ဗိုလ်မှူး ” လို့ ဗိုလ်တင်စိုးက ၀င်ပြောတယ်။ “ တပ်ခွဲမှူး အိမ်ရပြီ၊ စစ်ကြောင်းမှူးတွေအိပ်နေကျ၊ ကွန်ဟိန်းမြို့စားရဲ့ လက်ထောက်အိမ်မှာ အိပ်ဖို့လုပ်ခဲ့ပြီ ” ဗိုလ်ခင်မောင်လင်းက ပြောပြန်ပါတယ်။ “ သြော် - နေပါစေကွာ၊ ကွင်းထဲမှာပဲ အိပ်ပါ့မယ် ” “ မိုးစိတ်မချရဘူး တပ်ခွဲမှူး၊ မိုင်းပြင်းမှာတုန်းကတောင် မိုးလေးတစ်ဖြောက်နှစ်ဖြောက် ကျသေးတယ် ” “ ဗိုလ်လုံတို့ပြောတာ ကျွန်မတို့နေတဲ့အိမ်ရှင့်၊ ကျွန်မတို့ ဘကြီးအိမ်ပါရှင့်၊ ဗိုလ်မှူးအိပ်ပါရှင့် ” အကြီးမက အပြုံးလှလှနဲ့ ဖိတ်တယ်။ “ ဒါဆိုလည်း အိပ်ပေါ့ ” အဲဒီညက အဲဒီကွင်းထဲကနေပြီး အိမ်ပြောင်းအိပ်ဖြစ်ခဲ့တယ်။ ညမှာ နည်းနည်းညောင်းတယ်ပြောတော့ အကြီးမက နှိပ်ပေးမယ်ဆိုတာ အတင်းငြင်းလိုက်ရတယ်။ မလုပ်ပါနဲ့၊ ရှက်စရာကြီး၊ အခါထုံးစံလို ဖြစ်နေဦးမယ်။ အခါထုံးစံကတော့ ဧည့်သည်ညောင်းရင် အပျိုမလေးတွေက နှိပ်ပေးရတယ်။ ရှမ်းမှာတော့ အဲဒီထုံးစံ လုံးဝမရှိဘူး။ မိုးလင်းတော့ အကြီးမကပဲ မျက်နှာသစ်ရေတွေ ဘာတွေလာပို့လို့ ကျေးဇူးတင်ကြောင်း ပြောရပါ သေးတယ်။ ကွန်ဟိန်းမှာ အဲဒီတစ်ခါပဲ ညအိပ်ဖူးလို့ ဒီအဖြစ်အပျက်ကို အခုထိ မမေ့သေးပါဘူး။ အမှတ်တရတစ်ခုပေါ့။ x x x x ၁၉၈၃ ခုနှစ်၊ မတ်လ ၂၅ ရက် -------------------------------------- ကွန်ဟိန်းက မနက်စောစောထွက်ခဲ့ကြတယ်။ တောင်ကြီးရောက်တော့မှာမို့ ကုန်သည်တွေလည်း ပျော်၊ ၀န်ထမ်းတွေလည်းပျော်ပေါ့။ တောင်ကြီးရောက်ရင်လွတ်ပြီ၊ ကျွတ်ပြီလေ။ ညနေ ၂ နာရီလောက်၊ ၃ နာရီလောက် တောင်ကြီးရောက်ပါတယ်။ ကားအတော်များများကိုတော့ အရှေ့ပိုင်းတိုင်းစစ်ဌာနချုပ်က ရွှေညောင်ဆင်းခိုင်းလက်တယ်။ ကျွန်တော်တို့ တပ်ရင်းကိုတော့ တိုင်းရှေ့ မှာရပ်ခိုင်းပြီး ခေါင်းဆောင်လူကြီးပိုင်းက တိုင်းမှူးကြီးနဲ့တွေ့ရတယ်။ ကျွန်တော်လည်းပါပါတယ်။ တိုင်းမှူး ကြီးက ဗိုလ်ချုပ်အေးစန်းပါ။ ဘာမှအထူးမပြောပါဘူး။ မိုင်းယောင်းဘက်က ရန်သူ့အခြေအနေနဲ့ လမ်းအခြေအနေကိုမေးပြီး ပြန်လွှတ်လိုက်တာပါပဲ။ ယာဉ်တန်းကိုလည်း မစစ်ပါဘူး။ အားလုံးပျော်ပြီး ပြန် လာကြတယ်။ အဲဒီညက ရွှေညောင်ကကွင်းထဲမှာ ဆင်းအိပ်ကြပါတယ်။ ကုန်သည်တွေနဲ့ ၀န်ထမ်းတွေအားလုံးကတော့ တောင်ကြီးနဲ့ ရွှေညောင်မှာ All Clear ပါ။ ဆင်း သွားရှင်းသွားပါပြီ။ ကျိုင်းတုံကပါလာတဲ့ ပစ္စည်းတွေလည်း စ၀်စံထွန်းဈေးကြီးထဲက ဒိုင်တွေက အားလုံး သိမ်းသွားကြပါပြီ။ ဒီကပြီးမှ ရန်ကုန်၊ မန္တလေးပြန်ပို့တာပါ။ ကျွန်တော်တို့ကားပေါ်မှာတော့ ရဲဘော်တွေဝယ်လာတဲ့ တစ်ပိုင်တစ်နိုင်ပဲ ပါပါတော့တယ်။ အဲဒီညကတော့ ရွှေညောင်ယာဉ်ရပ်နားကွင်းထဲမှာ တပ်ရင်းတစ်ရင်းလုံး ညအိပ်ကြတာပါ။ ရွှေညောင်မှာက ထောက်ပို့တပ်ရင်းကြီးတစ်ရင်းရှိပါတယ်။ ယာဉ်ရပ်နားကွင်းက အဲဒီတပ်နဲ့ မျက်နှာချင်းဆိုင်မှာပါ။ လမ်းဟိုဘက်ပေါ့။ အဲဒီကွင်းကြီးက ကျွန်တော် မိုင်းရှူးမော်ဖကပြန်အဆင်း ( ၁၉၉၀ ခုနှစ် ) မှာ တပ်ရင်းမှူးတာဝန်နဲ့ ခလရ(၆)မှာ တာဝန်ထမ်းဆောင်တုန်းက တစ်ညအိပ်ခဲ့ဖူးသေးတယ်။ အခု အချိန်အထိ အဲဒီကွင်းကြီးရှိတုန်းပဲတဲ့။ x x x x ၁၉၈၃ ခုနှစ်၊ မတ်လ ၂၆ ရက် --------------------------------------- ရွှေညောင်ကနေပြီးထွက်တော့ ကားအစီးလေးဆယ်ပဲ ကျန်ပါတော့တယ်။ ကျွန်တော်တို့ဘက်က ၂၅ စီးလောက်နဲ့ ကျန်တာက မိတ္ထီလာတပ်နယ်မှကားတွေပါ။ ဒါကြောင့် ကားကလည်းနည်း၊ အဆင်းကလည်းဖြစ်ဆိုတော့ အတော်မြန်ပါတယ်။ မိတ္ထီလာမှာ ကားတစ်ဝက်တောင်ကျန်ခဲ့ပြီ။ ကျွန်တော် တို့ကားတွေကတော့ မကွေးကိုဆက်ထွက်ကြတယ်။ ညနေ မိုးမချုပ်တချုပ်မှာ ရေနံချောင်းအထွက်က ၃၆ မိုင်ရွာကို ရောက်ပါတယ်။ အဲဒီမှာ ညအိပ်အခြေပြုပါတယ်။ မပြုလို့မရဘူး။ မကွေးက မနက်ကြိုနိုင်အောင် ဒီရွာမှာ ညအိပ်ရတာ။ ဒီမှာလည်း ရယ်စရာ၊ သနားစာတွေ တွေ့ရတယ်။ ကိုယ့်ယောက်ျား ရေနံချောင်းက ၃၆ မိုင်ရွာမှာ ရောက်တယ်လည်းကြားရော တပ်က မိန်းမတွေ၊ ကလေးတွေလိုက်လာကြတယ်။။ရေနံချောင်းနဲ့ မကွေးက ဘာဝေးတာမှတ်လို့။ ဟိုရောက်တော့ ငိုကြ၊ ယိုကြ၊ ပွေ့ဖက်ကြနဲ့။ တော်တော်နဲ့ မပြန်ကြဘူး။ တစ်ချို့က အဲဒီမှာပဲ ညအိပ်ကြတယ်။ တပ်ခွဲမှူး၊ တပ်ခွဲအရာရှိတွေကလည်း ကိုးလ၊ ဆယ်လခွဲနေကြရတာကိုသိတော့ သူတို့ကို လွှတ်ပေးထားရတော့တာပေါ့။ မျက်ကွယ်ပြုထားရတယ်။ လူပျိုရဲဘော်တွေကလည်း အိမ်ထောင် သည်တွေအတွက်အိပ်စရာ၊ နေစရာ ဖယ်ပေးကြရတယ်။ ကျွန်တော်လည်း ရယ်စရာရှိသေးတယ်။ သားမောင်ဖိုးချွန်က အဲဒီတုန်းက ဆယ်နှစ်နှစ်လောက်ရှိ ဦးမယ်။ ၃၆ မိုင်ရွာကလေးကို လိုက်လာတော့ တစ်စုမှူးအသစ် ဗိုလ်စောထွန်းက - “ တပ်ခွဲမှူး - အသားညိုညိုကောင်လေးတစ်ယောက် တပ်ခွဲမှူးကို လိုက်မေးနေတယ်၊ ခေါ်ခဲ့ရမ လား၊ အမျိုးတော်လားခင်ဗျာ ” လို့ သဘောရိုးနဲ့လာပြောတော့ ကျွန်တော်ကလည်း ရယ်ချင်ချင်မို့ - “ အဲဒါ ကိုယ့်ညီအငယ်ဆုံးလေးကွ၊ သွားခေါ်လိုက်ပါကွာ ” ဆိုပြီး လွှတ်လိုက်တယ်။ သားတော် မောင်ပါလာတော့ ကျွန်တော့်မြင်တာနဲ့ - “ ပါးပါး ” ဆိုပြီး ခေါ်ပါလေရော။ ပါးပါးဆိုတာ အဖေပေါ့။ ကရင်လို အဖေလို့ခေါ်တာ။ ကရင်တောထဲနေဖူးခဲ့တဲ့ ဗိုလ်စောထွန်းက ဒါ လောက်မညံ့ပါဘူး။ ပါးပါးလို့လည်းခေါ်ရော သားမှန်း ချက်ချင်းသိသွားပါတယ်။ ပြီးတော့ - “ တပ်ခွဲမှူးကြီးက ခပ်တည်တည်နဲ့ တော်တော်နောက်တာပဲ ” လို့ပြောပါတယ်။ တပ်ခွဲတစ်ခွဲလုံးက တော့ ဗိုလ်စောထွန်းကို ၀ိုင်းပြီးရယ်ကြတာပေါ့။ သူတို့ကတော့ သားတော်မောင်ကို သိကြတယ်လေ။ သားတော်မောင်ကလည်း အဲဒီညက ကျွန်တော်နဲ့အိပ်ပါတယ်။ သားကို ညီအငယ်ဆုံးလေးဆိုပြီး နောက်ပြောင်လိုက်တဲ့သတင်းက တပ်ရင်းမှူးကြီးဆီထိ ပြန့်သွားပြီး အဲဒီညနေ ထမင်းအတူစားတော့ တပ် ရင်းမှူးကြီးက - “ ဗိုလ်မှူးသက်ဦးရဲ့ ညီအငယ်ဆုံးလေးပြန်သွားပြီလား ” လို့ ပြုံးပြုံးကြီးနဲ့မေးပါတယ်။ ကျွန်တော်ကလည်း ပြုံးပြီး - “ ဒီည ကျွန်တော်နဲ့ အတူအိပ်ချင်လို့တဲ့ခင်ဗျ ” ဆိုတော့ - “ ညီအငယ်ဆုံးလေးက သူ့အစ်ကိုကြီးကို တော်တော်ချစ်ပုံရတယ် ” လို့ စပါတယ်။ အဲဒီညကတော့ ၃၆ မိုင်ရွာကလေးမှာ ကားသံ၊ လူသံတွေနဲ့ တစ်ညလုံးဆူညံနေတဲ့အတွက် တော် တော်နဲ့ မအိပ်နိုင်ကြပါဘူး။ x x x x ၁၉၈၃ ခုနှစ်၊ မတ်လ ၂၇ ရက် ဒီနေ့မှ တိုက်တိုက်ဆိုင်ဆိုင် တပ်မတော်နေ့နဲ့ လာပြီးဆုံနေတယ်။ ၃၆ မိုင်ရွာက မနက် ၀၇၀၀ နာရီလောက် ထွက်ခဲ့ကြတယ်။ ကား ၂၅ စီးလောက်ပါတယ်။ ကား ၂၅ စီးကို တပ်ရင်းမှူးကြီးကားက ဦး ဆောင်ပြီး ၃၆ မိုင်ရွာမှ ထွက်ပါတယ်။ တပ်ရင်းအလံ၊ တပ်မအလံ၊ နိုင်ငံတော်အလံတွေ တလူလူလွှင့်ပြီး ကက်ဆက်သံ၊ လော်စပီကာသံ တညံညံနဲ့၊ ပထမ ရေနံချောင်းမြို့ကိုဖြတ်တယ်။ ရေနံချောင်းကလည်း မြို့ အရှည်ကြီး၊ မြို့လယ်လမ်းမကြီးကလည်း Highway တစ်ကြောင်းပဲရှိတာ။ အဲဒီလမ်းမကြီးကို ကားတွေဖြတ်မောင်းတော့ ရဲဘော်တွေက ကျိုင်းတုံမှဝယ်လာတဲ့ ချိုချဉ်လုံးတွေ၊ တပ်မတော်စာစဉ်တွေကို ၀ိုင်းကြည့်နေကြတဲ့လူထုထဲကို လှမ်းပစ်၊ လှမ်းကြဲလုပ်ကြတယ်။ လူထုကလည်း အလုအယက်ကောက်ကြပါတယ်။ တပ်မတော်စာစဉ်ထဲမှာ လိပ်စာတွေထည့်ပေးလို့ မကွေးတပ်စစ်သည် တွေက ရေနံချောင်းသူတွေနဲ့ရတာ မနည်းလှပါဘူး။ ရေနံချောင်းကျော်တော့ ဒေါင်းနေတို့၊ နတ်မောက်လမ်းခွဲတို့ရောက်ပါတယ်။ ပြီးတော့ ဒဟတ်ကန်၊ ကံဖျားစတဲ့ရွာတွေရောက်ပြီး နောက်ဆုံးကျွန်တော်တို့ရဲ့တပ်ရင်း ( အမှတ်-၁ ဗမာ့သေနတ်ကိုင်တပ်ရင်း ) ဂိတ်ကို ရောက်ပါတယ်။ လူအုပ်ကြီးကတော့ ကျပ်ခဲနေတာပါပဲ။ မကွေးမြို့အုပ်ချုပ်ရေးအဖွဲ့က ကျောင်းပေါင်းစုံ၊ မကွေးကောလိပ်၊ ရုံးအသီးသီးက ၀န်ထမ်းများနဲ့ တပ်နယ်က မိသားစုများ၊ မြို့သူမြို့သားများ အများအပြား ကို အတော်စည်းရုံးနိုင်ပါတယ်။ ကျွန်တော့်ဘ၀မှာ ဒီလောက်ကြီးမားတဲ့ လူထုကြီးနဲ့ကြိုဆိုတာကို ဒီမြေလတ်ဒေသ မကွေးမြို့မှာပဲ ကြုံဖူးပါတယ်။ တစ်ခဲနက်ကို အမှန်တကယ်ကြိုကြတာပါ။ အိုးစည်ဗုံမောင်း၊ ဘင်ခရာအဖွဲ့၊ ဆိုင်းဝိုင်း၊ အကအခုန်တို့နဲ့ ကြိုကြတာပါ။ တပ်မရောက်မီ ကိုက် ၁၀၀ လောက်က လမ်းဆင်းလျှောက်ကြရပါတယ်။ တပ်အ၀င်ဂိတ်ဝမှာ ပန်း ကုံးစွပ်သူတွေက ပန်းကုံးဆီးပြီးစွပ်ကြတယ်။ တပ်ရင်းမှူးကြီးကိုတော့ တပ်ရင်းမှူးကတော်နဲ့ သားသမီးများ က ပန်းကုံးစွပ်ကြပါတယ်။ ကျွန်တော်တို့ အိမ်ထောင်သည်အရာရှိတွေကိုလည်း ဇနီးနဲ့သားသမီးများက ပန်းကုံးစွပ်ပြီးကြိုကြပါတယ်။ လူပျိုအရာရှိနဲ့ စစ်သည်များကိုတော့ တခြားတခြားသော အမျိုးသမီးကလေးများက အဆင်ပြေသလို ပန်းကုံးစွပ်ပြီး ကြိုကြပါတယ်။ မကွေးကောလိပ်မှ လှပျိုဖြူလေးများလည်း လာရောက်ပြီး ရှေ့တန်းပြန်များကို ပန်းကုံးစွပ်ကြတဲ့အတွက် အရာရှိလူပျိုးကလေးများနဲ့ သမီးရည်းစားတွေဖြစ်ကုန်ကြပါ ရောလား။ ကျွန်တော်ရှိတုန်းမှာပဲ နှစ်တွဲလောက်စွံသွားပါတယ်။ အဲဒီထဲမှာ အထက်တန်းကျောင်းက ခပ် ငယ်ငယ်၊ ခပ်လှလှ အထက်တန်းပြ ဆရာမလေးတွေလည်းပါရဲ့။ စစ်ဗိုလ်နဲ့ ဆရာမက ဟိုးရှေးပဝေသဏီ ကတည်းက လိုက်ဖက်တဲ့ အတွဲတွေလေ။ တစ်တပ်လုံး ပန်းကုံးစွပ်ကြိုဆိုပြီးတော့ တပ်ရင်းစစ်ရေးပြကွင်းမှာ တပ်ရင်းမှူးကြီးရဲ့ တပ်ဝင်မိန့် ခွန်းကို ကျွန်တော်တို့အားလုံး တန်းစီပြီး နားထောင်ရပါတယ်။ တပ်ဝင်မိန့်ခွန်းကတော့ အထူးမဟုတ်ပါဘူး။ ဒီအခေါက်ပင်ပန်းလို့၊ ရှေ့တန်းမှာကြာလို့ အခါတိုင်း အနားပေးတဲ့ တစ်လအစား တစ်လခွဲထိ နားရက်တိုးပေးခံရကြောင်း၊ နားတဲ့ကာလမှာ လေ့ကျင့်ရေးတွေ ပြန်လုပ်ကြမယ့်အကြောင်း၊ ဒါ့အပြင် မိသားစုပျော်ပွဲရွှင်ပွဲများလုပ်ပေးမယ့်အကြောင်း၊ မိသားစုသင်္ကြန်ပြု လုပ်မယ့်အကြောင်း၊ ရဟန်းခံရှင်ပြုလုပ်ပေးမဲ့အကြောင်း၊ အငြိမ့်ငှားပေးမယ့်အကြောင်း၊ ပုဂံဘုရားဖူးစေ လွှတ်မယ့်အကြောင်း အစုံပါပဲ။ တပ်ရင်းမှူးကြီးက တပ်ရဲ Welfare ကို အလွန်ကြည့်သူဖြစ်တဲ့အတွက် အလွန်ချစ်ခင်နှစ်လိုစရာကောင်းလှပါတယ်။ အတုလည်းယူရပါတယ်။ မိန့်ခွန်းပြောပြီးလို့ တန်းဖြုတ်တော့ မဏ္ဍပ်မှာနေ့လယ်စာ (Lunch ) စားရပါတယ်။ တပ်ရင်းတစ်ရင်း လုံးအတွက် မီးခိုးတိတ်ချက်ထားတယ်။ မြို့ထဲက ဌာနဆိုင်ရာပုဂ္ဂိုလ်ကြီးတွေနဲ့ နေ့လယ်စာကို အတူစားသုံး၊ စကားလက်ဆုံကျ၊ ကိုယ်က ကျေးဇူးတင်ကြောင်းပြော၊ သူတို့က ရှေ့တန်းအကြောင်းမေးနဲ့ နှုတ်ဆက်စကားဆိုကာ အခမ်းအနားကို ရုပ်သိမ်းလိုက်တာပါပဲ။ တပ်ခွဲတွေကတော့ လက်နက်တိုက်မှာ လက်နက်တွေ အပ်ကြပြုကြ၊ လူပျိုစစ်သည်တွေက ပစ္စည်း ထုတ်ကြ၊ အိမ်ထောင်သည်တွေက ၀ယ်ခြမ်းလာတာလေးတွေ သယ်ကြပြုကြနဲ့ ရှုပ်ယှက်ခတ်နေပါတယ်။ ကျွန်တော်လည်း လာကြိုတဲ့ဇနီးမယား၊ သမီးသားနဲ့ အိမ်ကိုပြန်ခဲ့တယ်။ အိမ်ရောက်တော့ ဇနီးသည်မေက ပို့လိုက်တဲ့ ပိုက်ဆံတွေရလား၊ ဘာလုပ်ခဲ့လဲဟင်၊ ဘာဝယ်ခဲ့လဲဟင်ဆိုပြီးမေးပါတယ်။ ဒါတွေကြိုတွက်ထားပြီးသားပါ။ ဒါကြောင့် ပါလာတဲ့ပစ္စည်းတွေကို ရဲဘော်တွေလာပို့တာပြပြီး - “ ဟောဒီမှာ စက်ဘီးက သုံးစီးကွာ၊ မေ့အတွက် ရှံလုံချည် ၂ ထည်၊ ယုန်မွှေးတစ်ထည်ကွာ၊ အဲဒါနဲ့ ပဲ မေ့အသက်အာမခံငွေငါးထောင်ပြည့်သွားပြီလေ၊ ဒီစတီးချိုင့်တို့၊ ဖျော်ရည်ပုလင်းတို့၊ မုန့်ပုံးတို့၊ ကလေး ၀တ်အင်္ကျီလေးတွေတို့က တပ်ခွဲက၀ယ်ပေးလိုက်တာ၊ အားလုံး ၆၀၀၀၊ ၇၀၀၀ ဖိုးလောက်တော့ရှိတယ် ” အဲဒီလိုပြောတော့ ဇနီးသည်က အလွန်ကျေနပ်သွားပါတယ်။ ကလေးတွေကတော့ “ တို့အဖေကြီး ဟေ့ ” လို့အော်ပြီး အတင်းဝိုင်းဖက်ကြပါတယ်။ သူတို့က ကျိုင်းတုံကလာတဲ့ မိကျောင်းတို့၊ ပန်းကမ္ဘာတို့ဆို တဲ့ စက်ဘီးတွေ အလွန်စီးချင်ကြတာကိုး၊ အခုစီးလို့ရပြီပေါ့။ ဒီအခေါက်က ကျွန်တော်လည်း Major အပွင့်လေးတပ်ရလို့ အလွန်ကျေနပ်လာခဲ့တာ။ ကျေနပ်မှုက အိမ်ပြန်အရောက်မှာ အထွတ်အထိပ်ရောက် သွားတာပေါ့ခင်ဗျာ။ ဒါတွေဟာ ရှေ့တန်းပြန် ကျွန်တော်တို့စစ်သားတွေရဲ့ တကယ့်အစစ်အမှန် Feeling များပါခင်ဗျား။ x x x x နိဂုံး ---------------- ကဲ - စာရှုသူများခင်ဗျာ။ နမ်မယောင်းချောင်းဘေး မိုင်းယောင်းမြို့လေးကနေပြီး ဧရာဝတီမြစ်ကြီးဘေးက မကွေးမြို့ကို ကျွန်တော်တို့စစ်သားတွေ ဘယ်လိုပြန်လာခဲ့ကြသလဲဆိုတာ အကြမ်းဖျင်းတော့ ပုံပေါ်ပြီထင်ပါတယ်။ ခရီး အကွာအဝေးကလည်း မသေးလှပါဘူး။ မိုင်ပေါင်း ငါးရာခြောက်ရာပေါ့။ တစ်ထောင်နီးနီးရှိမယ်ထင်ပါရဲ့။ ရက်ကလည်း ရက်သတ္တတစ်ပတ်လောက်ကြာပါတယ်။ ဒါက ပွင့်လင်းရာသီမို့ပါ။ မိုးတွင်းဆိုရင်တော့ ဒါ့ထက်ပိုကြာတတ်ပါတယ်။ တံတားကျိုးတာ၊ မြစ်ရေချောင်းရေ၊ တောင်ကျရေတွေကြီးတာ၊ တောင်ပြိုတာ၊ လမ်းပျက်တာနဲ့ကြုံရင် ကားတွေပိတ်မိပြီး ရက်သတ္တတစ်ပတ်ကနေပြီး နှစ်ပတ်၊ သုံးပတ်ဖြစ်သွားတတ်ပါ တယ်။ လမ်းမှာဖြစ်ပျက်ခဲ့တာတွေလည်း အဲဒီတုန်းက ဖြစ်ခဲ့တာအမှန်တွေပါ။ တောင်ပေါ်သူလေး မနန်းပန်နဲ့ မိတ်ဆွေဖြစ်ခဲ့တာလည်းအမှန်ပါ။ ၁၉၉၁ ခုနှစ် ကျွန်တော် ဒုတိယဗိုလ်မှူးကြီးအဆင့်နဲ့ ကျိုင်းတုံ မှာ ခေတ္တတာဝန်ကျတော့ ဂျီဝမ်းအမိန့်ထွက်ပြီး နောက်တစ်နေ့ ပြန်မယ်အလုပ် မပြန်မီညက သူ့ကို အမှတ် တရသွားနှုတ်ဆက်ခဲ့ပါတယ်။ စောစောကတော့ သံယောဇဉ်နှောင်ကြိုးတွေ ထပ်တင်းမှာစိုးလို့ မသွားခဲ့တာ ပါ။ အဲဒီညက သူက အံ့သြလို့။ ကျွန်တော်ကလည်း နှုတ်ဆက်ညစာစားပွဲ ( ချင်း ၄ ကလုပ်ပေးတာပါ ) သွားစားပြီး ယူနီဖောင်းဝတ်ကြီးနဲ့ အပြန် လမ်းသင့်တာနဲ့ဝင်လိုက်တာ၊ ထမင်းပွဲမှာ နည်းနည်းလည်း ရဲဆေးတင်ထားတာ ပါပါလိမ့်မယ်။ သူက ကျွန်တော့်တွေ့တော့ - “ ဟယ် - ဗိုလ်မှူးစ ” ဆိုပြီး ဘာမပြော ညာမပြောနဲ့ ကျောကို တဒုန်းဒုန်းနဲ့ လာထုပါတယ်။ ပါလာတဲ့ အရာရှိငယ်နှစ်ယောက်ကလည်း ကျောထုခံရတာကို စိတ်မဆိုးတဲ့ သူတို့တပ်ရင်းမှူးကြီး ဦးစိတ်တိုကို တအံ့တသြနဲ့ပေါ့။ ခဏပဲနေပြီး ပြန်ခဲ့ပါတယ်။ ကြာရင် စိတ်မကောင်းစရာတွေ ဖြစ်နေရမှာစိုးလို့ပါ။ မနန်းပန်တစ်ယောက်အိမ်ထောင်မကျသေးပါဘူး။ လှလည်းလှဆဲပါ။ အသက်လည်း ၃၀ တောင် မပြည့်သေးဘူးထင်ပါရဲ့။ ထားပါတော့ခင်ဗျာ။ ပြီးတာတွေ ပြီးသွားခဲ့ပါပြီ။ အဲဒီတုန်းက အခုလို ယာဉ်တန်းအတက်အဆင်းတွေမှာ အလွန်စည်ကားပါတယ်။ ပြည်သူလူထုက တပ်နဲ့သွားရ လာရတာကို စိတ်ချလို့ လိုက်ကြတာပါပဲ။ လူကတော့ လူစုံပါ။ တပ်မတော်သားတွေအပြင် ၀န်ထမ်းတွေ၊ အမှုထမ်းအရာထမ်းတွေ၊ ကျောင်းသူကျောင်းသားတွေ၊ ကုန်သည်တွေ အစုံပါတတ်ကြပါ တယ်။ ဒီခေတ်တော့ နယ်စပ်ကုန်သွယ်ရေးတွေ ဖွံ့ဖြိုးပြီး စီးပွားရေးတံခါးလည်း ဖွင့်လိုက်ပြီဖြစ်လို့ အဲဒီ ရှုခင်းမျိုး၊ မြင်ကွင်းမျိုးတွေ့ရတော့မယ် မထင်ပါဘူး။ ဘာပဲဖြစ်ဖြစ် စာရှုသူများ အခု ကျွန်တော်ရေးတဲ့ “ နမ့်မယောင်းမှသည် ဧရာဝတီ ” စာစုကလေးကို ဖတ်ပြီး ဟိုခေတ်က စစ်သားတွေရဲ့ဘ၀ကို တစ်စွန်းတစ်စ စာနာနားလည်သွားနိုင်ပြီိဆိုရင် ကျွန်တော်တင်ပြရကျိုးနပ်ပြီလို့ ထင်မြင်ယူဆမိကြောင်းပါခင်ဗျား။ သောင်းဝေဦး