ဖွတ်ထွက်မှ တောင်ပို့မှန်း သိတယ်

NLDပါတီရဲ့ သုတေသနဌာနမှူး ဦးမျိုးရန်နောင်သိမ်း ဆိုလို့ ဆင်ကြီးလား၊ ဂဠုန်ကြီးလား.. တလေးတစား ကြည့်မိပါတယ်။ ခုထိတိုင် ကျောင်းမပြီးနိုင်ကြသေးတဲ့ အကျော်ဋေးယျ ၈၈မျိုးဆက်ကကို။

ကျောင်းသားကြီးရဲ့ ထေရုပ္ပတ္တိကလည်း အားလုံးသိရှိထားတော်မူတဲ့အတိုင်း အရင်အစိုးရစကားအရ နိုင်ငံတော် ရဲ့ တည်ဆဲဥပဒေတစ်ခုခုကို ချိုးဖောက်ထားသူ ထောင်ထွက်တစ်ဦး၊ (ပန်းစကားအရဆိုရင် နိုင်ငံရေး အကျဉ်းသားပေါ့ဗျာ။

သူနဲ့အတူတွဲဖက်လှုပ်ရှားခဲ့တဲ့ အထင်ကရပုဂ္ဂိုလ်တွေကတော့ လှည်းကူဘက်မှာ ၈၈မျိုးဆက် အိမ်ထောင်ရှင် အမျိုးသမီး မမီးမီးနဲ့အတူ ရာဘာခြံထဲမှာ ရက်ပေါင်းအတော်ကြာနေထိုင်ခဲ့တဲ့ အပြင် ဒေါ်စန္ဒာမင်းနဲ့ ပုဂံသတင်းတွေ သင်းခဲ့တဲ့ ကိုဌေးကြွယ်၊နုတင်-ဆွေငြိမ်းထဲက နာမည်ကြီး ပုဂ္ဂိုလ်တစ်ဦးရဲ့ သမီးဖြစ်သူ (ကလေး၎ယောက်အမေ)နဲ့ ငြိစွန်းတယ်လို့ သတင်းထွက်ပေါ်ခဲ့ဖူးတဲ့ ဘောကြီး(ခ) ကိုကျော်စိုးနိုင် စသူတို့ပဲ ဖြစ်ပါ တယ်။

အထွေထွေ လွတ်ငြိမ်းချမ်းသာခွင့်နဲ့ လွတ်မြောက်လာတဲ့အခါ အနှီပုဂ္ဂိုလ်ကြီးဟာ နိုင်ငံခြားNGOတွေရဲ့ အထောက်အပံ့တွေ ရယူပြီး နိုင်ငံရေး အံတုမှုသင်တန်း (ဗေဒါ Institue) တစ်ခုကို မဲဆောက်ဘက်မှာ ဖွင့်လှစ် ခဲ့ပါတယ်။ ဦးသိန်းစိန်လက်ထက်မှာ လွတ်လပ်စွာ မဲဆွယ်စည်းရုံးခွင့်တွေ ရလာတော့ အဲဒီသင်တန်းကို ပြည်တွင်းမှာ ပြောင်းရွှေ့ဖွင့်လှစ်ဖို့ ကြိုးစားခဲ့ပြီး စမ်းချောင်းဘက်မှာ အခြေပြုလှုပ်ရှားဖို့ စီစဉ်ခဲ့ပါတယ်။ ဒါပေမယ့် စမ်းချောင်းမှာ အိမ်ရှင်က လက်မခံတော့ သင်္ကန်းကျွန်းဘက်ကို ပြောင်းရွှေ့ဖွင့်လှစ်ပါတယ်။ သင်တန်းသား စုဆောင်းဖို့အတွက် အတိုက်အခံပါတီကြီးတစ်ခုက တာဝန်ယူခဲ့ပြီး ကနဦးမှာ အဆင်ပြေခဲ့ပေမယ့် သင်တန်းမှူးရဲ့ လူမှုရေးဖောက်ပြန်မှုကျော်ဇောသတင်းကြောင့် လူသစ်စုဆောင်းဖို့ နောက်ပိုင်းမှာ အခက်အခဲ တွေ့ခဲ့တယ်လို့ ဆိုပါတယ်။ ဒီမှာတင် NLDပါတီက ထင်ပေါ်လို့ စင်တော်က ကောက်ခဲ့ပြီး ပါတီသုတေသန ဌာနမှူးရာထူးကို ပေးအပ်ခဲ့ ပါတယ်။ ဒါကတော့ အွန်လိုင်းမှာရောအပြင်မှာပါ လူပြောသူပြောများတဲ့ ၄င်းရဲ့ နောက်ခံဘက်ဂရောင်း သမိုင်းကြောင်းပါ။

နောက်တစ်ပိုင်းကတော့ NLDပါတီနဲ့ အယူအဆ၊ အတွေးအမြင် ကွဲလွဲကြသူတွေအပေါ် (ပါတီကြီးတစ်ခုရဲ့ တာဝန်ရှိသူ တစ်ယောက်အနေနဲ့ အဆင့်နှင့်မလျော်ညီစွာ) ရင့်ရင့်သီးသီး နှုတ်မစောင့်စည်းပဲ ဖေ့ဘုခ် စာမျက်နှာပေါ်မှာ ရေးသားလှုံ့ဆော်မှုတွေနဲ့ pressမီဒီယာပေါ်မှာ ပြောဆိုတုန့်ပြန်မှုတွေကို တင်ပြပါရစေ။
သူရဲ့ ဖေ့ဘုတ်ခ်စာမျက်နှာထက်မှာ မျိုးချစ်အကောင့်အချို့နဲ့ NLDပါတီအပေါ် ဆန့်ကျင်ဘက် အမြင်ရှိကြသူတစ်ချို့ကို ခွေးနဲ့ခိုင်းနှိုင်းရေးသားခဲ့သလို အင်တတာဗျူးတစ်ခုမှာလည်း သမ္မတဦးသိန်းစိန်အား သနားစရာကောင်းသဖွယ် ရေးသားမှုများ၊ ဒေါ်အောင်ဆန်းစုကြည်အား ပုဂ္ဂိုလ်ရေးတိုက်ခိုက်မှုများ၊ အမျိုးဘာသာ သာသနာအရေး ကြိုးပမ်းနေသူများအား ရင့်သီးစွာဝေဖန်ထားတာတွေ ပလူပျံအောင် တွေ့ရှိ လာရပါတယ်။

ဦးစွာပြောလိုတာကတော့ ဦးမျိုးရန်နောင်သိမ်းအနေနဲ့ ပြည်တွင်းမှာရော ပြည်ပမှာပါ NLDပါတီနဲ့ ဒေါ်အောင်ဆန်းစုကြည်အပေါ် လေးစားကြည်ညိုသူတွေ ရှိသလို၊ မကြည်ညို မလေးစားသူများ ရှိနိုင်တယ် ဆိုတာကိုလည်း လက်ခံထားရမယ့်အချက်ပဲ ဖြစ်ပါတယ်။ အယူအဆကွဲလွဲမှုတွေကို အပြုသဘောအရ ထောက်ပြဝေဖန်သူတွေ ရှိနိုင်သလို လုပ်သမျှ ဆန့်ကျင်ရှုတ်ချ နေသူတွေလည်း ရှိကောင်းရှိနေပါ လိမ့်မယ်ဆိုတာ လက်ခံနိုင်ရပါမယ်။ ၁၉၉၀ရွေးကောက်ပွဲကာလကနေ ခုချိန်ထိ NLDပါတီအပေါ် အားပေး ထောက်ခံသူတွေ တသမတ်ထဲရှိနေပြီး ယုတ်လျော့မှုမရှိဘဲ ဒီထက်ပို တိုးတက်ဖို့ပဲရှိတယ်လို့ တရားသေဆုပ်ကိုင်ကာ လှေနံဓားထစ်ယူဆလို့မရသလို NLDပါတီအပေါ် ထောက်ပြဝေဖန်ကန့်ကွက် နေသူတွေဟာလည်း ဒီပုပ်ထဲကဒီပဲလို့ ၀ါးလုံးရှည်နဲ့သိမ်းရမ်းရင် မမှန်နိုင်ပါဘူး။ သုတေသနအတွင်းရေးမှူး တစ်ယောက်အနေနဲ့ ကိုယ့်ပါတီရဲ့ အားနည်းချက်/ အားသာချက်တွေကို မညှာတမ်း ဝေဖန်ဆန်းစစ် တတ်ဖို့လိုသလို ဆန့်ကျင်ဘက်အုပ်စုက ဝေဖန်ထောက်ပြမှု တွေကို ထည့်သွင်းစဉ်းစားသင့်က စဉ်းစားရမှာဖြစ်ပါတယ်။ ပယ်သင့်တာပယ်ပြီး ဆယ်သင့်တာဆယ်ရမှာပဲ ဖြစ်ပါတယ်။ဒါ့အပြင် (သုတေသနမှာ ငါ့တေသနမပါဘဲ) တစ်ဘက်ထဲကိုပဲ မဲနေပြီး ကိုယ့်မျက်ချီး(ချေး)ကို မမြင်ဘဲ ကိုယ်လိုရာကောက်ချက်ဆွဲလို့ မဖြစ်နိုင်ပါဘူး။ NLDပါတီက အမာခံဘက်တော်သား(အတွင်းစည်းဟုယူဆရသူများ)အကောင့်တွေရဲ့ အနက်ရောင် လုပ်နည်းလုပ်ဟန် တွေကိုထိန်ချန်ပြီး တစ်ခြားသူတွေကို မညှာမတာဝေဖန်တာဟာ သမာသမတ်ကျတဲ့ လူကြီးလူကောင်း တစ်ဦးရဲ့ စရိုက်လက္ခဏာ မဟုတ်ဘူးလို့မှတ်ယူရမှာ ဖြစ်ပါတယ်။ တစ်ဘက်ကတွေးကြည့်ရင်လည်း NLDပါတီအပေါ် ထောက်ခံသူတွေ နည်းသည်ထက် နည်းလာလို့ မလိုတမာပြောလာသလား စဉ်းစားဖွယ်ရာပါ။

ဒါတင်မက ဒီလို အမြင်ကျဉ်းမြောင်းစွာနဲ့ တစ်ဘက်စောင်းနင်း ပြောဆိုရေးသားခြင်းတွေဟာ လွတ်လပ်စွာ အတွေးအမြင် ကွဲပြားခွင့်၊လွတ်လပ်စွာ ပြောဆိုရေးသားခွင့်ဆိုတဲ့ ဒီမိုကရေစီစံနှုန်းတွေထဲက သဘောမျှကို ကိုယ်တိုင် မလိုက်နာ၊မကျင့်သုံးနိုင်ခြင်းဖြစ်ပြီး ပါးစပ်ကသာ ဒီမိုကရေစီ တွင်တွင်မြည်နေပေမယ့် ဒီလိုအခြေခံအချက်လက် တွေကိုတောင် နားလည်လက်ခံ မပေးနိုင်လောက်အောင် ငါ့နဲ့မတူ ငါ့ရန်သူလို သဘောထားနေတာက ၄င်းရဲ့မပြည့်ဝမှုနဲ့ သဘောထား သေးသိမ်မှုကို တိတိပပဖော်ပြနေတယ်လို့ ယူဆရမယ့်အပြင် ပါတီရဲ့ ရပ်တည်မှု၊ မိမိကိုယ်စားပြုရာ ပါတီရဲ့သဘောထားဟာလည်း ဒီလိုပဲလားလို့ ထင်မြင်ယူဆ သုံးသပ်စရာ ဖြစ်လာပါတယ်။ ဒီလိုမရင့်ကျက်တဲ့ ပုဂ္ဂိုလ်မျိုးတွေနဲ့ စုဖွဲ့ထားတဲ့ ပါတီကြီးတစ်ခုရဲ့လက်ထဲ အာဏာဘယ်လိုလွှဲမလဲဆိုတဲ့ အတွေးမျိုးအမြင်မျိုးကို (ပြည်သူတွေ) တွေးတောသုံးသပ်လာစေတဲ့အထိ နောက်ဆက်တွဲ ဂယက်ရိုက်စေနိုင်တဲ့ အနေအထား ဖြစ်ပါတယ်။

တကယ်က အမျိုးဘာသာ သာသနာအရေးမှာ နှာစေးချောင်းဆိုးနေတာကြာပြီဖြစ်တဲ့ ပါတီကြီးတစ်ခုကို အမြင်မကြည်လင်ကြတာ ကြံ့ဖွံ့မှမဟုတ်ပါ။ စစ်ခွေးမှ မဟုတ်ပါ။ သူများယောင် အမောင်တောင်မှန်း မြောက်မှန်း မသိသူများနဲ့ အရင်အစိုးရလက်ထက်က နှိပ်ကွပ်ခံအစွန်းရောက်များမှအပ အမျိုးသားရေး ကိုယ်ခံအင်အားရှိပြီး ဆင်ခြင်တုံတရားပြည့်ဝသူများက ဘယ်သူဘယ်စကားဟရင် ဗိုက်ထဲမှာ အူဘယ်နှစ်ခွေရှိသည်ကို သိနေကြပြီ ဖြစ်ပါသည်။ဘယ်ပါတီ ဘယ်လိုရှိပြီး ဘယ်ခြေလှမ်း လှမ်းမည်ကို သိနေကြပါပြီ။

ယခင်ခေတ်ကာလကဲ့သို့ လူတိုင်းကို မိမိပါတီ၏ ဘောင်းတော်ညိတ်၊စိတ်တော်ကျဟု ယူဆ၍မရ။ ပြည်ပ သည်လည်း ထိုနည်းနှင်နှင်ပင်ဖြစ်သည်။ လတ်တလော TIMEမဂ္ဂဇင်းမှ ထုတ်ပြန်သည့် ကမ္ဘာ့သြဇာ အရှိဆုံး လူအယောက် (၁၀၀)တွင် သမ္မတဦးသိန်းစိန် ၂နှစ်ဆက်ပါဝင်ခဲ့သော်လည်း ဒေါ်အောင်ဆန်းစုကြည် ပါဝင်ခြင်း မရှိတော့။ကိုယ့်အကြောင်းကို ကြည့် ၊ကိုယ့်ဝမ်းနာ ကိုယ်သိဖို့လိုပေပြီ။ ထင်တစ်လုံး မြင်တစ်လုံးနှင့် ငါတကော ကောနေပါက သက်ရောက်မှုတိုင်းတွင် တန်ပြန်သက်ရောက်မှုရှိသည်ဆိုသော နိယာမအတိုင်း မိမိနှင့် မိမိပါတီကို ထို့ထက်ပို ထိုးနှက်ခံရဖွယ်ရှိသည်။ မိမိအားနည်းချက်ကို အမြန်မဖာထေးနိုင်က ကျဆုံးခြင်းကိုသာ ၀မ်းနည်းပက်လက် ထွေးပိုက်ရပေမည်။

သို့သော် ယခုချိန်တိုင်သည်အထိ အမြင်မှန် ရရှိဖို့ဝေးစွ။ အမုန်းအာဃာတနှင့် မဲမဲမြင် ရမ်းချင်သည်ကိုသာ ကြုံနေရသည်။ အာဏာမရခင် အာဏာပြနေကြသည်ကိုသာ တွေ့ရသည်။ မပြည့်သည့်အိုး ဘောင်ပင် ခတ်နေသည်ကိုသာ ကြားနေရသည်။ ထို့ကြောင့်လည်း ဒေါ်အောင်ဆန်းစုကြည်နဲ့ ဦးတင်ဦးကလွဲရင် ကျန်တာအရည်အချင်းမရှိဘူး ..ထောင်တွင်း အတွေ့အကြုံပြိုင်ပွဲကလွဲလို့ ကြိုက်တဲ့နေရာ ယှဉ်ရဲသည် … စသည်ဖြင့် ဘူးလက်ကြီးက ပြောင်ပြောင်တင်းတင်း စိန်ခေါ်ရဲခြင်းဖြစ်မည်ဆိုသည်ကိုလည်း တွေးမိလိုက် ပါ၏။

Credit:Aung Zay