၂၀၁၆ ၊ ဇွန်လ ၂၉
#ကိုခွန်
တရုတ်ပြည်သို့ တရုတ်မယားအဖြစ် ရောင်းချခံရဆဲ မြန်မာအမျိုးသမီးငယ် ၂ဦး အား MAT နှင့်မြန်မာလူကုန်တားရဲတပ်ဖွဲ့တို့ ပူးပေါင်းဆောင်ရွက်မှုဖြင့် ပြန်လည် လွတ်မြောက်လာခဲ့ကြောင်း သတင်းရရှိသည်။
ပခုက္ကူမြို့နယ်၊……မှ အသက် ၂၅ နှစ်အရွယ် မစန်းနွဲ့နှင့် အသက် ၁၉နှစ် မမေသင်္ကြန် တို့ကို ဦးလော ဆိုသည့် တရုတ်တစ်ဦး ခေါ်ဆောင်သွားကြောင်း မိဘ များ က အုန်းချောရပ်ကွက် NLD သတင်း နှင့် ပြန်ကြားရေး နှင့် ရွှေချောင်း ရပ်ကွက် အုပ်ချုပ်ရေးမှူးတို့က MAT အဖွဲ့သို့ အကူညီတောင်းခံလာခဲ့သည်။ အဆိုပါနေရာသို့ ရောက်ရှိနေသော MAT အဖွဲ့ဝင် ကိုစောခွန်နောင်ဦးက ဘန်ကောက်MATရုံးသို့ သတင်းပေးပို့သည်။ ထိုမှ မန္တလေးလူကုန်တားတပ်ဖွဲ့တို့ဖြင့် ပူးပေါင်း၍ စုံစမ်းဖေါ် ထုတ်ခဲ့သဖြင့် ဇွန်လ ၁၆ ရက်နေ့က မိဘများလက်သို့ ပြန်လည်အပ်နှံနိုင်ခဲ့သည်။
ဘန်ကောက်အခြေစိုက် ထိုင်းနိုင်ငံရောက်မြန်မာနိုင်ငံသားများအဖွဲ့ MAT သည် ဇွန်လ ၁-ရက်နေ့ညဥ့် က ရန်ကုန်မြို့ အင်းစိန် ရွှေဝါ၂လမ်း အိမ်အမှတ် (၁၄၃) တွင် စင်္ကာပူနိုင်ငံသို့ ပို့ဆောင်ရန်အတွက် တရားမ၀င် စုဆောင်းထားသည့် စစ်ကိုင်းတိုင်း တမူမြို့မှ အမျိုးသမီး ၁၈ ဦးကို ရန်ကုန်တိုင်း လူကုန်တားတပ်ဖွဲ့မှူး ဦးရဲဝင်းအောင် ၏ အကူညီဖြင့် စုံစမ်းဖေါ်ထုတ်နိုင်ခဲ့သည်။ အလားတူ ယခုလအတွင်း ချင်းပြည်နယ်မှ မလးရှားသို့ လူကုန်ကူးသူ ၂ဦးကိုလည်းပူးပေါင်း ဖမ်းဆီးနိုင်ခဲ့သည်။
ရန်ကုန်တိုင်းလူကုန်တား ရဲတပ်ဖွဲ့မှူးနှင့်အတူ ၂၀၁၅ ခု နိုဝင်ဘာကလည်း ထိုင်းနိုင်ငံ ငါးဖမ်းလှေသို့ပို့ ဆောင်မည့် အလုပ်သမား၂ဦးနှင့် ပွဲစားတစ်ဦးတို့ကို ရန်ကုန်ကမ်းနားလမ်း River View ဟိုတယ်တွင်ဖမ်းဆီးကယ်ထုတ်နိုင်ခဲ့သည်။
MAT အဖွဲ့ ဒါရိုက်တာ ဦးကျော်သောင်း က“ ကျနော်တို့ဒီနှစ် ၆လအတွင်းမှာ လူကုန်ကူးခံရသူပေါင်း သုံးရာကျော်ကယ်ထုတ်နိုင်လိုက်ပြီ။ အယင်နှစ် အရေအ တွက် ၂ဆလောက်ဖြစ်နေပြီ။ ဒီနှစ်ထဲမှာ ထူးခြားတာက မူဆယ်၊ မန္တလေး၊ ရန်ကုန်၊ ကော့သောင်း၊ စစ်ကိုင်း၊ ချင်းပြည်နယ်ကအစ ကျနော်တို့MAT ကို လှမ်းပြီးတော့ အကူညီတောင်းနေကြတယ်။
သတင်းအချက်အလက်တွေကိုအတိအကျစုဆောင်းပြီး မြန်မာအစိုးရလူကုန်တား တပ် ဖွဲ့နဲ့ပူးပေါ င်းေ ဆာင်ရွက်ကြတာပါ။ အထူးသဖြင့်တရုတ်ဘက်ကို ပိုဂရုစိုက် ဖို့လို သလို ထိုင်းဘက်ကို ထွက်ခွာလာတဲ့သူတွေကိုလည်း နယ်စပ်မှာမှတ်တမ်း ကောင်းေ ကာင်းပြုထားနိုင်ဖို့လိုပါမယ်” ဟုပြောသည်။
မြန်မာနိုင်ငံတွင်လူကုန်ကူးမှုလျှော့မသွားသည့်အပြင်ပိုမိုများပြားလာခြင်းကြောင့်
အမေရိကန်နိုင်ငံကလူကုန်ကူးမှုအဆိုးဆုံးစါရင်းTair3ထည့်သွင်းတော့မည်ဖြစ်သည်။
အီးယူနှင့်အမေရိကန်တို့ လူကုန်ကူးမှုအဆိုးဆုံးစါရင်းတင်သွင်းခြင်းနှင့် ထိုင်းနိုင်ငံ မှ ကျွန်ပြုခံ အလုပ်သမား၏ လုပ်အားဖြင့် ထုတ်လုပ်သည့် ပင်လယ်အစားအစာများ ကို စုံသုံးရန်ပိတ်ပင်ခြင်းမှာ မှန်ကန်သည်ဟု ဆိုနိုင်သော်လည်း လူကုန်ကူးမှုသားကောင်းဖြစ်ရသည့်
မြန်မာပြည်ထွက်ကုန်များကို ပိတ်ပင်ရန်မသင့်ပေ။
အစိုးရကိုဖိအပ်တစ်ရပ်အနေဖြင့် သတ်မှတ်ခြင်းကသပ်သပ်ဖြစ်သင့်ပြီး အရာရာ ချို့ငဲ့နေသည့် မြန်မာလူကုန်တားရဲတပ်ဖွဲ့အား (လူအင်အားဖြည့်တင်းခြင်း၊ နည်းပ ညာနှင့်
ထောက်ကူပစ္စည်းများပံ့ပိုးခြင်းများအပြင် စရိတ် စကများ)အပြည့်အ၀
ကူညီပေးခြင်းများ ပြုလုပ်သင့်သည်။ မြန်မာနိုင်ငံသည်ထိုင်းနိုင်ငံကဲ့သို့
လူကုန် ကူးခံရသူများဖြင့်ကုန်ထုတ်လုပ်ငန်းကို
လုပ်ကိုင်နေသည့် နိုင်ငံမဟုတ်ပါ။
အလုပ်အကိုင်အခွင့်အလမ်းများ နည်းပါး၍
ပြည်ပထွက်ခွာအလုပ်လုပ်ကိုင်ကြရာမှအမြတ်ထုတ်ခံရခြင်းဖြစ်ပါသည်။
မြန်မာနိုင်ငံသားများ လူကုန်ကူးမှု ကိုဖြစ်ပေါ်စေသော
အဓိကအကြောင်းတရားမှာမြန်မာနိုင်ငံကို အုပ်ချုပ်ခဲ့ကြသူများက
၈၀ ရာခိုင်နုန်းကျော်သော တောနေလူတန်းစား တောင်သူလယ်သမား များအတွက် အလုပ်အကိုင်အခွင့်အလမ်းများ မဖန်တီးပေးနိုင်ခြင်းသာမက လယ်ယာမြေများနှင့် မြစ်ချောင်းအင်းအိုင်များကို အာဏာပိုင်များ နှင့် နီးစပ်သည့် ခရိုနီများက သိမ်းပိုက်ကြခြင်းများကြောင့် အဓိကဖြစ်သည်။ ထို့ကြောင့် အလုပ်လက်မဲ့ပိုင်ဆိုင်မှုမဲ့ကာ ရေကြည်ရာမျက်နုရာကို ထွက်ခွာဖို့ တွန်းအားဖြစ်စေသည်။နေရပ်ရင်းတွင်ဆက်လက်အသက်ရှင်
ရပ်တည်ရေးအတွက်မဖြစ်နိုင်တော့သည့်အခြေအနေကို
အစိုးရများကဖန်တီးခဲ့ပါသည်။
ထို့အပြင် ပညာတတ်လူတန်းစားများအတွက်လည်း ဘ၀ရပ်တည်ရေးအတွက် လုံလောက်သည့်လစာဖြင့် အလုပ်အကိုင်များမရရှိနိုင်ခြင်းတို့ကြောင့်
မြန်မာနိုင်ငံမှ အရွယ်ရောက်ပြီးသူတိုင်း ပြည်ပနိုင်ငံများသို့ ရရာလမ်းမှ ထွက်ခွာနေကြခြင်းဖြစ်ကြောင်း ဦးကျော်သောင်း ကသုံးသပ်ပြောဆိုသည်။
NLD အစိုးရသစ်အနေဖြင့် မြန်မာအများစုလူကုန်ကူးခံနေကြရသော တရုတ်နိုင်ငံနှင့် ထိုင်းနိုင်ငံတို့တွင် သက်ဆိုင်ရာနိုင်ငံ လူကုန်တားတပ်ဖွဲ့များနှင့် အလျှင်အမြန် ပူးပေါင်းဆောင်ရွက်နိုင်ရေးအတွက် လူကုန်တားရဲအရာရှိများခန့်ထားရန် အလျှင်အမြန်
စီစဉ်ဆောင်ရွက်သင့်ကြောင်း MAT အဖွဲ့ကအကြံပြုပြောဆိုသည်။
via # ကျိုက်မရော မုဒုံ
No comments:
Post a Comment