ပရမတ္ထတရား၏ ဆန့်ကျင်ဘက်များ -------------------------

ပရမတ္ထတရား၏ ဆန့်ကျင်ဘက်များ ------------------------- လူတို့သည် ပညာရှင်များကို ကိုးကွယ်ဆည်းကပ် တတ်ကြသည်။ သူတို့ပြောသမျှ ဟုတ်လှပြီထင်ပြီး လေးစားလိုက်နာတတ်ကြသည်။ အချို့သောပညာရှင်များပြောသွားသည့် စကားများသည် သမိုင်း ဝင်လောက်အောင် တက်တက်စင် လွဲမှားသွားကြောင်း တွေ့ရ သည်။ ဟိတ်ဟန်ဖြင့် ပြောလိုက်သည့် ကမ္ဘာကျော် စကားများမှာ ယခုခေတ်နှင့် ကြည့်လျှင် အရူးစကားများ ဖြစ်သွားကြောင်း တွေ့ရပေလိမ့်မည်။ ၁၉၇၇ခုနှစ်တွင် Digital Equipment Corporation ကို တည်ထောင်သူ ကက်နက်အော်လ်ဆန်ဆိုသူက စကားတစ်ခွန်း ပြောသွားသည်။ ''လူတိုင်း သူတို့အိမ်တွေမှာ ကွန်ပျူတာတစ်လုံးစီ ထားစရာအကြောင်း မရှိဘူး''ဆိုသည့် စကားဖြစ်သည်။ သူပြောချင်သည်က မည်သူမျှ အိမ်တွင် ကွန်ပျူတာ ဆောင်ထားလိမ့်မည် မဟုတ်ဟု ဆိုလိုခြင်းဖြစ်သည်။ ယနေ့ခေတ်တွင် လူတိုင်း ကွန်ပျူတာအနည်းဆုံး တစ်လုံးလောက်နှင့် အလုပ်လုပ်နေကြသည်။ အိမ်တိုင်းတွင် တစ်လုံးမက ဆောင်ထားသည်။ ရုံးတိုင်းတွင် လူပေါက်စေ့နီးပါး ကွန်ပျူတာများ သုံးနေကြသည်။ ကက်နက် တစ်ယောက် လွဲသွားသည်။ ၁၉၁၁ ခုနှစ်က ပြင်သစ်စစ်တပ်မှ မာရှယ်ဖာဒီနန်ဖို့ခ်ျဆိုသူသည် ''လေယာဉ်ပျံတွေဟာ စိတ်ဝင်စားစရာ ကောင်းတဲ့ ကစားစရာ အရုပ်တွေပေါ့။ စစ်တပ်အနေနဲ့ကတော့ ဘာမှတန်ဖိုး မရှိပါဘူး''ဟု ဆိုလိုက်သည်။ သူလည်း အလွဲကြီး လွဲသွားသည်။ ယခုခေတ်တွင် လေတပ် ဆိုသည်မှာ လေယာဉ် မပါဘဲ ဖွဲ့စည်းနိုင်သည် မဟုတ်။ လေယာဉ် မပါဘဲ အောင်ပွဲဆင်နိုင် သည့် တိုက်ပွဲများလည်း မရှိသလောက် ရှားသွားပြီဖြစ်သည်။ ''အနာဂတ်မှာ သိပ္ပံပညာ ဘယ်လောက်တိုးတက်တယ်ပြောပြော လပေါ်ကို လူဘယ်တော့မှ မရောက်နိုင်ဘူး'' ဟု ပြောသွားသူမှာ ရေဒီယိုနှင့် အော်ဒီယွန်မီးလုံးကို တီထွင်ခဲ့ သူ ဒေါက်တာလီဒီဖောရက်စ်ဖြစ်သည်။ သူက ၁၉၆၇ ခုနှစ်တွင် ပြောခဲ့ခြင်းဖြစ်ပြီး ၁၉၆၉ ခုနှစ်တွင် လပေါ်သို့ လူသားများ စတင်ခြေချနိုင်ခဲ့သည်။ ''ရုပ်မြင်သံကြားဆိုတဲ့ဟာ ကြည့်နေ ဈေးကွက်ထဲမှာ ၆ လတောင်ခံမှာ မဟုတ်ဘူး။ ဒီသစ်သားသေတ္တာလေးကို ညတိုင်း ဘယ်သူတွေက အကြာကြီး ထိုင်ကြည့်ချင်မှာလဲ''ဟု ဒါရိုင်းဇာနပ်ဆိုသူက ပြောခဲ့သည်။ သူသည် ၁၉၄၆ ခုနှစ်တွင် 20th Century-Fox ရုပ်ရှင်ကုမ္ပဏီကြီး၏ အကြီးအကဲတစ်ယောက်ဖြစ်သည်။ ရုပ်ရှင်လုပ်ငန်းလောက် ရုပ်မြင်လောကကို မထွန်းကားနိုင်ဟု ထင်ခဲ့ရာမှ ရုပ်မြင်ကြောင့် ရုပ်ရှင်လောက ကျဆင်းသွားခဲ့ရသည်။ ''သူတို့အသံတွေကို မကြိုက်ဘူး။ ဂစ်တာကို အုပ်စုလိုက်တီးတာ ခေတ် မရှိတော့ဘူး''ဟု ၁၉၆၂ ခုနှစ်က Decca ဓာတ်ပြား ထုတ်လုပ်ရေးကုမ္ပဏီ က ပြောပြီး The Beatles အဖွဲ့ကို ငြင်းပယ်လိုက်သည်။ Beatles အဖွဲ့သားများကို အသံတွေက ကြောင်တောင်တောင်၊ တီးခတ်မှုကလည်း ယောင်တောင်တောင်ဟု သတ်မှတ်ပြီး ငြင်းပယ်လိုက်ခြင်းမှာ အမှားကြီး မှားသွားမှန်း နောက်မှ သိလိုက်ရသည်။ ထိုအဖွဲ့သည် တေးဂီတ သမိုင်းတွင် အအောင်မြင်ဆုံးဖြစ်ခဲ့ရသည်။ ''ဆက်သွယ်ရေးလုပ်ဖို့ တယ်လီဖုန်းဆိုတဲ့ဟာမှာ အားနည်းချက်တွေ အများကြီး။ သုံးစားလို့ရမယ့်ဟာ မဟုတ်ပါဘူး''ဟု မှတ်ချက်ချသွားသူမှာ Western Union Internal Memo ကုမ္ပဏီဖြစ်သည်။ သူတို့က ၁၈၇၆ ခုနှစ်တွင် ထိုမှတ်ချက်ကို ပေးသွားခြင်းဖြစ်သော် လည်း တယ်လီဖုန်းသည် မရှိမဖြစ်ပစ္စည်းတစ်ခု ဖြစ်လာခဲ့ရသည်။ ''ကမ္ဘာကြီးသည် စကြဝဠာ၏ ဗဟိုတွင်ရှိသည်''ဟု ပြောသွားသူမှာ အီဂျစ်နက္ခတ်ဗေဒ ပညာရှင် တိုလမီဖြစ်သည်။ သူက ၂ ရာစုခန့်တွင် ထိုဟောကိန်းကို ထုတ်သွားသော်လည်း ၁၆ ရာစုခန့် တွင် ကော်ပါးနီးကပ်စ်က သူ့အဆိုကို ပြောင်းပြန်လှန်လိုက်သည်။ စကြဝဠာတွင် နေသည်သာ ဗဟိုဖြစ်ကြောင်း ကော်ပါးနီးကပ်စ်က သက်သေထူ သွားနိုင်ခဲ့သည်။ ''ဒီနေ့လောက် အရေးကြီးတဲ့နေ့ မရှိနိုင်တော့ဘူး''ဟု ဆိုခဲ့သူမှာ တတိယမြောက် ဂျော့ဘုရင်ဖြစ်သည်။ ၁၇၇၆ ခုနှစ် ဇူလိုင် ၄ ရက်နေ့ကိုရည်စူး ပြီး ပြောခဲ့ခြင်းဖြစ်သည်။ ထိုနေ့သည် အမေရိကန်ပြည်ထောင်စု၏ လွတ်လပ်ရေးနေ့ဖြစ်သည်။ လူ့ဘောင်သမိုင်းတွင် ဖြစ်စဉ်တို့သည် ရပ်တန့်နေမည်မဟုတ်။ ဆင့်ကဲဖြစ်စဉ်၊ ပြောင်းလဲမှုဖြစ်စဉ်များကို လက်ခံကြရမည်။ သမိုင်းတွင် ပြုပြင်ပြောင်းလဲမှုတွေ တစ်ခုပြီးတစ်ခု ဖြစ်လာသည်။ အားလုံးသည် လူသားသမိုင်းအတွက် အရေးပါခဲ့ကြသည်ချည်းဖြစ်သည်။ အမေရိကသမိုင်းတွင် လပေါ်အရောက် လူသားကို စေလွှတ်နိုင်ခြင်းမျိုး၊ လပေါ်တွင် ခြေချနိုင်ခြင်းမျိုးကိုလည်း ထိုနေ့လောက် အရေးပါသော နေ့ မရှိနိုင်ဟု နှောင်းလူများ ပြောကြပေလိမ့်မည်။ ''တီထွင်ခဲ့တာတွေ မှန်သမျှဟာ တီထွင်ပြီးသားတွေချည်းပဲ'' ၁၈၉၉ ခုနှစ် တွင် အမေရိကန်ပြည်ထောင်စုမှ မူပိုင်ခွင့် ကော်မရှင်နာမင်းကြီး ချားလ်စ် အိတ်ခ်ျဒူရဲလ်က ပြောကြားသွားခဲ့သည်။ သူဆိုလိုသည်မှာ လောက တွင် အသစ်အဆန်း မရှိတော့ဟု ဆိုလိုခြင်းဖြစ်သည်။ ယနေ့ခေတ်အနေဖြင့် ကြည့်လျှင် သူ့အဆို မှားသွားပြီဖြစ်သည်။ လူ့သမိုင်းတွင် မည်သူမျှ စိတ်မကူး ခဲ့ဖူးသည့် တီထွင်မှုပေါင်း များစွာ ပေါ်ပေါက်ခဲ့သည်။ ကွန်ပျူတာ၊ မိုဘိုင်းလ် ဖုန်း၊ တီဗီစသည်တို့က သက်သေဖြစ်သည်။ ကမ္ဘာကြီးတွင် မပြောင်းလဲခြင်းတရားဟူသည်မရှိ။ အားလုံးပြောင်းလဲနေ သည်။ ပုံသေတွက်ဆ၍ မရနိုင်သော ကိစ္စတွေကလည်း များလှသည်။ လူသားဆိုသည်က ရပ်တန့်နေသူများ မဟုတ်။ မသိမှုက တီထွင်မှုကို ဖြစ်စေ သည်။ မသိခြင်း ကို ရှေ့ဆက်လေ့လာအားထုတ်စရာတစ်ခုဟု မမြင်လျှင် တီထွင်မှုများလည်း မရှိနိုင်တော့ပေ။ တီထွင်မှုဆိုသည်မှာ လိုအပ်ချက်ကြောင့်လည်း ဖြစ်နိုင်သည်။ လိုအပ်သည် မလိုအပ်သည်ထက် စူးစမ်းဖော်ထုတ်မှု တစ်ခုအဖြစ် ရှိနေစေချင်သောကြောင့်လည်း ဖြစ်နိုင် သည်။ လူသားတို့ ကြံဆအားထုတ်မှုများကို တရားသေစွဲလမ်းထားရာက ယူဆချက်များကို ပြောင်းလဲစေခဲ့သည်မှာ သမိုင်းတွင် အထင်အရှား ဖြစ် သည်။ တီထွင်မှုတစ်ခုကို မဖြစ်နိုင်ဟုဆိုကာ လူသားတစ်ဦးခြင်း၏ ဆုံးဖြတ်ချက်များကြောင့် တိမ်မြုပ်ပျောက်ကွယ်ခဲ့ရသည် များလည်းရှိသည်။ တီထွင်လျှင် သေမည်ဟု ခြိမ်းခြောက်သော်လည်း မတီထွင်ရလျှင် မနေနိုင်သောကြောင့် အသက်နှင့်ရင်းကာ တီထွင်ဖော်ထုတ်သွားသူများ လည်း ရှိခဲ့သည်။ မဖြစ်နိုင်ဟု ပြောသည်ကို ဆက်ပြီးမကြိုးစားလျှင် လူသားဟူ၍ တည့်တံ့နိုင် မည်မထင်။