အာဏာရှင် ဟု သမုတ်ကာ ထိုးနှက်ခြင်းကို သူမကိုယ်တိုင်ကြုံတွေ့နေရပြီဖြစ်သည့် မြန်မာ့ဒီမိုကရေစီအိုင်ကွန် ======================================

အာဏာရှင် ဟု သမုတ်ကာ ထိုးနှက်ခြင်းကို
သူမကိုယ်တိုင်ကြုံတွေ့နေရပြီဖြစ်သည့် မြန်မာ့ဒီမိုကရေစီအိုင်ကွန်
======================================

ဘောင်သွင်းထားသော ဒေါ်အောင်ဆန်းစုကြည်၏ဓာတ်ပုံများကို ဧည့်ခန်းကျဉ်းကျဉ်းလေး၏ နံရံများထက် အပြည့်အနှက် ချိတ်ဆွဲထားသည်။ သို့သော် နှစ်ကာလများကြာ ဒီမိုကရေစီရေး တက်ကြွလှုပ်ရှားသူ ဦးမျိုးခင်က အမှန်တရားဘက်မှရပ်တည်၍ အာဏာရှင်စနစ်ကိုတိုက်ဖျက်နေသူဟု နှစ်ပေါင်းများစွာ ၎င်းလွန်စွာချစ်ခင်ကြည်ညိုခဲ့သောသူတစ်ဦးကို စကားလုံးကြမ်းကြမ်းများသုံး၍ ဝေဖန်နေပြီဖြစ်သည်။

"ရည်မှန်းချက်ကတော့ ဒီမိုကရေစီ ဖြစ်ဆဲပါပဲ။ ဒါပေမယ့် သူမအပြုအမူတွေက အာဏာရှင်ဖြစ်နေတယ်" ဟု နိုင်ငံရေးအကျဉ်းသားအဖြစ် ၁၂ နှစ်ကြာ နေခဲ့ရသော ဒီမိုကရေစီလှုပ်ရှားမှု သမိုင်းမှတ်တမ်းရှိခဲ့သူ ဦးမျိုးခင်က ပြောကြားခဲ့သည်။ "ဒေါ်စုက ကျွန်တော်တို့လို နှစ်ပေါင်းများစွာ အားပေးထောက်ခံလာတဲ့ အမာခံတွေကို ဆုံးရှုံးနေပြီ"

မြန်မာနိုင်ငံကို ရက်စက်လှသောစစ်အစိုးရအုပ်ချုပ်စဉ်ကာလကဆိုလျှင် ဖိနှိပ်မှုများကို အာခံသော သင်္ကေတအဖြစ် နှင့် ကမ္ဘာလုံးဆိုင်ရာ ဒီမိုကရေစီအိုင်ကွန်ဖြစ်လာသော ဒေါ်အောင်ဆန်းစုကြည်ကို မကောင်းကြောင်းပြောဖို့ဆိုသည်မှာ ဘာသာရေး၊ လူမှုရေးအရ မပြောသင့်မပြောအပ်သောကိစ္စတစ်ခုအသွင်ပင် သဘောထားခဲ့ကြသည် ဖြစ်ပေ၏။ ဤနေရာတွင် သူမကိုသိထားကြသည်က သည်လေဒီ (The Lady) အား မည်သည့်ဝေဖန်မှုမဆိုသည် ဗိုလ်ချုပ်ကြီးများ၏ သြဇာလွှမ်းမိုးမှုအခန်းကဏ္ဍကို အင်အားကောင်းစေလိမ့်မည်ဟူ၍ ဖြစ်သည်။

သို့သော် သမိုင်းတွင်မှတ်တမ်းဝင်မည့် ရွေးကောက်ပွဲကြီး ချဉ်းကပ်လာချိန်တွင် (အချို့က ထိုရွေးကောက်ပွဲကို ဒီမိုကရေစီအင်အားစုများအတွက် ၎င်းတို့မျိုးဆက်တစ်ခုလုံးမှာမှ တစ်ကြိမ်သာရသည့် စစ်အစိုးရကိုပြိုင်ဆိုင်ရမည့်အခွင့်အရေးဟု ရှုမြင်ကြသည်) တက်ကြွလှုပ်ရှားသူများ၊ မျက်မှောက်ရေးရာများကို ဟောပြောရေးသားသူများ နှင့် ပညာတတ်များက ပွင့်ပွင့်လင်းလင်းပင် ဝေဖန်လာကြသည်။ ဒေါ်အောင်ဆန်းစုကြည်သည် "my-way-or-the-highway approach "(ငါပြောတဲ့အတိုင်းမလုပ်နိုင်ရင် ပါတီကထုတ်ပစ်မယ်) ဟူသည့် ချဉ်းကပ်နည်းဖြင့် ပါတီကို စီမံခန့်ခွဲနေသည်ဟု ၎င်းတို့က သူမကို စွပ်စွဲကြသည်။ လတ်တလောပထုတ်ခံလိုက်ရသည့် ဗိုလ်ချုပ်ကြီးဟောင်းနှင့် မဟာမိတ်ပြုသည့်အပေါ် သူမကို မေးခွန်းထုတ်ကြသည်။ လူနည်းစုတိုင်းရင်းသားအဖွဲ့များ (ရွေးကောက်ပွဲပြီးလျှင် ၎င်းတို့၏ ထောက်ပံ့မှုများက အကြီးအကျယ်အရေးပါလာနိုင်သည်) ပါဝင်သော ဧရာမညွန့်ပေါင်းဒီမိုကရေစီအင်အားစုကြီးတစ်ခုတည်ဆောက်ရန် အခွင့်အရေးကို ဒေါ်အောင်ဆန်းစုကြည်မှ လက်လွှတ်ခံနေသည်ဟု ၎င်းတို့က ဆိုကြသည်။

"ဒေါ်အောင်ဆန်းစုကြည်က သူ့အတွက်လိုအပ်တဲ့သူတွေကို ရန်သူလုပ်ပစ်တယ်" ဟု မည်သည့်ပါတီ၊ အဖွဲ့အစည်းကိုမျှမယိမ်းဘဲ ဝေဖန်ထောက်ပြတတ်မှုဖြင့် နာမည်ကောင်းရှိပြီး စာဖတ်ပရိသတ်အများအပြားရှိသည့် ပင်တိုင်ဆောင်းပါးရှင်တစ်ဦးဖြစ်သူ ဦးစည်သူအောင်မြင့်က ပြောကြားခဲ့သည်။ "ဒေါ်အောင်ဆန်းစုကြည်က မဟာဗျူဟာမြောက်တွေးခေါ်တတ်မှုတွေ ချို့တဲ့တယ်။ ပြီးတော့ ဒေါ်စုက လိမ္မာပါးနပ်တဲ့ နိုင်ငံရေးသမားတစ်ယောက် မဟုတ်ဘူး"

ဒေါ်အောင်ဆန်းစုကြည်၏ပါတီ အမျိုးသားဒီမိုကရေစီအဖွဲ့ချုပ်ပါတီတွင်းရှိ သူမနှင့်အရင်းနှီးဆုံးသော မဟာမိတ်များကပင် အာဏာရှင်စနစ်ကိုတိုက်ဖျက်ရင်း ဆယ်စုနှစ်နှစ်ခုကြာ ဘဝ၏အကောင်းမွန်ဆုံးသောအချိန်များ (၎င်းအချိန်များအနက်မှ အများစုမှာ နေအိမ်အကျယ်ချုပ်၌ဖြစ်သည်) ကို စွန့်လွှတ်ပေးဆပ်ခဲ့သည့် အမျိုးသမီးတစ်ဦးဖြစ်သည့် သူမအား "အာဏာရှင်" ဟူသော စကားလုံး ခေါ်ဝေါ်သမုတ်လာမှု တိုး၍တိုး၍လာနေခြင်းက နက်နက်ရှိုင်းရှိုင်း ဝိရောဓိဖြစ်နေသည့် အနေအထားဖြစ်သည်။

အာဏာရှင်ဟူသောအသုံးအနှုန်းဖြင့် ဒေါ်အောင်ဆန်းစုကြည်အား သမုတ်ကြသည့်အပေါ် မည်သို့မြင်ပါသနည်းဟူသော မေးခွန်းကို ဦးဥာဏ်ဝင်းက ဤသို့မဆိုင်မတွ ပြန်ဖြေခဲ့သည်။

"ကျွန်တော် သဘောတူပါတယ်" ဟု ဦးဥာဏ်ဝင်းက ဆိုသည်။

သို့သော် ပါတီတွင်းကိစ္စများအား ဒေါ်အောင်ဆန်းစုကြည်၏ top-down handling (အဖွဲ့အစည်း၏ အထက်ဆုံးပုဂ္ဂိုလ်မှတစ်ဦးတည်းမှ ဆုံးဖြတ်ချက်ချပြီး အောက်လူများကို ၎င်းတစ်ဦးတည်းကပင်ညွှန်ကြားသောစနစ်ဖြင့် ကိုင်တွယ်ထိန်းချုပ်ခြင်း) က ဒီမိုကရေစီအပြောင်းအလဲဖြစ်ပေါ်လာရန် တွန်းအားပေးမှုအခန်းကဏ္ဍ၌ သူမ၏ ခေါင်းဆောင်မှု နှင့် ဆက်ခံမှုမှာမူ လျော့ပါးသွားလိမ့်မည်မဟုတ်ဟု ဦးဥာဏ်ဝင်းက အကြောက်အကန်ဆိုသည်။

မြန်မာ့နိုင်ငံရေးယဉ်ကျေးမှုဆိုသည်က ရာထူးအကြီးဆုံးသူက ဆုံးဖြတ်ချက်အမြင့်ဆုံးချသည့်ပုံစံဖြင့် ယခင့်ယင်ကတည်းက ဖြစ်တည်လာခဲ့သည်ဖြစ်ပြီး ဒေါ်အောင်ဆန်းစုကြည်၏ ပါတီသည်လည်း ထိုပုံစံအတိုင်းပင်ဖြစ်သည်ဟု ဦးဥာဏ်ဝင်းကဆိုသည်။ ၎င်းက ဇွန်လအတွင်းက အသက် ၇၀ ပြည့်ခဲ့သည့် ဒေါ်အောင်ဆန်းစုကြည်ကို အလုပ်အလွန်အကျွံလုပ်သော၊ သူမ၏လက်ရှိနေရာကို လက်လွှဲပြောင်းပေးနိုင်ရန် ရုန်းကန်နေရသောသူတစ်ဦးအဖြစ် ပုံဖော်ပြောကြားသည်။ ထို့အပြင် ဒေါ်အောင်ဆန်းစုကြည်သည် ပါတီတွင်း နိစ္စဒူဝ ချမှတ်နေသည့်ဆုံးဖြတ်ချက်များနှင့် ပတ်သက်၍လည်း မှန်ကန်သောသတင်းအချက်အလက်များကို အမြဲတမ်းမရရှိဟု ဆိုသည်။

ဤဆောင်းပါးအတွက် တွေ့ဆုံမေးမြန်းခွင့်ပေးပါရန်ပန်ကြားချက်ကို ဒေါ်အောင်ဆန်းစုကြည်မှ ပယ်ချခဲ့သည်။

ဒေါ်အောင်ဆန်းစုကြည်၏ပါတီသည် နိုဝင်ဘာ ၈ ရွေးကောက်ပွဲအတွက် ကိုယ်စားလှယ်လောင်းများရွေးချယ်ခြင်းဖြစ်စဉ်အတွင်း အပြင်းထန်ဆုံးသော ဝေဖန်မှုများနှင့် ကြုံတွေ့ခဲ့ရသည်။ ဒီမိုကရေစီလှုပ်ရှားမှုအချို့၌ ထင်ရှားခဲ့သူများ၊ ၈၈ မျိုးဆက်များဟု ခေါ်တွင်သော ယခင်နိုင်ငံရေးအကျဉ်းသားဟောင်းများကို ကိုယ်စားလှယ်လောင်းနေရာအတွက် မထိုက်တန်ဟုယူဆကာ တစ်ပြုံတစ်မကြီး ချန်လှပ်ထားခဲ့သည်။ ပါတီ၏ခေါင်းဆောင်မှုအပိုင်း (NLD CEC) မှလည်း ဒေသခံလူထုမှ ရွေးကောက်ပွဲအမတ်လောင်းအတွက် အမည်တင်သွင်းမှုများ၊ အကြံပေးရည်ညွှန်းမှုများကို ပယ်ချကာ ၎င်းတို့၏လူများဖြင့် အစားထိုးရွေးချယ်ခဲ့သည်။ ယင်းဆုံးဖြတ်ချက်များက ဒေါ်သတကြီးဆန္ဒပြမှုများ နှင့် ပါတီကူးပြောင်းမှုများကို ဖြစ်စေခဲ့သည်။ ပါတီဆုံးဖြတ်ချက်ကို ဖီဆန်အာခံသူအများအပြား ပါတီမှ ထုတ်ပယ်ခံခဲ့ရသည်။

အငြင်းပွားမှု မြင့်တက်လာသည့်အချိန် ဒေါ်အောင်ဆန်းစုကြည်တုံ့ပြန်မှုများက အချို့သူများကို သူမသည် ငါတကောကောချင်သည်၊ စီးပိုးသည်ဟူသော အမြင်ကိုဦးတည်သွားစေသည်။

"ပြည်သူတွေရဲ့ တာဝန်က ပါတီကို မဲထည့်လိုက်ရုံလေးပါပဲ။ ကိုယ်စားလှယ်လောင်းရဲ့အမည်ကို မဲထည့်ဖို့ မဟုတ်ပါဘူး (လူကိုမကြည့်ဘဲ ပါတီကိုပဲကြည့်ပြီး မဲထည့်ပါ)" ဟု သူမပြောစကားကို ကိုးကား၍ "လွတ်လပ်သောအာရှအသံ"က ဖော်ပြခဲ့သည်။

"NLD က နိုင်ငံရေးပါတီတစ်ခုလေ။ ဆိုတော့ ကျွန်မတို့မှာ စည်းမျဉ်းတွေရှိတယ်" ဟု သူမက ပြောကြားသည်။ "ဒီစည်းမျဉ်းတွေကို မလိုက်နာနိုင်ရင် NLD အတွက် အလုပ်မလုပ်နဲ့"

(NLD ပါတီမှ) အမတ်လောင်းများသည် မီဒီယာများနှင့် စကားမပြောရဟု ပါတီမှ အမိန့်ထုတ်ပြန်ထားသည်။ ယင်းသို့စကားပြောခြင်းသည် ရွေးကောက်ပွဲကော်မရှင်မှ စိစစ်နေသည့်ကာလအတွင်း အမတ်လောင်းများ၏အခွင့်အရေးများကို ထိခိုက်စေနိုင်သောကြောင့်ဟု ဆိုသည်။ ဝေဖန်သူများကမူ ယင်းမှာ လွတ်လပ်စွာပြောဆိုခြင်းကိုတားဆီးပိတ်ပင်သောအမိန့် ဟု ရှုမြင်ကြသည်။

ပါတီအနေဖြင့် ညီညွတ်မှုကို အခြားအချိန်များထက် လိုအပ်နေသည့်အချိန်အခါ၌ ဦးမျိုးခင်ကဲ့သို့ ဝါရင့်ဒီမိုကရေစီရေးလှုပ်ရှားသူများဖြစ်ပြီး ပါတီအတွက်အားထားရသူများမှာ ဒေါသမထွက်ချင်ဘဲ ထွက်နေကြရသည်။ ဦးမျိုးခင်သည် လွန်ခဲ့သော ၂၇ နှစ်က ၎င်း၏ရောင်းရင်း ဒီမိုကရေစီဘက်တော်သားတစ်ဦး စစ်တပ်မှ ပစ်သတ်သဖြင့် ၎င်း၏လက်ပေါ်၌ သေဆုံးသွားချိန်မှစ၍ ၎င်း၏နိုင်ငံရေးလှုပ်ရှားမှုများ စတင်ခဲ့ခြင်းဖြစ်သည်။

ရန်ကုန်ရှိ ၎င်း၏မွေးရပ်မြေနယ်ကိုယ်စားပြုအမတ်လောင်းအဖြစ် ၎င်း၏လျှောက်လွှာကို ပါတီခေါင်းဆောင်ပိုင်းမှ ပယ်ချလိုက်ပြီးနောက်တွင် ဦးမျိုးခင်သည် ပါတီမှ နှုတ်ထွက်ကာ တစ်သီးပုဂ္ဂလအဖြစ်အရွေးချယ်ခံရန် လျှောက်လွှာတင်ခဲ့သည်။

ဦးမျိုးခင်၏ မဲဆန္ဒနယ်နှင့်ကပ်လျက်မဲဆန္ဒနယ်မှ အခြားသောဝါရင့်ပါတီတက်ကြွလှုပ်ရှားသူ အသက် ၄၄ နှစ် အရွယ် ဒေါ်ခင်ဖုန်းဝေသည်လည်း ပါတီမှ နှုတ်ထွက်ကာ တစ်သီးပုဂ္ဂလအဖြစ်ယှဉ်ပြိုင်အရွေးခံမည်ဖြစ်သည်။ ဒေါ်ခင်ဖုန်းဝေမှာမူ ဒေါ်အောင်ဆန်းစုကြည်ကို လေးစားကြည်ညိုဆဲရှိသေးသည်။ သို့သော် ဒေါ်အောင်ဆန်းစုကြည်သည် ဆထက်ထမ်းပိုးတိုး၍တိုး၍ ပြည်သူနှင့်ဝေးကွာလာသည်ကို မြင်တွေ့ရ၍ သူမအနေနှင့်ပူပန်မိသည်ဟု ဆိုသည်။

"အမေစုက နိုင်ငံတကာအသိပညာတွေ ရှိတယ်။ နိုင်ငံခြားဘာသာစကားတွေကိုလည်း ပြောဆိုတတ်တယ်" ဟု ဒေါ်ခင်ဖုန်းဝေက ပြောကြားခဲ့သည်။ "ဒါပေမယ့် အမေစုက သာမာန်လူထုနှင့် မဆက်စပ်မိဘူး။ ပြည်သူတွေက အခက်အခဲတွေကို နိစ္စဒူဝ ရင်ဆိုင်နေကြရတယ်။ အမေစုက ပြည်သူတွေဘာလိုအပ်တယ်ဆိုတာ အာရုံမထားတတ်ဘူး။ အမေစုက အောက်ခြေလူတန်းစားတွေနှင့် ထိတွေ့ဆက်ဆံတာမျိုးမရှိဘူး"

ဒေါ်အောင်ဆန်းစုကြည်သည်ကား မြန်မာ့လွတ်လပ်ရေးသူရဲကောင်း ဗိုလ်ချုပ်အောင်ဆန်း၏ သမီးဖြစ်သည့်အားလျော်စွာ မြန်မာနိုင်ငံတွင်းတွင် လူအသိအများဆုံးအမည် နှင့် မျက်နှာ ပိုင်ဆိုင်သူ ဖြစ်နေသေးသည်။ ဒေါ်အောင်ဆန်းစုကြည်ဟု ဆိုလိုက်လျှင်ပင် လူထု၏အလိုအလျောက် ကြည်ညိုလေးစားမှုကို ရရှိသွားတတ်သည်။ နိုင်ငံရေးလေ့လာဆန်းစစ်သူများအကြား ငြင်းခုန်နေကြသည့် အဓိကအချက်က ဒေါ်အောင်ဆန်းစုကြည်၏ စီမံခန့်ခွဲမှုပုံစံအပေါ်မကြေမချမ်းဖြစ်မှုများက သူမပါတီကို မဲပေးမည့်သူများ တစ်ဖြည်းဖြည်းလျော့နည်းသွားစေမလား ဆိုသည့်အချက်ဖြစ်သည်။

ဆယ်စုနှစ်များစွာ တိုင်းပြည်ကို တစ်လွဲအုပ်ချုပ်ခဲ့သော စစ်တပ်အပေါ် ပြည်သူလူထု၏ အမုန်းတရားက ဒေါ်အောင်ဆန်းစုကြည် ဆက်လက်အကျိုးအမြတ်ရရှိအောင် ကူညီပေးလိမ့်မည်ဟု လေ့လာဆန်းစစ်သူများက ယုံကြည်ကြသည်။ သို့သော် သူမအပေါ်လူကြိုက်များမှုကို တိုင်းတာရန်ကမူ ခဲယဉ်းလှပါသည်။ လတ်တလောကမှကောက်ယူထားသော လူထုသဘောထားစစ်တမ်းအရ မေးမြန်းခံရသူများ၏ ထက်ဝက်က ၎င်းတို့မည်သည့်ပါတီကို မဲပေးမည်ဆိုသည့်အကြောင်း ဖွင့်ဟရန်ငြင်းဆိုကြသည်။

ဒီမိုကရေစီရေးလှုပ်ရှားမှုများမှာ မြို့ကြီးများ၊ မြို့ငယ်များတွင် ကြီးမားသော အထောက်အပံ့များ ရှိနေသည်၊ သို့သော် ပါလီမန်၏ ရွေးကောက်ခံကိုယ်စားလှယ် ၇၀ ရာနှုန်း ရှိသည့် ကျေးလက်ဒေသများ၌ အနိုင်ရရှိရေးမှာမူ စိန်ခေါ်မှုများပို၍ရှိလိမ့်မည်ဟု နိုင်ငံရေးလေ့လာဆန်းစစ်သူ ဦးရန်မျိုးသိမ်းက ဆိုသည်။

မြို့ပြများတွင် အစိုးရမှ တိုက်ရိုက်စာပေစိစစ်ခြင်းကို ရုတ်သိမ်းခြင်းအပါအဝင် စစ်တပ်နောက်ခံပြု ဦးသိန်းစိန်အစိုးရက မိတ်ဆက်ပေးခဲ့သော လွတ်လပ်မှုများကြောင့် တစ်ချိန်က သိသိသာသာကို ဖြစ်ခဲ့ရသော ကြောက်ရွံ့မှုများ မရှိကြတော့ပေ။ သို့သော် ကျေးလက်ဒေသများတွင်မူ စစ်တပ်နှင့် စစ်တပ်လူများက ထင်ထင်ရှားရှား ထိန်းချုပ်ထားဆဲပင်ဖြစ်သည်။

"ကျေးလက်တွေမှာတော့ အာဏာပိုင်တွေကို ကြောက်ရွံ့တဲ့ ကြောက်ရွံ့မှုအရှိန်က မြင့်နေဆဲပါ" ဟု ဦးရန်မျိုးသိမ်းက ပြောကြားခဲ့သည်။

လက်ရှိစနစ်အောက်တွင်မူ ဒီမိုကရေစီရေးလှုပ်ရှားမှုများမှာ အခြေအနေမကောင်းဘဲ အောင်မြင်ရန်မဖြစ်နိုင်သလောက်ပင်။ တစ်ဝက်တစ်ပျက်အရပ်သားအစိုးရကို ၂၀၁၁ ခုနှစ်၌ အာဏာမလွှဲခင်က စစ်အစိုးရက ရေးဆွဲခဲ့သော တိုင်းပြည်၏ဖွဲ့စည်းပုံအခြေခံဥပဒေ၌ ပါလီမန်အတွင်း၌ စစ်တပ်ကို ထိုင်ခုံလေးပုံတစ်ပုံ နေရာပေးထားသည်။ ယင်းအချက်ညွှန်းဆိုနေသည်က ဒီမိုကရေစီအင်အားစုများအနေဖြင့် စစ်တပ်နှင့်မပူးပေါင်းလျှင် ၎င်းတို့အနေဖြင့် ပါလီမန်အတွင်း ထိုင်ခုံ သုံးပုံနှစ်ပုံသာ ရမည့်သဘောဖြစ်သည်။ ၄၀ ရာနှုန်းသော ထိုင်ခုံများမှာ တိုင်းရင်းသားနယ်များတွင် (တိုင်းရင်သားပါတီများနှင့် ယှဉ်ပြိုင်ရမည်) ဖြစ်ပြီး တိုင်းရင်းသားများကလည်း ၎င်းတို့၏တိုင်းရင်းသားပါတီများကိုသာ မဲပေးလိုကြသည်ဖြစ်ရာ ဒီမိုကရေစီရေး တက်ကြွလှုပ်ရှားသူများက ဒေါ်အောင်ဆန်းစုကြည်က တိုင်းရင်းသားအဖွဲ့များနှင့် နီးနီးကပ်ကပ် မဟာမိတ်ပြုမထားသည်ကို ညည်းညူကြသည်။

ရွေးကောက်ပွဲတွင် မည်သူအနိုင်ရသည်ဖြစ်စေ ပြည်ထဲရေးဝန်ကြီး၊ ကာကွယ်ရေးဝန်ကြီး နှင့် နယ်စပ်ရေးရာဝန်ကြီးများကို စစ်တပ်အကြီးအကဲမှ ရွေးချယ်ပေးရသည်။

ထို့အပြင် ဒေါ်အောင်ဆန်းစုကြည်သည် နိုင်ငံခြားသား ဇနီး/ခင်ပွန်း သို့မဟုတ် သားသမီးရှိသူကို သမ္မတဖြစ်ခွင့်မှ တားမြစ်ထားသည့်၊ သူမကိုရည်ရွယ်၍ ရေးထားသည်ဟု အချို့သူများက ဆိုကြသော ဖွဲ့စည်းပုံအခြေခံဥပဒေပါ အပိုဒ်တစ်ပိုဒ်အရ သမ္မတဖြစ်ခွင့်မရှိပေ။ ၁၉၉၉ ခုနှစ်က သေဆုံးသွားခဲ့သော သူမ၏ ခင်ပွန်းသည်လည်း ဗြိတိသျှနိုင်ငံသား ဖြစ်သလို သူမ၏သားနှစ်ဦးလုံးမှာလည်း ဗြိတိသျှနိုင်ငံသားများပင်ဖြစ်သည်။

ဒေါ်အောင်ဆန်းစုကြည်ကို ဝေဖန်သူများက သူမသည် မညီမျှသော ကစားပွဲမှာ ကစားနေရသည်ဟု ဝန်ခံကြသည်။ သို့သော် သူမက စစ်တပ်ကို အမုန်းပွားအောင် လုပ်ဆောင်ခဲ့ခြင်းဖြင့် မကောင်းသောအခြေအနေကို ဆိုးသွားအောင် လုပ်ခဲ့သည်ဟု ထောက်ပြကြသည်။ သူမ၏ သူရဦးရွှေမန်း (စစ်အစိုးရလက်ထက်က ဗိုလ်ချုပ်ကြီးဟောင်းတစ်ဦးဖြစ်ပြီး စစ်တပ်အသိုင်းအဝန်းအတွင်း အမြင်မတူညီသော ဂိုဏ်းခွဲတစ်ခုကို ဦးဆောင်ပြီး ကျန်ဂိုဏ်းခွဲများ၏ အကြီးအကျယ် မကြိုက်နှစ်သက်ခြင်းကို ခံရသူ) နှင့် မဟာမိတ်ဖွဲ့လိုက်မှုက စစ်တပ်အကြီးအကဲများကို တုန်လှုပ်သွားစေခဲ့သည်။ ယခုလအစောပိုင်းကမူ သမ္မတ(ဦးသိန်းစိန်) နှင့် စစ်တပ်တွင်းရှိ ဦးသိန်းစိန်ထောက်ခံသူများက ဦးရွှေမန်းကို ပြည်ထောင်စုကြံ့ခိုင်ရေး နှင့် ဖွံ့ဖြိုးရေးပါတီ၏ ဥက္ကဌရာထူးနေရာမှ ဖယ်ရှားလိုက်ကြသည်။

ပါလီမန်အမတ်နေရာအတွက် ရန်ကုန်တိုင်းဒေသကြီးမှ တစ်သီးပုဂ္ဂလယှဉ်ပြိုင်သူ ဒေါ်ညိုညိုသင်းသည်လည်း စစ်တပ်ကို မယုံကြည်ချေ။ သို့သော် ဒေါ်အောင်ဆန်းစုကြည်သည် စစ်တပ်ကို ဆွယ်သင့်သည်၊ အကြောင်းမှာ ဒီမိုကရေစီအင်အားစုများ လိုလားဆန္ဒရှိနေကြသော ဖွဲ့စည်းပုံကို ပြောင်းလဲနိုင်ရေးအတွက် စစ်တပ်အကြီးအကဲများ၌ ဗီတိုအာဏာ ရှိနေသောကြောင့်ဟု ဆိုသည်။

"ဒေါ်အောင်ဆန်းစုကြည်က စစ်တပ်နှင့်အဆင်ပြေပြေနေရပါမယ်" ဟု ဒေါ်ညိုညိုသင်းက ပြောကြားသည်။ "စစ်တပ်ရဲ့သဘောတူညီမှု မပါဘဲနဲ့ကတော့ ကျွန်မတို့ ဘယ်တော့မှ ဖွဲ့စည်းပုံကို မပြင်နိုင်ဘူး"

လများမကြာမီကျင်းပတော့မည့် လက်နှီးစုတ်ရွေးကောက်ပွဲ၏ နောက်ဆက်တွဲအဖြစ် တိုင်းရင်းသာအဖွဲ့များ၊ ဒီမိုကရေစီအင်အားစုများ နှင့် စစ်တပ်တို့ကြား အလျှော့အတင်းညှိနှိုင်းမှုများ လုပ်ကြရလိမ့်မည်ဟု ဒေါ်ညိုညိုသင်းက ဟောကိန်းထုတ်သည်။

ပြီးခဲ့သည့်လများက ဒေါ်အောင်ဆန်းစုကြည်၏ ဆုံးဖြတ်ချက်များအတွက် သူမအနေဖြင့် "စိတ်ထဲမရှင်းမလင်း" ဖြစ်ခဲ့ရသည်ဟု ဒေါ်ညိုညိုသင်းက ပြောကြားသည်။

နိုဘယ်လ်ဆုရှင်ကြီးသည် အာဏာရှင် ဖြစ်လေသလော?

"ကျွန်မမှာ ပြောစရာအကြောင်းအရာတွေ အများကြီးရှိပါတယ်" ဟု ဒေါ်ညိုညိုသင်းက ပြောကြားသည်။ "ဒါပေမယ့် ခုက ဖွင့်ထုတ်ပြောရမယ့်အချိန် မဟုတ်သေးဘူးရှင့်"

By - Thomas Fuller
Via - Soe Moe Hlaing
http://mobile.nytimes.com/2015/08/29/world/asia/myanmar-democracy-icon-finds-herself-assailed-as-authoritarian.html?referer&_r=0

$$$မိုးညှင်းသတင်း apk မှကြော်ငြာရှင်များဖိတ်ခေါ်ခြင်း$$$$ မိမိတို့၏လုပ်ငန်းများကိုအချိန်တိုအတွင်းမှာလူသိများလာအောင် မိုးညှင်းသတင်း apk မှဆောင်ရွက်ပေးပါမည် $$ကြော်ငြာခနှုံးထားများ$$ တစ်ရက် နှစ်ကြိမ်တင် ၁၀၀၀ ကျပ် သတင်းapk ရဲ့ထိပ်မှာ ၁၂ နာရီကြာတင်ထားမယ်ဆိုရင် တစ်ရက် ၂၀၀၀ ကျပ် ပေးပို့ရန် ကြော်ငြာမည့်စာသား ဓါတ်ပုံ ၃ ပုံထိလက်ခံပါသည် ငွေပေးချေရန် MPT Ooredoo ငွေဖြည့်ကက်ပို့ပေးရပါမည်