အစိုးရသစ်နဲ့ ပြည်သူ့တာဝန်များ

အစိုးရသစ်နဲ့ ပြည်သူ့တာဝန်များ || ဒေါက်တာခင်မောင်ညို || ** ( ၁ ) ** “နိုဝင်ဘာလမှ ဖေဖော်ဝါရီလအထိ သုံးလတာမျှ စောင့်စားရတဲ့ လွှတ်တော်ကြီး အသစ်ဖြစ်ပေါ်လာပြီဗျ” ကိုဘသစ်က အားရပါးရ ပြောနေတော့ သူ့ကို ကျွန်တော် နှိုးဆွလိုက်ပါသည်။ “ကိုဘသစ်က လွှတ်တော်အသစ်လို့ ဘာကြောင့်ပြောတာလဲ။ အရင်ကလို တပ်မတော်သား ကိုယ်စားလှယ် ၂၅ ရာခိုင်နှုန်း ပါဝင်တဲ့ လွှတ်တော်ပဲလေ” “မှန်ပါတယ် ဆရာညိုရယ်။ ဓာတ်ပြားဟောင်းကြီး မဖွင့်ပါနဲ့တော့။ လွှတ်တော်သစ်လို့ ပြောရတာကတော့ လူအသစ်တွေနဲ့ ပေါ်လစီအသစ်တွေနဲ့ မျှော်လင့်ချက်အသစ်တွေကို မျှော်လင့်ထားနိုင်လာတာကြောင့်ပေါ့ဗျ” ဟုတ်ပါသည်။ ကိုဘသစ်ပြောသော လွှတ်တော်သစ်အခင်းအကျင်းကို လွှတ်တော်ရုပ်သံလိုင်းတွင် တွေ့ကြရသည်။ လွှတ်တော်သစ်များမှာ လွှတ်တော်ဥက္ကဋ္ဌများနှင့် လွှတ်တော်ဒုဥက္ကဋ္ဌများကို ရွေးချယ်ပြီးဖြစ်သည်။ ဒီနောက်တော့ ရှေ့က ကျိုင်းထမ်းကာ နောက်လိုက်သော အစဉ်အလာဟောင်းကို မြင်ရပါသည်။ “ဒီကျိုင်းထမ်း လမ်းလျှောက်သူ နောက်ကနေ လွှတ်တော်ဥက္ကဋ္ဌ ၀င်လာတဲ့ အစဉ်အလာကိုတော့ ဝေဖန်ဖို့ မသင့်သေးဘူးလို့ ထင်ပါတယ်။ လွှတ်တော်ဟာ သူ့ဘာသာသူ ခံ့ညားထည်ဝါပြီး လေးစားဖို့လိုတဲ့ ဌာနတစ်ခုဖြစ်ဖို့ အရေးကြီးတယ်။ လွှတ်တော်ဟာ ပြည်သူတွေကို ကိုယ်စားပြုထားတော့ ပြည်သူတွေရဲ့ ခံ့ညားထည်ဝါမှုကို ပြချင်လို့ပဲ၊ ခေါင်းပေါင်းတွေ၊ ပုဝါတွေ ၊ အမျိုးသား ၀တ်စုံတွေနဲ့ တက်ရောက်တယ်ဆိုတာ ရိုသေမှုကိုပြတာပါပဲ” ကိုဘသစ်သည် လွှတ်တော်ဝင်လာသူများကို ကျေနပ်စွာ ကြည့်နေသည်။ ဒါကြောင့် သူ့ကို ထပ်စလိုက်ပါသည်။ “ခင်ဗျားပြောတာ သဘောတူပါတယ်။ ဒါပေမဲ့ ခံ့ညားတာကိုပြဖို့ သက်သက် လွှတ်တော်တက်တာတော့ မဟုတ်ဘူးနော်” “မဟုတ်ပါဘူး။ လွှတ်တော်ကနေ ဥပဒေပြဋ္ဌာန်းတာတွေ၊ အတည်ပြုတာမျိုးတွေ၊ ပြည်သူ့အရေးတွေ အများကြီး လုပ်ကြရတာပေါ့။ ပြီးတော့ လွှတ်တော်ကနေပဲ အစိုးရဖွဲ့စည်းမှုဆိုင်ရာတွေကို လုပ်ရတယ်။ လွှတ်တော်ဆိုတာ တိုင်းပြည်တည်တာ၊ နိုင်ငံကို တည်ဆောက်တာဗျ” ** ( ၂ ) ** သို့သော် လွှတ်တော်တက်သူများကို ကြည့်ရသည်မှာ လေးလေးအေးအေးနှင့် ပျင်းစရာကောင်းလှသည်။ ထို့ကြောင့် ကိုဘသစ်ကို “အင်း .... ဒါပေမဲ့ လွှတ်တော်ဟာ ပျင်းစရာ အလွန်ကောင်းတာပဲ” ဟု ပြောမိပါသည်။ ကိုဘသစ် ရယ်နေသည်။ “လွှတ်တော်မှာ ဟာသတွေပြောဖို့ လာကြတာ မဟုတ်ပါဘူး။ အတည်အခံ့တွေ ပြောကြတာပါ။ အမှန်တရားတွေကို ပြောကြတာပါ။ ကျွန်တော်တို့ ငယ်ငယ် ရုပ်သေးပွဲတွေမှာ ၀န်ကြီးလေးပါး ထွက်လာပြီး တိုင်းပြည်တည်တာ ကြည့်ဖူးတယ်” “အဲဒါလည်း ပျင်းစရာကောင်းတာပဲ” “တိုင်းပြည်မတည်လို့ မဖြစ်ဘူး။ လွှတ်တော်ထဲမှာ ဒီလိုပဲ ဆောင်ရွက်ကြရတယ်။ ပြင်ပမှာတော့ တက်လာမယ့် အစိုးရအတွက် လုပ်စရာတွေ အများကြီးပဲဗျ” “တက်လာမယ့် အစိုးရကို ဒေါ်အောင်ဆန်းစုကြည် ခေါင်းဆောင်မှာပဲ မဟုတ်လား” “မှန်ပါတယ်။ ဒီလိုပဲ သူ ပြောခဲ့တာပဲ။ သူပြောခဲ့တဲ့ စကားတွေထဲက နှစ်ခွန်းကို မှတ်မိနေတယ်။ ပထမအချက်က တိုင်းပြည်ကို မေတ္တာနဲ့ အုပ်ချုပ်မယ်။ ပြီးတော့ နောက်တစ်ချက်က ငြိမ်းချမ်းရေးအတွက် ရင်ကြားစေ့ကာ ဆောင်ရွက်သွားမယ်တဲ့။ သာမန်ကြည့်ရင်တော့ ဘာမှ မဟုတ်ဘူးလို့ ထင်ရပေမယ့် ဒါဟာ အင်မတန် အရေးကြီးတယ်။ ဒေါ်စုဟာ ရည်ရွယ်ချက်အပြည့်နဲ့ ပြောသွားတာပါ” “အင်း၊ ဘယ်လို ရည်ရွယ်ချက်တွေနဲ့ ဘယ်လို အရေးကြီးတာလဲ” “မေတ္တာနဲ့ အုပ်ချုပ်မယ်ဆိုတာ ခင်ဗျားတို့ ၊ ကျွန်တော်တို့ ဝေဖန်နေသလို မဟုတ်ဘူး။ ဥပမာ တပ်မတော်သာ ၂၅ ရာခိုင်နှုန်းကို မေတ္တာထားမယ်၊ အထူးသဖြင့် တပ်မတော်နဲ့ ညီညွတ်အောင် ဆောင်ရွက်မယ်” “ဒါကို အပေးအယူ သဘောမျိုးလို့ ထင်နေကြတယ်” “ကျွန်တော်တို့နိုင်ငံဟာ အရုပ်တစ်ရုပ်မှ မဟုတ်တာပဲ ဆရာညိုရာ။ ဘယ်သူကမှ ပေးလို့မရဘူး၊ ယူလို့လည်း မရဘူး။ ခင်ဗျား စဉ်းစားကြည့်လေ၊ ဒီနိုင်ငံဟာ နိုင်ငံရေးသမားတွေလည်း မပိုင်ဘူး၊ စစ်တပ်လည်း မပိုင်ဘူး။ နိုင်ငံတော်ဆိုတာ ပြည်သူတွေဗျ။ ပြည်သူကို အပေးအယူလုပ်လို့ မရဘူး” “သဘောကို ပြောတာ ကိုဘသစ်ရာ။ သူတို့ပိုင် ထင်လို့ ရောင်းစားကြတာတွေ အများကြီးပဲ မဟုတ်လား။ သစ်လုံးကြီးတွေ၊ ကျောက်စိမ်းတုံးကြီးတွေ၊ လယ်တွေ၊ မြေတွေ” “အဲဒါကိုပြောတာ။ ဒီကိစ္စကို ညှိနှိုင်းကြမယ်။ ဒါပေမဲ့ မေတ္တာနဲ့ ညှိနှိုင်းမယ်၊ မေတ္တာနဲ့ အုပ်ချုပ်မယ်ဆိုတာပေါ့” “အင်း၊ ဘယ်လိုမျိုးလဲ၊ ကျုပ်တော့ စိတ်ထဲရှုပ်ထွေးနေတယ်” “မေတ္တာဆိုတာ အကျိုးလိုလားခြင်းပါ။ အရင်လူတွေ အကျိုးစီးပွား ပျက်သွားအောင်လည်း မလုပ်ဘူး။ နောက်လူတွေကိုလည်း မေတ္တာထားပြီး ဆောင်ရွက်ဖို့ လမ်းပြသွားမယ့် သဘောပါပဲ” “အင်း၊ ဒီလို တစ်ယောက်အကျိုး တစ်ယောက်လိုလားတဲ့ မေတ္တာဆိုရင် အကောင်းဆုံးပေါ့။ ဒါမှလည်း ကျွန်တော်တို့ နိုင်ငံ တိုးတက်မှာပဲ” “ကျွန်တော်တို့အားလုံး စံပြအဖြစ် ထားရတဲ့ Role Model တွေ ရှိတယ်။ နိုင်ငံရေးမှာ အကောင်းဆုံး မေတ္တာတရားထားပြီး ဆောင်ရွက်သွားသူတွေပေ့ါလေ။ သူတို့ကတော့ ဂန္ဒီကြီး၊ နယ်ဆင်မင်ဒဲလားနဲ့ မာတင်လူသာကင်းဂျူနီယာ တို့ပဲ” “မဟတ္တမဂန္ဒီဟာ ပညာတတ် တစ်ယောက်ပါ။ သူဟာ အိန္ဒိယကို အင်္ဂလိပ်တွေ မတရားကိုလိုနီပြုထားတာကို သိတယ်။ ဒါဟာ မှားနေတယ်။ တွန်းလှန်ရမယ်ဆိုတာကို သဘောပေါက်တယ်။ ဒါပေမဲ့ အကြမ်းဖက် တော်လှန်ရေး မလုပ်ဘူး။ သူ့လမ်းစဉ်ဟာ အင်မတန်ကောင်းတယ်။ အိန္ဒိယလူမျိုးတွေအတွက်တင် သာမက တစ်ကမ္ဘာလုံးကိုပါ အကျိုးရှိစေခဲ့တယ်။ ဒီနေရာမှာ မီဒီယာရဲ့ ကဏ္ဍကိုလည်း ထည့်ပြောချင်တယ်။ တကယ်တော့ အနောက်တိုင်း မီဒီယာတွေက ဂန္ဒီရဲ့ အကြောင်းတွေကို တလေးတစား ရေးသားဖော်ပြကြတယ်” “ဒီမီဒီယာတွေဟာ ကိုလိုနီနယ်ချဲ့ လူမျိုးတွေပဲ မဟုတ်လား” “ဟုတ်ပါတယ်။ သူတို့ဟာ အင်္ဂလိပ် ကိုလိုနီနယ်ချဲ့တွေရဲ့ လက်ကိုင်တုတ် မဖြစ်ကြဘူး။ အမှန်တရားကို လေးစားကြတယ်။ ဒါကြောင့် မှန်မှန်ကန်ကန် လုပ်တဲ့လူတွေဘက်က ရပ်တည်ကြတယ်။ တကယ်လို့ မီဒီယာတွေဟာ သူတို့ရဲ့ အရှင်သခင် နယ်ချဲ့ဘုရင်ဘက်က လိုက်ရေးရင် ဒီလောက် အကျိုးဖြစ်ထွန်းမှာ မဟုတ်ဘူး။ ကျွန်တော် ဆိုလိုတာက အင်္ဂလိပ် မီဒီယာတွေ၊ ပြင်သစ်မီဒီယာတွေ စတဲ့ အနောက်တိုင်း မီဒီယာတွေကြောင့် ကမ္ဘာကြီးမှာ ဂန္ဒီလိုလူမျိုးရဲ့ လုပ်ရပ်တွေကို သိလာကြတာပါပဲ” ** ( ၃ ) ** စဉ်းစားစရာ များစွာဖြစ်ခဲ့သည်။ ကျွန်တော့်ခေါင်းထဲတွင် မီဒီယာ၏ ကဏ္ဍ အရေးပါပုံ ၀င်လာပါသည်။ “ဒီအကြောင်းကို နောက်မှဆွေးနွေးပါမည်။ ခုတော့ ဂန္ဒီရဲ့နည်းလမ်းကိုယူပြီး လူမည်းခေါင်းဆောင် မာတင်လူသာကင်းဂျူနီယာဟာ လူဖြူလူမည်း ခွဲခြားတဲ့စနစ် segregation and racial discrimination ကို တိုက်ဖျက်ခဲ့တာကို ဆွေးနွေးချင်တယ်” “ဟုတ်ကဲ့။ အမေရိကန်တွေရဲ့ အခွင့်အရေး (American civil rights movement ) ကို ဦးဆောင်သူအဖြစ် နိုဘယ်လ်ဆုရသူ မဟုတ်လား” “ဟုတ်ပါတယ်။ ၁၆ ယောက်မြောက် အမေရိကန်သမ္မတ အီဗရာဟင်လင်ကွန်း ကြိုးပမ်းမှုကြောင့် လူမည်းတွေဟာ ၁၈၆၅ ခုနှစ်မှာ ကျွန်ဘ၀က လွတ်မြောက်ခဲ့တယ်။ ဒါပေမဲ့ နှစ်တစ်ရာတိုင် လူမည်းတွေဟာ ခွဲခြားဆက်ဆံတာကို ခံနေရတယ်။ ဟိုတယ်မှာ ထမင်းအတူစားခွင့်မရှိဘူး။ ကားတွေ၊ ရထားတွေမှာ အတူစီးခွင့်မရှိဘူး။ ကျောင်းအတူနေလို့ မရဘူး။ ပန်းခြံတွေကိုတောင်မှ လူဖြူ၊ လူမည်း ပန်းခြံ ခွဲခြားခြင်း ခံခဲ့ရတယ်။ ဒါကို မာတင်လူသာကင်းဂျူနီယာ ဦးဆောင်တဲ့ လူမည်းတွေဟာ တစ်မြို့ဝင် တစ်မြို့ထွက် ဆန္ဒထုတ်ဖော်ကြတယ်။ အကြမ်းမဖက်ကြပေမယ့် ဒီအတွက် အဖမ်းခံရတာလည်း အများကြီးပဲ။ ဒီလိုနဲ့ တစ်နိုင်ငံလုံး လှည့်လည်သွားလိုက်တော့ သူ့သတင်းဟာ အရေးပါလာတယ်” “သူလည်း အကြမ်းမဖက် တော်လှန်ရေးဟာ အောင်မြင်တာပေါ့” “အောင်မြင်ပါတယ်။ နောက်ဆုံး ၀ါရှင်တန်ဒီစီမှာ သူ မိန့်ခွန်းပြောတော့ လူမည်းတွေအပြင် လူဖြူတွေပါ လာရောက် နားထောင်ကြတယ်။ ဒီမိန့်ခွန်းနဲ့ သူ ကျော်ကြားသွားတယ်။ သူဟာ အဲဒီအချိန်က အငယ်ဆုံး နိုဘယ်လ်ဆုရသူ ဖြစ်တယ်။ သူ ဆောင်ရွက်တဲ့ အကျိုးကျေးဇူးကို ခင်ဗျားတို့ မြင်ရနေတာပေါ့” “ဟုတ်ကဲ့ အကျိုးဆက်ကတော့ လူမည်းတွေ နေရာရလာတာပေါ့” “အမှန်ပဲ။ ကောလင်းပါဝယ်တို့၊ ကွန်ဒိုရီဇာရိုက်တို့ ဆိုတဲ့ လူမည်းတွေဟာ နိုင်ငံခြားဝန်ကြီး (Secretary of State) ဖြစ်လာတယ်” “ဒီနေရာက အရေးကြီးတယ်လေ။ မြန်မာပြည်မှာဆို ဒီနေရာကို ကာကွယ်ရေးဦးစီးချုပ်က ခန့်အပ်ရတာပဲ” “သမ္မတနဲ့ ကာလုံတို့ရဲ့ သဘောတူညီချက်ကို ရယူရတယ်။ ယနေ့ အမေရိကန်မှာ လူမည်းသမ္မတ ဖြစ်လာတာ မာတင်လူသာကင်းကြောင့်ပဲလို့ ဆိုနိုင်တယ်” “ဒါနဲ့ ခင်ဗျားပြောတဲ့ ဒုတိယအချက်ဆိုတာ ပြောပြပေးပါဦး” ** ( ၄ ) ** ကိုဘသစ် ခေတ္တနားကာ လက်ဖက်ရည်သောက်ပြီး ဆက်လက် ဆွေးနွေးပါသည်။ “ကျွန်တော် ပြောချင်တာက ဒေါ်စုဟာ လွတ်လပ်ရေးရကတည်းက မငြိမ်းချမ်းတဲ့နိုင်ငံကို ငြိမ်းချမ်းရေးရအောင် ကြိုးပမ်းသွားမယ်ဆိုတာကို ပြောချင်တာပါ” “တကယ် ငြိမ်းချမ်းရေးရမယ်လို့ ခင်ဗျား ယုံကြည်လား” “ဒေါ်စုရဲ့ ဖခင် ဗိုလ်ချုပ်အောင်ဆန်းက ပင်လုံညီလာခံမှာ တိုင်းရင်းသားတွေနဲ့ ချစ်ကြည်ရေး ဆောင်ရွက်ခဲ့တယ်။ အဲဒီတုန်းက အောင်မြင်ခဲ့တာပဲ” “မှန်ပါတယ်။ ဒီနေ့မှာ အခြေအနေ မတူတော့ဘူး။ အဓိကကတော့ လက်နက်ကိုင် အဖွဲ့အစည်းတွေဟာ သူတို့ရထားတဲ့ အခွင့်အလမ်းတွေကို လက်လွှတ်မခံချင်ကြတော့ဘူး” “ဘယ်လိုရကြတာလဲ” “ဒီလိုပဲလေ၊ ဆင်းရဲတဲ့နိုင်ငံတွေမှာ ငွေဟာ အရေးပါတယ်။ အဓိကကျတယ်။ ငွေနောက်လိုက်တဲ့အခါ တရားတာ ၊ မတရားတာကို မကြည့်ကြတော့ဘူး။ ဒီနေရာမှာ ဌာနဆိုင်ရာတွေလည်း ပါတယ်” “မှန်ပါတယ်” “ဘိန်းတွေ၊ ကျောက်စိမ်းတွေ၊ လုပ်ပိုင်ခွင့်တွေ၊ အခွန်အခတွေ အများကြီးကို တရားမ၀င် ရနေတယ်။ ဒီပမာဏဟာ အင်မတန်များတယ်။ သူတို့ လက်လွှတ်ဆုံးရှုံးခံဖို့ ခက်နေတယ်။ လူ တော်တော်များများ ပါဝင်ပတ်သက်နေတယ်။ တရားဥပဒေ လက်တံမမီတဲ့နေရာဆို ပိုဆိုးတာပေါ့။ လက်နက်ကလည်း အာဏာ၊ ငွေကလည်း အာဏာပဲ။ ပမာဏက အင်မတန်ကြီးတာကိုး” “ဒါက စိန်ခေါ်မှုပါပဲ။ အစိုးရသစ်အတွက် စိန်ခေါ်မှုဖြစ်တယ်။ ဒါပေမဲ့ အစိုးရတစ်ခုတည် လုပ်လို့မရဘူး။ ပြည်သူတွေ ပါဝင်ပတ်သက်ဖို့ အရေးကြီးတယ်။ အထူးသဖြင့် မီဒီယာတွေ ပံ့ပိုးရမယ်” “ပံ့ပိုးမှာပေါ့။ ကလောင်စွမ်းနဲ့ ကူညီကြပါစို့” ဒေါက်တာခင်မောင်ညို The Ladies News Journal