နေပြည်တော်တွင် တရုတ်သံရုံး ဖွင့်လှစ်မှု နိုင်ငံခြားရေးဝန်ကြီးဌာနသို့ အကြောင်းကြားခြင်းမရှိ၊ တရားဝင် လက်ခံထားခြင်းမရှိဟုဆို ----------------------------------------------------------------------------

နေပြည်တော်တွင် တရုတ်သံရုံး ဖွင့်လှစ်မှု နိုင်ငံခြားရေးဝန်ကြီးဌာနသို့ အကြောင်းကြားခြင်းမရှိ၊ တရားဝင် လက်ခံထားခြင်းမရှိဟုဆို ---------------------------------------------------------------------------- နေပြည်တော်၊ ဖေဖော်ဝါရီ ၂၁ ပြည်ထောင်စုလွှတ်တော်ရုံးများနှင့် အစိုးရဝန်ကြီးဌာနများ အခြေစိုက်ရာ နေပြည်တော်ကောင်စီနယ်မြေတွင် တရုတ်နိုင်ငံသံရုံးက ယာယီရုံးခွဲ ဖွင့်လှစ်ခဲ့ခြင်းသည် နိုင်ငံခြားရေးဝန်ကြီးဋ္ဌာနသို့ အကြောင်ကြားခြင်း မရှိခဲ့သောကြောင့် သံရုံး ရုံးခွဲဟု တရားဝင်လက်ခံထားခြင်း မရှိကြောင်း နိုင်ငံခြားရေးဝန်ကြီးဌာန ဒုတိယဝန်ကြီး ဦးသန့်ကျော် The Voice သို့ပြောကြားသည်။ နေပြည်တော်ကောင်စီနယ်မြေ ဇမ္ဗူသီရိမြို့နယ်အတွင်းရှိ Grand ACE Villa ဝင်း အတွင်း တရုတ်သံရုံး က ယာယီရုံးခွဲ ဖွင့်လှစ်ထားခြင်း နှင့် ပတ်သက်ပြီး ¤င်းကယင်းသို့ ပြောဆိုခြင်းဖြစ်သည်။ “အဲဒီဥစ္စာက ကျွန်တော်တို့ နိုင်ငံခြားရေးရုံးက မသိလိုက်ဘူး။ နောက်မှ သူတို့က ဒီဟာနဲ့ပတ်သက်ပြီး သူတို့ ဒုဝန်ကြီး မြန်မာနိုင်ငံလာတဲ့အချိန်မှာ လုပ်သွားတာပေါ့လေ။ ဘာမှ မသိလိုက်ဘူး။ သိတဲ့အခါကျတော့ သူတို့ကို ပြောတော့ ဒီဟာလေးနဲ့ ပတ်သက်ပြီး နားလည်ပေးပါလို့ ပြောသွားတယ်။ သို့သော် ကျွန်တော်တို့ဘက်က သူတို့ရဲ့ရုံးခွဲအနေနဲ့ သတ်မှတ်ထားတာ လောလောဆယ်အထိ မရှိဘူး။ လက်ရှိအချိန်အထိ နေပြည်တော်မှာ နိုင်ငံခြားသံရုံးတွေရဲ့ ရုံးခွဲတွေ မရှိသေးဘူး”ဟု ၄င်းကဆိုသည်။ မြန်မာနိုင်ငံ အခြေစိုက် နိုင်ငံတကာသံရုံးများနှင့် အဓိကသက်ဆိုင်သော နိုင်ငံခြားရေးဝန်ကြီးဌာနက တရုတ်သံရုံး၏ ယာယီရုံးခွဲ ဖွင့်လှစ်ခွင့်ပြုထားခြင်း မရှိသောကြောင့် မည်သည့်အဖွဲ့အစည်းက ခွင့်ပြုထားသည်ကို ထပ်မံမေးမြန်းရာတွင် ဦးသန့်ကျော်က “ အဲဒါကျွန်တော်လည်း မသိဘူး။ သူတို့ဆီက ဒုဝန်ကြီးက နေပြည်တော်ရောက်တဲ့ အချိန်မှာ သူတို့ဆီက ဝန်ထမ်းတွေနေတဲ့ နေရာကို သွားတည်းတာပေါ့။ အဲဒီလို သွားလည်ရင်းနဲ့ ဖွင့်ပွဲလို သဘောမျိုးဖြစ်သွားတာပါ။ ကျွန်တော်တို့ နိုင်ငံခြားရေးကလည်း ဘယ်သူမှ မတက်ပါဘူး” ဟု ၄င်းကဆိုသည်။ သို့သော်လည်း ဇန်နဝါရီလ ၁၁ ရက်နေ့က ပြုလုပ်သော အမျိုးသားလွှတ်တော် အစည်းအဝေးတွင် နိုင်ငံခြားသံရုံးများ နေပြည်တော်တွင် ဖွင့်လှစ်ရေးနှင့်ပတ်သက်ပြီး ဇမ္ဗူသီရိမြို့နယ်အတွင်းရှိ Grand ACE Villa ဝင်းအတွင်း တရုတ်သံရုံး ရုံးခွဲ ဖွင့်လှစ်ထားပြီး နိုင်ငံခြားသား ၂၆ဦး နေထိုင်လျက်ရှိကြောင်း နေပြည်တော် ကောင်စီဝင် ဦးကံချွန်က ပြောဆိုထားသည်။ ထို့အပြင် တရုတ်နိုင်ငံခြားရေးဝန်ကြီးဌာန ဒုတိယ ဝန်ကြီး မစ္စတာ လျိုကျန့်မင် (Mr.Liu Zhemin) မြန်မာနိုင်ငံသို့ ရောက်ရှိစဉ် ၂ဝ၁၅ ခုနှစ် ဒီဇင်ဘာလ ၄ရက်နေ့က တရုတ်သံရုံး၏ နေပြည်တော် ယာယီ ရုံးခွဲကို ဖွင့်လှစ်ပေးခဲ့ခြင်းဖြစ်ကြောင်း တရုတ်နိုင်ငံ အစိုးရပိုင် ဆင်ဟွာသတင်းဌာနတွင် ဖော်ပြခဲ့သည်။ ထို့အပြင်အဆိုပါ အခမ်းအနားတွင် နေပြည်တော်၌ တရုတ်နိုင်ငံသံရုံး ဖွင့်လှစ်ခြင်းဖြင့် တရုတ်-မြန်မာ နှစ်နိုင်ငံဆက်ဆံရေး၊ ဆွေမျိုးပေါက်ဖော် ချစ်ကြည်ရေး တိုးမြှင့်ခိုင်မာစေကြောင်း တရုတ်နိုင်ငံခြားရေးဝန်ကြီးဌာန ဒုတိယဝန်ကြီး မစ္စတာ လျိုကျန့်မင်က ပြောဆိုခဲ့သည်ဟုလည်း ဖော်ပြထားသည်။