Sunday, February 7, 2016

မြင်းခြံတွင် သဘာဝဓာတ်ငွေ့နှင့် စွန့်ပစ်အမှိက်မှ မဂ္ဂါဝပ် ၂၂၅ ရှိ လျှပ်စစ်ထုတ်မည် -------------------------------------------------------

မြင်းခြံတွင် သဘာဝဓာတ်ငွေ့နှင့် စွန့်ပစ်အမှိက်မှ မဂ္ဂါဝပ် ၂၂၅ ရှိ လျှပ်စစ်ထုတ်မည် ------------------------------------------------------- မန္တလေး၊ ဖေဖော်ဝါရီ ၆ မန္တလေးတိုင်းဒေသကြီး မြင်းခြံမြို့နယ်အတွင်းရှိ ဆားခါးကျေးရွာတွင် သဘာဝဓာတ်ငွေ့နှင့် စွန့်ပစ်အမှိက်မှ ၂၂၅ မဂ္ဂါဝပ်ရှိ လျှပ်စစ်ဓာတ်အားကို ယခုနှစ်အတွင်း ထုတ်လုပ်ရန်အစီအစဉ်ရှိကြောင်း မန္တလေးတိုင်းဒေသကြီး လျှပ်စစ်နှင့် စက်မှုလက်မှုဝန်ကြီး ဦးကျော်မြင့်က ပြောကြားသည်။ စင်္ကာပူအခြေစိုက် ကုမ္ပဏီတစ်ခုဖြစ်သော Sembcorp နှင့် မြင်းခြံပါဝါ ကုမ္ပဏီတို့ ဧက ၃ဝ နီးပါးအကျယ်ရှိမြေပေါ်တွင် ဆောင်ရွက်မည်ဖြစ်ပြီး ပူးပေါင်းဆောင်ရွက်မည်ဖြစ်ကြောင်း၊ ယင်းသို့ထုတ်လုပ်ခွင့်ရရန် လျှပ်စစ် စွမ်းအားဝန်ကြီးဌာနထံမှ တင်ဒါအောင်မြင်ထားပြီးဖြစ်ကြောင်း ၄င်းက ဆိုသည်။ ယင်းသို့ လျှပ်စစ်ဓာတ်အားထုတ်လုပ်မည့် စီမံကိန်းအတွက် တိုင်းဒေသကြီးအစိုးရအဖွဲ့ သဘောထားမှတ်ချက်ကို ရင်းနှီးမြုပ်နှံမှု ကော်မရှင်ထံ ပေးပို့မည် ဖြစ်ပြီး ကော်မရှင်ကခွင့်ပြုလျှင် စတင်ထုတ်လုပ်မည်ဖြစ်ကြောင်းလည်း ဝန်ကြီးဦးကျော်မြင့်က ရှင်းပြသည်။ နေ့စဉ်အမှိက်ထွက်ရှိမှု တိုးလာသောမန္တလေးမြို့တွင် စွန့်ပစ်အမှိုက်ကို စွမ်းအင်အဖြစ် ပြောင်းလဲထုတ်လုပ်ရန် ထိုင်းနိုင်ငံအခြေစိုက် ကုမ္ပဏီတစ်ခုက တင်ဒါအောင်မြင်ထားသော်လည်း ထုတ်လုပ်မှုကုန်ကျစရိတ်မြင့်မားပြီး ပြည်တွင်း၌ လျှပ်စစ်ဓာတ်အား ရောင်းရမည့်ဈေးနှုန်း နည်းနေသောကြောင့် စီမံကိန်းစတင်ရန် နှောင့်နှေးနေကြောင်း မန္တလေးမြို့တော်စည်ပင် သာယာရေးကော်မတီထံမှ သိရသည်။ ၂ဝ၃ဝ ပြည့်နှစ်တွင် မြန်မာတစ်နိုင်ငံလုံး လျှပ်စစ်ဓါတ်အားရရှိရေး စီမံချက်ချ ဆောင်ရွက်လျက်ရှိပြီး ပြည်တွင်း ပုဂ္ဂလိကလျှပ်စစ်ဓာတ်အား ထုတ်လုပ်မှုကို ခွင့်ပြုပေးလျက်ရှိရာ မန္တလေးတိုင်းဒေသကြီးအတွင်း အမေရိကန်အခြေစိုက် ACO ကုမ္ပဏီက မြင်းခြံမြို့နယ်အတွင်းရှိ မြေဧရိယာ နှစ်ထောင်ခန့်တွင် ဆိုလာလျှပ်စစ်ထုတ်လုပ်မှုအတွက် စီမံကိန်းစတင်နေပြီဖြစ်သည်။ မန္တလေးတိုင်းဒေသကြီးအတွင်း၌ ရေအားလျှပ်စစ်ဓာတ်အား ထုတ်လုပ်မှုမှ ရရှိသောလျှပ်စစ်ကို အဓိကသုံးစွဲနေရာ ဆည်တော်ကြီးဆည်နှင့် ရဲရွာဆည်တို့တွင် ရေသိုလှောင်ထားသည့်ပမာဏမှာ ယခင်နှစ်ထက်များသောကြောင့် လျှပ်စစ်ဓာတ်အား အလုံအလောက် ထုတ်လုပ်နိုင်မည်ဖြစ်၍ လာမည့်နွေရာသီတွင် လျှပ်စစ်မီး ပုံမှန်ဖြန့်ဝေနိုင်မည်ဖြစ်ကြောင်း မန္တလေးတိုင်းဒေသကြီး လျှပ်စစ်နှင့်စက်မှုလက်မှုဝန်ကြီး ဦးကျော်မြင့်က ပြောကြားဖူးသည်။
at

No comments:

Post a Comment

Subscribe to: Post Comments (Atom)