့ ဦးအောင်မင်းလိုလူ နောက်တစ်ယောက်လောက်ရှိရင် ကျွန်တော်တို့ က အနောက်အုပ်စုလဲ ကြောက်ရပါတယ်လို့  ဂွကျကျ ထပ်ဆိုပြန်အုန်းမယ်ထင်တယ်။

ဦးအောင်မင်းက ကျွန်တော်တို့ က တရုတ်ကိုလဲ ကြောက်ရပါတယ်ပြောတော့ ကျွန်တော်တို့  အတော်များများ အောင့်သီးအောင့်သက် ဖြစ်ခဲ့ကြတယ် ။ အချုပ်အခြာအာဏာကို နိမ့်ပါးစေတဲ့ စကား ၊ ဂုဏ်သိက္ခာကို ထိခိုက်စေတဲ့ စကားလို့  ယူဆခဲ့ကြတာကိုး ။

အမှန်ကတော့ ဦးအောင်မင်းလိုလူ နောက်တစ်ယောက်လောက်ရှိရင် ကျွန်တော်တို့ က အနောက်အုပ်စုလဲ ကြောက်ရပါတယ်လို့  ဂွကျကျ ထပ်ဆိုပြန်အုန်းမယ်ထင်တယ်။ ကြောက်ရတာ မကြောက်ရတာကတော့ အငြင်းပွားကြ ဒေါသူပုန်ထကြမှာ ဖြစ်ပေမယ့် သေချာတာကတော့ အနောက်အုပ်စုရော တရုတ်ကြီးပါ ကျွန်တော်တို့  တိုင်းပြည်က လက်နက်ကိုင်အဖွဲ့တွေနဲ့  အများကြီး အဆက်အသွယ်ရှိကြတယ် ။

တကယ်တော့ ကျွန်တော်တို့ တိုင်းပြည်ဟာ လွတ်လပ်ရေးရကတည်းက ဒီနှစ်ဘက်အုပ်စုတွေ ခြေရှုပ်ခဲ့လိုက်ကြတာ အခုထိလည်း မပြီး နောင်လည်းမပြီး တော်ရုံနဲ့ လဲ အပြီးသတ်ဖို့  မလွယ်လှဘူး  ။ မြန်မာပြည်ရဲ့ ပြည်တွင်းစစ်က ကမ္ဘာမှာ အရှည်ကြာဆုံး ဖြစ်နေရတဲ့  အကြောင်းဟာ စူပါပါဝါ အချင်းချင်း အားပြိုင်မှုတွေရဲ့ အလယ် ပြည်ပစွက်ဖက်မှုတွေ ပြည်ပအထောက်အပံ့ တွေ ရှိနေခဲ့လို့ ပဲ ။

ကျွန်တော်တို့  ကူမင်တန် တရုတ်ဖြူကို တိုက်ခဲ့တယ် ။ တရုတ်ဖြူက အမေရိကန် အထောက်အပံ့ ။ ကျွန်တော်တို့ ဗကပကို တိုက်ခဲ့တယ် ။ ဗကပ က  တရုတ်အထောက်အပံ့ ။ အမေရိကန်ကတော့ နယ်နိမိတ် မထိစပ်တဲ့ အပြင် မိုင်ပေါင်းထောင်ချီဝေးနေလို့  ကျွန်တော်တို့ ဆီက လက်နက်ကိုင်တွေကို မြှောက်ပေးတဲ့ နေရာမှာ ယိုးဒယားလို ကြားခံနိူင်ငံတွေကို အသုံးပြုတယ် ။ သူတို့ မလိုချင်တဲ့  အစိုးရ ပြုတ်ကျသွားပြီး သူတို့ လိုချင်တဲ့  အစိုးရတက်လာဖို့  ကုလသမဂ္ဂကို သုံးတယ် ။ စီးပွားရေး ပိတ်ဆို့ မှုကို သုံးတယ် ။ လူ့ အခွင့်အရေးကို သုံးတယ် ။

တရုတ်ကတော့ ကြားခံနိူင်ငံ သုံးစရာမလို ။ နယ်နိမိတ်ထိစပ်နေတဲ့  နိူင်ငံမို့  ကိုယ့်ဆီက လက်နက်ကိုင်အဖွဲ့တွေကို သူ့ နယ်နိမိတ်ကို အသုံးပြုခွင့်ပေးထားတာနဲ့ တင် ကျွန်တော်တို့ က တိုင်ပတ်နေခဲ့ပြီ။ တစ်ခါတစ်ခါ ဆက်ဆံရေးသိပ်ဆိုးတဲ့  ကာလမျိုးတွေဆို အဲဒီအဖွဲ့ တွေဆီ လက်နက်ခဲယမ်းထောက်ပံ့ တာတွေ စစ်အကြံပေး လွှတ်တာမျိုးတွေပါ လုပ်တယ် ။

၈၈ အရေးအခင်းအပြီး စစ်အစိုးရတက်လာတော့ အနောက်အုပ်စုရဲ့ဖိအား သိပ်များတယ် ။ ကုလသမဂ္ဂမှာ ပြင်းပြင်းထန်ထန် အဆိုတွေ တင်လာတယ် ။ သူတို့ မကြိုက်တဲ့  စစ်အစိုးရကို ဖြုတ်ချနိူင်ဖို့  အခု လက်ရှိအစိုးရ ဒေါ်အောင်ဆန်းစုကြည်တို့ အဖွဲ့ကို လော်ဘီလုပ်တယ် ။ အနောက်အုပ်စုရဲ့ ပြင်းထန်တဲ့  ဖိအားကို ခံနိူင်ဖို့  ကုလသမဂ္ဂ လုံခြုံရေးကောင်စီက အဆိုတွေကို ပယ်ချနိူင်ဖို့  ဗီတိုကိုင်ထားနိူင်တဲ့  နိူင်ငံကြီးတစ်ခုရဲ့ ကျောထောက်နောက်ခံလိုတယ် ။ အဲဒီအချိန်မှာ စစ်အစိုးရဟာ တရုတ်နိူင်ငံကို အကြီးအကျယ် မျက်နှာချိုသွေးရတော့တယ် ။

ရလာဒ်ကတော့ အပစ်အခတ်ရပ်စဲရေး အောင်မြင်သွားတယ် ။ ယိုးဒယား နယ်စပ် အခြေပြု လက်နက်ကိုင်အဖွဲ့တွေက လွဲလို့  တရုတ်နယ်စပ်က လက်နက်ကိုင်အဖွဲ့တွေ အားလုံး ငြိမ်ကုပ်သွားကြတယ် ။ တရုတ်နယ်စပ်မှာ ငြိမ်းချမ်းသွားတဲ့ အတွက် လမ်းပန်းဆက်သွယ်ရေး ဖွံ့ဖြိုးလာတယ် ။ ကုန်သွယ်မှု မြင့်တက်လာတယ် ။ ဘေးထွက်ဆိုးကျိုးကတော့ မြစ်ဆုံတို့ လို ပရောဂျက်တွေ သယံဇာတ အများအပြား ပါကုန်တာတွေ ၊ လူကုန်ကူးမှု မြင့်တက်လာတာတွေ စသဖြင့် စသဖြင့် ပေါ့လေ ။

၂၀၁၀ မှာ ဦးသိန်းစိန် အစိုးရ တက်လာတယ် ။ ပြုပြင်ပြောင်းလဲမှုတွေ အများအပြားလုပ်တယ် ။ တစ်ချို့ ကိစ္စတွေဟာ တရုတ်အစိုးရ အကြိုက်မဟုတ်လှဘူး ။ အနောက်အုပ်စုဘက်ကလဲ ဖြေလျော့မှုတွေ အများအပြားလုပ်လာတယ် ။ တရုတ်နယ်စပ်မှာ မတည်ငြိမ်မှုလေးတွေ စကြားလာရသလို ယိုးဒယားနယ်စပ်မှာတော့ တဖြည်းဖြည်း ပြန်တည်ငြိမ်အေးဆေးလာတယ် ။

၂၀၁၅ လောက်ကိုင်စစ်ပွဲဖြစ်တော့ MNDAA ကိုးကန့် တွေဟာ ယူနန်ပြည်ထဲက ခြေကုပ်ယူပြီး လောက်ကိုင်ကို ၀င်တိုက်ခဲ့တယ် ။ မြန်မာဘက်က ညှိနိူင်းရေးအဖွဲ့တွေ တရုတ်ကို ခပ်သုတ်သုတ်ပြေးကြရတယ် ။ ညှိကြရတယ် ။ နိူင်းကြရတယ် ။ ဒီလိုနဲ့  လောက်ကိုင်စစ်ပွဲ အရှိန်ပြန်ကျသွားခဲ့တယ် ။

၂၀၁၅ ရွေးကောက်ပွဲမှာတော့ NLD အစိုးရ တက်လာတယ် ။ ဒေါ်အောင်ဆန်းစုကြည်လဲ တရုတ်ခရီးစဉ် ဘာညာသွားရှာပါတယ် ။ သို့ သော် ထင်သလောက်တော့ ခရီးပေါက်ခဲ့ဟန် မရှိဘူး ။ ဘာကြောင့်လဲဆိုတော့ တစ်နှစ်အတွင်း ဆူညံပွက်လောရိုက်လာတဲ့  ရှမ်းမြောက်ဒေသရဲ့ လက်နက်ကိုင်တွေက သက်သေဖြစ်နေလို့ ပဲ ။

အဲဒီတော့ လိုရင်းတိုရှင်း ခပ်ကြမ်းကြမ်းဆိုရရင် တစ်ချက်ပဲ ရှိတယ် ။ ကျွန်တော်တို့ အနောက်အုပ်စုနဲ့ အဆင်ပြေရင် စီးပွားရေး အပိတ်မခံရဘူး ။ လူ့ အခွင့်အရေး အအော်မခံရဘူး ။ ကုလသမဂ္ဂမှာ အဆိုအတင်မခံရဘူး ။ ကမ္ဘာ့ စာနယ်ဇင်းတွေမှာ နာမည်မပျက်ဘူး ။ ဒီအချက်တွေရမယ် ။ တရုတ်နဲ့  ပုလဲနံပသင့်လျှင် ကျွန်တော်တို့ နယ်စပ်တွေ တည်ငြိမ်အေးချမ်းနေမယ် ။ ကျွန်တော်တို့ အနေနဲ့  နှစ်ဘက်လုံးနဲ့  အဆင်ပြေဖို့ လိုတယ် ။ နှစ်ဘက်လုံးနဲ့  အဆင်ပြေဖို့ ကလဲ တစ်ယောက် နဲ့ တစ်ယောက် အကျိုးစီးပွား ၀ိရောဓိ ကိစ္စမျိုးတွေမှာ ပြေဖို့ ခက်တယ် ။ ရှဥ့်လဲ လျောက်သာ ပျားလဲစွဲသာ နည်းတွေကို ရအောင် ရှာရမယ် ။ လိုရင်းက ဒါပဲ ။

ဒါဆိုရင် ပြန်ပြီး မေးခွန်းထုတ်စရာရှိတယ် ။ ကျွန်တော်တို့ ဟာ အနောက်အုပ်စုနဲ့  တရုတ်အလိုကျ အားလုံးလိုက်ဖြစ်နေရတာလား ။ ကျွန်တော်တို့ ရဲ့ အခန်းကဏ္ဍက ဘာလဲ ။ ကျွန်တော်တို့ တိုင်းပြည်က ပလေယာအသီးသီးရဲ့ အခန်းကဏ္ဍက ဘာလဲ ။ ကျွန်တော်တို့ လုပ်ကိုင်ဆောင်ရွက်နေတာတွေဟာ ကျွန်တော်တို့ စိတ်နဲ့ ကျွန်တော်တို့ ကိုယ် လုပ်ကိုင်နေတာတွေ မဟုတ်ကြဘူးလား ။ ဒီလို စောဒကတက်ဖွယ် ရှိမယ် ။

ကျွန်တော်တို့ တိုင်းပြည်က ပလေယာ အားလုံးဟာ ကိုယ်စီ လိုလားချက်တွေ ရှိကြတယ် ။ အဲဒီလိုလားချက်တွေရဖို့  နည်းလမ်းပေါင်းစုံနဲ့  အကောင်အထည်ဖော်ကြတယ် ။ အစိုးရဘက်ကလဲ အစိုးရရဲ့ လိုလားချက်တွေ ရှိတယ် ။ တိုင်းရင်းသား လက်နက်ကိုင်တွေဘက်ကလဲ သူတို့ ရဲ့လိုလားချက်တွေ ရှိတယ် ။ အဲဒီလိုလားချက်တွေရဖို့  နည်းအမျိုးမျိုးနဲ့  အကောင်အထည်ဖော်ကြတယ် ။

ဘာတွေ ဘယ်လို အကောင်အထည်ဖော်ကြသည် ဖြစ်စေ စူပါ ပါဝါတွေရဲ့အကျိုးစီးပွားကိုတော့ ထိခိုက်လို့ မရနိူင်ဘူး ။ ထိခိုက်တယ်ဆိုလျှင် သူတို့ က Game တစ်ခုလောက် ချပေးလိုက်တယ် ။ အဲဒီအခါကျရင် ကျွန်တော်တို့ ပလေယာအားလုံးဟာ လုပ်လက်စ အလုပ်တွေရပ်ပြီး အဲဒီ Game ကို အားလုံး ၀င်ကစားကြရတယ် ။ ကျွန်တော်တို့  အဲဒီလို ကစားကြရတဲ့  Game တွေ များလှပြီပဲ မဟုတ်လား ?

ရဲမိုး