စစ်ယာဉ်တန်းကို ပစ်လိုက်သည့် လက်နက်ကြီးကျည်က ကားသုံးစီးကို ထိမှန်မှုကြောင့် လူသုံးဦးဒဏ်ရာရ -------- ---------

စစ်ယာဉ်တန်းကို ပစ်လိုက်သည့် လက်နက်ကြီးကျည်က ကားသုံးစီးကို ထိမှန်မှုကြောင့် လူသုံးဦးဒဏ်ရာရ -------- --------- -------- ရှမ်းပြည်နယ်မြောက်ပိုင်း လားရှိုး-မူဆယ် ပြည်ထောင်စုလမ်းမကြီးပေါ် မိုင်တိုင်အမှတ် (၁၈၄/၆)နှင့် (၁၈၅)ကြားတွင် စစ်ယာဉ်တန်းကို ပစ်လိုက်သည့် လက်နက်ကြီးကျည်ဆံမှာ ခရီးသည်တင် ယာဉ်သုံးစီးကို ထိမှန်ပြီး အရပ်သားသုံးဦး ဒဏ်ရာရရှိခဲ့ကြောင်း သိရှိရသည်။ “ဖေဖော်ဝါရီ ၁၉ ရက် ညပိုင်းက ဖြစ်သွားတာပါ။ ပစ်ခတ်မှုကြောင့် ဒဏ်ရာရတဲ့သူ သုံးဦးလုံး လားရှိုး ပြည်သူ့ဆေးရုံကြီးမှာ ဆေးကုသမှု ခံယူနေပါတယ်။ ဘယ်အဖွဲ့က ပစ်ခတ်တယ် ဆိုတာကိုတော့ အတိအကျ မပြောနိုင်သေးပါဘူး” ဟု ဒုတိယပြည်နယ်ရဲတပ်ဖွဲ့မှူး ရုံးမှ ရဲအုပ်ကျော်မိုးနိုင်က ပြောသည်။ ပစ်ခတ်ပေါက်ကွဲမှုကြောင့် မိုးမိတ်မြို့ အုန်းချောရွာနေ ကိုကျော်လှ၊ ပြင်ဦးလွင်မြို့နေ ယာဉ်မောင်း ကိုမင်းအောင်၊ အားသစ်မှန်လုံယာဉ် နောက်လိုက် ကိုညီညီနိုင်တို့မှာ ဒဏ်ရာရရှိခဲ့ကြောင်း သိရသည်။ ခရီးသည်ယာဉ်များကို ထိမှန်ခဲ့သော လက်နက်ကြီးကျည်မှာ တစ်ဖက်တောင်ကြောပေါ်နေ၍ ခရီးသည်တင် ယာဉ်များ အနီးရှိ စစ်ယာဉ်တန်းကို ပစ်လိုက်သော လက်နက်ကြီး ကျည်များဟု သိရသည်။ “လားရှိုးမရောက်ခင် ၉ မိုင်လောက်မှာ စစ်ယာဉ်တန်းလာတာနဲ့ မူဆယ်ကလာတဲ့ ခရီးသည်တင် မှန်လုံယာဉ် နှစ်စီးနဲ့ ၁၂ ဘီး ကုန်တင်ကားတွေက လားရှိုးဘက်ကလာတဲ့ စစ်ယာဉ်တန်းကို ရှောင်ပေးလိုက်တာ။ စစ်ယာဉ်တန်း ကျော်သွားပြီး ၂ မိနစ်လောက်မှာ ညာဘက်အခြမ်းက လက်နက်ကြီး နှစ်ချက်က ခရီးသည်တင် ကားတွေ အနားမှာ ပေါက်ကွဲတာ ဖြစ်တယ်” ဟု အားသစ်ခရီးသည်တင် ယာဉ်မောင်း ဦးဝင်းအောင်ဌေးက ပြောသည်။ အဆိုပါ ပစ်ခတ်မှုကြောင့် လက်နက်ကြီးကျည်များမှာ စစ်ယာဉ်တန်းကို ထိမှန်ခြင်းမရှိဘဲ လမ်းပေါ်သို့ကျပြီး ပေါက်ကွဲခဲ့ခြင်းဖြစ်ကာ ပေါက်ကွဲမှုကြောင့် တစ်ဖက်လမ်းဘေးတွင် ရပ်တန့်နေသော အားသစ်ယာဉ်မှာ ရှေ့မှန်ကွဲကာ ဘေးကိုယ်ထည်များကို မိုင်းစထိမှန်ခဲ့ကြောင်း ဦးဝင်းအောင်ဌေးထံမှ သိရသည်။ သတင်း - MMK The Ladies News