တရုတ်ကြောင့် သေဆုံးခြင်း စာအုပ်ရေးသူ စီးပွားရေး ပညာရှင်ကို ကုန်သွယ်ရေး ကောင်စီ အကြီးအကဲအဖြစ် ထရမ့်ခန့်အပ်

ဝါရှင်တန်၊ ဒီဇင်ဘာ ၂၂ 

အမေရိကန် သမ္မတ ဖြစ်လာတော့မည့် ဒေါ်နယ်ထရမ့်က တရုတ်ကို ပြစ်တင် ဝေဖန်သူ စီးပွားရေး ပညာရှင် ပီတာနာဗာရိုကို ကုန်သွယ်ရေး ကောင်စီ အကြီးအကဲ အဖြစ် ခန့်အပ်လိုက်သည်ဟု BBC သတင်းတွင် ဖော်ပြထားသည်။

ပီတာနာဗာရိုသည် အိမ်ဖြူတော်၏ ကုန်သွယ်ရေး ကောင်စီအသစ်ကို ဦးဆောင်မည်ဖြစ်ပြီး ကုန်သွယ်ရေးနှင့် စီးပွားရေး မူဝါဒဆိုင်ရာ ညွှန်ကြားရေးမှူးအဖြစ် ထမ်းဆောင်မည် ဖြစ်သည်။

စီးပွားရေးပညာရှင် နာဗာရိုသည် မဲဆွယ်သည့်ကာလတွင် ထရမ့်၏ အကြံပေး ဖြစ်ခဲ့သည်။ ၎င်းရေးသားသော စာအုပ်များအနက် “လာမည့် တရုတ်စစ်ပွဲနှင့် တရုတ်ကြောင့် သေဆုံးခြင်း” စာအုပ်တွင် တရုတ်မူဝါဒကို ပြင်းပြင်းထန်ထန် ပြစ်တင် ဝေဖန်ထားသည်။

ရွေးကောက်ပွဲ ကာလအတွင်း ထရမ့်သည် ကုန်သွယ်ရေးကိစ္စများကို အဓိက ထားခဲ့ပြီး တရုတ်နှင့် မက္ကဆီကိုကဲ့သို့ နိုင်ငံများနှင့် ရယူထားသော သဘော တူညီချက်များကို ပြစ်တင် ဝေဖန်ခဲ့သည်။

ဒေါ်နယ်ထရမ့်သည် ထိုင်ဝမ် သမ္မတနှင့် ဖုန်းပြောဆိုကာ တရုတ်နိုင်ငံ၏ အမျက်ကို ဆွပေးခဲ့ပြီး ဖြစ်သည်။ တရုတ်တို့သည် အမေရိကန်၏ ပြိုင်ဆိုင်မှုကို ဟန့်တားသည့် အနေနှင့် တရုတ်ယွမ်ငွေကို တန်ဖိုးချထားသည်ဟု ထရမ့်က Twitter တွင် ပွင့်ပွင့်လင်းလင်း ဝေဖန်ထားသည်။

မစ္စတာနာဗာရိုအား ခန့်အပ်မှုသည် အမေရိကန်၏ ကုန်ထုတ်စွမ်းအားကို နောက်တစ်ကြိမ် မြှင့်ရန် သမ္မတ ဖြစ်လာမည့် ထရမ့်က ဆုံးဖြတ်ထားခြင်းကို ပြသနေသည်ဟု သမ္မတ တာဝန် လွှဲပြောင်းလက်ခံရေးအဖွဲ့က ပြောကြားသည်။

ပီတာနာဗာရိုက ၎င်း၏ ပထမဆုံး စာအုပ် ထုတ်ဝေအပြီးတွင် ထရမ့်နှင့် တွေ့ဆုံရင်းနှီးခဲ့ပြီးနောက် ထရမ့်မဲဆွယ်သည့်အခါ အကြီးတန်းမူဝါဒ အကြံပေး ဖြစ်လာခဲ့သည်ဟု ဆန်ဖရန်စ္စစကို ခရိုနီကယ်တွင် မကြာသေးမီက ရေးသားထားသည်။

“လွတ်လပ်သော ကုန်သွယ်မှုသည် ကောင်းသော်လည်း မျှတသော ကုန်သွယ်ရေး ဖြစ်ရမည်။ သို့မဟုတ်ပါက ကျွန်ုပ်တို့ မေ့လျော့နေပုံ ရသောအရာ (အမေရိကန် ကုန်ထုတ်လုပ်မှု အုတ်မြစ် ကြီးမားစွာ တိုက်စားမှု၊ ပြီးခဲ့သော ၁၅ နှစ်အတွင်း လုပ်အားခများ ရပ်တန့်နေမှု၊ အမေရိကန်ပြည်သူ သန်း ၂ဝ ခန့် လုပ်အားခ သင့်လျှော်သည့်အလုပ်ကို ရှာမတွေ့မှု) ကိုသာ ရရှိလိမ့်မည်”ဟု ၎င်းက ရေးသားထားသည်။

နာဗာရို၏ တရုတ်ကြောင့် သေဆုံးခြင်း စာအုပ်ကို ရိုက်ကူးထားသော မှတ်တမ်း ရုပ်ရှင် Documentory Flim ကို ယခုအခါ You Tube တွင် အခမဲ့ ကြည့်ရှုနိုင်ပြီ ဖြစ်သည်။

၎င်း၏အမှာ နိဒါန်းတွင် “အမေရိကကို ကာကွယ်ရန် ကူညီကြ၊ သင့်မိသားစုကို ကာကွယ်ကြ၊ Made in China ကို မဝယ် ကြနဲ့”ဟု ကြည့်ရှုသူများကို တိုက်တွန်းထားသည်။ မှတ်တမ်း ရုပ်ရှင်တွင် တရုတ် စီးပွားရေး ကြီးထွားလာမှုကြောင့် အမေရိကန် ကုန်ထုတ်လုပ်မှု အလုပ်အကိုင်များ ဆုံးရှုံးရပုံနှင့် သဘာဝ ပတ်ဝန်းကျင် ထိခိုက်ရပုံများကို တင်ပြထားသည်။

သို့ရာတွင် အခြားစီးပွားရေး ပညာရှင် များစွာကမူ တရုတ်ကုန်သွယ်ရေးအပေါ် ဒေါသဖြင့် တုံ့ပြန်မှုများသည် ကုန်သွယ်ရေးစစ်ပွဲကို ဖြစ်စေနိုင်ပြီး နှစ်ဖက်စလုံး အထိနာလိမ့်မည်ဟု စိုးရိမ်တကြီး သုံးသပ်ကြသည်။

The Voice