ပြည်တွင် ဗြောက်အိုးနှင့် မီးရှူးမီးပန်းများ သိုလှောင်၊ ရောင်းချ၊ ပစ်ဖောက်ခြင်းတားမြစ်

ပဲခူးတိုင်းဒေသကြီး ပြည် ခရိုင်တွင် ဗြေက်အိုးနှင့် မီးရှူးမီး ပန်းများ သိုလှောင်ရောင်းချခြင်း၊ ပစ်ဖောက်ခြင်းများ မပြုလုပ်ရန် ညွှန်ကြားထားကြောင်း ပြည်ခရိုင် အုပ်ချုပ်ရေးမှူးရုံးမှ သတင်းရရှိ သည်။
ပွင့်လင်းရာသီသို့ ရောက်ရှိတော့မည်ဖြစ်ရာ ဗြောက်အိုးနှင့်အသံကျယ်လောင်စွာမြည်သည့် မီးရှူးမီးပန်းများ ပစ်ဖောက်ခြင်းများကြောင့် အများပြည်သူ အထိတ်တလန့်ဖြစ်စေခြင်း၊ ထိခိုက်ဒဏ်ရာရရှိခြင်းနှင့် အန္တရာယ်ဖြစ်ပေါ်စေနိုင်ခြင်းတို့ကြောင့်  သိုလှောင်ရောင်းချခြင်း၊ ပစ်ဖောက်ခြင်းများကို တားမြစ်ရခြင်းဖြစ်ကြောင်း ပြည်ခရိုင် အုပ်ချုပ်ရေးမှူး ဦးတင်မောင်ဝင်းက ပြောကြားသည်။
ပြည်ခရိုင်ရှိ သဲကုန်း၊ ပန်း တောင်း၊ ပြည်၊ ပေါင်းတည်၊ ပေါက်ခေါင်း မြို့နယ်နှင့် ရွှေ တောင်မြို့နယ်တို့တွင် ယင်းကဲ့သို့ တားမြစ်ထားကြောင်း သတင်းရရှိသည်။
ပြည်မြို့နယ်အုပ်ချုပ်ရေးမှူး ရုံးက အဆိုပါတားမြစ်မိန့်ကို စက် တင်ဘာ ၁၃ ရက်စွဲဖြင့် ထုတ် ပြန်ခဲ့ကြောင်း၊ ရပ်ကွက်အတွင်း အသံချဲ့စက်ဖြင့် ကြော်ငြာမည်ဖြစ်ပြီး လိုက်နာခြင်း မရှိပါက ဒေသန္တရအမိန့် ပုဒ်မ ၁၈၈ အရ အရေးယူဆောင်ရွက်ရန် ညွှန်ကြားထားကြောင်း ပြည်မြို့ ဆံတော်ရပ်ကွက် အုပ်ချုပ်ရေးမှူးဦးညွန့်နိုင်က ပြောသည်။
 ‘‘အခုခေတ် မီးရှူးမီးပန်း၊ ဗြောက်အိုးမြည်သံတွေက အရမ်း ကျယ်တယ်။ လူတွေကို ထိတ် လန့်မှုဖြစ်စေရုံမကဘဲ ကျန်းမာ ရေးမကောင်းသူ၊ သက်ကြီးရွယ် အိုတွေ၊ နှလုံးရောဂါရှိသူတွေဆို ထိတ်လန့်ပြီး အသက်အန္တရာယ် တောင် စိုးရိမ်ရနိုင်တယ်။ အခန့် မသင့်ရင် ပစ်ဖောက် ကစားသူ တွေပါ ထိခိုက်ဒဏ်ရာရနိုင်တဲ့ အထိ ပြင်းထန်တဲ့ယမ်းမှုန့်တွေပါ တယ်။ တာဝန်ရှိသူတွေအနေနဲ့ တားမြစ်မိန့် ထုတ်ရုံတင်မကဘဲ အလေးထားပြီး စနစ်တကျ ကြပ် မတ်စိစစ် ဆောင်ရွက်ဖို့တော့လို ပါတယ်’’ ဟု ပြည်မြို့ ဒေသခံ အမျိုးသားတစ်ဦးက ပြောသည်။7day

မြစ်ဆုံ media မှကြော်ငြာရှင်များဖိတ်ခေါ်ခြင်း ကျွန်တော်များမြစ်ဆုံ media သည် Likes (၃) သိန်းရှိသော facebook page စာမျက်နှာတွင်အချိန်နဲ့တပြေညီAuto ဖော်ပြနေခြင်း သုံးဆွဲသူ( ၅)သာင်းကျော်ရှိသော သတင်းapk ၌Auto ဖော်ပြနေခြင်း မြစ်ဆုံ media blog ၌ ဝင်ရောက်ကြည့်ရှု့သူ (၁၀)သိန်းကျော်ရှိနေခြင်း ဒါကြောင့်လူကြီးမင်းတို့ရဲ့ကြော်ငြာများ သည်အချိန်တိုအတွင်း အများပြည်သူသိရှိအောင်ကျွန်တော်များ မြစ်ဆုံ media မှတာဝန်ယူဆောင်ရွက်ပေးနေပါပြီ ဆက်သွယ်ရန် myitsonmedia@gmail.com