ကူးစက်မြန်ပြင်းထန် ဦးနှောက်အမြှေးရောင်ရောဂါ ဖြစ်ပွားလျှင် အမြန်ကုသရန်လို’’

‘‘ကူးစက်မြန်ပြင်းထန် ဦးနှောက်အမြှေးရောင်ရောဂါ ဖြစ်ပွားလျှင် အမြန်ကုသရန်လို’’

ကူးစက်မြန်ပြင်းထန်ဦးနှောက်အမြှေးရောင်ရောဂါ(Neisseria Meningitidis)သည် ဘက်တီးရီးယားပိုးကြောင့်ဖြစ်ပွားပြီး အချိန်မီကုသမှုမခံယူပါက
အသက်ဆုံးရှုံးမှုရှိနိုင်ကြောင်း ကျန်းမာရေးဝန်ကြီးဌာနက သတင်းထုတ်ပြန်ထားသည်။

လူနာချောင်းဆိုးခြင်း၊ နှာချေခြင်းတို့မှ တိုက်ရိုက်ကူးစက်နိုင်ပြီး ရောဂါဖြစ်သူ၏ ချွဲ၊ သလိပ်၊ ခန္ဓာကိုယ်အရည်နှင့် အသုံးအဆောင်ပစ္စည်းများကို
ထိတွေ့ခြင်းမှတစ်ဆင့်လည်း ကူးစက်နိုင်ကြောင်း သတိပေးထားသည်။ ရောဂါလက္ခဏာများအနေဖြင့် လတ်တလောပြင်းထန်စွာဖျားခြင်း၊
ခေါင်းကိုက်ခြင်း၊ အန်ခြင်း၊ ဇက်တောင့်ခြင်း၊ ကြွက်သားများနာကျင်ခြင်း၊ အရေပြားတွင် သွေးခြည်ဥများထွက်ခြင်း၊ မှိန်းခြင်း၊ သတိလစ်ခြင်း၊
တက်ခြင်း၊ သွေးလန့်ခြင်းများဖြစ်နိုင်သည်။

အထက်ပါရောဂါလက္ခဏာများခံစားရလျှင် အသက်ဆုံးရှုံးနိုင်သောကြောင့် နီးစပ်ရာကျန်းမာရေးဌာန၊ ဆေးရုံ၊ ဆေးခန်းများတွင် ချက်ချင်းကုသမှုခံယူရန်လိုအပ်သည်။

"အသက်(၁၅)နှစ်အောက် ကလေးတွေမှာ ဖျားနာတာမျိုးဖြစ်တာနဲ့ ချက်ချင်းဆေးရုံ၊ ဆေးခန်းကိုသွားဖို့ လိုအပ်ပါတယ်။ နှာချေ၊ ချောင်းဆိုးတာ၊ လူစုလူဝေးကတစ်ဆင့် ကူးစက်နိုင်လို့
အထူးသတိထားဖို့လိုအပ်တယ်”ဟု ပြည်သူ့ကျန်းမာရေးဦးစီးဌာန
ဒုတိယညွှန်ကြားရေးမှူးချုပ်ဒေါက်တာသန်းထွန်းအောင်ကပြောသည်။

ကြိုတင်ကာကွယ်ခြင်းအနေဖြင့် တစ်ကိုယ်ရေသန့်ရှင်းမှုကို ဂရုပြုဆောင်ရွက်ရမည်။ နှာချေ၊ ချောင်းဆိုးလျှင် နှာခေါင်းနှင့်ပါးစပ်ကိုလက်ကိုင်ပ၀ါဖြင့် ဖုံးအုပ်ပါ။ လက်ကိုင်ပ၀ါအဆင်သင့်မရှိပါက
နှာခေါင်းနှင့်ပါးစပ်ကို လက်မောင်းဖြင့် ဖုံးအုပ်၍နှာချေ၊ ချောင်းဆိုးရမည်။

ရောဂါဖြစ်ပွားသူများ၊ သံသယရှိလူနာများနှင့် တွေ့ဆုံရန်လိုအပ်ပါက ရောဂါမကူးစက်စေရန်
နှာခေါင်းနှင့်ပါးစပ်ဖုံးအုပ်ထားသော မျက်နှာဖုံးအကာအကွယ်နှင့် အခြားအကာအကွယ်ပစ္စည်းများကို
အသုံးပြုသင့်သည်။ ပွဲလမ်းသဘင်၊ လူစည်ကားသောနေရာနှင့် ဖုန်ထူထပ်သောနေရာများကိုတတ်နိုင်သမျှရှောင်ကြဉ်သင့်ပြီး မိမိတွင်ရောဂါရှိသည်ဟု သံသယရှိပါက ကျန်းမာရေးဌာနသို့ သတင်းပို့၍
ဆေးကုသမှုချက်ချင်းခံယူရန်လိုအပ်ကြောင်းကျန်းမာရေးဝန်ကြီးဌာန၊ ပြည်သူ့ကျန်းမာရေးဦးစီးဌာနက ထုတ်ပြန်ထားသည်။

မန္တလေးတိုင်းဒေသကြီး မိတ္ထီလာခရိုင် သာစည်မြို့နယ်ရှိ ကျေးရွာအချို့တွင် ဘက်တီးရီးယားပိုးကြောင့် ဦးနှောက်အမြှေးရောင်သည့်ရောဂါဖြစ်ပွားသူ အသက်(၁၀)နှစ်အောက်ကလေးငယ် ၁၀ဦးရှိပြီး ၎င်းတို့အနက်မှ
လေးဦးသေဆုံးခဲ့ကာ ကျန်ကလေးငယ်ခြောက်ဦးကို အထူးကြပ်မတ်ကုသပေးလျက်ရှိသည်။

ဓာတ်ပုံ− Myanmar CDC FB