မိုးစပါးပေါ်ချိန်ဈေးမကျစေရန် ပြည်ပသို့ ကာလတိုစပါးရောင်းချခွင့်ပြုရန် စီစဉ်

ရိတ်သိမ်းပြီး စပါးများကို စက်ဖြင့် ခြွေလှေ့နေစဉ် (ဓာတ်ပုံ − အီးပီအေ)

မိုးစပါးပေါ်ချိန်တွင် စပါးဈေးကျဆင်းမှုမရှိစေရန် တရုတ်နိုင်ငံအပါအ၀င် ပြည်ပသို့ ကာလတိုအတွင်း စပါးတင်ပို့ ရောင်းချခွင့်ပြုပေးရန် စီးပွားရေး နှင့် ကူးသန်းရောင်းဝယ်ရေးဝန် ကြီးဌာနက စီစဉ်နေကြောင်း မြန်မာနိုင်ငံ ဆန်စပါးအသင်းချုပ် ဒုတိယဥက္ကဋ္ဌ ဒေါက်တာစိုးထွန်း က ပြောကြားသည်။

မိုးစပါးပေါ်ချိန်တွင် တရုတ် နိုင်ငံသည် တရားမ၀င်ကုန်သွယ်မှု တားဆီးရေးခေါင်းစဉ်ဖြင့် မြန်မာ နိုင်ငံမှ ရောင်းချသည့် ဆန်များကို ဆက်တိုက်ဖမ်းဆီး၍ ဆန်တင်ပို့ ရောင်းချမှုကျဆင်းခဲ့သည်။ ဆန် စက်ပိုင်ရှင်များသည်လည်း ပြီးခဲ့ သည့် နွေစပါး၊ မိုးစပါးများ ၀ယ် ယူစုဆောင်းထားမှုများကို ပြန် လည်ရောင်းချနိုင်မှုမရှိခြင်းကြောင့် ယခုနှစ်မိုးစပါးပေါ်ချိန်တွင် စပါး များဝယ်ယူစုဆောင်းရန် ငွေကြေး အခက်အခဲရှိကြောင်း ဆန်ကုန် သည်အချို့က ပြောသည်။

လက်ရှိမိုးစပါးပေါ်ချိန်တွင် ကုန်သည်၊ စက်ပိုင်များက စပါး များဝယ်ယူနိုင်ခြေလျော့နည်းခြင်း ကြောင့် စပါးဈေးကျဆင်းမည်ကို အစိုးရနှင့် မြန်မာနိုင်ငံ ဆန်စပါး အသင်းချုပ်တို့က စိုးရိမ်နေပြီး စပါးကို တရုတ်နိုင်ငံအပါအ၀င် ပြည်ပသို့ အချိန်၊ ပမာဏအကန့် အသတ်တို့ဖြင့် ကာလတို တင်ပို့ ရောင်းချခွင့်ပြုရန် စီစဉ်ရခြင်းဟု ဒေါက်တာစိုးထွန်းက ပြောသည်။

‘‘အမြဲတမ်း ခွင့်ပြုဖို့မဟုတ် ပါဘူး။ စပါးပေါ်ချိန် အခုကာလ အတွင်းမှာပဲ ခွင့်ပြုဖို့ စီစဉ်နေပါ တယ်’’ဟု ဒေါက်တာစိုးထွန်းက ပြောသည်။

တရုတ်အစိုးရသည် မြန်မာ နိုင်ငံမှ တင်ပို့ရောင်းချသည့် ဆန် ကို ဖမ်းဆီးမှုများရှိသော်လည်း စပါးတင်ပို့ပါက ဖမ်းဆီးမှုမရှိ ကြောင်း မူဆယ်မြို့မှ ဆန်ကုန် သည်အချို့က ပြောကြားသည်။

စပါးတင်ပို့မှုကို ရေရှည်ခွင့် ပြုမည်ဆိုပါက ပြည်တွင်းမှ ဆန် စက်လုပ်ငန်းများ ရပ်တန့်ပြီး ဆန် စက်လုပ်ငန်း၌ ပါဝင်လုပ်ဆောင် နေသည့် အလုပ်သမားများလည်း အလုပ်လက်မဲ့ဖြစ်နိုင်သည့် အ ခြေအနေမျိုးဖြစ်ကြောင်း မူဆယ် မြို့မှ ကုန်သည် ဦးမင်းသိန်းက ပြောသည်။

ထို့အပြင် စပါးကုန်ကြမ်း တင်ပို့မှုကြောင့် ဆန်ကွဲ၊ ဖွဲနုစ သော တိရစ္ဆာန် အစားအစာများ အတွက် အခက်အခဲဖြစ်နိုင် ကြောင်း အထက်ပါပုဂ္ဂိုလ်က ဆို သည်။

မိုးစပါးအသစ်ပေါ်ချိန်တွင် ဈေးကျဆင်းမှုများ လျော့နည်း စေရန် အစိုးရက အခြေခံဈေးနှုန်း ဖြင့် စပါးဝယ်ယူရန် စီစဉ်နေ သည်။ တောင်သူလယ်သမားအ ကျိုးစီးပွားကာကွယ်ရေးနှင့် မြှင့် တင်ရေးဥပဒေအရ ဖွဲ့စည်းထား သော ကော်မတီများမှ စီးပွားရေး နှင့် ကူးသန်းရောင်းဝယ်ရေးဝန် ကြီးဌာနနှင့် သက်ဆိုင်ရာ ပြည် နယ်၊ တိုင်းဒေသကြီး အစိုးရတို့ ပူးပေါင်း၍ စပါးဝယ်ယူပေးရေး စီစဉ်ဆောင်ရွက်မည်ဖြစ်ကြောင်း သိရသည်။