ပြင်ဦးလွင် အနီးစခန်းလေယာဉ်ကွင်းအနီး လူ ၃၉ဦးလိုက်ပါလာသည့် ဒိုင်နာယာဉ် တစ်စီး ချောက်ထဲထိုးကျ၊ လူသုံးဦးသေဆုံး၊ ခရီးသည် အမြောက် အများ ဒဏ်ရာပြင်းထန်စွာရရှိ
*******************************************************************
ရန်ကုန်၊ ဖေဖော်ဝါရီ ၉- ပြင်ဦးလွင်မြို့နယ်၊ အနီးစခန်းလေယာဉ်ကွင်း အနီးရှိ စည်သာတံတားတွင် လူ ၃၉ဦး လိုက်ပါလာသော ခရီးသွား ဒိုင်နာယာဉ်တစ်စီး ယနေ့ချောက်ထဲသို့ ပြုတ်ကျမှုဖြစ်ပေါ်ခဲ့ပြီး လူ သုံး ဦး သေဆုံးခဲ့ကာ ကျန်ခရီးသည်များ ဒဏ်ရာပြင်းထန်စွာ ရရှိခဲ့ကြောင်း ပြင်ဦး လွင်မြို့မ ရဲစခန်းမှ သိရသည်။
ဖေဖော်ဝါရီ ၉ရက် နေ့လည် ၃နာရီခွဲ ကျော်အချိန်ခန့် တွင် ပြင်ဦးလွင်- မန္တလေး အဆင်းလမ်းမကြီး မိုင်တိုင်အမှတ် ၄၃အနီးတွင် စည်သာတံ တား (တံတားအမှတ် ၁/၃၅)ပေါ်တွင် ကားနှစ်စီးတိမ်း ရှောင်ရာမှ ဒိုင်နာယာဉ်မှာ လမ်းဘေးရှိချောက် အတွင်းသို့ ပြုတ်ကျခဲ့ခြင်းဖြစ်ပြီး အမျိုးသားတစ်ဦးနှင့် အမျိုးသမီးနှစ်ဦးမှာ သေဆုံးခဲ့ကြောင်း သိရသည်။
“အခုလေးပဲ တစ်ယောက်ဆုံးသွားပါတယ်။ ထိခိုက်ဒဏ်ရာရရှိမှု များပြားတဲ့ အတွက် ဆေးကုသခံယူ မှုကို ဦးစားပေးလုပ်ဆောင်နေရ ပါတယ်။ အမှုဖွင့်စစ်ဆေးတာကို ဆက်လက်လုပ်ဆောင် သွားပါမယ် ။ ဖြစ်စဉ် အမှန်ကို သိရှိရဖို့ ထိခိုက်ဒဏ်ရာရရှိသူတွေကို ဆက်လက်မေးမြန်း လုပ်ဆောင်သွားပါမယ်။ ယာဉ်ရဲ့ စက်ချို့ယွင်းမှုကြောင့်လား၊ ယာဉ်မောင်းရဲ မဆင်မချင်မောင်းနှင်မှုကြောင့်လား ဆိုတာကို စုံစမ်းသွားပါမယ်”ဟု မန္တလေးတိုင်းဒေသကြီး ရဲတပ်ဖွဲ့မှူးရုံးမှ တာဝန်ရှိသူတစ်ဦးက ဒီမိုကရေစီ တူဒေးသတင်း စာ သို့ ဖေဖော်ဝါရီ ၉ရက် ည ၇နာရီခွဲခန့်ကပြောသည်။
အခင်းဖြစ်ပွားရာနေရာတွင် သွားရောက်ကူညီမှုများ ပြုလုပ်ခဲသည့် သန္တိသုခ အခမဲ့ကျန်းမာရေး စောင့်ရှောက်မှုလူမှုကူညီရေးအသင်းမှ ကိုသားသားက “နှစ်ဦးကတော့ နေရာမှာပဲ သေဆုံးခဲ့ပါတယ်။ ကျွန်တော်တို့ အဖွဲ့က ကား ၄စီးနဲ့ သွားရောက်ကယ် ဆယ်ရေးလုပ် ခဲ့ပါတယ်။
အခြားပြင်ဦး လွင်ကလူမှုကူညီတဲ့အဖွဲ့တွေရော၊ ရွာတွေကအဖွဲ့တွေရော လာရောက်ကူညီကြပါတယ်။ ကျွန်တော်တို့ အတူပူးပေါင်း ကားထဲကလူတွေ ကို ဆွဲထုတ်တာတွေ၊ ချောက်ထဲကနေ ထမ်းတင်ပြီး ဆေးရုံကို ပို့ဆောင်ပေးခဲ့ရပါတယ်”ဟု ပြောသည်။
#Democracytoday
Photo Credit - Thar Thar
No comments:
Post a Comment