တရုတ်က ဘာလို့ မြည်းတွေ ပြည်ပကနေ အများကြီး ဝယ်နေရတာလဲ

တရုတ်နိုင်ငံဟာ ဒီဘက်နှစ်ပိုင်းမှာ ပြည်ပနိုင်ငံတွေကနေ မြည်းတွေအများကြီး တင်သွင်းနေရပါတယ်။

အထူးသဖြင့် အာဖရိက နိုင်ငံတွေဆီကပါ။ ဒီလို တရုတ်နိုင်ငံဘက်က ဝယ်လိုအား မြင့်မားလာမှုကြောင့် အာဖရိကနိုင်ငံတွေမှာ လစဉ် မြည်းတွေ သောင်းနဲ့ချီ သေဆုံးနေကြရပါတယ်။

ဒါကြောင့်ပဲ ဒီဘက်နှစ်ပိုင်းမှာ နိုင်ဂျာ၊ ဘူကီနာဖာဆို စတဲ့ အာဖရိကနိုင်ငံ အချို့ဟာ သူတို့ တိုင်းပြည်တွေထဲမှာ မြည်းတွေမျိုးတုန်းကုန်မှာ စိုးရိမ်လာတဲ့အတွက် မြည်းတင်ပို့ခြင်းကို ပိတ်ပင်တဲ့ ဥပဒေတွေတောင် ထုတ်ရတဲ့အထိ ဖြစ်လာခဲ့ပါတယ်။

ဒါဆိုရင် တရုတ်နိုင်ငံက ဘာဖြစ်လို့ မြည်းတွေ ပြည်ပကနေ အများအပြား ဝယ်ယူနေရတာလဲ။ အဖြေကတော့ တရုတ်လူမျိုး အများစု စွဲစွဲမြဲမြဲ သုံးနေတဲ့ တရုတ်တိုင်းရင်းဆေးတွေမှာ မြည်းကနေရရှိတဲ့ ejiao လို့ခေါ်တဲ့ အမယ်တစ်မျိုးက မပါမဖြစ် ဖြစ်နေလို့ပါပဲ။

အရင်တုန်းကတော့ တရုတ်နိုင်ငံအတွင်းက မြည်းတွေကနေပဲ ejiao ကို ထုတ်လုပ်ရယူနေရာကနေ ယခုအခါမှာ တရုတ်နိုင်ငံအတွင်းမှာ မြည်းအကောင်ရေက စိုးရိမ်စရာ ကောင်းလောက်အောင် လျော့ကျလာပြီး အခုလို ပြည်ပကနေ တင်သွင်းရတဲ့ အခြေအနေကို ရောက်ရှိနေတာပဲ ဖြစ်ပါတယ်။

တရုတ်နိုင်ငံမှာ စက်မှုလုပ်ငန်းတွေ ပိုမိုထွန်းကားလာတာနဲ့အမျှ ရိုးရာစိုက်ပျိုးရေး လုပ်ငန်းတွေ လျော့ကျလာပြီး မြည်းအကောင်ရေပါ လျော့ကျလာခဲ့တာပါ။ တရုတ်နိုင်ငံရဲ့ မြည်းအကောင်ရေဟာ ပြီးခဲ့တဲ့ နှစ်ပေါင်း ၂၀ အတွင်းမှာ ၁၁ သန်း ကနေ ၆ သန်းအထိ လျော့ကျခဲ့ပါတယ်။

ဒီလိုစက်မှုလုပ်ငန်းတွေ ဖွံ့ဖြိုးလာနေတဲ့ တရုတ်နိုင်ငံမှာ မြည်းအကောင်ရေ လျော့ကျခြင်းအပြင် အခြားသဘာဝပတ်ဝန်းကျင်ဆိုင်ရာ ပြဿနာတွေနဲ့လည်း ရင်ဆိုင်ရလျက် ရှိပါတယ်။

Ref : CNN

ကျောက်ဆည် နည်းပညာတက္ကသိုလ်တွင် အဖြေလွှာအချို့ မီးရှို့ခံရ

မန္တလေး၊ စက်တင်ဘာ ၃၀

ကျောက်ဆည်မြို့ အေးမြကြည်လင် ရပ်ကွက်ရှိ နည်းပညာတက္ကသိုလ်တွင် စာမေးပွဲအဖြေလွှာ အချို့ စက်တင်ဘာလ ၃၀ ရက် နံနက် ၅ နာရီ ၃၀ မိနစ်ခန့်က မီးရှို့ခံခဲ့ရကြောင်း မန္တလေးတိုင်းဒေသကြီး မီးသတ်ဦးစီးဌာနမှ သိရှိရသည်။

အဖြေလွှာများ ထားရှိသည့် အခန်းတံခါးသော့ကို ဖျက်ကာ ဓာတ်ဆီလောင်း၍ မီးရှို့ခဲ့ရခြင်း ဖြစ်ပြီး မီးလောင်မှု ဖြစ်ပွားပြီး မိနစ် ၂၀ ခန့် အကြာတွင် မီးငြိမ်းနိုင်ခဲ့ကြောင်း ယင်းဌာန တာဝန်ရှိသူတစ်ဦးက ပြောကြားသည်။
“မီးရှို့တာကို ကျောင်းသားလုပ်တာလို့ လတ်တလော ယူဆထားတယ်” ဟု ၎င်းက ပြောဆိုသည်။

လက်ရှိတွင် မီးလောင်သည့် အကြောင်းရင်းကို စုံစမ်းစစ်ဆေးနေကြောင်း ကျောက်ဆည်ခရိုင် မီးသတ်ဦးစီးဌာန လက်ထောက်ညွှန်ကြားရေးမှူး ဦးဇင်ထွန်းက ပြောကြားသည်။

အဖြေလွှာအချို့ မီးရှို့ခံရသည့် အခြေအနေနှင့် ပတ်သက်၍ အသေးစိတ် သိရှိနိုင်ရန် ကျောက်ဆည်မြို့ နည်းပညာတက္ကသိုလ်မှ လုံခြုံရေးတာဝန်ခံ ဦးတင်ထူးထံ တယ်လီဖုန်းဖြင့် ဆက်သွယ်မေးမြန်းရာ ရဲတပ်ဖွဲ့ထံသို့သာ မေးမြန်းရန် ဖြေကြားခဲ့သည်။

အဖြေလွှာအချို့သာ မီးလောင်ကျွမ်းခဲ့သဖြင့် ဆုံးရှုံးမှုတန်ဖိုး ကျပ်ခုနစ်ထောင် ဖြစ်ကာ ယင်းအမှုကို ကျောက်ဆည်မြို့မ ရဲစခန်းတွင် ပြစ်မှုပုဒ်မ ၄၃၆ ဖြင့် အမှုဖွင့် အရေးယူ ဆောင်ရွက်နေကြောင်း အဆိုပါစခန်း တာဝန်ကျ ရဲအရာရှိက ပြောကြားသည်။

ဓာတ်ပုံ - Than Htay

အာဆီယံပါလီမန်းများ ညီလာခံမှာ ဒေါ်အောင်ဆန်းစုကြည် ပြောကြားမယ့် မိန့်ခွန်း တိုက်ရိုက်ထုတ်လွှင့်မယ်

(၃၇) ကြိမ်မြောက် အာဆီယံပါလီမန်းများ ညီလာခံဖွင့်ပွဲ အခမ်းအနားမှာ နိုင်ငံတော်အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည် ပြောကြားမယ့် မိန့်ခွန်းနဲ့ အခမ်းအနားကို ရုပ်/သံလိုင်းတွေနဲ့ ရေဒီယိုတွေက တိုက်ရိုက် ထုတ်လွှင့် ပြသဖို့ ရှိနေပါတယ်။

စက်တင်ဘာလ ၃၀ ရက်နေ့ မနက်ပိုင်း နေပြည်တော်ရှိ အပြည်ပြည်ဆိုင်ရာ ကွန်ဗင်းရှင်းဗဟိုဌာန (၁) MICC-I မှာ ကျင်းပပြုလုပ်မယ့် ဖွင့်ပွဲ အခမ်းအနားကို မြန်မာ့ရုပ်မြင်သံကြား MRTV၊ လွှတ်တော်ရုပ်သံလိုင်း၊ မြန်မာ့အသံရေဒီယိုတွေအပြင် ပုဂ္ဂိလိကရုပ်သံလိုင်းတွေက မနက် ၁၀ နာရီ မိနစ် ၅၀ အချိန်မှာ တိုက်ရိုက်ထုတ်လွှင့်သွားကြဖို့ ရှိနေတာပါ။

ဒီညီလာခံကို အာဆီယံနိုင်ငံတွေက ပါလီမန်တွေရဲ့ ကိုယ်စားလှယ်တွေ၊ နိုင်ငံတကာပါလီမန်များသမဂ္ဂ (IPU) က ကိုယ်စားလှယ်တွေ အပါဝင် စုစုပေါင်း ပြည်ပကိုယ်စားလှယ် ၃၀၀ ၀န်းကျင် တက်ရောက်နေကြတာဖြစ်ပြီး AIPA ရဲ့ လုပ်ငန်းတာဝန်တွေကို အဓိက ဆွေးနွေးသွားကြဖို့ ရှိနေတာဖြစ်ပါတယ်။MCN

ရန်ကုန်မြို့သစ် စီမံကိန်း တစ်နှစ်အတွင်း အကောင်အထည် ဖော်မယ်

ရန်ကုန်မြို့သစ်စီမံကိန်းကိုတစ်နှစ်အတွင်း အကောင်အထည်ဖော်သွားမှာဖြစ်တယ်လို့ ရန်ကုန်တိုင်းဒေသကြီးလွှတ်တော်ကိုယ်စားလှယ် ဒေါ်စန္ဒာမင်းကပြောပါတယ်။

ဒုတိယအကြိမ်ရန်ကုန်တိုင်းဒေသကြီး လွှတ်တော်တတိယပုံမှန်အစည်းအဝေးမှာသတင်းမီဒီယာတွေနဲ့ တွေဆုံစဉ် အခုလိုပြောကြား လိုက်တာပါ။ယခင်က အဲဒီစီမံကိန်းအတွက် တင်ဒါကို ကုမ္ပဏီသုံးခုကို ခေါ်ယူပြီးစီမံကိန်း လုပ်ဆောင်ဖို့ ရှိပေမယ့် အခုအခါမှာတော့ အခြားကုမ္ပဏီတွေကိုလည်းခေါ်ယူမှာဖြစ်ပြီး ရန်ကုန်တိုင်းဒေသကြီးအစိုးရက ကြီးကြပ်ကွပ်ကဲသွားမှာဖြစ်ပါတယ်။

အခုအခါမှာ ရန်ကုန်တိုင်းဒေသကြီးအစိုးရက ရန်ကုန်တိုင်းအတွင်း အကောင်အထည်ဖော်မယ့် စီမံကိန်း၂၄ခုကို လွှတ်တော်ကိုတင်ပြထားပြီး အဲဒီအထဲက စီမံကိန်း၁၁ခုကို ဒီနှစ်အတွင်းမှာစတင်ဆောင်ရွက်မှာပါ။

အဲဒီစီမံကိန်းတွေထဲမှာ ရန်ကုန်မြို့သစ်စီမံကိန်းလည်း တစ်ခုအပါ အဝင်ဖြစ်ပါတယ်။ မြို့သစ်စီမံကိန်းဟာ ကြည့်မြင်တိုင်တစ်ဖက်ကမ်းတွံတေးနဲ့ ဆိပ်ကြီးခနောက်တိုမြို့နယ်တွေ မှာ ရှိတဲ့ မြေဧကနှစ်သောင်းကျော်မှစတင်မှာဖြစ်ပါတယ်။MCN

သီလဝါကုမ္ပဏီက ကျပ်တစ်သောင်းတန် အစုရှယ်ယာတွေကို ကျပ်တစ်ထောင် ပြောင်းလဲသတ်မှတ်

ကျပ်တစ်သောင်းနဲ့ ရောင်းချခဲ့တဲ့ သီလ၀ါအစုရှယ်ယာတွေကို ကျပ်တစ်ထောင်အစုရှယ်ယာတွေအဖြစ် ပြောင်းလဲ သတ်မှတ်မယ်လို့ မြန်မာသီလ၀ါကုမ္ပဏီက ထုတ်ပြန်ကြေညာလိုက်ပါတယ်။

အဲဒီလိုပြောင်းလဲသတ် မှတ်မယ့်အစည်းအဝေးကို လာမယ့် အောက်တိုဘာလ ၂၃ ရက်နေ့မှာ အမျိုးသားအားကစားရုံ(၁)သုဝဏ္ဏမှာ ပြုလုပ်သွားမှာဖြစ်ပါတယ်။

အဲဒီအစည်းအဝေးကို တက်ရောက်ဖို့ အစုရှယ်ယာရှင်တွေကို ဖိတ်ကြားစာပေးပို့ သွားမှာဖြစ်ပြီး အဲဒိဖိတ်ကြားစာနဲ့အတူ အမြတ်ဝေစုခွဲဝေခြင်းနဲ့ပတ်သက်တဲ့ အကြောင်းကြားစာတွေကိုလည်း ပေးပို့သွားမှာဖြစ်ပါတယ်။ အမြတ်ဝေစုခွဲဝေပေမယ့်နေ့ကိုတော့ အစည်းအဝေးပြီးနောက်ပိုင်းမှာ အသိပေးထုတ် ပြန်သွားမယ်လို့ ကြေညာထားပါတယ်။
MCN

Galaxy Note 7 နည်းတူ iPhone 7များလည်း ပေါက်ကွဲမှု ဖြစ်နိုင်ခြေရှိကြောင်း သတင်းများထွက်ပေါ်လာ

Galaxy Note 7ကဲ့သို့ပင် Apple၏ နောက်ဆုံးထုတ် စမတ်ဖုန်းဖြစ်သည့် iPhone 7များသည်လည်း ပေါက်ကွဲမှု ဖြစ်နိုင်ကြောင်း သတင်းများ ထွက်ပေါ်လာသည်။

ဈေးကွက်ပြိုင်ဘက်ကြီး Samsung၏ နောက်ဆုံးပေါ် Galaxy Note 7 စမတ်ဖုန်း ဘက်ထရီများ ချွတ်ယွင်းချက်ကြောင့် ပေါက်ကွဲမှုများ ဖြစ်နိုင်ကြောင်း တရားဝင် သတိပေးပြီး အရောင်းရပ်နားကာ ပြင်ဆင်လဲလှယ်မှုများ ပြုလုပ်ပေးနေရချိန်တွင် iPhoneနှင့် ပတ်သက်၍ပါ အလားတူ သတင်းထွက်လာခြင်း ဖြစ်သည်။

ပေါက်ကွဲပျက်စီးသွားသည်ဆိုသော iPhone 7 Plus၏ ဓာတ်ပုံကို လူမှုကွန်ရက် မီဒီယာ Reddit အသုံးပြုသူ တစ်ဦးက လွှင့်တင်ထားရာ လူသိများသည့် နည်းပညာ Blogတစ်ခုဖြစ်သော BGRက ကိုးကားပြီး သတင်းဖော်ပြခဲ့သည်။ ထိုသူက နောက်ပိုင်းတွင် မီးသင့်လောင်ထားဟန် ရှိနေသည့် iPhone 7 Plus၏ ဓာတ်ပုံများကို ထပ်မံလွှင့်တင်ခဲ့သေးသည်။

Krrothesnoopဆိုသော အမည်ဖြင့် Redditကို အသုံးပြုနေသူက ထိုဓာတ်ပုံများကို စက်တင်ဘာ ၂၈ ရက်တွင် စတင်လွှင့်တင်ခဲ့ခြင်း ဖြစ်သည်။ အနက်ရောင် iPhone 7 Plus၏ ပေါက်ကွဲမှုမှာမူ Samsung၏ ထုတ်ကုန်နှင့် အခြေခံ အကြောင်းရင်း ကွဲလွဲဟန်ရှိပြီး ဘက်ထရီကြောင့် မဟုတ်ဘဲ စက်ရုံထုတ် ပစ္စည်းကို အဆင့်ဆင့် သယ်ယူပို့ဆောင်ချိန်တွင် ချွတ်ယွင်းချက် တစ်ခုခု ဖြစ်ခဲ့ခြင်းဟု ယူဆရကြောင်း ဖုန်းပိုင်ရှင်က မှတ်ချက်ပေးထားသည်။

အဘယ်ကြောင့်ဆိုသော် မှာယူထားသည့်ဖုန်း ရောက်ရှိလာချိန်တွင် ဘူးကိုဖွင့်လိုက်ရာ ထိုအတိုင်း တွေ့မြင်ရ၍ ဖြစ်သည်။ “ဖြစ်နိုင်တာကတော့ စက်ရုံကနေ ထုတ်လုပ်ပြီး ဝယ်ယူသူဆီ ပို့ဆောင်ချိန်မှာ တစ်ခုခု ဖြစ်ခဲ့ပုံပေါ်တယ်”ဟု ၎င်းက သုံးသပ်ထားသည်။ Apple အနေဖြင့်မူ ထိုကိစ္စအပေါ် မည်သည့်မှတ်ချက်မျှ မပေးသေးချေ။ ထိုဖုန်းပိုင်ရှင်က ကုမ္ပဏီ အနေဖြင့် ၎င်းအတွက် ဖုန်းအသစ်တစ်လုံး လဲလှယ်ပေးရန် မျှော်လင့်နေကြောင်းလည်း သိရသည်။

အလွမ်းဓါတ်ခံရှိရင် မကြည့်ပါနဲ့ဗျာ

တိုင်းဒေသကြီးနှင့် ပြည်နယ်အချို့တွင် မိုးထစ်ချုန်းရွာနိုင်

Posted: September 30, 2016

ဘင်္ဂလားပင်လယ်အော်မြောက်ပိုင်းတွင် တိမ်အသင့်အတင့် ဖြစ်ထွန်းနေပြီး၊ ကပ္ပလီပင်လယ်ပြင်နှင့် ကျန်ဘင်္ဂလား ပင်လယ်အော်တို့တွင် မုတ်သုံလေ အားအသင့်အတင့်မှ အားကောင်းနေသည်။

 

တနင်္သာရီတိုင်းဒေသကြီးတွင် နေရာအနှံ့အပြား၊ စစ်ကိုင်းတိုင်းဒေသကြီးအောက်ပိုင်းနှင့် မန္တလေးတိုင်းဒေသကြီး တို့တွင် နေရာစိပ်စိပ်နှင့် ကျန်တိုင်းဒေသကြီးနှင့်‌ ပြည်နယ်တို့တွင် နေရာကျဲကျဲ မိုးထစ်ချုန်းရွာမည်။ ရွာရန်ရာနှုန်း(၈၀) ဖြစ်သည်။

 

မြစ်ဝကျွန်းပေါ်၊ မုတ္တမကွေ့၊ မွန်-တနင်္သာရီကမ်းရိုးတန်း တစ်လျှောက်နှင့် ကမ်းလွန်ပင်လယ်ပြင်တို့တွင် တစ်ခါတစ်ရံ မိုးသက်လေပြင်းများ ကျရောက်ပြီး၊ လှိုင်းအသင့်အတင့်မှ လှိုင်းကြီးနိုင်ပါသည်။ မိုးသက်လေပြင်းကျစဉ် ရေပြင်/မြေပြင်လေသည် တစ်နာရီလျှင် (၃၅)မိုင်အထိ တိုက်ခတ်နိုင်သည်။ ကျန်မြန်မာ့ပင်လယ်ပြင်တွင် လှိုင်းအသင့်အတင့်ရှိမည်။

 

နောက် ၂ ရက်အတွက် ခန့်မှန်းချက်အနေဖြင့် စစ်ကိုင်းတိုင်းဒေသကြီး အောက်ပိုင်း၊ မကွေးတိုင်းဒေသကြီးနှင့် ရခိုင်ပြည်နယ်တို့တွင် မိုးလျော့နည်းနိုင်သည်။

 

နေပြည်တော်၊ ရန်ကုန်နှင့် မန္တလေး တုိ့၏ အနီးတစ်ဝိုက်တွင် နေရာကွက်ကျား မိုးထစ်ချုန်းရွာမည်။ ရွာရန်ရာနှုန်းပြည့် ဖြစ်သည်ဟု မိုးဇလက ထုတ်ပြန်ထားသည်။

 

The Ladies News

မယ်ဟောင်ဆောင်က မြန်မာ ဒုက္ခသည်တွေ ပြန်ပို့ရေး စီစဉ်နေ

 

ထိုင်း - မြန်မာ နယ်စပ်မှာရှိတဲ့ မယ်လဒုက္ခသည်စခန်းကို တွေ့ရစဉ်။ Photo: Wai Mar Tun/RFAထိုင်းနိုင်ငံ မယ်ဟောင်ဆောင်ခရိုင်ကို ထွက်ပြေးလာကြတဲ့ မြန်မာဒုက္ခသည်တွေကို နေရပ်ပြန်ပို့ဖို့ အတွက် ထိုင်းနဲ့မြန်မာအာဏာပိုင်တွေက စာရင်းပြုစုနေကြတယ်လို့ မနေ့ကကျင်းပတဲ့ TBC- ထိုင်း-မြန်မာ နယ်ခြားကော် မတီ အစည်းအဝေးကနေထုတ်ဖော်ပြောကြားလိုက်ပါတယ်။

တိုက်ပွဲတွေကြောင့်ထွက်ပြေးကြရပြီး မယ်ဟောင်ဆောင်က ယာယီစခန်းတွေမှာ နေထိုင်နေကြတဲ့ မြန်မာ ဒုက္ခသည်တွေအရေးကိုလည်း ထိုင်း အမှတ် ၇ ခြေလျင်တပ် အထူးတပ်ဖွဲ့မှူး ဦးဆောင်တဲ့ ထိုင်း TBC အဖွဲ့နဲ့ မြန်မာတာဝန်ရှိသူတွေ ဆွေးနွေးကြပါတယ်။

ခိုလှုံရေးစခန်းတွေပြင်ဆင်ပြီး သက်ဆိုင်ရာနေရပ်ကို ပြန်ပို့ဖို့နိုင်အတွက် ဒုက္ခသည်အရေအတွက်နဲ့ ဘာတိုင်းရင်းသားတွေ ဖြစ်တယ်ဆိုတာ သတင်းအချက်အလက် စုဆောင်းနိုင်ဖို့ အချိန်လိုတယ်လို့ မြန်မာ ဘက်က ပြောကြားတယ်လို့ ဆိုပါတယ်။

ဒါပေမဲ့ သံလွင်မြစ်ကြောင်းမှာတွေ့ရတဲ့ ကျွန်းဖောင်တွေ ကိစ္စကိုတော့ မဆွေးနွေးဘူးလို့ The Nation သတင်းမှာ ပါရှိပါတယ်။

RFA Burmese

မြန်မာနိုင်ငံမှာ ပထမဆုံးအကြိမ်ကျင်းပတဲ့အာ ဆီယံပါလီမန်များအဖွဲ့ အစည်းအဝေးဖွင့်ပွဲမြင်ကွင်းများ။