၂၀၁၅ မြန်မာ့စီးပွားရေး ကျဆင်းသွားသလား၊ တိုးတက်လာသလား ကမ္ဘာ့ဘဏ်က ဘယ်လို သုံးသပ်ထားလဲ
=======================================
[လတ်တလော ဧပြီလ ၁၃ ရက်နေ့မှာ ထုတ်ပြန်လိုက်တဲ့ ကမ္ဘာ့ဘဏ် World Bank ရဲ့ အရှေ့အာရှ စီးပွားရေးအစီရင်ခံစာမှာ မြန်မာနိုင်ငံနဲ့ပတ်သက်လို့ အောက်ပါအတိုင်း ဖော်ပြထားပါတယ်-
(၁) ၂၀၁၄ ခုနှစ်နဲ့ ၂၀၁၅ ခုနှစ်တွေမှာ မြန်မာ့စီးပွားရေး အားကောင်းစွာ ဆက်ပြီး တိုးတက်နေဦးမယ်။ ၂၀၁၄-၁၅ မှာဆိုရင် (၈.၅%) တိုးတက်မယ်။
(၂) ဘာ့ကြောင့် ဒီလို တိုးတက်သလဲ ဆိုရင် ပြုပြင်ပြောင်းလဲမှုတွေကြောင့် ရင်းနှီးမြုပ်နှံမှုတွေ စီးဝင်လာလို့ ဖြစ်တယ်။ Exchange Rate Reform က စီးပွားရေးတိုးတက်မှုနှုန်းကို ထောက်ကူပေးတယ်။
(၃) ပုဂ္ဂလိကနဲ့ အစိုးရ ရင်းနှီးမြုပ်နှံမှု ၂၀၁၄-၁၅ မှာ (၂၈.၇%)အထိ တိုးလာမယ်။
[၂၀၁၅-၁၆ မှာ အာရှတိုက်တစ်တိုက်လုံးရဲ့ ပျှမ်းမျှ တိုးတက်မှုနှုန်း ၆.၇ % ရှိမှာဖြစ်ပြီး တရုတ်နိုင်ငံရဲ့ ဖွံ့ဖြိုးမှုနှုန်းကတော့ ၇ % ရှိမယ်လို့ ခန့်မှန်းထားပါတယ်။ မြန်မာ့စီးပွားရေး ပြိုလဲသွားဖို့ မရှိသေးတဲ့အပြင် မြန်မာနိုင်ငံရဲ့ တုိးတက်မှု နှုန်း (၈.၅%) ဆိုတာ တော်တော်ကြီးကို ကောင်းမွန်တဲ့ အနေအထား ဖြစ်ကြောင်း တွေ့ရပါတယ်။ ဒါက ကမ္ဘာ့ဘဏ်ရဲ့ အစီရင်ခံစာပါ ဖော်ပြချက်ပဲ ဖြစ်ပါတယ်။]
၂၀၁၅ မြန်မာ့စီးပွားရေး ကမ္ဘာ့ဘဏ် သုံးသပ်ချက်
ဗွီအိုအေ (မြန်မာဌာန)
14.04.2015 07:15
မြန်မာနိုင်ငံရဲ့စီးပွားရေးဟာ ၂၀၁၄ ခုနှစ်နဲ့ ၂၀၁၅ ခုနှစ်တွေမှာ အားကောင်းစွာနဲ့ တိုးတက်နေဦးမှာဖြစ်တဲ့အကြောင်း ကမ္ဘာ့ဘဏ်က ဧပြီလ ၁၃ ရက်နေ့မှာ ထုတ်ပြန်တဲ့ အရှေ့အာရှ စီးပွားရေးအစီရင်ခံစာမှာ ဖော်ပြထားပါတယ်။ ၂၀၁၄ - ၂၀၁၅ ခုနှစ်အတွက် မြန်မာနိုင်ငံရဲ့ စီးပွားရေးဖွံ့ဖြိုးမှုနှုန်းဟာ ၈.၅ % ရှိမယ်လို့ ကမ္ဘာ့ဘဏ်ရဲ့ အစီရင်ခံစာမှာ ဖော်ပြထားပြီး ဒါဟာ မြန်မာနိုင်ငံမှာ ပြုလုပ်နေတဲ့ ပြုပြင်ပြောင်းလဲမှုကနေ တံခါးတွေ ဖွင့်ပေးလိုက်ရာက ရင်းနှီးမြှုပ်နှံမှုတွေ တိုးမြင့်လာတဲ့အတွက် ဖြစ်တယ်လို့ ဆိုပါတယ်။
အထူးသဖြင့်တော့ ဆောက်လုပ်ငန်းလုပ်ငန်းတွေ တိုးချဲ့ပြုလုပ်နေတာ၊ ကုန်ထုတ်လုပ်မှုလုပ်ငန်း ဆက်လက် ကြီးထွားလာနေတာနဲ့ ဝန်ဆောင်မှု လုပ်ငန်းတွေ တိုးများလာနေတာတွေကြောင့် ဖြစ်တယ်လို့ ဆိုပါတယ်။ ပုဂ္ဂလိကနဲ့ အစိုးရ ရင်းနှီးမြှုပ်နှံမှုတွေဟာလည်း ၂၀၁၃-၂၀၁၄ ခုနှစ်မှာ ၂၆.၅% ရှိခဲ့ရာက ၂၀၁၄-၂၀၁၅ ခုနှစ်မှာ ၂၈.၇ % အထိ တိုးတက်လာတယ်လို့ အစီရင်ခံစာမှာ ဖော်ပြထားပါတယ်။
မြန်မာနိုင်ငံရဲ့ နိုင်ငံခြားငွေလဲလှယ်နှုန်း ပြုပြင်ပြောင်းလဲလိုက်တာကလည်း စီးပွားရေးတိုးတက်မှုကို အထောက်အကူပြုစေတယ်လို့ ဆိုပါတယ်။
တဘက်မှာ အဲဒီလိုတိုးတက်မှုတွေရှိနေပေမယ့်လည်း တခြားတဘက်မှာ စိန်ခေါ်မှုတွေရှိနေတယ်လို့ ကမ္ဘာ့ဘဏ်ရဲ့အစီရင်ခံစာမှာ ထောက်ပြထားပါတယ်။ ယေဘုယျအားဖြင့် မြန်မာ့စီးပွားရေးဟာ အတန်အသင့်အားကောင်းတဲ့နှုန်းနဲ့ ဖွံ့ဖြိုးတိုးတက်ဖို့ ရှိပေမယ့်လည်း အစိုးရအနေနဲ့ လက်ရှိ ဆောင်ရွက်နေတဲ့ လုပ်ငန်း တိုးချဲ့မှုတွေနဲ့ အခြေခံ ပြုပြင်ပြောင်းလဲမှုတွေကို ရပ်တန့်လိုက်ရင် အန္တရာယ်နဲ့ ရင်ဆိုင်ရနိုင်တယ်လို့ ဆိုပါတယ်။
တဘက်မှာ အစိုးရအသုံးစရိတ်တွေကို လက်ရှိအတိုင်း ဆက်လက် တိုးမြှင့်သွားမယ်ဆိုရင် ရေရှည်ရပ်တည်ဖို့ အခက်အခဲရှိလာမယ်လို့ ထောက်ပြထား ပါတယ်။ နိုင်ငံတကာမှာ သဘာဝဓာတ်ငွေ့နဲ့ လောင်စာဆီဈေးတွေ ကျဆင်းနေတာက မြန်မာနိုင်ငံကို အခုချိန်မှာ တိုက်ရိုက်ထိခိုက်မှု မရှိသေးပေမယ့် လည်း အဲဒီ အကျိုးဆက်တွေ မကြာခင် မြန်မာနိုင်ငံကို သက်ရောက်လာပြီး သဘာဝဓာတ်ငွေ့နဲ့ လောင်စာဆီ တူးဖော်ရေးလုပ်ငန်းတွေက ရင်းနှီး မြှုပ်နှံမှုတွေ လျော့ကျသွားမှာဖြစ်တဲ့အတွက် အဲဒီကရနေတဲ့ အစိုးရဝင်ငွေကို ထိခိုက်နိုင်ပြီး တန်ပြန် အကျိုးသက်ရောက်မှုတွေ ဖြစ်လာမယ်လို့ သုံးသပ် ခန့်မှန်းထားပါတယ်။
၂၀၁၅ နဲ့ ၂၀၁၆ ခုနှစ်တွေအတွက်အရှေ့အာရှတိုက်တခုလုံးရဲ့ ပျမ်းမျှ စီးပွားတိုးတက်မှုနှုန်းကတော့ ၆.၇ % ရှိမှာဖြစ်ပြီး တရုတ်နိုင်ငံရဲ့ ဖွံ့ဖြိုးမှုနှုန်းကတော့ ၇ % ရှိမယ်လို့ ခန့်မှန်းထားပါတယ်။
၂၀၀၈ ဖွဲ့စည်းပုံဥပဒေမှာ ရွေးကောက်ပွဲမှာ အနိုင်ရသူ (ဝါ) ၅၁% အနိုင်ရသူ (ဝါ) ပါတီက အစိုးရဖွဲ့ခွင့်ရမယ်လို့ မပါ,ပါဘူး။ ဖွဲ့စည်းပုံအရ ပြည်သူ့လွှတ်တော် အစုအဖွဲ့ က တင်မြှောက်သော ဒုသမ္မတ၊ အမျိုးသားလွှတ်တော် အစုအဖွဲ့က တင်မြှောက်သော ဒုသမ္မတ၊ တပ်မတော်သားကိုယ်စားလှယ် အစုအဖွဲ့က တင်မြှောက်သော ဒုသမ္မတ ဆိုတဲ့ သုံးယောက်ထဲက တစ်ယောက်ကသာ သမ္မတကြီး အဖြစ် ရွေးကောက်တင်မြှောက်ခံရပြီး ထိုသူကသာ အစိုးရဖွဲ့ခွင့်ရမှာ ဖြစ်ပါတယ်။ ငွေကုန်အသံပြာ၊ အိမ်မှာရှိတဲ့ဆန်ပါ ဆန်ကွဲဖြစ်မှာ စိုးလို့ သတိပေးရခြင်းပါ
No comments:
Post a Comment