နိုင်ငံတော်သမ္မတ လက်မှတ်မထိုးခဲ့သည့် အဂတိလိုက်စားမှု တိုက်ဖျက်ရေး ဥပဒေ စက်တင်ဘာ ၁၇ ရက်တွင် အာဏာတည် နိုင်ငံတော်သမ္မတ လက်မှတ်မထိုးဘဲ သဘောထားမှတ်ချက်များဖြင့် လွှတ်တော်သို့ ပြန်လည်ပေးပို့ခဲ့သည့် အဂတိလိုက်စားမှု ဥပဒေ စက်တင်ဘာ ၁၇ ရက်တွင် အာဏာတည်ကြောင်း ၂၀၁၃ ခုနှစ်၊ စက်တင်ဘာ ၁၇ ရက်တွင် နိုင်ငံတော်သမ္မတရုံးက ထုတ်ပြန်ခဲ့သည်။ နိုင်ငံတော်သမ္မတရုံး၏ အမိန့်ကြော်ငြာစာ အမှတ် ၇၃/၂၀၁၃တွင် "အဂတိလိုက်စားမှု တိုက်ဖျက်ရေး ဥပဒေသည် ယင်းဥပဒေပုဒ်မ ၁၊ ပုဒ်မခွဲ (ခ)အရ ၂၀၁၃ ခုနှစ်၊ စက်တင်ဘာ ၁၇ ရက်မှ စတင်၍ အာဏာတည်သည်ဟု သတ်မှတ်လိုက်သည်" ဟု ပါရှိသည်။ နိုင်ငံတော်သမ္မတ လက်မှတ်မထိုးဘဲ သဘောထားမှတ်ချက်များဖြင့် လွှတ်တော်သို့ ပြန်လည်ပေးပို့ခဲ့သည့် အဂတိလိုက်စားမှု ဥပဒေကို လွှတ်တော်တွင် ပြန်လည်ဆွေးနွေးပြီးနောက် နိုင်ငံတော်သမ္မတထံ ပြန်လည်ပေးပို့ခဲ့ခြင်း ဖြစ်သည်။ ဖွဲ့စည်းပုံ အခြေခံဥပဒေတွင် "နိုင်ငံတော်သမ္မတ၏ သဘောထား မှတ်ချက်နှင့်အညီ ပြင်ဆင်ထားသော ဥပဒေကြမ်း (သို့) နိုင်ငံတော်သမ္မတ၏ သဘောထားမှတ်ချက်ကို လက်မခံဘဲ မူလအတိုင်း အတည်ပြုသော ဥပဒေကြမ်းအား ပြည်ထောင်စုလွှတ်တော်၏ ဆုံးဖြတ်ချက်ဖြင့် ပြန်လည်ပေးပို့လာသည့်အခါ နိုင်ငံတော်သမ္မတသည် ဥပဒေကြမ်း ပြန်လည်ရရှိသည့်နေ့၏ နောက်တစ်နေ့မှ ခုနစ်ရက်အတွင်း လက်မှတ်ရေးထိုး၍ ဥပဒေအဖြစ် ထုတ်ပြန်ကြေညာရမည်" ဟု ပါရှိသည်။
No comments:
Post a Comment