စစ်ကိုင်းတိုင်း၊ ခန္တီးမြို့နယ်၊ နန်းစီပွန်ရွာ ဓားပြတိုက်မှုမှာ ဖမ်းမိထားတဲ့ ဓားပြ ၉ ဦးဟာ နာဂလက်နက်ကိုင်တပ်ဖွဲ့ (NNC) က လူတွေဖြစ်တယ်လို့ ခန္တီးစစ်ဗျုဟာမှူးရုံးက အတည်ပြု ပြောပါတယ်။
ပြီးခဲ့တဲ့ ဇွန်လ ၁၆ ရက်နေ့ ည ၉ နာရီအချိန်က ခန္တီးမြို့နယ် နန်းစီပွန်ကျေးရွာက ကိုလွင် ရဲ့ ဈေးဆိုင်ကို လူ ၉ ဦးက ဓားပြဝင်တိုက်ခဲ့ရာမှာ နန်းစီပွန်ရွာသားတွေက ဓားပြတွေကို ဝိုင်းဖမ်းဆီးခဲ့ပြီး ခန္တီးမြို့စစ်တပ်ထံ အပ်နှံခဲ့ကြပါတယ်။
နာဂလက်နက်ကိုင် အဖွဲ့အစည်း (NNC) အဖွဲ့ဟာ အစိုးရနဲ့ ငြိမ်းချမ်းရေး မယူရသေးတဲ့အဖွဲ့ဖြစ်ပြီး လတ်တလော ဓားပြတွေကို စစ်တပ်ထဲမှာပဲ ဖမ်းချုပ်ထားပါတယ်။
ခန္တီးမြို့ပေါ်မှာ ဓားပြတိုက်မှု မကြာခဏဖြစ်ပွားလေ့ရှိပြီး ပြီးခဲ့တဲ့ ၂၀၁၅ ခုနှစ်အတွင်း ၉ ကြိမ်လောက်ထိ ဖြစ်ပွားခဲ့တယ်၊ တရားခံတွေကို ဖမ်းမမိသလို အမှုမှန် ပေါ်ပေါက်ခြင်းလည်း မရှိဘူးလို့ ဒေသခံတွေက ပြောပါတယ်။
အခု ဓားပြမှုကတော့ ၂၀၁၆ ခုနှစ်အတွင်း ပထမအကြိမ် ဖြစ်ပွားခဲ့တာပါ။
DVB
No comments:
Post a Comment