မြစ်ဆုံ media သည် လွတ်လပ်သော မီဒီယာဖြစ်ပြီး မည်သည့်အဖွဲ့၊ ပါတီ၊ အသင်းအဖွဲ့၏သြဇာခံ လက်အောက်ခံမဟုတ်ပါ။ စီးပွားဖြစ် မီဒီယာ မဟုတ်ပါ။ သတင်းများကိုအမြန်ဆုံးပေးပို့နေသော မီဒီယာတခုဖြစ်ပါသည်။
Tuesday, February 9, 2016
မကွေးတိုင်းလွှတ်တော် ဥက္ကဌ အဆောင်အယောင်များ လွဲပြောင်းပေးခြင်း မရှိသေးဟုဆို
မကွေးတိုင်းလွှတ်တော် ဥက္ကဌ အဆောင်အယောင်များ လွဲပြောင်းပေးခြင်း မရှိသေးဟုဆို
------ ------ ------ ------ ------
မကွေးတိုင်းဒေသကြီး ဒုတိယအကြိမ် ပထမပုံမှန် လွှတ်တော်အစည်းအဝေးကျင်းပပြီး တိုင်းလွှတ်တော်ဥက္ကဌအဖြစ် လွှတ်တော်တွင်း ကျမ်းသစ္စာ ကြိမ်ဆိုခဲ့ပြီးဖြစ်သော်လည်း လွှတ်တော်ဥက္ကဌများ၏ အဆောင်အယောင်များကို လွဲပြောင်းပေးအပ်ခဲ့ခြင်း မရှိကြောင်း အမျိုးသားဒီမိုကရေစီအဖွဲ့ချုပ်မှ တာဝန်ရှိသူတစ်ဦးက ဖေဖော်ဝါရီလ၈ရက်နေ့တွင် စောင့်ကြည့်ဂျာနယ်သို့ ပြောကြားသည်။
‘’ကျွန်တော်တို့က ဂုဏ်တွေဘာတွေမက်မောလို့ မဟုတ်ပေမဲ့ ပြဌာန်းထားပြီးဖြစ်တဲ့ စည်းမျဉ်းစည်းကမ်းတွေအတိုင်း လွှတ်တော်ဥက္ကဌတွေရဲ့ အဆောင်အယောင်တွေကို လွဲပြောင်းပေးသင့်တယ်လို့ ထင်ပါတယ် ‘’ဟု တိုင်းလွှတ်တော်တက်ရောက်နေသူများက ပြောဆိုသည်။
ယင်းလွှတ်တော်ဥက္ကဌများ၏ အဆောင်အယောင်များမှာ နေအိမ်၊ကား၊ကိုယ်ရေးအရာရှိနှင့် နေအိမ်ဝန်ထမ်းတစ်ဦးတို့ဖြစ်သည်ဟု NLDအမတ်တစ်ဦးက ပြောသည်။ လောလောဆယ်တွင် မကွေးတိုင်းဒေသကြီး လွှတ်တော်ဥက္ကဌအဖြစ် စလင်းမြို့နယ် မဲဆန္ဒနယ်အမှတ်၁မှ ဦးတာနှင့် ဒုတိယဥက္ကဌအဖြစ် မြို့သစ်မြို့နယ် အမှတ်၂မဲဆန္ဒနယ်မှ ဦးဇော်မျိုးဝင်းတို့ကို ရွေးချယ်ခဲ့ကြောင်း သိရသည်။
ထို့ပြင် လွှတ်တော်ကိုယ်စားလှယ်များနှင့် သတင်းမီဒီယာသမားများကို စီစစ်မှုများပြုလုပ်ခဲ့သလို လုံခြုံရေးများစွာလည်း ချထားခဲ့သည်။ ယခုမကွေးတိုင်းဒေသကြီး လွှတ်တော်အစည်းအဝေးကို ခေတ္တရပ်နားလိုက်ပြီး လာမည့်ဖေဖော်ဝါရီလ ၁၇ရက်နေ့တွင် ပြန်လည်ကျင်းပမည်ဖြစ်ကြောင်းလည်း သိရသည်။
စောကျော်ဝင်း
Subscribe to:
Post Comments (Atom)
No comments:
Post a Comment