Friday, February 12, 2016
လွှတ်တော် တစ်လုံးတစ်ခဲတည်း ပင်စင်ငွေ ၂၂ သိန်းကို ဦးသိန်းညွန့် လှူဒါန်းမည်
လွှတ်တော် တစ်လုံးတစ်ခဲတည်း ပင်စင်ငွေ ၂၂ သိန်းကို ဦးသိန်းညွန့် လှူဒါန်းမည်
----------------------------------------------------------
လွှတ်တော်ကိုယ်စားလှယ်အဖြစ်ဆောင်ရွက်ခဲ့ရာမှ ရရှိခဲ့သည့် တစ်လုံး တစ်ခဲတည်း နိုင်ငံရေးပင်စင်ငွေအားလုံးကို မြို့နယ်အတွင်းရှိ ဆင်းရဲချို့တဲ့ သည့် မိသားစုများသို့ ထောက်ပံ့လှူဒါန်းသွားမည်ဖြစ်ကြောင်း သင်္ဃန်းကျွန်း မြို့နယ် ပြည်သူ့လွှတ်တော်ကိုယ်စားလှယ်ဟောင်း ဦးသိန်းညွန့်ကဆိုသည်။
ဗိုလ်ချုပ်အောင်ဆန်းမွေးနေ့ဖြစ်သည့် ဖေဖော်ဝါရီလ ၁၃ ရက်နေ့မှ နံနက် ၉ နာရီခန့်မှ စတင်ကာ သင်္ဃန်းကျွန်းမြို့နယ်အတွင်းရှိ ရပ်ကွက်များအတွင်းသို့ ကိုယ်တိုင်ကွင်းဆင်းလှူဒါန်းသွားမည်ဖြစ်သည်။
"ဆင်းရဲတဲ့အဖွားအိုကြီးတစ်ယောက်အတွက်ကတော့ သူနဲ့ သူ့မြေလေးတို့ တိရစ္ဆာန်သာသာနေနေရတယ်လို့ ကြားတဲ့အတွက် အဲ့ဒီမှာ သွပ်ပြား၊ ထရံကာ၊ ပျဉ်ခင်းပေါ့၊ သုံးသိန်းခွဲလောက်ကျတဲ့ အိမ်လေးတစ်လုံးဆောက် ပြီးလှူဒါန်းဖို့ စီစဉ်ထားပါတယ်" ဟု ဦးသိန်းညွန့်က ပြောဆိုသည်။
ရပ်ကွက်များအတွင်းရှိ အမျိုးသားဒီမိုကရေစီပါတီသစ်(NNDP) ပါတီဝင်များ၊ အုပ်ချုပ်ရေးမှူးများ၊ ဖွံ့ဖြိုးရေးအထောက်အကူပြုကော်မတီများ၏ အကူအ ညီဖြင့် အမှန်တကယ်ချို့တဲ့သည့် မိသားစုများစားရင်းကို ကောက်ယူ ထားကြောင်း၊ ခြင်ဆေးဖျန်းစက်များ၊ အဝီစိတွင်းသုံး မော်တာနှင့် စက်ကိရိ ယာများလည်း လှူဒါန်းမည့်အစီအစဉ်တွင်ပါဝင်ပြီး ဆန်၊ ဆီနှင့် ငွေကြေးတို့ ကိုလည်း ဝေငှလှူဒါန်းသွားမည်ဖြစ်ကြောင်း ၎င်းက ပြောကြားသည်။
ဦးသိန်းညွန့်သည် ၂၀၁၀ အထွေထွေရွေးကောက်ပွဲတွင် NNDP ပါတီ ကိုယ်စားပြုကာ အနိုင်ရရှိခဲ့သူဖြစ်သည်။ 
Subscribe to:
Post Comments (Atom)
No comments:
Post a Comment