#5PlusNew
#ရဲတပ်ဖွဲ့တံဆိပ်တပ်ဆင်မောင်းနှင်တဲ့ကိုယ်ပိုင်မော်တော်ယာဉ်တွေကိုအရေးယူမည်
#မတ်လဒုတိယပတ်အတွင်းကFBလူမှုကွန်ရက်စာမျက်နှာပေါ်မှာမြန်မာနိုင်ငံရဲတပ်ဖွဲတံဆိပ်တပ်ဆင်ထားတဲ့ မော်တော်ယာဉ်တစ်စီးရဲ့ဓာတ်ပုံတွေပျံနှံခဲ့ပြီးတဲ့နောက်အခုလိုညွှန်ကြားချက်ထုတ်ပြန်ခဲ့တာပဲဖြစ်ပါတယ်။
±±±±±±±±±±±±±±±±±±±±±±±±±±±±±±±
ကိုယ်ပိုင်မော်တော်ယာဉ်တွေမှာ မြန်မာနိုင်ငံရဲတပ်ဖွဲ့ တံဆိပ် တပ်ဆင်မောင်းနှင်တာတွေ့ရှိရင် ဥပဒေအရ အရေးယူသွားမယ်လို့ မန္တလေးတိုင်းဒေသကြီး ယာဉ်ထိန်းရဲတပ်ဖွဲ့ခွဲမှူးရုံးက သိရပါတယ်။
မတ်လ (၁၄) ရက်မှာ မြန်မာနိုင်ငံရဲတပ်ဖွဲ့ရုံးချုပ် (နေပြည်တော်) က ညွှန်ကြားစာ တစ်စောင်ထုတ်ပြန်ခဲ့ပြီး အဲဒီစာအရကိုယ်ပိုင်မော်တော်ယာဉ်တွေ မှာ မြန်မာနိုင်ငံရဲတပ်ဖွဲ့တံဆိပ်တပ်ဆင်မောင်းနှင်တာ တွေ့ရှိရင် ဥပဒေအရ အရေးယူဆောင်ရွက်ဖို့ ညွှန်ကြားထားတယ်လို့သိရပါတယ်။
#မတ်လဒုတိယပတ်အတွင်းကFBလူမှုကွန်ရက်စာမျက်နှာပေါ်မှာမြန်မာနိုင်ငံရဲတပ်ဖွဲတံဆိပ်တပ်ဆင်ထားတဲ့မော်တော်ယာဉ်တစ်စီးရဲ့ဓာတ်ပုံတွေပျံနှံခဲ့ပြီးတဲ့နောက်အခုလိုညွှန်ကြားချက်ထုတ်ပြန်ခဲ့တာပဲဖြစ်ပါတယ်။
အခုလို ညွှန်ကြားချက်ထုတ်ပြန်ထားပေမယ့် မြို့ထဲမှာ တပ်မတော်၊ရဲတပ်ဖွဲ့၊ စည်ပင်၊ကျန်းမာရေး၊ ပညာရေး၊ပြည်ထဲရေး စတဲ့ ဌာနဆိုင်ရာ တံဆိပ်တွေ တပ်ဆင်မောင်းနှင်နေကြပြီး တာဝန်အရဖမ်းဆီးရင် ဖမ်းဆီးတဲ့သူကို တိုင်ကြားတာတွေ ခံနေရတယ်လို့ မန္တလေးမြို့မှာ တာဝန်ထမ်းဆောင်နေတဲ့ ယာဉ်ထိန်းရဲတစ်ဦးကပြောပါတယ်။ အထက်ကဖမ်းဖို့ညွှန်ကြားထားပေမယ့် လည်း အောက်ခြေ၀န်ထမ်းတွေက လက်တွေ့ရင်ဆိုင်နေရတဲ့အတွက် အခက်အခဲရှိနေတယ်လို့ ဆိုပါတယ်။
မြန်မာနိုင်ငံရဲတပ်ဖွဲ့တံဆိပ်သာမက အခြားဌာနတံဆိပ်တပ်ပြီး မောင်းနှင်တာတွေရှိတာကြောင့်အဲဒီအတွက် လည်း ညွှန်ကြားစာထုတ်ပြန်တားမြစ်သင့်တယ်လို့ မြို့ခံတစ်ဦး ကပြောပါတယ်။
နေပြည်တော်၊ရန်ကုန်၊မန္တလေးနဲ့အခြားမြို့ကြီးတွေ မှာ မောင်းနှင်နေတဲ့ကိုယ်ပိုင်မော်တော်ယာဉ် အချို့မှာ မြန်မာနိုင်ငံရဲတပ်ဖွဲ့ တံဆိပ်ပါ ယာဉ်ဝင်၊ယာဉ်ထွက်ခွင့်ကဒ်တွေ တပ်ဆင်ပြီးယာဉ်စည်းကမ်း၊ လမ်းစည်းကမ်း ချိုးဖောက်မှုတွေ ကြုံတွေ့နေရတာကြောင့်ကဒ်ထုတ်ပေးတဲ့ တပ်ဖွဲ့ဝင်တွေကို ရဲစည်းကမ်းထိန်းသိမ်းရေးဥပဒေနဲ့ အညီအရေးယူ မှာဖြစ်တယ်လို့ မြန်မာနိုင်ငံရဲတပ်ဖွဲ့ ရဲချုပ်ရုံးကထုတ်ပြန်တဲ့ ညွှန်ကြားစာ မှာ ဖော်ပြထားပါတယ်။
ဓာတ်ပုံ - ရဲရင့်မာန်
No comments:
Post a Comment