မြ၀တီနယ်စပ်ဂိတ်မှ တင်သွင်းလာသည့် ကားများကို တွေ့ရစဉ်
မော်တော်ယာဉ် တင်သွင်းမှုဆိုင်ရာ မူဝါဒသစ် ပေါ်ထွက်လာပြီးနောက် မြ၀တီနယ်စပ်မှ အရည်အသွေး ကောင်းမွန်ပြီ တန်ဖိုးနည်းသည့် ဂျပန်တပတ်ရစ် (Without cars) ဈေးကွက် ပိုမိုတွင်ကျယ်လာပြီး အရောင်းအ၀ယ်လိုက်ကာ ဈေးမြင့်တက်လျက်ရှိကြောင်း သိရသည်။
ကမ္ဘာ့ငွေကြေးဈေးကွက်တွင် ဒေါ်လာဈေးနှင့်အပြိုင် ထိုင်းဘတ်ငွေတန်ဖိုး မြင့်တက်လာခြင်းကြောင့် သောင်ရင်းတစ်ဖက်ကမ်းရှိ Without cars ၀ယ်ရောင်းဈေးကွက်တွင် ကားဈေးမြင့်တက်လျက် ရှိသော်လည်း ယခင်ထက် နယ်ဝယ်လက် လိုက်နေသည်ဟု ကားဝယ်ရောင်းလုပ်သူ တစ်ဦးက ပြောကြားသည်။
“ယခင်က ဘတ်ဈေးတက်ရင် မြန်မာငွေနဲ့တွက်ပြီး ဈေးလျော့ရောင်းကြတယ်။ ခုတော့ နယ်ဝယ်လက်ကလည်းလိုက်၊ လမ်းကြောင်းကလည်း သာယာနေတော့ ဈေးမကျတဲ့အပြင် မြင့်နေသေးတယ်။ ခုဘတ်ဈေးနဲ့ဆိုရင် ယခင် ကျပ် ၁၅ သိန်းတန်တဲ့ကားက ကျပ်သိန်း ၂၀ ၀န်းကျင်အထိ မြင့်တက်နေပေမယ့် အရောင်းအ၀ယ်တော့ သွက်နေတယ်” ဟု ကားဝယ်ရောင်းလုပ်နေသူ ကိုမော်ကြီးက ပြောကြားသည်။
၂၀၁၆ ခုနစ် မော်တော်ယာဉ် တင်သွင်းမှုဆိုင်ရာ မူဝါဒမှ ၂၀၁၇ မူဝါဒကို ပြောင်းလဲကြေညာလိုက်ပြီးနောက် လူစီးကားများ ဘယ်မောင်းသာ တင်သွင်းခွင့်ရမည်ဖြစ်ပြီး ညာမောင်းသွင်းလိုလျှင် စလစ်ကပ်ရပါတော့မည် ဖြစ်သည်ဟု ဆိုသည်။
“ကျွန်တော်ကတော့ ဘယ်မောင်းကားကို မကြိုက်တဲ့ထဲမှာ ပါပါတယ်။ ဂျပန်ကား ညာမောင်းကိုပဲ ကြိုက်တယ်။ ဘာလို့လဲဆိုတော့ ဂျပန်ကားအကောင်း အရည်အသွေး ပိုမြင့်လို့ပေါ့။ မူရင်းကား ထုတ်လုပ်သူ ဂျပန်ဟာ သူ့နိုင်ငံသူ့ နိုင်ငံသားတွေစီးဖို့ ထုတ်ထားတဲ့အတွက် အရည်သွေးကောင်းကောင်းနဲ့ ထုတ်ပေးထားပါတယ်။ Brand တူရင် တူမယ် နိုင်ငံကိုလိုက်ပြီး အရည်အသွေး မတူပါဘူး” ဟု ကားဝယ်ရောင်းလုပ်သူ တစ်ဦးဖြစ်သည့် ကိုဇော်မော်ထွန်းက ပြောကြားသည်။
ထို့ပြင် ပြည်တွင်းဈေးကွက်သို့ ကားတင်သွင်းနေသူ တစ်ဦးက “စိုင်းထီးဆိုင် သီချင်းလိုပါပဲ။ ဘယ်သူမဆို ကိုယ်တန်ရာပဲရမယ် ဆိုတာမျိုးပေါ့။ Japan Toyota နဲ့ Thai မှာ ထုတ်တဲ့ Toyota နဲ့ အရည်အသွေး တော်တော်ကွာပါတယ်။ ကျွန်တော်ပြောချင်တာကတော့ ကားအသစ်ဟာ အသစ်ပါ ကားအကောင်း မဟုတ်ပါဘူး။ ကျွန်တော်တို့နိုင်ငံကို Toyota က စက်ရုံလာထောင် ဘယ်မောင်းတွေလာထုတ်ရင် ၀မ်းသာရမှာကတော့ အလုပ်သမားတွေအတွက် အလုပ်အကိုင် အခွင့်အလမ်းအတွက်ပါပဲ။ ဘယ်မောင်းကား အသစ်ကြီး အတွက်တော့ ၀မ်းမသာရပါဘူး။ သေအောင်ငိုပြောလည်း ဂျပန်ကြီးက သူ့ပြည်တွင်းသုံးတဲ့ အရည်အသွေး ခင်ဗျားကို မပေးမှာ သေချာပါတယ်။ ခင်ဗျားတို့ ပြောပြောနေတဲ့ ရွှေနိုင်ငံ အရည်အသွေးကိုပဲ ပေးမှာပါ။ ကျွန်တော်ကတော့ ပြည်သူတွေ ဈေးနည်းနည်းနဲ့ ကားကောင်းကောင်း စီးစေချင်တယ်ဗျာ။ မူဝါဒချမှတ်ပေးတဲ့ ဆရာများလည်း အဖိုးနည်းဝန်ပါ ကားလေးတွေ စီးလို့ရအောင် ပြန်လည် စဉ်းစားပေးပါဦးလို့ တောင်းဆိုချင်ပါတယ်။ ခုအတိုင်း ဆိုရင်တော့ ဂျပန်တပတ်ရစ် Without cars ဈေးကွက်က ပိုပြီးတွင်ကျယ်ပြီး ဈေးမြောက်လာဦးမှာပါ” ဟု ဆိုသည်။
နယ်စပ်မှ Without cars ကုန်သွယ်မှုမှာ ပြည်တွင်းသို့ နေ့စဉ်ကားအစီးရာနဲ့ချီစီး ဆင်းနေသော်လည်း မြ၀တီနယ်စပ်မှ တရားဝင် တင်သွင်းမှုတွင် လုပ်ငန်းသုံး MiniBus, High jet, Truck ကား၊ ၁၂ ဘီး ကုန်တင်ယာဉ်၊ လယ်ယာသုံးနှင့် စက်ယန္တရားများစသည့် လုပ်ငန်သုံး ယာဉ်များသာ တင်သွင်းခွင့်ရရှိပြီး ယခင်လူကြိုက်များသည့် Vigo တစ်ခန်းခွဲကားများ တင်သွင်းခွင့် မရရှိတော့ကြောင်း သိရသည်။
ပြည်ပမှ မော်တော်ယာဉ် တင်သွင်းခြင်းအတွက် ထုတ်လုပ် ခုနှစ်သတ်မှတ်ချက်တွင် လူပုဂ္ဂိုလ်တစ်ဦးချင်း အနေဖြင့် လူစီးမော်တော်ယာဉ်များကို (၁၃၅၀ စီစီနှင့် အောက်လူစီးယာဉ်များ အပါအ၀င်) ၂၀၁၅ Model မှ ၂၀၁၇ Model အတွင်း ဘယ်မောင်း တစ်မျိုးတည်းသာ တင်သွင်းခွင့်ပြုမည်ဟု ထုတ်ပြန်ထားကြောင်း သိရသည်။
ကုန်တင်ယာဉ်များကို ၂၀၀၇ မှ ၂၀၁၇ Model အတွင်း၊ ခရီးသည်တင်ယာဉ်များ (Express) ၂၀၁၂ မှ ၂၀၁၇ Model အတွင်း ဘယ်မောင်းတစ်မျိုးသာ တင်သွင်းခွင့်ပြုထားပြီး မြို့တွင်းပြေးဆွဲသည့် ခရီးသည်တင်ယာဉ်များ (Mini Bus, City Bus) ကိုလည်း ၂၀၀၇ Model မှ ၂၀၁၇ Model အတွင်း ဘယ်မောင်း တစ်မျိုးတည်းသာ တင်သွင်းခွင့်ပြုမည်ဖြစ်ကြောင်း၊ လူစီးယာဉ်၊ ကုန်တင်ယာဉ်နှင့် ခရီးသည်တင်ယာဉ်များ ရောက်ရှိ ခုနှစ်အောက် နှစ်နှစ်နိမ့် Model ကားများကို ဘယ်မောင်း တစ်မျိုးသာ တင်သွင်းရမည်ဟု ထုတ်ပြန်ထားကြောင်း သိရသည်။
ခရီးသည်တင်ယာဉ်များ တင်သွင်းရာ၌ ကနဦး စစ်ဆေးရာတွင် မော်တော်ယာဉ် တင်သွင်းခွင့် မူဝါဒအရ ဘယ်မောင်းသာ တင်သွင်းရန်နှင့် ယာမောင်းများအဖြစ် တင်သွင်းလာကြောင်း စစ်ဆေးတွေ့ရှိပါက မှတ်ပုံတင် လုပ်ငန်းများ ဆောင်ရွက်ပေးမည် မဟုတ်ကြောင်း ကုန်းလမ်းပို့ဆောင်ရေး ညွှန်ကြားမှုဦးစီးဌာနမှ အသိပေး ကြေညာထားသည်။
Writer:
ကိုရွှေသိန်း
Eleven Media Group Co., Ltd
No comments:
Post a Comment