Monday, December 28, 2015

ယိုးဒယားကုန်ပစ္စည်းယခင်ထက်ဈေးနှုန်းမြင့်တက် လက်ရှိမြန်မာ-ထိုင်းကုန်သွယ်ရေးလမ်းကြောင်း ပိတ်ဆို့ထားမှုကြောင့် မဟုတ်ဒေါ်လာဈေးမတည်ငြိမ်ခြင်းကြောင့်သာဖြစ်

[ပြည်တွင်းသတင်း]ယိုးဒယားကုန်ပစ္စည်းယခင်ထက်ဈေးနှုန်းမြင့်တက် လက်ရှိမြန်မာ-ထိုင်းကုန်သွယ်ရေးလမ်းကြောင်း ပိတ်ဆို့ထားမှုကြောင့် မဟုတ်ဒေါ်လာဈေးမတည်ငြိမ်ခြင်းကြောင့်သာဖြစ်
================================================
ရန်ကုန်၊ဒီဇင်ဘာ(၂၈)

ယိုးဒယားကုန်ပစ္စည်းများယခင်ထက်ဈေးနှုန်းမြင့်တက်လာခြင်းသည်လက်ရှိမြန်မာ-ထိုင်းကုန်သွယ်ရေး လမ်းကြောင်း ပိတ်ဆို့ထားမှုကြောင့်ဟုသတင်းများထွက်ပေါ်နေသော်လည်း မှန်ကန်ခြင်းမရှိပဲ ဒေါ်လာဈေး မတည်ငြိမ်ခြင်းကြောင့်သာဖြစ်ကြောင်းမင်္ဂလာဈေးရှိယိုးဒယားကုန်ပစ္စည်းအရောင်းဆိုင်များမှသိရသည်။
“ကုန်ပစ္စည်းတွေကကျသွားတယ်မရှိဘူးတက်လာတာကြီးပဲ။ တက်တာကလည်းကုန်ပစ္စည်းပေါ် မူတည်တာတော့ အနည်းအများရှိတာပေါ့လေ။ အတိအကျကတော့ကုန်ပစ္စည်းကိုကြည့်ပြီးပြောရမှာပဲ။ ကုန်ပစ္စည်းတက်လာတာတစ်လကျော်လောက်ရှိပြီဒေါ်လာဈေးတက်လာကတည်းကလို့ပြောရမယ်။ကျွန်တော်တို့သိထားသလောက်ဆိုရင်ကုန်သွယ်းရေးလမ်းကြောင်းကိစ္စနဲ့မဆိုင်ဘူး၊နောက်ပြီးအရောင်းအ၀ယ်ကအေးတော့အရင်ဝယ်ထားတဲ့ပစ္စည်းတွေတောင်မကုန်သေးလို့ထပ်မ၀ယ်ဖြစ်သေးဘူး။ကုန်ပစ္စည်းအ၀င်အထွက်ကလည်းလောလောဆယ်တော့ဘာမှမဖြစ်သေးဘူး။အခုအချိန်ကသူတို့နှစ်သစ်ကူးကာလာမို့လို့တစ်လပိတ်ထားတယ်။အဲဒီကာလအတွင်းမှာဝယ်လို့လည်းမရသလိုသွင်းလို့လည်းမရဘူး”ဟုမင်္ဂလာဈေးရှိယိုးဒယားအထည်များရောင်းသောဖိုးသောကြာအထည်ဆိုင်ပိုင်ရှင်ကိုဇော်မိုးကပြောသည်။
ထိုင်းရောက်မြန်မာနိုင်ငံသားနှစ်ဦးကိုထိုင်းအစိုးရကသေဒဏ်ချမှတ်လိုက်ခြင်းနှင့်ပတ်သက်ပြီးနောက်နှစ်နိုင်ငံကုန်သွယ်ရေးလမ်းကြောင်းခေတ္တပိတ်ထားလိုက်ရာယင်းကဲ့သို့သတင်းများထွက်ပေါ်လာခဲ့သည်။
ကုန်ပစ္စည်းများအရောင်းအ၀ယ်အေးခြင်းသည်သဘာဝဘေးအန္တရာယ်ကျရောက်ပြီးအချိန်မှစတင်ဖြစ်ပေါ်လာခဲ့ကြောင်း၊ယိုးဒယားကုန်ပစ္စည်းများတင်မကအခြားကုန်ပစ္စည်းများပါအရောင်းအ၀ယ်အေးကြောင်းမင်္ဂလာဈေးရှိကုန်ပစ္စည်းအရောင်းဆိုင်များကဆိုသည်။

နိုင်မင်းလွင်

No comments: