ဆီးရီးယား အပစ်ရပ်ရေး စတင်အသက်ဝင်ပြီ

 

ဆီးရီးယား အပစ်ရပ်ရေး စတင်အသက်ဝင်ပြီဆီးရီးယားမှာ ဒေသစံတော်ချိန် ညသန်းကောင်ယံကစပြီး အပစ်အခတ်ရပ်စဲရေး သဘောတူညီချက် စတင် အသက်ဝင်ပြီဖြစ်ကြောင်း ကြာသပတေးနေ့မှာ ဆီးရီးယား အစိုးရကကြေညာလိုက်ပါတယ်။
ဆီးရီးယား အပစ်ရပ်ရေး စာချုပ်ဒီအပစ်အခတ်ရပ်စဲရေး အတွက် ဆီးရီးယားအစိုးရနဲ့ သူပုန်အဖွဲ့အများအပြား ကြားအကျုံးဝင်ပေမယ့် ဒီအထဲမှာ အစ္စလန်လက်နက်ကိုင် အဖွဲ့တွေ ပါမပါ မသေချာသေးပါဘူး။ ဒီသဘောတူညီချက်ဟာ အရင်တုန်းက အပစ်ရပ်ရေးပုံစံအတိုင်း ရေးဆွဲထားတာ ဖြစ်ပါတယ်။

ဆီးရီးယား သမ္မတ Bashar al-Assad ကို ထောက်ခံပံ့ပိုးပေးနေတဲ့ ရုရှားနဲ့ သူပုန်အဖွဲ့တွေကို ပံ့ပိုးပေးနေတဲ့ တူရကီတို့ကတော့ အပစ်ရပ် သဘောတူညီချက် အတိုင်း လိုက်နာမယ်လို့ ပြောပါတယ်။

၆ နှစ်ကြာ ဖြစ်ပွါးနေတဲ့ စစ်ပွဲအတွက် ငြိမ်ချမ်းရေးသဘောတူ စာချုပ် ချုပ်ဆိုနိုင်ရေး ကြားဝင်ဆောင်ရွက်ဖို့ အသင့်ဖြစ်နေပြီလို့ ပြီးခဲ့တဲ့ သီတင်းပါတ်ထဲမှာ တူရကီ၊ ဆီးရီးယားနဲ့ ရုရှားတို့ ပြောကြားခဲ့အပြီး အခုလို အပစ်အခတ်ရပ်စဲဖို့ သဘောတူညီချက် ထွက်ပေါ်လာတာ ဖြစ်ပါတယ်။

အခုအပစ်အခတ်ရပ်စဲရေးသာ တည်မြဲနေမယ် ဆိုရင်တော့ ရှေ့လထဲ Kazakhstan နိုင်ငံမြို့တော် Astana မှာ ငြိမ်းချမ်းရေး ဆွေးနွေးပွဲတွေ ပြန်လည်စတင်နိုင်တော့မှာလည်း ဖြစ်ပါတယ်။

ဒီအပစ်ခတ်ရပ်စဲရေးဟာ ကျိုးပျက်လွယ်တဲ့ သဘောတူညီချက်တခုလို့ ရုရှားသမ္မတ Vladimir Putin က ခေါ်ဆိုလိုက်ပေမယ့် ဒါကို ဆီးရီးယား အစိုးရကရော အတိုက်အခံလက်နက်ကိုင် တပ်ဖွဲ့တွေကပါ ထောက်ခံကြတယ်လို့ ပြောပါတယ်။

အခုရခဲ့တဲ့ သဘောတူညီချက်ဟာ ကျိုးပျက်ဖို့ လွယ်တာမို့ အထူးဂရုစိုက်ဖို့ လိုသလို တည်တံ့တိုးတက်လာဖို့ ဆက်လက်လုပ်ဆောင်ရမှာ ဖြစ်ကြောင်းနဲ့ ဘာပဲဖြစ်ဖြစ် ဒါဟာ ပူးတွဲ လုပ်ဆောင်မှုရဲ့ ထင်ရှားတဲ့ ရလဒ်တခုဖြစ်ကြောင်း ကြာသပတေးနေ့ အစိုးရ ဝန်ကြီးများအဖွဲ့ အစည်းအဝေးမှာ သမ္မတ Putin က ပြောကြားခဲ့တာ ဖြစ်ပါတယ်။

 ဗွီအိုအေ (မြန်မာပိုင်း)

အမေရိကန်က ရုရှသံတမန်တွေကို နိုင်ငံကနေ နှင်ထုတ်

 

အမေရိကန်နဲ့ရုရှကြား ဆိုင်ဘာအရေး သဘောထား တင်းမာနေရုရှ သံတမန် ၃၅ ယောက် ကို ၇၂ နာရီအတွင်း နိုင်ငံ ကနေ ထွက်ခွာ ဖို့ သမ္မတ အိုဘားမား က ညွှန်ကြားချက် ထုတ်ပြန် လိုက်ပါတယ်။

နယူးယောက် နဲ့ မေရီလန်း က ရုရှ ထောက်လှမ်းရေး ဌာနဝင်းတွေ လည်း ပိတ်ရတော့မှာပါ။

ပြီးခဲ့တဲ့ အမေရိကန် ရွေးကောက်ပွဲမှာ ရုရှ ဘက်က ဆိုက်ဘာ အင်တာနက်ကနေ သတင်းအချက်အလက်တွေ ဖောက်ထွင်းခိုးယူတာတွေ ရှိခဲ့တယ် ဆိုတဲ့စွပ်စွဲချက်တွေ အပြင် ရုရှရဲ့ ဆိုက်ဘာ တိုက်ခိုက်မှုတွေ ကို အရေးယူ တဲ့ အနေနဲ့ အခုလို သမ္မတအိုဘားမားက ညွှန်ကြားလိုက်တာပါ။

သမ္မတ အိုဘားမား က အမေရိကန် ရဲ့ အကျိုးစီးပွားကို ထိခိုက်လာမယ့် အားထုတ်မှုအတွက် လိုအပ်ပြီး သင့်တော်တဲ့လုပ်ရပ်ကို လုပ်လိုက်တာပဲလို့ သူ့ရဲ့ကြေညာချက်ထဲမှာ ဖော်ပြထားပါတယ်။

နောက်ပြီးအမေရိကန် နိုင်ငံသားတွေ အနေနဲ့ ရုရှ တို့ရဲ့ လုပ်ရပ်တွေ ကို သတိထားဖို့လိုပြီလို့လည်း သူက တိုက်တွန်းလိုက်ပါတယ်။

သမ္မတအိုဘားမား က ရုရှ က ဆိုင်ဘာ တိုက်ခိုက်မှုတွေနဲ့ပတ်သက်တဲ့ နည်းပညာဆိုင်ရာ သတင်းအချက်အလက် တွေကိုလည်း ပြည်သူအများသိအောင် ဖွင့်ချ ထုတ်ပြန်သွားမယ်လို့ ဆိုပါတယ်။

ဒီအပြောအဆိုတွေ ဟာ နိုင်ငံခေါင်းဆောင် တွေ အကြား ဖြစ်နေတဲ့ စကားစစ်ပွဲ ပဲလား၊ တကယ့်ကို ပြင်းပြင်းထန်ထန် သဘောထားတွေ ကို ထင်ဟတ်တာ လား ဆိုတဲ့ သုံးသပ် ကြည့်ကြရမှာတော့မြောက်အမေရိကဆိုင်ရာ ဘီဘီစီ အယ်ဒီတာ ဂျွန်ဆိုပယ်လ် ကသူ့အနေနဲ့တော့ အိုဘားမား အစိုးရ က ရုရှအပေါ် သဘောထားပြင်းပြင်းထန်ထန် ပြလိုက်တာလို့မြင်တယ်လို့ ပြောပါတယ်။

ဒီမိုကရက်တစ် ပါတီ ရဲ့ သတင်းအချက်အလက် တွေ ကို ခိုးဖောက်ယူတဲ့အပေါ်မှာ အခုအစိုးရ ရဲ့ ထွက်ရတဲ့ အမျက်တွေ ကိုလည်း ဖော်ပြလိုက်သလို ၊ အမေရိကန်ထောက်လှမ်းရေးဌာနတွေ က တင်ပြနေတဲ့ ဒီ ဆိုက်ဘာ ဖောက်ထွင်းမှုတွေ ဟာ သမ္မတ ပူတင်ဦးဆောင်နေတဲ့ ရုရှအစိုးရ က လုပ်နေတာ ဆိုတဲ့အချက်ကိုလည်း သမ္မတအိုဘားမား က လက်ခံ အတည်ပြုလိုက်တဲ့သဘောဖြစ်ကြောင်း ပြောပါတယ်။

ဒီအရေးနဲ့ပတ်သက်ပြီး ရုရှအစိုးရဘက် ကတော့ ဘာမှ အခြေအမြစ်မရှိပဲ စွပ်စွဲနေတာ သာဖြစ်ကြောင်းပြောဆိုနေသလို ယူကေနိုင်ငံ က ရုရှ သံရုံးက သမ္မတ အိုဘားမား ဟာ Lame Duck ဘာမှ အောင်မြင်အောင် မလုပ်နိုင်တဲ့သူ လို့ သရော်နေပါတယ်။

အခု အမေရိကန်က စွပ်စွဲမှုတွေ အရ ရုရှတို့ရဲ့ ဆိုင်ဘာ တိုက်ခိုက်မှုဟာ ဒီမိုကရက်တစ်ပါတီ အပြင်၊ အစိုးရဌာနတွေ၊ ကော်ပိုရေးရှင်းတွေ၊ Think Tank လို့ခေါ်တဲ့ တတ်သိပညာရှင်အဖွဲ့တွေ ၊ တက္ကသိုလ်တွေ က အချက်အလက်တွေ ကို လည်း ထွင်းဖောက်ခိုးယူနေတာ ဖြစ်ပြီး ဒီလိုလုပ်ဆောင်မှုတွေ ဟာ ၁၀ စုနှစ်နဲ့ချီ နေပြီလို့လည်း သိရပါတယ်။

BBC Burmese

မူဆယ်-လားရှိုး လမ်းပိုင်းကို ဖြတ်သန်းခွင့် နှစ်ရက်ကြာပိတ်

မူဆယ်-လားရှိုးပြည် ထောင်စုလမ်းမကြီးတွင် မူဆယ် သို့သွားရောက်သည့်ကားများကို ဒီဇင်ဘာ ၂၈ ရက်မှ ၃၀ ရက် နံနက်အထိ ဖြတ်သန်းခွင့်ပိတ်ထား မည်ဖြစ်ကြောင်း မူဆယ်မြို့နယ် လမ်းဦးစီး ဌာနမှ သတင်းရရှိသည်။

လက်ရှိ ကွတ်ခိုင်မြို့နယ်အ တွင်း ပိတ်မိနေသည့်ကားများ ရှင်းလင်းနိုင်ရန် မူဆယ်သို့ တက်သည့်ကားများကို ဒီဇင်ဘာ ၂၈ ရက် နံနက်၆ နာရီမှ ဒီဇင်ဘာ ၃၀ ရက် နံနက် ၆ နာရီအထိ ဘန့်ပွေးတိုးဂိတ်နှင့် လားရှိုးတိုးဂိတ်များတွင် ပိတ်ထားမည်ဖြစ်ကြောင်း မူဆယ်မြို့နယ် လမ်းဦးစီးဌာန ဦးစီးမှူး ဦးကျော် ကျော်မိုးက ပြောသည်။

‘‘ဒီရက်ပိုင်းမှာ နမ့်ခိုင်တံတား နဲ့ ကွတ်ခိုင်ကြားမှာ ပိတ်နေတဲ့ ကားတွေက ဘယ်လိုမှကို ရှင်းလို့ မရတော့ Oriental High Way ကုမ္ပဏီကနေပြီးတော့ ပြည်နယ် ညွှန်ကြားရေးမှူးရုံးကိုတင်ပြီး တော့ တိုင်းဒေသကြီးအစိုးရအဖွဲ့ ရဲ့ ခွင့်ပြုချက်နဲ့ အဲဒီပိတ်နေတဲ့ ကားတွေကို အရင်ရှင်းထုတ်ချင် လို့ပါ။ အတက်ကိုပိတ်လိုက်မှ အဲ ဒီကြားထဲက ပိတ်မိနေတဲ့ကားတွေ ကို အကုန်လုံးရှင်းထုတ်နိုင်မှာပေါ့ လေ’’ဟု ဦးကျော်ကျော်မိုးက ပြော သည်။ ယင်းကဲ့သို့ မူဆယ်အတက် ကားများကို နှစ်ရက်ကြား ပိတ် ထားမည်ဖြစ်၍ သစ်သီးများခူးပြီး မူဆယ်သို့တင်ပို့မည့်သူများအနေဖြင့် ချင့်ချိန်ကြရန်လိုကြောင်း မူဆယ် ၁၀၅  သစ်သီးဝလံကုန်စည် ဒိုင် အတွင်းရေးမှူး ဦးစိုင်းခင်မောင် က ပြောသည်။

‘‘အခုလို နှစ်ရက်ပိတ်မှာ ဖြစ် တဲ့အတွက် ထိုင်ဝမ်ဆီးသီးသမား တွေတော့ တင်လို့မရသေးခင် လုံးဝမခူးသင့်သေးဘူး။ ထိုင်ဝမ်ဆီးသီး က အရမ်းနုတယ်။ တစ်ရက်ထား ရင် မှည့်မှည့်သွားတယ်။ မှည့်သွား ရင် တရုတ်ကမယူတော့ဘူး’’ဟု ဦးစိုင်းခင်မောင်က ပြောသည်။

အတက်ကားများ နှစ်ရက် ပိတ်မည့်သတင်းကြောင့် တရုတ် ၀ယ်လက်များ အ၀ယ်ပိုလိုက်လာ ကြောင်း ၎င်းကပြောသည်။ ဒီဇင် ဘာ ၂၈ ရက်တွင် လမ်းကြောင်း ၌  ရှိနေသေးသည့်  ကားများဝင်လာမှုကြောင့် ဖရဲနှင့် သခွား ကား ၂၂၀ ခန့် မူဆယ်သို့ဝင်လာ သေးကြောင်း ဦးစိုင်းခင်မောင်က ပြောသည်။ ဒီဇင်ဘာ ၂၉ ရက်နှင့် ၃၀ ရက်များတွင် မူဆယ်သို့ကား အ၀င် ကျသွားမည်ဖြစ်ကြောင်း ၎င်းက ဆိုသည်။

ဒီဇင်ဘာ ၃၀ ရက် နံနက် ၆ နာရီကျော်လျှင် မူဆယ်ဘက်သို့ သွားသည့် အတက်ကားများကို ပြန်လည်ဖြတ်သန်းသွားလာခွင့်ပြု မည်ဖြစ်သော်လည်း ကွတ်ခိုင်နှင့် နမ့်ခိုင်တံတားတို့တွင် အတက်၊ အဆင်း ကားများကို လေးနာရီ သွား၊ နှစ်နာရီနားစနစ်ဖြင့် သွား ခွင့်ပြုမည်ဖြစ်ကြောင်း ဦးကျော် ကျော်မိုးက ပြောသည်။

ရုရှား Cyber တိုက်ခိုက်မှု ကန် တုံ့ပြန်အရေးယူမည်

 

ပြီးခဲ့တဲ့ အမေရိကန်သမ္မတရွေးကောက်ပွဲကို ရုရှားက အင်တာနက်ကနေ အချက်အလက်တွေ ခိုးယူတိုက်ခိုက်တာ၊ အနှောက်အယှက် ပေးခဲ့တာတွေကို တုံ့ပြန်တဲ့အနေနဲ့ ရုရှားအပေါ် ဒဏ်ခတ်ပိတ်ဆို့မှုတွေ ချမှတ်ဖို့ သမ္မတအိုဘားမား အစိုးရက ပြင်နေပါတယ်။

ပြီးခဲ့တဲ့နှစ်ထဲ သမ္မတအိုဘားမား လက်မှတ်ရေးထိုး အတည်ပြုခဲ့တဲ့ သမ္မတ လုပ်ပိုင်ခွင့်အမိန့်ကို သုံးပြီး ရုရှားကို ဘယ်လို အမြန်ဆုံး အရေးယူမလဲ ဆိုတာနဲ့ပတ်သက်လို့ အိမ်ဖြူတော်မှာ အခြေအတင် ဆွေးနွေးနေတဲ့အကြောင်း ၀ါရှင်တန်ပို့စ်သတင်းစာမှာ ဖော်ပြထားတာပါ။ ဒီသမ္မတ အမိန့်အရ - ပြည်ပမှာအခြေစိုက်ပြီး အမေရိကန်ကို အင်တာနက်ကနေ ထိုးဖောက်တိုက်ခိုက် သူတွေအပေါ် စီးပွားရေးအရ ဒဏ်ခတ် ပိတ်ဆို့မှုတွေကို သမ္မတတဦးတည်းရဲ့ ဆုံးဖြတ်ချက်နဲ့ ချမှတ်နိုင်ပါတယ်။ အထူးသဖြင့် တိုင်းပြည်ရဲ့ အမျိုးသားလုံခြုံရေး၊ အခြေခံ အဆောက်အအုံနဲ့ စီးပွားရေးကို ခြိမ်းခြိမ်သူတွေအပေါ် သမ္မတက ဒဏ်ခတ်အရေးယူခွင့် ရှိပါတယ်။

ဒီဥပဒေအရ အမေရိကန်ဘဏ်တွေ ဒါမှမဟုတ် တခြားဘဏ္ဍာရေး အဖွဲ့အစည်းတွေမှာရှိနေတဲ့ အင်တာနက် တိုက်ခိုက်သူတွေရဲ့ ငွေကြေးတွေကို အစိုးရက ထိန်းချုပ်ခွင့် ရှိသလို၊ အမေရိကန်နိုင်ငံသားတွေကိုလည်း အဲဒီလိုလူတွေနဲ့ စီးပွားလုပ်ကိုင်ခွင့် တားမြစ်ထားပါတယ်။ ဒါ့အပြင် ဒီလူတွေရဲ့ ခရီးသွားလာခွင့်တွေကို လည်း ပိတ်ပင်နိုင်ပါတယ်။ ခုလို ရုရှားအပေါ် နောက်ထပ် ဒဏ်ခတ်အရေးမှုတွေ ချမှတ်လာနိုင်တဲ့အပေါ် ရုရှားနိုင်ငံခြားရေးဌာနကတော့ ပြစ်တင် ရှုတ်ချထားပါတယ်။

 ဗွီအိုအေ (မြန်မာပိုင်း)

သယ်ငယ် မုဒိမ်းမှု ကျူးလွန်သူတစ်ဦးအား မိတ္ထီလာခရိုင် တရားရုံးက ထောင်ဒဏ်နှစ် ၂၀ ကျခံစေရန် အမိန့်ချမှတ်

အသက် (၁၁ နှစ်) အရွယ် မိန်းကလေးငယ်တစ်ဦးအား သားမယားအဖြစ်ပြုကျင့်ခဲ့သူ တစ်ဦးအား မိတ္ထီလာခရိုင် တရားရုံးမှ အလုပ်နှင့်ထောင်ဒဏ် နှစ်၂၀ ကျခံစေရန် အမိန့်ချမှတ်ခဲ့ကြောင်း သိရသည်။

၂၀၁၆ ခုနှစ် စက်တင်ဘာ ၂၉ ရက်က မိတ္ထီလာခရိုင် ၀မ်းတွင်းမြို့ တံတားဦးရပ်နေ ဒေါ်----သည် အိမ်တွင် ရက်ကန်းလုပ်ငန်း လုပ်ကိုင်နေစဉ် အသက် (၁၁ နှစ်) အရွယ် သမီး၏ အော်သံကြားရသဖြင့်  သွားရောက်ကြည့်ရှုခဲ့ရာ အိမ်တွင် ရက်ကန်းလုပ်ကိုင်ရန် နေထိုင်ခွင့်ပြုထားသူ ယက်ကန်းလုပ်သား စောလွင်မိုး အသက် (၃၂) နှစ်မှာ နေအိမ်မှ ထွက်ပြေးသွားခဲ့သည်။ ထို့နောက် သမီးဖြစ်သူအား မေးမြန်းရာ စောလွင်မိုးက သားမယား ပြုကျင့်ကြောင်း ပြောသဖြင့် အရွယ်မရောက်သေးသော သမီးအား သားမယားအဖြစ် ပြုကျင့်သူ စောလွင်မိုးအား အရေးယူပေးပါရန် တိုင်ကြားခဲ့ရာ ၀မ်းတွင်းမြို့မရဲစခန်းမှ (ပ) ၂၀၁/၂၀၁၆ ပြစ်မှုပုဒ်မ ၃၇၆ ဖြင့် အမှုဖွင့် ဖမ်းဆီးကာ မိတ္ထီလာခရိုင် တရားရုံးမှရာဇသတ်ကြီး အမှုအမှတ် ၅၅ ဖြင့် လက်ခံကြားနာ စစ်ဆေးခဲ့ပြီး ပြစ်မှုကျူးလွန်ကြောင်း ထင်ရှား သဖြင့် ဒီဇင်ဘာ ၂၈ ရက်တွင်  အလုပ်နှင့် ထောင်ဒဏ်၂၀ နှစ် ကျခံစေရန် အမိန့်ချမှတ်ခဲ့ကြောင်း သိရသည်။

Writer: 

ဝဏ္ဏ(မိတ္ထီလာ)

Eleven Media Group Co., Ltd

ဖားကန့်ဒေသတွင် စည်းကမ်းချက်များနှင့်အညီ မလုပ်ဆောင်ခြင်းကြောင့် ဖြစ်ပွားခဲ့သည့် ကန်ခမ် စုပေါင်းမြေစာပုံမှာ ထပ်မံပြိုကျနိုင်သည့် အနေအထားကြောင့် ပျောက်ဆုံးနေသူများအား ရှာဖွေမှု ခေတ္တရပ်ဆိုင်း

မြေစာပုံပြိုကျပြီးနောက် နစ်မြုပ်ပျောက်ဆုံးနေသူများအား ရှာဖွေနေသည်ကို တွေ့ရစဉ်

ဖားကန့်ဒေသတွင် စည်းကမ်းချက်များနှင့်အညီ မလုပ်ဆောင်ခြင်းကြောင့် ပြိုကျခဲ့သည့် ကန်ခမ်စုပေါင်းမြေစာပုံမှာ ထပ်မံပြိုကျနိုင်သည့် အနေအထားကြောင့် နစ်မြုပ်ပျောက်ဆုံး နေသူများအား ရှာဖွေမှု ခေတ္တရပ်ဆိုင်းထားကြောင်း သိရသည်။

ဖြစ်စဉ်မှာ ဒီဇင်ဘာ ၂၈ ရက် ညနေ ၅ နာရီခန့်က ပြိုကျမှု ဖြစ်ပွားခဲ့ခြင်းဖြစ်ပြီး အဆိုပါ ပြိုကျသည့်နေရာအား ကန်ခမ်စုပေါင်းမြေစာပုံမှ တစ်သုံးလုံး မြေစာပုံဟုလည်း ခေါ်ဆိုကြောင်း၊ လက်ရှိတွင် ကျောက်စိမ်းနန်းတော် ကုမ္ပဏီက မြေစာစွန့်ပစ်ကြောင်း၊ အဆိုပါ ပြိုကျသည့်ဖြစ်စဉ်တွင် ကုမ္ပဏီမှမြေသယ်ယာဉ် တစ်စီးလည်း ပါဝင်ခဲ့ကြောင်း၊ နစ်မြုပ်ပျောက်ဆုံးနေသူ အရေအတွက်မှာ အတိအကျ သိရှိနိုင်ရန်ခက်ခဲပြီး လတ်တလော အခြေအနေတွင် လူပျောက်စာရင်းများ ကောက်ယူနေကြောင်း သိရသည်။                 

လက်ရှိတွင် ပျောက်ဆုံးသူ နှစ်ဦးသာ စာရင်းရထားကြောင်း၊ နစ်မြုပ်ပျောက်ဆုံး နေသူများအား ဒီဇင်ဘာ ၂၉ ရက် နံနက်က ရှာဖွေခဲ့သော်လည်း ထပ်မံပြိုကျနိုင်သည့် အနေအထားကြောင့် ရပ်နားထားခဲ့ကြောင်း၊ သို့သော် ဆက်လက်ရှာဖွေမှု ပြုလုပ်သွားရန် စီစဉ်နေကြောင်း သိရသည်။

"ဒီနေ့မနက် ၈ နာရီကနေ ၁၀ နာရီအထိ ရှာနေတယ်။ ရှာတဲ့နေရာမှာ ဖြစ်နေတဲ့ အနေအထားအရ ရှာဖွေတဲ့ သူတွေအတွက်တောင် အန္တရာယ်ရှိနိုင်တဲ့ အနေအထားမျိုး ဖြစ်တဲ့အတွက် ခေတ္တရပ်ဆိုင်းထားတယ်။ အခုဖြစ်နေတဲ့ အနေအထားက မြေစာလျှောစောက် ကိုးဆယ်ဒီဂရီ အနေအထားမှာ ဖြစ်နေတယ်။ အောက်ကဂေါ်တစ်ဂေါ် နှိုက်လိုက်တာနဲ့ အပေါ်က ဆယ်ဂေါ်စာလောက် မြေစာကျလာမယ့် အနေအထားဖြစ်တယ်။ လက်ရှိမှာတော့ ဘက်ဟိုးခြောက်စီးကို အရန်သင့် ရှာဖွေဖို့ထားထားတယ်။ အခုချိန်မှာ လူဘယ်လောက် သေတယ်ဆိုပြီး ကောလာဟလတွေ ထွက်နေပေမယ့် လက်ရှိမှာ နှစ်ယောက်ပဲ စာရင်းရထားပါတယ်" ဟု ဖားကန့်မြို့နယ် အုပ်ချုပ်ရေးမှူး ဦးကျော်စွာအောင်က ပြောကြားသည်။

မြေစာပုံပြိုကျရသည့် အကြောင်းရင်းမှာ ကုမ္ပဏီများအနေဖြင့် သတ်မှတ်ထားသော စည်းကမ်းချက်များနှင့် မညီဘဲ မြေစာစွန့်ပစ်ခြင်းကြောင့် ဖြစ်ကြောင်း၊ ဖားကန့်မြို့နယ် အတွင်းရှိ စွန့်ပစ်မြေစာပုံ အများစုမှာ စည်းကမ်းချက်များနှင့် မညီဘဲ လုပ်ဆောင်ထားကြောင်း ပြည်သူ့လွှတ်တော် ကိုယ်စားလှယ် ဦးတင့်စိုးက ပြောကြားသည်။

"ဒီမြေစာပုံတွေကို အမြင့်ကြီးတွေ မလုပ်ဘဲနဲ့ လူတွေအန္တရာယ် မရှိအောင် ပေ ၅၀ လောက်လေး မြေစာပုံအမြင့် လုပ်ပေးပြီးတော့ အဲဒီမှာ ရေမဆေးတွေ ရှာဖွေဖို့ ဆုံးဖြတ်ခဲ့ကြတယ်။ ဒါပေမဲ့ ဒီဆုံးဖြတ်ချက်ဟာ On the Paper စာရွက်ပေါ်မှာပဲ ဖြစ်နေတယ်။ ဒါကို တကယ်တမ်း လိုက်ပါစောင့်ကြည့်ရမှာက အဓိက ကျောက်စိမ်းရုံးက ဖြစ်တယ်။ ဒါကို တာဝန်ရှိတဲ့ ကျောက်စိမ်းရုံးအနေနဲ့ လိုက်ပါဆောင်ရွက်ခြင်း မရှိတော့ ကုမ္ပဏီတွေက ပစ်ချင်တိုင်းပစ်နေတဲ့ အနေအထားပေါ်မှာ နောက်ဆက်တွဲအနေနဲ့ ဒီလိုအသက်အန္တရာယ် ဖြစ်လာတဲ့ အနေအထားတွေဖြစ်တယ်။ ဒီမြေစာပုံဟာ ဟိုးအောက်ဆုံးကနေ ကြည့်မယ်ဆိုရင် ပေထောင်ချီမြင့်နေတဲ့ အနေအထား ဖြစ်တယ်။ ပေ ၅၀ မဟုတ်တော့ဘူး။ မြေစာပုံနဲ့ ပတ်သက်ပြီး ဖွဲ့စည်းထားတဲ့ ဒေသဆိုင်ရာ အဖွဲ့တွေရှိပေမယ့် ဒါတွေကို အမြဲတမ်း လိုက်လံစစ်ဆေး ကြည့်ရှုနိုင်မှသာလျှင် ဒီလိုသေဆုံးမှုတွေ မဖြစ်မှာပဲ ဖြစ်ပါတယ်။ ဖားကန့်မြို့နယ်ထဲမှာ သတ်မှတ်ထားတဲ့ မြေစာပုံ ၁၀ ခုရှိတယ်။ မြေစာပုံတိုင်းမှာ ချမှတ်ထားတဲ့ စည်းကမ်းနဲ့ နည်းလမ်းတွေအတိုင်း သွန်တာမရှိဘူး။ အားလုံးဟာ စည်းကမ်းဖောက်ဖျက်ပြီး လုပ်နေကြတဲ့ အနေအထားတွေ ဖြစ်တယ်" ဟုဖားကန့်မဲဆန္ဒနယ်မှ ပြည်သူ့လွှတ်တော် ကိုယ်စားလှယ် ဦးတင့်စိုးက ပြောကြားသည်။

ဖားကန့်ဒေသအတွင်း ရေမဆေးကျောက် ရှာဖွေသူများမှာ ပျံကျနေထိုင်ခြင်းကြောင့် နစ်မြုပ်ပျောက်ဆုံးနေသူ စာရင်းအား အတိအကျသိနိုင်ရန် ခက်ခဲနေကြောင်း၊ မျက်မြင်ကြုံတွေ့ခဲ့သူများက ရေမဆေးကျောက်ရှာဖွေသူ ၅၀ ထက်မနည်း နစ်မြုပ်သေဆုံးနိုင်ကြောင်း ခန့်မှန်းမှုများ ရှိနေသည်။

"ကျွန်တော်က မြေစာပုံမှာနေတာ။ မြေစာပုံပြိုကျတာ မျက်မြင်လည်း ဟုတ်ပါတယ်။ ဒီဇင်ဘာ၂၆ ရက်ကတည်းက မြေစာပုံဟာ တအားမြင့်နေပြီဆိုပြီး ကျွန်တော်တက်ပြောသေးတယ်။ မြေစာပုံက အက်လည်းအက်နေတယ်လို့ ပြောပါတယ်။ အောက်မှာက ကျောက်ရှာနေတယ်။ မြေစာပုံမြင့်တဲ့အတွက် ကားနားချိန်မှ အောက်မှာ ၀င်ရှာကြတာ။ အခုပြိုကျတဲ့ အချိန်က ကားနားချိန်ရောက်နေပြီ။ ဘယ်နှဦးလောက်ပါတယ် ဆိုတာတော့ ခန့်မှန်းလို့မရဘူး။ အခု ကျွန်တော်တို့ ဖြစ်စေချင်တာက မြေစာပစ်တာကို အောက်ခြေကနေ တစ်ဆင့်ချင်း တစ်ဆင့်ချင်း ပစ်စေချင်တာပေါ့။ ဒီနေရာက ရေစိမ့်ထွက်အား ကောင်းတယ်" ဟု မျက်မြင်ကြုံတွေ့ခဲ့သည့် ဆယ်အိမ်မှူးတစ်ဦးက ပြောကြားသည်။

ယခုပြိုကျမှု ဖြစ်ပွားခဲ့သည့် ကန်ခမ်စု ပေါင်းမြေစာပုံမှာ ၂၀၁၅ ခုနှစ်ကလည်း လူရာချီ သေဆုံးမှု ဖြစ်ပေါ်ခဲ့ပြီး မကြာခဏ ပြိုကျမှု ဖြစ်ပွားနေကြောင်း၊ ယင်းသို့ မကြာခဏ ဖြစ်ပွားနေသော်လည်း သက်ဆိုင်ရာက ကြပ်မတ်နိုင်ခြင်း မရှိဘဲ မြေစာပုံအား လှေကားထစ်ပုံစံ မစွန့်ပစ်ခဲ့သည့်အတွက် ထပ်မံပြိုကျခြင်း ဖြစ်ကြောင်း သိရသည်။           

 

Writer: 

အောင်ဟိန်းမင်း

Eleven Media Group Co., Ltd

Vietjet လေကြောင်းလိုင်း လက်မှတ် တစ်စောင် သုံးရာကျပ်ဖြင့် ရောင်းမည်

ရန်ကုန်၊ ဒီဇင်ဘာ ၂၉

ဗီယက်နမ်- ရန်ကုန် ခရီးစဉ် အပါအဝင် နိုင်ငံတကာ ခရီးစဉ်များအတွက် လက်မှတ်စောင်ရေ ငါးသန်းကျော်ကို တစ်စောင်လျှင် ကျပ် ၃ဝဝ (ဗီယက်နမ် ဒေါင် ၅ဝဝဝ) ဖြင့် ရောင်းချပေးမည် ဖြစ်ကြောင်း Vietjet လေကြောင်းလိုင်း၏ ထုတ်ပြန်ချက်အရ သိရသည်။

လေကြောင်း ခရီးစဉ်များ အရောင်းမြှင့်တင်ရေး အစီအစဉ်အရ နိုင်ငံတကာ ခရီးစဉ်များ ဖြစ်သည့် ထိုင်း၊ မလေးရှားနှင့် စင်ကာပူ အစရှိသော ခရီးစဉ်များအတွက် လက်မှတ်စောင်ရေ ငါးသန်းကျော်ကို အွန်လိုင်း ဘိုကင်စနစ်ဖြင့် ရောင်းချမည်ဖြစ်ကြောင်း အဆိုပါ ထုတ်ပြန်ချက်တွင် ဖော်ပြထားသည်။

အဆိုပါ လက်မှတ်များကို ဒီဇင်ဘာလ ၂၈ ရက်မှ ဖေဖော်ဝါရီ ၂၈ ရက်အထိ ရောင်းချမည် ဖြစ်ပြီး ပရိုမိုးရှင်း ကာလအတွင်း မွန်းတည့် ၁၂ နာရီမှ မွန်းလွဲ ၂ နာရီအတွင်း အွန်လိုင်း ဘိုကင်စနစ်ဖြင့် ဝယ်ယူရမည်ဖြစ်ကာ သတ်မှတ်ထားသော အချိန်ထက် ကျော်လွန်ပါက ခရီးစဉ်အလိုက် သတ်မှတ် ဈေးနှုန်းများအတိုင်း ငွေပေးချေ ဝယ်ယူရမည်ဖြစ်ကြောင်း Vietjet လေကြောင်းလိုင်းထံမှ သိရသည်။

လေယာဉ်လက်မှတ်များကို ကျပ် သုံးရာဖြင့် ဝယ်ယူမည်ဆိုပါက www.vietjetair.com၊ မိုဘိုင်းလ်ဖုန်းများအတွက် https://m.vietjetair.com နှင့် www.facebook.com/vietjetmyanmar စာမျက်နှာများတွင် “Booking” tab ကိုနှိပ်ခြင်းဖြင့် ဝယ်ယူနိုင်မည်ဖြစ်သည်။ 

Vietjet လေကြောင်းလိုင်း အနေနှင့် လက်ရှိတွင် ရန်ကုန် လေဆိပ်မှတစ်ဆင့် ဟိုချီမင်း လေဆိပ်သို့ နေ့စဉ် ပြေးဆွဲလျက် ရှိပြီး ယင်းလေဆိပ်မှတစ်ဆင့် ဟောင်ကောင်၊ တိုင်ပေ၊ ကောင်းရွှမ်၊ တိုင်ရှောင်၊ တိုင်နန် (ထိုင်ဝမ်)၊ ဆိုးလ်နှင့် ဘူဆန် (တောင်ကိုရီးယား)၊ စင်ကာပူ၊ ဘန်ကောက်(ထိုင်း)၊ ကွာလာလမ်ပူ (မလေးရှား)နှင့် ဆီယမ်ရိဒ် (ကမ္ဘောဒီးယား) တို့သို့ ပြေးဆွဲနေသည့် ဗီယက်နမ် အခြေစိုက် လေကြောင်းလိုင်း ဖြစ်သည်။

ဗီယက်နမ် အခြေစိုက် လေကြောင်းလိုင်း Vietjet အနေနှင့် ၂ဝ၁၆ ခုနှစ်အတွင်း လက်မှတ်ဈေးနှုန်း အခမဲ့ဖြင့် ခရီးစဉ် ပြေးဆွဲမှုများ ပြုလုပ်ခဲ့ဖူးသည်။

မြန်မာနိုင်ငံသားများ အနေနှင့် ပြည်ပ နိုင်ငံများသို့ အလည်အပတ် ခရီး သွားရောက်လျက် ရှိရာတွင် ယခုနှစ် ခရီးသွားရာသီ၌ ဗီယက်နမ်နိုင်ငံသို့ သွားရောက် လည်ပတ်မှု အများဆုံး ဖြစ်နေကြောင်း ပြည်ပ ခရီးစဉ် ဝန်ဆောင်မှု ခရီးသွား လုပ်ငန်းရှင်များထံမှ သိရသည်။

သီတဂူ ဆရာတော် နယ်ဝေး တရားပွဲများ လျှော့ချ

မန္တလေး၊ ဒီဇင်ဘာ ၂၉

သီတဂူ ကမ္ဘာ့ဗုဒ္ဓတက္ကသိုလ်၏ အဓိပတိ ဆရာတော် အရှင်ဒေါက်တာ ဉာဏိဿရ ဆရာတော် အနေနှင့် သက်တော် ၈ဝ ပြည့် မွေးနေ့မှစ၍ နယ်ဝေး တရားပွဲများကို လက်မခံတော့ကြောင်း ယင်းဗုဒ္ဓ တက္ကသိုလ်ထံမှ သိရသည်။

ဆရာတော်ကြီးသည် မြန်မာသက္ကရာဇ် ၁၃၇၈ ခုနှစ် တပေါင်းလပြည့်နေ့ (၂ဝ၁၇ ခုနှစ် မတ်လ ၁၂ ရက်) တွင် သက်တော် (၈ဝ) ပြည့်မည်ဖြစ်၍ မဖြစ်မနေ ဟောကြားရမည့် ကိစ္စရပ်များရှိမှသာ ဟောကြားပေးမည်ဖြစ်ကြောင်း သီတဂူ ကမ္ဘာ့ဗုဒ္ဓ တက္ကသိုလ် ဒုတိယ ပါမောက္ခချုပ် ဆရာတော် ဦးကုမာရက မိန့်ကြားသည်။

“တရားဟောမယ်ဆိုရင် ကြာကြာ ထိုင်ရတယ်။ နယ်ခရီး သွားရမယ်ဆိုရင် သက်တော် ၈ဝ အရွယ်ဆိုတော့ ကားစီးရတာ မလွယ်တော့ဘူး။ မကင်းရာ မကင်းကြောင်းတွေ ရှိလာရင်တော့ ဆရာတော်ကြီးက ဟောပေးမှာပါ”ဟု ၎င်းက မိန့်ဆိုသည်။ 

မြန်မာနိုင်ငံအတွက် အရေးကြီးသော ကိစ္စရပ်များ၊ ရိုသေ လေးစားရမည့် သံဃာကိစ္စရပ်များ၊ အသက်၊ ဂုဏ်ပိုကြီးသော ဆရာတော်ကြီးများက တာဝန်ပေးအပ်သည့် ကိစ္စရပ်များတွင် တရားတော်များ ဟောကြားပေးမည်ဖြစ်ကြောင်းလည်း ဦးကုမာရက ရှင်းပြသည်။

သီတဂူ ဆရာတ်ေကြီး အနေနှင့် တစ်နှစ်လျှင် ရက်ပေါင်း ၃ဝဝ ခန့် တရား ဓမ္မများ ဟောပြောခဲ့ရာမှ စစ်ကိုင်းမြို့နယ်အတွင်း တည်ဆောက်နေသော သီတဂူ အပြည်ပြည်ဆိုင်ရာ ဝိပဿနာ တက္ကသိုလ်၌ တရားဟောခြင်း၊ တရားပြခြင်းများသာ ပြုလုပ်ပေးတော့မည်ဖြစ်ကြောင်း သီတဂူ ကမ္ဘာ့ဗုဒ္ဓ တက္ကသိုလ်ရှိ ဆရာတော်ကြီးများထံမှ သိရသည်။

သီတဂူ ဆရာတော်ကို ပဲခူးတိုင်းဒေသကြီး၊ သဲကုန်းမြို့၌ ၁၉၄၄ ခုနှစ် ဖေဖော်ဝါရီလ ၂၃ ရက်နေ့တွင် မွေးဖွားပြီး ၁၉၅၂ ခုနှစ်တွင် ရှင်သာမဏေ ပြုခဲ့ကာ ၁၉၆၁ ခုနှစ်တွင် ဓမ္မာစရိယ စာချတန်း အောင်မြင်ခဲ့သည်။

ဆရာတော်ကြီးသည် ၁၉၇၅ ခုနှစ်မှစ၍ မြန်မာပြည်အနှံ့ ဗုဒ္ဓဒေသနာများ ဟောကြားခဲ့ပြီး ၁၉၇၇ ခုနှစ်တွင် စစ်ကိုင်းတောင်ရိုး၌ သီတဂူကျောင်းတိုက်ကို စတင် တည်ထောင်ခဲ့ကာ ၁၉၈ဝ ပြည့်နှစ်တွင် သီတဂူ ရေအလှူတော် စီမံကိန်း စတင်ခဲ့သည်။

ယင်းနောက် ၁၉၈၅ ခုနှစ်တွင် သီတဂူ အာယုဒါန ဆေးရုံ တည်ထောင်ခဲ့ပြီး ၁၉၉ဝ ပြည့်နှစ်တွင် ဖွင့်လှစ်နိုင်ခဲ့ကာ လက်ရှိအချိန်အထိ မြန်မာပြည်အနှံ့မှ သံဃာတော်များကို ဆေးကုပေးလျက် ရှိသည်။

ဆရာတော်ကြီးသည် ၁၉၇၉ ခုနှစ်မှစ၍ ကမ္ဘာ့သာသနာပြု လုပ်ငန်းများ စတင်ခဲ့ရာ လက်ရှိ အချိန်အထိ နိုင်ငံပေါင်း ၄၅ နိုင်ငံကျော် လှည့်လည်၍ သာသနာပြုခဲ့ပြီးဖြစ်သည်။

ဆရာတော်သည် ယခုအချိန်၌ သီတဂူ ဗုဒ္ဓတက္ကသိုလ်တွင် စာပေ ပို့ချပေးရင်း တရား အားထုတ်မှုများ ပြုလုပ်နေပြီ ဖြစ်သည်။

THE VOICE