ကိုယ်ဝန်ဆောင်မိခင်သေဆုံးမှုနှုန်း လျော့ကျအောင် ဆောင်ရွက်မည်

 လက်ရှိစစ်တမ်း များအရ မြန်မာနိုင်ငံတွင် ကိုယ်ဝန်ဆောင်မိခင်သေဆုံးမှုနှုန်းမှာ ဦး ရေတစ်ထောင်လျှင် ၁ဒသမ၀၇ ရာခိုင်နှုန်းရှိနေပြီး လာမည့် ၂၀၃၀ တွင် ဒသမ ၇ ရာခိုင်နှုန်းအထိလျော့ကျရန် ဆောင်ရွက်လျက်ရှိကြောင်း သတင်းရရှိသည်။

အခြားနိုင်ငံများတွင် ကိုယ် ၀န်ဆောင်မိခင်သေဆုံးမှုနှုန်းမှာ ဦးရေတစ်ထောင်လျှင် ၀ ဒသမ ၀၃ ရာခိုင်နှုန်းသာရှိ၍ မြန်မာနိုင်ငံ၌ အတတ်နိုင်ဆုံးလျှော့ချမည်ဟု နေပြည်တော်ရှိ သင်္ဂဟဟိုတယ်တွင် စက်တင်ဘာ ၂၃ ရက်က ပြုလုပ် ကျင်းပသော မိခင်သေဆုံးမှုစောင့်ကြပ်ကြည့်ရှုခြင်းနှင့် တုံ့ပြန်ဆောင်ရွက်ခြင်းလုပ်ငန်း စတင်ဆောင်ရွက်ခြင်းနှင့် အသိပညာပေး ဆွေးနွေးပွဲ အခမ်းအနား၌ ပြည်သူ့ကျန်းမာရေးဦးစီးဌာန မိခင်နှင့် မျိုးဆက်ပွားဌာနခွဲ ညွှန်ကြားရေးမှူး ဒေါက်တာ လှမြသွေးအိန္ဒြာက ပြောသည်။

‘‘ကျွန်မတို့နိုင်ငံမှာ အမေ တွေသေတာက အရှေ့တောင် အာရှနိုင်ငံတွေထဲမှာ ဒုတိယအ များဆုံးနိုင်ငံတစ်ခု ဖြစ်နေတယ်။ SDGs (Sustainable Develop-ment Goals) အရ ၂၀၃၀ မှ ပြည့်မီဖို့အတွက်ဆိုရင် အမေသေနှုန်း ကို ကျဆင်းအောင်လုပ်မှာ ဖြစ် တယ်’’ဟု ဒေါက်တာ လှမြသွေး  အိန္ဒြာက ပြောသည်။

ကမ္ဘာပေါ်တွင် မိခင်နှင့် က လေးကျန်းမာရေးတိုးမြှင့်ရေးနှင့် သေနှုန်းကျဆင်းရန် MDGs (Millennium Development Goals) ကို ၂၀၀၀ တွင် ရည်မှန်းချက်ထားဆောင်ရွက်ခဲ့ ပြီး ၂၀၁၅ နောက်ပိုင်း၌ SDGs (Sustainable Development Goals) ကို ချမှတ်ကာ ရည်မှန်းချက်ထား ဆောင်ရွက်နေကြောင်း သိရသည်။

မြန်မာနိုင်ငံတွင် လက်ရှိသေ ဆုံးမှုအများဆုံးကိုယ်ဝန်ဆောင် မိခင်များမှာ အသက် (၂၀) နှင့် (၃၅) နှစ်ကြားဖြစ်ပြီး ဆေးရုံသို့လာရန် အတွက် နှောင့်နှေးခြင်း၊ လက် လှမ်းမမီခြင်း၊ ဆေးရုံသို့လာရန် ခရီးလမ်းပန်း ဆက်သွယ်ရေးစသည့် အခက်အခဲများကြောင့် သေဆုံးနေရကြောင်း ယင်းဆွေးနွေးပွဲမှ သိရသည်။

‘‘နှောင့်နှေးခြင်းသုံးရပ်ထဲမှာ ပါနေလို့ တိုက်ဆိုင်သွားရင်တော့ သေဆုံးမှုဖြစ်မှာပေါ့။ နောက်တစ် ခုက ဆေးရုံမှာ ကုသမှုပေးတာက လည်း Capacity ဖြစ်ရမယ်။ Quality ဖြစ်ရမယ်။ အရည်အသွေးပြည့်ဝတဲ့စောင့်ရှောက်မှုကိုရဖို့ လည်း နှောင့်နှေးတာတွေကြောင့်လည်း ပါတာပေါ့’’ဟု ဒေါက်တာ လှမြသွေးအိန္ဒြာက ဆိုသည်။

မြန်မာနိုင်ငံတွင် လက်ရှိ၌ ကိုယ်ဝန်ဆောင်မိခင်သေဆုံးမှု အများဆုံးဒေသများမှာ ရခိုင်၊ ချင်းပြည်နယ်၊ မကွေးတိုင်းနှင့် ဧရာဝတီတိုင်းတို့ ဖြစ်ကြောင်း၎င်းက ပြောသည်။