ထိုင်းအစိုးရနှင့် ဓမ္မကာယ စိန်ခေါ်မှု

ထိုင်းနိုင်ငံ ဝန်ကြီးချုပ်က အာဏာပိုင်များကို ညွှန်ကြားထားသည်။ ဓမ္မကာယကျောင်းကို ဝင်မစီးမီ ဆရာတော် ဓမ္မဂျာရိုကို ဦးစွာ ရအောင် ဖမ်းဆီးရန် ဖြစ်သည်။ ကျောင်းတော်ကြီးကို မြန်မြန်သိမ်းပိုက်မိလေ ထောင်ချောက်တွေက လွတ်ကင်းလေဟုလည်း အမိန့်ထုတ်ထားသည်။ ဘုန်းတော်ကြီး ဓမ္မဂျာရိုကို နှစ်သစ်တွင် ဥပဒေအတိုင်း စီရင်နိုင်ရေးသည် အရေးကြီးနေသည်။ ထို့ကြောင့် ဝန်ကြီးချုပ် ပရာယွတ် ချန်အိုချာက ရဲတပ်ဖွဲ့နှင့် အထူးထောက်လှမ်းရေးဌာန (DSI) တို့ကို ဥပဒေအတိုင်း စီရင်ရန် ဓမ္မဂျာရိုကို ဖမ်းဟု အမိန့်ထုတ်လိုက်သည်။

ဒီဇင်ဘာ ၂၇ ရက်နေ့ နံနက်ကတည်းက ရဲတပ်ဖွဲ့ဝင် ၁၀၀၀ သည် DSI အဖွဲ့နှင့် ပူးပေါင်းပြီး ဓမ္မကာယကျောင်းကို ဝိုင်းထားသည်။ သို့သော် သူတို့သည် ကျောင်းဝင်းအဝင် ဂိတ်ဝမှ အတားအဆီးများလောက်ကိုသာ ဖယ်ရှားနိုင်ကြသေးသည်။ သူတို့ စပီကာများနှင့် ကြေညာချက်များ ထုတ်ပြန်နေသော်လည်း ဘုန်းကြီးတွေက ကျောင်းဝင်းထဲ အဝင်မခံဘဲ တင်းမာမှုများ ဖြစ်နေသည်။ နေ့လယ် ၁ နာရီခွဲခန့်တွင် ရဲတပ်ဖွဲ့က ပြန်ပြီးရုပ်သိမ်းသွားခဲ့သည်။

ဓမ္မကာယ ဘုရားကျောင်းတော်ကြီးသည် ထိုင်းနိုင်ငံ ဘန်ကောက်မြောက်ဘက် ပသမ်သာနီအရပ်တွင် တည်ဆောက်ထားသည်။ ကျောင်းတော်နှင့် စေတီနေရာကို အမှီပြုပြီး လှုပ်ရှားမှုပေါင်း များစွာကိုလည်း ဆောင်ရွက်နေကြသည်။ ထိုင်းနိုင်ငံ ဘန်ကောက်ရှိ အလယ်အလတ်တန်းစားများက ကိုးကွယ်ကြပြီး သင်တန်းပေါင်းများစွာ ပို့ချကာ စည်းရုံးလှုပ်ရှားနေကြသည်။ တရားထိုင်ခြင်း၊ စာပေသင်ကြားခြင်းနှင့် စေတနာ့ဝန်ထမ်း လုပ်ငန်းများ လှုပ်ရှားခြင်း စသည့် လုပ်ငန်းများကို လုပ်ဆောင်နေသည်။ 

ဓမ္မကာယစေတီနှင့် ဘုရားကျောင်းသည် အလွန်ကြီးကျယ်စွာ တည်ဆောက်ထားပြီး ဧက ၁၀၀၀ အကျယ်တွင် ဆောက်လုပ်ထားသည်။ ထိုစေတီနှင့် ကျောင်းတော်များကို စတင်ဆောက်လုပ်စဉ် ကတည်းက ပြဿနာပေါင်း များစွာ ရှိခဲ့သည်။ ယနေ့တိုင် ပြဿနာများကို မရှင်းနိုင်ဘဲ ဖြစ်နေခဲ့ရသည်။

စေတီက ကြီးမားစွာ တည်ဆောက်ထားသလို ကိုးကွယ်ယုံကြည်သူ နောက်လိုက်တွေကလည်း ဓမ္မကာယ လှုပ်ရှားမှု (Dhammakaya Movement) အသွင်ဖြင့် လှုပ်ရှားလုပ်ဆောင်နေခြင်းများသည် ထိုင်းအစိုးရ အဆက်ဆက် ရင်မအေးဖွယ်ရာ ဖြစ်သည်။ ဓမ္မကာယဂိုဏ်း အသွင်ဖြင့် လှုပ်ရှားလာခဲ့သည်ပင် နှစ်ပေါင်း ၅၀ ခန့် ရှိနေပြီ။ မီဒီယာများက ဖွလိုက်သောကြောင့် ၁၉၉၉ ခုနှစ်မှ ၂၀၀၂ ခုနှစ်အတွင်း ထိုကျောင်းတော်၏ အရှုပ်တော်ပုံများကို လူတွေက စိတ်ဝင်စားစရာတွေ ဖြစ်လာကြသည်။ ထိုကျောင်းတော်ကလည်း မခေ၊ မီဒီယာများကို တရားပြန်စွဲသဖြင့် မီဒီယာတွေက တောင်းပန်ခဲ့ရသည်။ သို့သော် ၂၀၁၅ ခုနှစ်တွင် ဓမ္မကာယကျောင်းတော် အရှုပ်တော်ပုံများကို မျက်နှာဖုံး သတင်းများနှင့် ထပ်မံ ဖော်ထုတ်လာခဲ့ကြပြန်သည်။

ဓမ္မကာယ ကျောင်းတော်ကြီးသည် မီဒီယာ၏ ချစ်ခြင်း၊ မုန်းခြင်းကို ခံရသော ဘာသာရေး အဖွဲ့အစည်းကြီး တစ်ခုလို ဖြစ်နေသော်လည်း တိတိကျကျ ဖော်ထုတ်နိုင်ခဲ့သူ ရှားလှသည်။ ဒေါက်တာမာနိုလောင်ဟာဗာနစ်ခ်ျ ဆိုသူက ထိုဘုရားကျောင်းသည် နာဇီအယူဝါဒများနှင့် ဆက်နွှယ်မှု ရှိနေသည်ဟူ၍ပင် စွပ်စွဲထားသည်။ သို့သော် ထိုကျောင်းတော်ဝင် ကိုးကွယ်ယုံကြည်သူများကတော့ တစ်နေ့တခြား များပြီးရင်း များနေသည်။

ဓမ္မကာယဂိုဏ်းသည် ဗုဒ္ဓဘာသာကို အခြေခံထားပြီး လှုပ်ရှားနေကြသည့် အဖွဲ့အစည်းကြီးတစ်ခု ဖြစ်သည်။ သူတို့ အဖွဲ့ဝင်များသည် တစ်ကြိမ် ပွဲကျင်းပလိုက်လျှင် သန်းချီပြီး အခမ်းအနားကို တက်ရောက်ကာ အင်အားပြလေ့ ရှိသည်။ လွန်ခဲ့သော နှစ်ပေါင်း ၅၀ ခန့်က လူထောင်ဂဏန်းခန့်ဖြင့် စတင်ဖွဲ့စည်းခဲ့သော ဘာသာရေး အသင်းအဖွဲ့လေးသည် အဘယ်ကြောင့် ထိုမျှကျယ်ပြန့်လာကြောင်း ပြန်လည်သုံးသပ်စရာ ဖြစ်လာသည်။

ဓမ္မကာယ အဖွဲ့ဝင်များက ဗုဒ္ဓဘာသာကို ကမ္ဘာက သိအောင် လုပ်မည်ဆိုပြီး လှုပ်ရှားနေကြခြင်း ဖြစ်သည်ဟု ဆိုကြသည်။ သို့သော် အစိုးရနှင့် ပြဿနာပေါင်း များစွာ ရင်ဆိုင်ဖြေရှင်းနေရသည်။ ဓမ္မကာယ စေတီတော်နှင့် ကိုးကွယ်သူများကို စည်းရုံးထားနိုင်မှုက အခြားသော ရှေးဟောင်းစေတီဘုရားများနှင့် ကျောင်းများတွင် ကိုးကွယ်သူ ရှားပါလာခြင်း ပြဿနာများကိုပါ ရင်ဆိုင်နေကြရသည်။ ဓမ္မကာယတွင် အမျိုးမျိုးသော တီထွင်လှုပ်ရှားနေမှုများကလည်း စစ်မှန်သော ဗုဒ္ဓဓမ္မများ ပျောက်ကွယ်သွားမည်လားဟု သံသယပွားစရာ ဖြစ်နေကြသည်။

ဓမ္မကာယ အယူအဆများ ထိုင်းနိုင်ငံတွင် ခေတ်စားလာရခြင်းမှာ စနစ်တကျနှင့် စုဝေးလှုပ်ရှားခြင်း၊ လူမြင်ကွင်းတွင် အားကျစေလောက်သည့် စီရင်ခင်းကျင်းမှုများ ပြုလုပ်ခြင်း၊ သတင်းအချက်အလက်များကို ဖြန့်ဝေမှုများတွင် အားသာချက်များ ရှိနေခြင်းတို့ကြောင့်လည်း ပါသည်။ 

ဓမ္မကာယကျောင်း သို့မဟုတ် စေတီတော်ကို လာရောက်ဖူးမြင်တော့မည် ဆိုလျှင် လူပုဂ္ဂိုလ်များ ဆိုပါက အဖြူရောင် အပေါ်အောက် ဝတ်ဆင်လာကြရသည်။ ဖြူစင်ခြင်း ဆိုသည့် အထိမ်းအမှတ် အနေနှင့် ဝတ်ဆင်ခိုင်းသည်ဟုဆိုကြသည်။ ကျောင်းထဲကို ဝင်လိုက်လျှင် အားလုံးကို အရောင်အသွေးတူများအဖြစ် ပြောင်းလဲလိုက်ခြင်းကပင် ၁၉၇၀ ပြည့်နှစ်များတွင် ထိုင်းနိုင်ငံ၌ လှုပ်ရှားခဲ့သော ကွန်မြူနစ် လှုပ်ရှားမှုများကို ပြန်လည်အမှတ်ရစရာ ဖြစ်စေသည်ဟု မီဒီယာတွေကလည်း ထောက်ပြဝေဖန်ခဲ့သည်။

ထိုင်းနိုင်ငံ ဓမ္မကာယ လှုပ်ရှားနေသော ဗုဒ္ဓဘာသာဆိုင်ရာ လှုပ်ရှားနေမှုများသည် အစဉ်အလာ ကိုးကွယ်ယုံကြည် လှုပ်ရှားနေသည့် ဗုဒ္ဓဘာသာ သဘောတရားများနှင့် ဆန့်ကျင်နေသည်။ သူတို့ လုပ်ဆောင်နေသည့် အယူအဆနှင့် လှုပ်ရှားမှုများက တရုတ်ရိုးရာ အစဉ်အလာတွေ ပါဝင်နေသည်။ ဗုဒ္ဓဘာသာ ဘုန်းတော်ကြီးများ လိုက်နာကျင့်သုံးရမည့် ဝိနည်းသိက္ခာပုဒ်တွေကိုလည်း သူတို့ လိုက်နာချင်မှ လိုက်နာကြသည်။ သူတို့ လုပ်ဆောင်နေသည့်၊ ကျင့်ကြံအားထုတ် ပြောဆိုနေသည့် သဘောတရားများကပင် ဗုဒ္ဓဘာသာနှင့် ဖြောင့်ဖြောင့်ကြီး ဆန့်ကျင်နေမှုများ ရှိနေသည်။ ထို့ကြောင့်လည်း ပညာရှင်များက ဗုဒ္ဓဘာသာ မဟုတ်ဟု ပြောဆိုဝေဖန်ခဲ့ကြသည်။ 

ဓမ္မကာယအဖွဲ့သည် နိုင်ငံရေးနှင့် ပတ်သက်နေကြောင်း ဝေဖန်သူများလည်း ရှိသည်။ အထူးသဖြင့် ထိုင်းနိုင်ငံတွင် နာမည်ကျော်သည့် ရှပ်နီနိုင်ငံရေး အုပ်စုဝင်များသည် ဓမ္မကာယအဖွဲ့ဝင် ဂိုဏ်းသားများ ဖြစ်နေကြသည်ဟု ဆိုကြသည်။ သို့သော် အများအမြင်တွင် ဘာသာရေးအသွင် ဝတ်ပြုတရားထိုင်နေကြသူများကိုသာ တီဗီလိုင်းများတွင် တွေ့နေကြရပြီး နောက်ကွယ်တွင် နာဇီကွန်မြူနစ်တွေ ရှိနေပြီး အကြမ်းဖက် နိုင်ငံရေးသမားများကို ထောက်ပံ့နေသည် ဆိုခြင်းက အစိုးရများကို ရင်လေးစရာ ဖြစ်ခဲ့ရသည်။ 

ဓမ္မကာယ အသင်းကြီးတွင် ထိပ်ပိုင်းက လှုပ်ရှားနေသည့် ခေါင်းဆောင်များကလည်း ရှပ်နီခေါင်းဆောင်တွေ ဖြစ်နေသည် ဆိုခြင်းက စိတ်ဝင်စားစရာ ဖြစ်သည်။ ဓမ္မအရိပ်ကိုခိုပြီး နိုင်ငံရေးကို မည်သို့အကွက်ချကာ ကြံဖန်နေမည် ဆိုခြင်းကို မည်သူမျှ မသိနိုင်လောက်အောင်လည်း ဖြစ်သည်။ 

ဓမ္မကာယအဖွဲ့ကြီးကို ဦးဆောင်နေသည့် ဆရာတော်မှာ ဖရာဓမ္မဂျာရို ဖြစ်သည်။ ဓမ္မကာယအဖွဲ့ကြီး၏ တရားမဝင် လုပ်ဆောင်နေမှုများဖြင့် ဖမ်းဝရမ်း လေးခု အထုတ်ခံထားရသူလည်း ဖြစ်သည်။ သူကျူးလွန်သည့် အထဲတွင် သစ်တောမြေဧရိယာများအပေါ် ကျူးကျော်ဆောက်လုပ်ထားခြင်းလည်း ပါဝင်နေကြောင်း တွေ့ရသည်။

ဒေသဆိုင်ရာ ရဲတပ်ဖွဲ့ ဒုတိယရဲမှူး စရီဗာရာ ရမ်ဆီဘရာမာနာကူးက ရဲတပ်ဖွဲ့ဝင်များသည် ယောင်နွိုင်းကျွန်းတွင် ဖွင့်လှစ်ထားသည့် တရားစခန်းကို စစ်ဆေးနေကြောင်း သိရသည်။ ထိုဒေသတွင် တရားစခန်းကို သစ်တောဧရိယာပေါင်း များစွာအား ခုတ်ထွင်ရှင်းလင်းပြီး ဆောက်လုပ်ထားမှုအပေါ် အရေးယူရန်လည်း စီစဉ်နေကြသည်။ 

ဒုရဲမှူးက စေတီအဖြစ် နေရာယူထားသည့် ဝန်းကျင်သည်ပင် နိုင်ငံသစ်တော ဆယ်ခုစာလောက် ရှိသည်ဟု ဆိုသည်။ အစိုးရက ဘုန်းတော်ကြီး ဓမ္မဂျာရိုကို ဘတ်ငွေ ဘီလီယံပေါင်းများစွာကို ငွေဖြူအဖြစ် လုပ်ဆောင်မှုဖြင့်လည်း စစ်ဆေးရန် အလိုရှိနေသည်။ ရဲတပ်ဖွဲ့ဝင်များက ဖမ်းဝရမ်းများနှင့် ဆင့်ခေါ်စာများကို လာပေးသော်လည်း ကျောင်းဝင်းထဲက လက်ထောက်ဖြစ်သူကသာ လာယူပြီး ဓမ္မဂျာရို ကိုယ်တိုင် လာရောက်ယူခြင်း မရှိခဲ့ပေ။

ပြဿနာများ မတင်းမာမီ ဒီဇင်ဘာ ပထမပတ်ကတည်းက ဓမ္မကာယအဖွဲ့ကြီးသည် ဓမ္မဂျာရိုကို အဖွဲ့ကြီး၏ တာဝန်များက အနားပေးလိုက်ပြီး သူ့အား ဂုဏ်ထူးဆောင် ဘုန်းတော်ကြီးတစ်ပါး အနေနှင့်သာ ထားရှိကြောင်း သတင်းထုတ်ပြန်ထားသည်။ ထိုသို့ ထုတ်ပြန်လိုက်ရခြင်းကလည်း သစ်တောဧရိယာများကို သိမ်းပိုက် ကျူးကျော်ထားကြောင်း၊ ငွေမည်းခဝါချကြောင်း၊ သာသနာပိုင် ပစ္စည်းများကို ခိုးယူထားကြောင်း စွပ်စွဲချက်များ ပေါ်ပေါက်လာပြီးနောက် ထွက်ပေါ်လာသည့် သတင်းများ ဖြစ်သည်။ 

ဓမ္မဂျာရိုသည် အသက် ၇၂ နှစ် ရှိပြီ ဖြစ်သည်။ သူသည် ၁၉၇၇ ခုနှစ်ကတည်းက ရဟန်းဘောင်ကို ဝင်ခဲ့ပြီး ဖရာ သက် ယာမဟာမုနိဆိုသည့် အခြားအမည်ခွဲဖြင့်လည်း ထင်ရှားသူဖြစ်သည်။

ဓမ္မဂျာရိုကလည်း ခေသူမဟုတ်ဟု ဆိုရမည်။ ဒီဇင်ဘာ ၂၆ ရက်နေ့က ‘ငါ့ကို ဖမ်းနိုင်ရင် ဖမ်းစမ်း’ ဟု စိန်ခေါ်ချက် ထုတ်ပြန်ခဲ့သည်။ ထို့ကြောင့် ရဲတပ်ဖွဲ့က ၂၇ ရက်နေ့တွင် ကျောင်းဝင်းရှေ့ကို အလုံးအရင်းနှင့် ပိတ်ဆို့ပြီး ဖမ်းရန် ပြင်ဆင်နေသော်လည်း ထောက်ခံသူများနှင့် ဘုန်းကြီးများကို ရင်ဆိုင်ရပြီး ပဋိပက္ခ ဖြစ်လာမည် စိုးရိမ်သောကြောင့် တပ်ဆုတ်ပြန်ခဲ့ရခြင်း ဖြစ်သည်။ 

ဘုန်းကြီးကျောင်းထဲတွင် လူအုပ်ကြီးကလည်း ရောက်နေပြီး ရဲတပ်ဖွဲ့ဝင်များနှင့် DSI အဖွဲ့တို့ ရောက်လာချိန်တွင် ကျောင်းဂိတ်ပေါက်ဝတွင် ပိတ်ရပ်ထားကြသည်။ လူ ၆၀၀ ခန့်သည် ရဲတပ်ဖွဲ့ကို ရှေ့မတိုးနိုင်ရန် ပိတ်ဆို့ထားကြောင်း သတင်းမီဒီယာများက ထုတ်ပြန်ခဲ့ကြသည်။ 

ဘုန်းကြီးကျောင်း ဂိတ်ပေါက်ကို နှစ်ခုသာ ဖွင့်ထားသည်။ ဂိတ်နံပါတ် ၅ နှင့် ၆ ဖြစ်သည်။ ကျောင်းထဲကိုလည်း ဘုန်းကြီးများနှင့် သူတို့အသင်းဝင် ဘာသာရေး ဝတ်ပြုမည့် သူများကိုသာ ဝင်ခွင့်ပြုထားသည်။ မီဒီယာကလည်း ဘယ်အချိန် ရဲတွေက ဝင်စီးပြီး ဓမ္မဂျာရိုကို ဖမ်းမည်နည်း ဆိုသည်ကို အကွက်ချောင်းနေကြသည်။ 

DSI အဖွဲ့ အရာရှိများက ဒရုန်းယာဉ်တစ်စီးကို ဂိတ်အမှတ် ၄ တွင် လွှတ်တင်ပြီး ကျောင်းဝင်းထဲရှိ အခြေအနေများကို ထောက်လှမ်းခဲ့သည်။ ၁၀ မိနစ်ခန့်သာ လွှတ်တင်ရသေးသည် ကျောင်းဝင်းထဲ တစ်နေရာက ထိုဒရုန်းယာဉ်ကို ဖျက်ဆီးရန် လေဆာဖြင့် နောက်ယောင်ခံနေသောကြောင့် ချက်ချင်း ပြန်ခေါ်သိမ်းခဲ့ရသည်။

ဒီဇင်ဘာ ၂၇ ရက်နေ့ နံနက် ၇ နာရီအချိန်ခန့်တွင် ဂိတ်အမှတ် ၆ တွင် မိုးကာအင်္ကျီများ ဝတ်ထားပြီး မျက်နှာဖုံး တပ်ထားသော လူများရောက်လာပြီး ဂိတ်ကို ပိတ်ထိုင်ကာ လူသားတံတိုင်းပုံစံ လုပ်ထားသည်။ နံနက် ၁၀ နာရီခန့်တွင် ရဲတပ်ဖွဲ့ဝင်များက အတားအဆီးများကို ဖယ်ရှားရန် ကြေညာချက်ထုတ်သည်။ ဂိတ်ပေါက်ရှေ့တွင် လာချထားသည့် အတားအဆီးများကိုလည်း ၁၀ မိနစ်အတွင်း ဖယ်ပေးရန် အမိန့်ထုတ်လိုက်သည်။ ၁၂ နာရီခွဲတွင် ကျောင်းရှေ့ရှိ အတားအဆီးများကို ဖယ်ရှားနိုင်ခဲ့သော်လည်း ကျောင်းထဲကို မ၀င်နိုင်သေး။ ၁ နာရီခွဲတွင် ရဲတပ်ဖွဲ့ဝင်များသည် တပ်ပြန်ဆုတ်ခဲ့ကြောင်း Bangkok Post သတင်းတွင် ရေးသားထားသည်။

ဓမ္မကာယကျောင်းကို ၀င်စီးသိမ်းပိုက်နိုင်ရေးနှင့် ဓမ္မဂျာရိုဘုန်းကြီးကို ဖမ်းဆီးစစ်ဆေးရေးသည် စစ်အစိုးရအတွက် စိန်ခေါ်ချက်တစ်ခု ဖြစ်လာသည်။ ယခင်ကျားများမွေးမြူပြီး စီးပွားရှာနေသည့် ကျားဘုန်းကြီးကျောင်းကိုလည်း ပရာယွတ်က နှိမ်နင်းခဲ့ပြီး ဖြစ်သည်။ ယခုတစ်ကြိမ် အင်အားအလွန်ကြီးသည့် ဓမ္မကာယအဖွဲ့ကြီးကို မည်သို့ အရေးယူနှိမ်နင်းမည် ဆိုသည်က စိတ်ဝင်စားစရာ ဖြစ်သည်။

ထိုင်းလူ့ဘောင်တွင် အင်အားကြီးလာသည့် ပုန်ကန်တိုက်ခိုက်လာသူများကို ကွန်မြူနစ်ခေါင်းစဉ် တပ်ထားတတ်သည်။ ယခုလည်း ဓမ္မကာယအဖွဲ့ကို နာဇီကွန်မြူနစ်တွေဟု အသံလွှင့်ထားသည်။ ဗုဒ္ဓဘာသာ အယောင်ပြပြီး ကြောက်စရာ ကောင်းလောက်အောင် လှုပ်ရှားနေသော အဖွဲ့ကြီးတစ်ဖွဲ့ကို ထိုင်းအစိုးရသစ် မည်သို့ ကိုင်တွယ်ဖြေရှင်းမည် ဆိုခြင်းမှာ စောင့်ကြည့်ကြရမည်သာ ဖြစ်သည်။ 

THE VOICE