အင်းတော်ကြီးကို ဒုက္ခပေးသူများ

အင်းတော်ကြီးကို ဒုက္ခပေးသူများ

||   သတင်းဆောင်းပါး    ||

ချောင်းထဲစီးနေတာ ရေတွေမှ ဟုတ်ရဲ့လားလို့ သံသယ ဖြစ်မိတယ်။ စီးဆင်းနေတာ
တွေက အင်မတန် နောက်ကျိပြီး မြေနီရောင် ထနေတယ်။ ကချင်ပြည်နယ်၊ မိုးညှင်း
မြို့နယ်၊ မိုင်းနောင်ရွာဘေးက ဟောဒီချောင်းဟာ လွန်ခဲ့တဲ့ ဆယ်နှစ်က လူတစ်ရပ်
စာထက်မနည်း ရေစူးရှိတယ် ဆိုပေမယ့် အခုတော့ ချောင်းထဲ ဆင်းကြည့်ရင်
ခြေမျက်စိပဲ မြုပ်တော့တဲ့ အနေအထားကို ရောက်လာပါပြီ။ ရွှေတူးဖော်မှု အကြီး
အကျယ် လုပ်ကိုင်လို့ အခြေအနေ ပျက်သွားတဲ့ ဒီချောင်းက ကချင်ပြည်နယ်၊
မိုးညှင်းမြို့နယ်အတွင်း တည်ရှိတဲ့ မြန်မာပြည်ရဲ့ အကျယ်ဆုံး ရေကန် အင်းတော်ကြီး
ရဲ့ ရေအရင်းအမြစ် တစ်ခုပါ။

အလျား ၁၄ မိုင်၊ အနံ ၇ မိုင် ကျယ်ဝန်းတဲ့အတွက်  ကြည့်လိုက်ရင် ပင်လယ်ကြီးလို
ဖြစ်နေတဲ့ အင်းတော်ကြီးကန်နဲ့ အဲဒီဝန်းကျင်မှာ လူတွေ အပါအဝင် သတ္တဝါမျိုးစိတ်
ရာပေါင်းများစွာ ခိုလှုံကျက်စားတယ် ဆိုတာကတော့ အံ့အားသင့်စရာ အချက်ပါပဲ။

အင်းတော်ကြီး တောရိုင်းတိရစ္ဆာန် ဘေးမဲ့တောဟာ အမြဲစိမ်းတော ရေတိမ်ဂေဟ
စနစ်ဖြစ်ပြီး ငါးမျိုးစိတ် အရေအတွက်က ၆၄၊ ဆောင်းခိုငှက်တွေ အပါအဝင် ငှက်
အမျိုးပေါင်း ၄၄၈၊ ကုန်းနေရေနေ သတ္တဝါ ၃၄ မျိုး ကျက်စားတယ်လို့ ဇီဝမျိုးစုံမျိုးကွဲ
နှင့် သဘာဝထိန်းသိမ်းရေးအသင်း (Banca) ရဲ့ လွန်ခဲ့တဲ့ လေးနှစ်က တွေ့ရှိချက်များ
က ဆိုပါတယ်။ တွားသွားသတ္တဝါ အမျိုးပေါင်း ၄၁၊ လိပ်ပြာမျိုးစိတ်ပေါင်း ၅ဝ
တို့လည်း ရှိပါတယ်။

အမျိုးအစား များပြားလှတဲ့ သတ္တဝါမျိုးစုံ အမှီပြုရာ အင်းတော်ကြီးကို ပျက်စီးရာ
ပျက်စီးကြောင်း ပြုနေတဲ့အရာ နှစ်ခုကို အဲဒီဒေသရောက်စဉ် သတိပြုမိခဲ့ပါတယ်။
အဲဒါကတော့ ပတ်ဝန်းကျင် ပျက်စီးခြင်းနဲ့ ငြိမ်းချမ်းရေးတို့ပါပဲ။

* ပတ်ဝန်းကျင် ပျက်ယွင်းခြင်း *

ကျွန်တော် မိုင်းနောင်ရွာဘေးက ချောင်းတစ်လျှောက်ကို လမ်းလျှောက်ကြည့်တဲ့အခါ
မြေတူးစက်တွေနဲ့ ချောင်းမြေတွေကို တူးဆွ၊ ရွှေကျင်နေတာတွေ တွေ့ရပြီး ဒီဇယ်
အင်ဂျင် စက်သံကလည်း ဆူညံနေပါတယ်။

အင်းတော်ကြီးကန်တစ်ခွင် သဘာဝပတ်ဝန်းကျင်နဲ့ သားငှက် ထိန်းသိမ်းရေး
လုပ်နေတဲ့ Fauna & Flora International  အဖွဲ့က ဒေသခံတာဝန်ခံ တစ်ယောက်
ဖြစ်တဲ့ ကိုရန်ခေါင်းက အင်းတော်ကြီးထဲ စီးဝင်တဲ့ ဒီချောင်းအကြောင်း
ပြောပြပါတယ်။

“ကျွန်တော်တို့ ငယ်ငယ်တုန်းက ဒီချောင်းရေဟာ ကြည်စိမ်းနေတယ်၊ အခုတော့
ချောင်းရေဟာ သွေးရောင်လိုဖြစ်နေပြီ။ ချောင်းအထက်ဘက်မှာဆိုရင် တကယ့်
ရွာကြီးလိုကို ရွှေတူးနေကြတာ။ ဒီရွှေတွင်းတူးတာကြောင့်ပဲ အင်းတော်ကြီးကန်ဟာ
ပျက်စီးမယ့် အရေးကို စိုးရိမ်နေရပြီ” လို့  သူကဆိုပါတယ်။

အင်းတော်ကြီးကန်  ဖွံ့ဖြိုးတိုးတက်ဖို့ရာမှာ ငြိမ်းချမ်းရေးကိုဘက်အားလုံးက
လိုလိုချင်ချင်နဲ့ တည်ဆောက်ဖို့ လိုအပ်သလို ကန်အနီးမှာ ရွှေတွင်းလုပ်ငန်းလိုမျိုး
ပတ်ဝန်းကျင်ပျက်စီးစေမယ့် စီမံကိန်းမျိုးကို မပေါ်ပေါက်မှ ဖြစ်မှာပါ။ အင်းတော်ကြီး
ကန် ပတ်ဝန်းကျင်တွေက သစ်တောတွေ မပြုန်းတီးရအောင် ကာကွယ်ထိန်းသိမ်းဖို့
လည်း လိုအပ်ပါတယ်။ ဒီသစ်တောတွေသာ မရှိတော့ရင် အင်းလေးကန်ကဲ့သို့ 
ရေလျော့နည်း ခန်းခြောက်မှု ပြသ၁နာတွေ ဖြစ်လာနိုင်ပါတယ်။

အင်းတော်ကြီးကန်ရဲ့ ရေထဲကို ဒီရွှေမိုင်းတွင်းတွေက ထွက်တဲ့ အန္တရာယ်ကြီး
စွန့်ပစ်ပစ္စည်းတွေ ဘယ်လောက်များ စိမ့်ဝင်နေသလဲဆိုတာကို လက်တွေ့စမ်းသပ်ပြီး
သက်ဆိုင်ရာကို တင်ပြတဲ့ အဖွဲ့အစည်းတွေရှိတာကို မကြားမိသေးပါဘူး။ ဒေသခံ
ပတ်ဝန်းကျင် ထိန်းသိမ်းရေး အဖွဲ့တွေမှာလည်း လုပ်ကိုင်နိုင်တဲ့ အင်အားက
အကန့်အသတ်တွေ များစွာရှိနေတာကို တွေ့ခဲ့ရပါတယ်။ လူ့ပယောဂကြောင့်
ရေထုပျက်စီးမှုဟာ ဒီဒေသကို မှီခိုနေတဲ့ လူအပါအဝင် သတ္တဝါတွေအတွက်  
အန္တရာယ် သေချာပေါက် ရှိပါလိမ့်မယ်။

* ငြိမ်းချမ်းရေး၊ တရားဥပဒေစိုးမိုးရေး *

အဲဒီရွှေတွင်းတွေနဲ့ အင်းတော်ကြီးကန်က အစိုးရစစ်တပ်တို့နဲ့က မိုင် ၂ဝ ဝန်းကျင်
သာ အကွာအဝေးရှိပေမယ့် ရွှေတွင်းတွေဆီကိုသွားတဲ့ လမ်းတစ်လျှောက်မှာတော့
လက်နက်ကိုင် တပ်ဖွဲ့တွေက စစ်ဆေးစိစစ်ပြီးမှ သွားလာခွင့်ပြုတယ်လို့ မိုင်းနောင်ရွာ
ဒေသခံတွေက ပြောကြတယ်။ အဲဒီလက်နက်ကိုင် အဖွဲ့တွေက သူ့နည်းသူ့ဟန်နဲ့
တန်ခိုးထက်သူတွေ ဖြစ်ကြောင်း ဒေသခံတွေက ပြောကြပါတယ်။ လွန်ခဲ့တဲ့
တစ်နှစ်လောက်တုန်းက အင်းတော်ကြီးကန် အုပ်ချုပ်ရေးပိုင်း တာဝန်ရှိသူတချို့
အဲဒီမိုင်းနော်ချောင်း အထက်ဘက်က ရွှေလုပ်ကွက်တွေကို သွားတဲ့အခါ လမ်းမှာ
လက်နက်ကိုင် အဖွဲ့တွေရဲ့ တားမြစ်ခြင်းကို ခံခဲ့ရဖူးတယ်လို့လည်း အင်းတော်ကြီး
ဘေးမဲ့ကန် အုပ်ချုပ်ရေးမှူးဖြစ်သူ ဦးဌေးဝင်းက ကျွန်တော်နဲ့ တွေ့စဉ်က
ပြောပြခဲ့ပါတယ်။

နိုင်ငံမှာ ရေတိမ်ဒေသ အများအပြားရှိပေမယ့် နိုင်ငံတကာ အသိအမှတ်ပြု
ရေတိမ်ဒေသကတော့ တစ်ခုပဲ ရှိပါသေးတယ်။ အဲဒါကတော့ ပဲခူးတိုင်းဒေသကြီး
ထဲက မိုးယွန်းကြီးအင်း တောရိုင်းတိရစ္ဆာန် ဘေးမဲ့တောပါပဲ။ မိုးယွင်းကြီးကို
ရမ်ဆာရေတိမ်ဒေသအဖြစ် လွန်ခဲ့တဲ့ ဆယ်နှစ်က သတ်မှတ်ခဲ့တာပါ။ အင်းတော်ကြီး
လည်း ရေပျော်ငှက်နေရင်း ဒေသအဖြစ် အရေးပါတဲ့ ရေတိမ်ဒေသလို့ သတ်မှတ်ခံရ
ရင် နိုင်ငံတကာက အလေးထား၊ ထိန်းသိမ်းရေး လုပ်ငန်းတွေ ထိထိရောက်ရောက်
လုပ်နိုင်မှာပါ။ အဲဒီလို သတ်မှတ်ခံရဖို့ ကြိုးစားပေမယ့် အဆင်မပြေသေးဘူးလို့ 
အင်းတော်ကြီး ဘေးမဲ့ကန် အုပ်ချုပ်ရေးမှူးဖြစ်သူ ဦးဌေးဝင်းက ပြောပါတယ်။

“ရွှေတွင်းတွေကြောင့်နဲ့ တိုင်းရင်းသား လက်နက်ကိုင်တွေကြောင့် ကျွန်တော်တို့မှာ
တိုးတက်ဖွံ့ဖြိုးအောင် လုပ်ဖို့ အရမ်းကို အခက်တွေ့ကြရတယ်။ ဒီရွှေတွင်း
ရှိတဲ့ကြောင့်ပဲ ကမ္ဘာ့အမွေအနှစ် အင်းအဖြစ် ကျွန်တော်တို့ တင်ပြခဲ့တာကို ကမ္ဘာ့
အဖွဲ့အစည်းတွေက လက်မခံခဲ့ကြတာ” လို့ သူကဆိုပါတယ်။

အင်းတော်ကြီးနဲ့ သိပ်မဝေးတဲ့ တောင်ကြော တစ်လျှောက်ကတော့ ကချင်
လွတ်မြောက်ရေး တပ်မတော် KIA  တပ်ဖွဲ့တွေ လှုပ်ရှားတဲ့ နယ်မြေတွေပါ။ 
အင်းတော်ကြီးကန်ဝန်းကျင် တပ်မတော် စခန်းတွေရှိပြီး အဓိက အသွားအလာ
လမ်းတွေကို ည ၆ နာရီကျော်တာနဲ့ ဖြတ်သန်းခွင့် ပိတ်လိုက်တာကို တွေ့ရပါတယ်။
တပ်မတော်နဲ့ ကချင်ပြည်နယ် နေရာအနှံ့မှာ လှုပ်ရှားတဲ့ KIA ကြား အဆက်မပြတ်
တိုက်ခိုက်နေကြမှုဟာ ဒေသခံတွေအပေါ် သက်ရောက်မှု အားကြီးလှပါတယ်။
အင်းတော်ကြီးကန်တစ်ခွင်က ကျေးရွာတွေမှာ နေထိုင်နေတဲ့ ကချင်တိုင်းရင်းသား
အများအပြားက တပ်မတော်ကို နှစ်သက်ခြင်းမရှိ ကြောက်ရွံ့ကြပါတယ်။

“ကျွန်တော်တို့ အင်တော်ကြီးကန် တစ်ခွင်မှာက ကချင်လူမျိုးတွေ နည်းတယ်။
ရှမ်းနီ(တိုင်းလိုင် ) လူမျိုးတွေ များတယ်။ စစ်တပ်က ကျွန်တော်တို့ ကချင်တွေကို
KIA က လူတွေလို့ပဲ ထင်ကြတာမျိုး ခံစားရတယ်။ KIA နဲ့ တစ်ခုခုဖြစ်တာနဲ့
ကျွန်တော်တို့ကို မျက်စိဒေါက်ထောက်ကြည့်၊ တစ်ခါတလေ ခေါ်စစ်တာမျိုး
လုပ်တယ်" လို့ အင်းတော်ကြီးကန် ဘေးပတ်လည်ရှိ ရွာတွင် နေထိုင်နေတဲ့
ကချင်တိုင်းရင်းသား တစ်ဦးက ရင်ဖွင့်ခဲ့ပါတယ်။ လက်နက်ကိုင်ထားသူတွေ
ခေါ်ယူစစ်ဆေးတာ ခံရသူရဲ့ ကံကြမ္မာက အမျိုးမျိုး ဖြစ်နိုင်ပါတယ်။ အိမ်ကို
ဒဏ်ရာဒဏ်ချက်နဲ့ ပြန်ရောက်တာကအစ ၊ ရုပ်အလောင်းတောင် အိမ်ပြန်
မရောက်တာမျိုး အထိ ဖြစ်နိုင်ပါတယ်။

“ကျွန်တော်တို့က ဒီမှာနေရတာ တိုက်ပွဲမဖြစ်ပါစေနဲ့လို့ မမြဲဆုတောင်းနေရတယ်” လို့
အဲဒီကချင်အမျိုးသားက ဆက်ပြောပြပါတယ်။ အင်းတော်ကြီးကန်ကို အမှီပြုပြီးတော့
တောင်ယာလုပ်ငန်း၊ ငါးဖမ်းလုပ်ငန်း အနည်းငယ်သာ လုပ်ကိုင်ကြပြီး အများစုက
ရွှေမိုင်းတွင်းနဲ့ ဖားကန့် ကျောက်စိမ်းမှော်တို့မှာ သွားရောက် လုပ်ကိုင်နေကြတာကို
တွေ့ရပါတယ်။ ကျောက်တွင်း၊ ရွှေတွင်းဒေသမှာ ပိုပြီးပေါများတဲ့ အရာကတော့
မူးယစ်ဆေးဝါး မျိုးစုံပါပဲ။ “ချောင်းအထက် ဘက်မှာဆိုရင် တကယ့်ရွာကြီးလိုကို
ရွှေတူးနေကြတာ။ အဲဒီနေရာမှာဆိုရင် မူးယစ်ဆေးကအစ အကုန်လုံးရတယ်။
ဥပဒေဆိုတာ ဘာမှန်းကိုမသိတဲ့ နေရာဖြစ်နေပြီ” လို့  Fauna & Flora
International အဖွဲ့က ကိုရန်ခေါင်းက ဆိုပါတယ်။

ဆေးစွဲသူတွေ ဆန္ဒပြည့်ဖို့ လိုအပ်တာကတော့ ငွေကြေးပါပဲ။ ဒီလိုနဲ့ ငွေရလွယ်တဲ့
သတ္ထုတူးဖော်ရေး၊ ကျောက်တွင်း၊ သစ်လုပ်ငန်းတွေဟာ မူးယစ်ဆေးဝါးကိစ္စနဲ့
မဖြစ်မနေ ဆက်စပ်နေပါတော့တယ်။

ဒီဒေသရဲ့ ငြိမ်းချမ်းရေး၊ သဘာဝ သယံဇာတတွေ စနစ်တကျ ထုတ်လုပ်မှု မရှိတာ၊
ပြည်တွင်းစစ်ပွဲတွေကြောင့် တိုင်းရင်းသားတွေ အကြား သွေးကွဲစေတာ၊ ဒေသခံတို့
ရွေးချယ်စရာ အခွင့်အလမ်းမရှိ၊ မြန်မာပြည်က တခြားဒေသတွေလိုပဲ ဒီမှာလည်း
ဒေသခံအများအပြား မူးယစ်ဆေးနွံထဲ ကျွံဝင်နေတာတွေကို စဉ်းစားရင်း တောက်ပ
နေတဲ့ အင်းတော်ကြီး ကန်ရေပြင်ပေါ်မှာ သက်ပြင်းအကြိမ်ကြိမ် ချခဲ့မိပါတယ်။

ထက်ခေါင်လင်း/Myanmar Now
The Ladies News Journal