အစိုးရနှင့် NCA လက်မှတ်မထိုးသေးသည့်အဖွဲ့များ ထိုင်းနိုင်ငံတွင် တွေ့မည် ---------------------------------------------

အစိုးရနှင့် NCA လက်မှတ်မထိုးသေးသည့်အဖွဲ့များ ထိုင်းနိုင်ငံတွင် တွေ့မည် --------------------------------------------- ရန်ကုန် ၊ဖေဖော်ဝါရီ ၂ဝ တစ်နိုင်ငံလုံးဆိုင်ရာ အပစ်အခတ်ရပ်စဲရေး သဘောတူစာချုပ်(NCA)ကို လက်မှတ်ရေးထိုးခြင်း မရှိသေးသည့်တိုင်းရင်းသား လက်နက်ကိုင် အဖွဲ့များနှင့် ပြည်ထောင်စု ငြိမ်းချမ်းရေး ဖော်ဆောင်ရေးလုပ်ငန်း ကော်မတီ (UPWC) တို့ ထိုင်းနိုင်ငံချင်းမိုင်မြို့တွင် တွေ့ဆုံသွားမည် ဖြစ်ကြောင်း ပြည်ထောင်စုဝန်ကြီး ဦးအောင်မင်းက ပြောကြားသည်။ မြန်မာနိုင်ငံ ငြိမ်းချမ်းရေး ပြန်လည်ထူထောင်ရေးလုပ်ငန်း ဗဟိုဌာန(MPC)တွင် ဖေဖော်ဝါရီ ၂ဝရက် (ယနေ့)က ကျင်းပသည့် ပဉ္စမအကြိမ် ပြည်ထောင်စု ငြိမ်းချမ်းရေး ဆွေးနွေးမှု ပူးတွဲကော်မတီ (UPDJC) အစည်းအဝေးတွင် ၄င်းက ယင်းကဲ့သို့ ပြောကြားခဲ့ခြင်းဖြစ်သည်။ “ကျွန်တော်တို့အနေနဲ့လည်း ထိုင်းနိုင်ငံ၊ ချင်းမိုင်မြို့ကိုသွားပြီး လက်မှတ် မထိုးရသေးတဲ့ အဖွဲ့တွေနဲ့ သွားရောက်တွေ့ဆုံ ဆွေးနွေးဖို့ ကြိုးပမ်းသွားမှာ ဖြစ်ပါတယ်။ သူတို့အနေနဲ့ NCA အဝန်းအဝိုင်းထဲ ပါလာဖို့ကို စုပေါင်းပြီး ကြိုးစားကြမှာ ဖြစ်ပါတယ်။ အခုတော့ NCA လည်းထိုးပြီး နိုင်ငံရေးလုပ်ငန်းစဉ်တွေကလည်း စနေပြီဆိုတော့ သူတို့အနေနဲ့ပါဝင်လာနိုင်ဖို့ အချိန်ကောင်းလည်း ဖြစ်ပါတယ်”ဟု ၄င်းကဆိုသည်။ အဆိုပါ တွေ့ဆုံမှုတွင် အစိုးရဘက်က NCA စာချုပ်တွင် လက်မှတ်ရေးထိုးရန် ကမ်းလှမ်းခံထားရပြီး လက်ရှိအချိန်ထိ လက်မှတ်ရေးထိုးနိုင်ခြင်း မရှိသေးသည့်အဖွဲ့များနှင့် တွေ့ဆုံဆွေးနွေးရန် စီစဉ်ထားခြင်းဖြစ်ပြီး နှစ်ဘက်တွေ့ဆုံမည့်ရက်ကို ညှိနှိုင်းနေဆဲ ဖြစ်ကြောင်း မြန်မာငြိမ်းချမ်းရေး ပြန်လည်ထူထောင်ရေးလုပ်ငန်း ဗဟိုဌာန အကြီးတန်းအကြံပေး ဦးလှမောင်ရွှေက ပြောကြားသည်။ လက်အစိုးရလက်ထက်တွင် တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေးသဘောတူစာချုပ် (NCA)ကို တိုင်းရင်းသား က်နက်ကိုင်အဖွဲ့ ၈ဖွဲ့ ဖြစ်သည့် ကရင်အမျိုးသားအစည်းရုံး(KNU)၊ ကရင်ငြိမ်းချမ်းရေး ကောင်စီ (KNU/ KNLA-PC) ရခိုင်လွတ်မြောက်ရေးပါတီ (ALP)၊ ပအို့ဝ်အမျိုးသားလွတ်မြောက်ရေးအဖွဲ့ (PNLO)၊ ချင်းအမျိုးသားတပ်ဦး (CNF) ၊ ဒီမိုကရေစီ အကျိုးပြု ကရင်အမျိုးသား တပ်မတော်(DKBA)၊ ဗမာနိုင်ငံလုံးဆိုင်ရာ ကျောင်းသားများ ဒီမိုကရက်တစ် တပ်ဦး(ABSDF) နှင့် ရှမ်းပြည်ပြန်လည်ထူထောင်ရေး ကောင်စီ (RCSS/SSA)တို့က အစိုးရနှင့် သဘောတူလက်မှတ် ရေးထိုးထားသည်။ ကျန်တိုင်းရင်းသားလက်နက်ကိုင်အဖွဲ့များဖြစ်သည့် ကချင်လွတ်လပ်ရေး တပ်မတော် (KLA)၊ ရှမ်းပြည်တိုးတက်ရေးပါတီ (SSPP/SSA)၊ မွန်ပြည်သစ်ပါတီ (NMSP)၊ ကရင်နီ အမျိုးသား တိုးတက်ရေးပါတီ (KNPP)၊ နာဂအမျိုးသား ဆိုရှယ်လစ် ကောင်စီ-ကပ်ပလန် (NSCN-K) ၊ “ဝ” ပြည် သွေးစည်းညီညွှတ်ရေး တပ်မတော် (UWSA) နှင့် အမျိုးသား ဒီမိုကရေစီ သွေးစည်းညီညွတ်ရေး တပ်မတော်- မိုင်းလားတပ်ဖွဲ့ (NDAA)၊ ရခိုင်ပြည်အမျိုးသားကောင်စီ(ANC)၊ လားဟူဒီမိုကရက်တစ်ပါတီ (LDP)၊ "ဝ" အမျိုးသားအဖွဲ့ချူပ် WNO တို့သည် NCA စာချုပ်တွင် လက်မှတ် ရေးထိုးရန် ငြင်းပယ်ထားသည်။ ကိုးကန့် (MNDAA)၊ ရခိုင့်တပ်မတော် (AA) နှင့် တအောင်းပလောင် (TNLA) တို့ကိုမူ NCA စာချုပ်တွင် လက်မှတ် ရေးထိုးရန် အစိုးရဘက်က လက်ခံခြင်းမရှိသေးပေ။