Wednesday, September 30, 2015

တိုင်းရင်းသား ၈ ဖွဲ့ အပစ်ရပ် လက်မှတ်ထိုးမယ်

တိုင်းရင်းသား ၈ ဖွဲ့ အပစ်ရပ် လက်မှတ်ထိုးမယ်

တစ်နိုင်ငံလုံး အပစ်အခတ်ရပ်စဲရေး စာချုပ်ကို တိုင်းရင်းသား အဖွဲ့ (၇) ဖွဲ့က လက်မှတ် ရေးထိုးမယ်လို့ ချင်းမိုင်မှာ ပြုလုပ်တဲ့ တိုင်းရင်းသား ထိပ်သီး အစည်းအဝေးမှာ သဘောထား ကြေညာလိုက်ပါတယ်။

ရှမ်းပြည် တပ်မတော် တောင်ပိုင်း နဲ့ဆိုရင် တိုင်းရင်းသား အဖွဲ့ (၈) ဖွဲ့ လက်မှတ်ထိုးမယ်လို့ ပြောလို့ ရပါတယ်။ ဒါပေမယ့် အဖွဲ့ကြီးတွေနဲ့ အများစုက အပစ်အခတ် ရပ်စဲရေး စာချုပ်မှာ လက်မှတ် မထိုးသေးပါဘူး။

လက်မှတ် ထိုးမယ့်အဖွဲ့နဲ့ လက်မှတ် မထိုးမယ့်အဖွဲ့တို့ အများအမြင်မှာ စည်းရုံးရေး မရှိဘူးလို့ မြင်နိုင်ကြောင်း ဆိုပါတယ်။

ဒါပေမယ့် တိုင်းရင်းသား ခေါင်းဆောင်တွေကတော့ တစ်ဖွဲ့ခြင်း အခြေအနေပေါ် မူတည်ပြီး ဆုံးဖြတ်ရတာ ဖြစ်လို့ မျက်နှာပျက်စရာ မဟုတ်ဘူးလို့ ပြောပါတယ်။ အပစ်အခတ် ရပ်စဲရေး လက်မှတ် ရေးထိုးကြမယ့် အဖွဲ့တွေက KNU၊ DKBA၊ ပီစီ ငြိမ်းချမ်းရေး ကောင်စီ၊ ANLP ရခိုင်၊ ABSDF ကျောင်းသား တပ်မတော်၊ PNLO ပအို့နဲ့ CNF ချင်း အဖွဲ့တွေ ဖြစ်ပါတယ်။

FCSS ရှမ်းပြည် တပ်မတော် တောင်ပိုင်းက လက်မှတ် ရေးထိုးဖို့ ကရင် ၃ ဖွဲ့ နဲ့ ပူးပေါင်း ကြေညာချက် ထုတ်ထားတဲ့အတွက် လက်မှတ် ရေးထိုးမယ့်အဖွဲ့ အားလုံးပေါင်းရင် (၈) ဖွဲ့ ဖြစ်သွားမှာ ဖြစ်တယ်လို့ ဆိုပါတယ်။

လက်မှတ် မထိုးမယ့် အထဲမှာ KIO ကချင်အဖွဲ့၊ မွန်ပြည်သစ်၊ KNPP ကရင်နီ တို့အပြင် SSPP ရှမ်းပြည် တပ်မတော် မြောက်ပိုင်း အဖွဲ့တို့လို အဖွဲ့ကြီး ၁၄ ဖွဲ့ ကျန်တယ်လို့ ဆိုပါတယ်။

အမြင်ချင်း မတူပေမယ့် ရှေ့ဆက် လက်တွဲ လုပ်ဆောင်သွားဖို့ မူဝါဒကိုလည်း ချမှတ်ထားတယ်လို့ ချင်းမိုင် တိုင်းရင်းသား ထိပ်သီးအစည်းအဝေး ရဲ့ ပြောရေးဆိုခွင့် ရှိသူ ပူဇင်ကျုံးက ပြောပါတယ်။

အပစ်အခတ် ရပ်စဲရေး စာချုပ် လက်မှတ် ရေးထိုးမယ့် နေ့ကို လာမယ့် (၃) ရက်အတွင်း အစိုးရ နဲ့ ညှိနှိုင်းပြီး တရားဝင် ဖိတ်စာပို့သွားမယ်လို့ အစည်းအဝေး တက်ရောက်ခဲ့တဲ့ တိုင်းရင်းသား ခေါင်းဆောင် တစ်ဦးက ပြောပါတယ်။



$$$မိုးညှင်းသတင်း apk မှကြော်ငြာရှင်များဖိတ်ခေါ်ခြင်း$$$$ မိမိတို့၏လုပ်ငန်းများကိုအချိန်တိုအ တွင်းမှာလူသိများလာအောင် မိုးညှင်းသတင်း apk မှဆောင်ရွက်ပေးပါမည် $$ကြော်ငြာခနှုံးထားများ$$ တစ်ရက် နှစ်ကြိမ်တင် ၁၀၀၀ ကျပ် သတင်းapk ရဲ့ထိပ်မှာ ၁၂ နာရီကြာတင်ထားမယ်ဆိုရင် တစ်ရက် ၂၀၀၀ ကျပ် ပေးပို့ရန် ကြော်ငြာမည့်စာသား ဓါတ်ပုံ ၃ ပုံထိလက်ခံပါသည် ငွေပေးချေရန်Telenor Ooredoo ငွေဖြည့်ကက်ပို့ပေးရပါမည်

No comments: