Sunday, October 30, 2016

မရမ်းကုန်းမြို့နယ်၊ မြိုင်ဟေ၀န်ပန်းခြံအတွင်းရှိ ရေကန်အတွင်းမှ သေနတ် ၂ လက်နှင့် ကျည်များတွေ့ရှိ

 


ရန်ကုန်၊ အောက်တိုဘာ ၂၉

၂၉.၁၀.၂၀၁၆ ရက်နေ့ ၁၆၃၀ အချိန်ခန့်တွင် မရမ်းကုန်းမြို့နယ်၊ (၅)ရပ်ကွက်၊
ကမ္ဘာအေးဘုရားလမ်း၊ မြိုင်ဟေ၀န်ပန်းခြံအတွင်းရှိ ရေကန်အတွင်းမှ
သေနတ် ၂ လက်နှင့် ကျည်များတွေ့ရှိကြောင်းသတင်းအရ မရမ်းကုန်း
မြို့နယ်ရဲတပ်ဖွဲ့မှ တပ်ဖွဲ့ဝင်များက တာဝန်ရှိသူများနှင့်အတူ သွားရောက်
စစ်ဆေးခဲ့ပါသည်။


ထိုသို့စစ်ဆေးခဲ့ရာ မရမ်းကုန်းမြို့နယ်နေ ကိုကျော်မင်းဟိန်းမှ အဆိုပါကန်
အတွင်းငါးမျှားစဉ် ငါးမျှာချိတ်နှင့် ချိတ်မိပြီးပါရှိလာသည့် ကြွပ်ကြပ်အိတ်
အတွင်းမှ သေနတ်အိတ်အတွင်းထည့်ထားသော Webley Patents
စာတမ်းပါ သံချေးတက်နေသည့် .၃၈ ဗို့ ခြောက်လုံးပြူးသေနတ် ၁ လက်၊
သားရေချိုင်းလွယ် သေနတ်အိတ်အတွင်းထည့်ထားသော 7.65 MM.90
စာတမ်းပါ အီတလီနိုင်ငံထုတ် သံချေးတက်နေသည့် ပစ္စတိုသေနတ်
၁ လက်နှင့် ၎င်းကျည်အိမ်တပ်လျက် ၁ ခု၊ ၎င်းကျည် ၅၆ တောင့်၊ .၃၈ ဗို့
ခြောက်လုံးပြူးကျည် ၁ တောင့်၊ 5.56 M ကျည်အိမ်အတို ၁ ခုနှင့် ၎င်း
ကျည်အိမ်အတွင်းမှ 72 MM ကျည် ၁၁ တောင့်၊ ၉ မမ ကျည် ၁ တောင့်၊
S&B 7.65 B စာတမ်းပါ ကျည် ၂ တောင့်တို့အား စစ်ဆေးတွေ့ရှိရသဖြင့်
သိမ်းဆည်းထားရှိပြီး စုံစမ်းဆောင်ရွက်လျက်ရှိကြောင်း သတင်းရရှိ
ပါသည်။

Yangon Police

No comments: